تعالى نتكلم بصراحه ومن قلبنا

من طرف **Crespowbas** الثلاثاء نوفمبر 27, 2007 10:03 pm

السلام عليكم جميعا

موضوع بســــــــــــــــــــــــــــــيط جدا

والله لو انت ولد او بنت ممكن تشرحلنا انت بتحب ازاى

او احساسك بالحب ايه

او بتقدم لحبيبتك ايه علشان تسبتلها ان انت بتحبها

وهل انت واثق انك بتحبها مش بتخدعها واثق يعنى من مشاعرك دى

يعنى لو هى سألتك انت بتحبنى ولا لا ء هاتقولها ايه هاتقولها طبعا

وانتى لو الولد قالك بتحبينى ولا لاء ردك له ايه

بحبك ولا هاتقولها انتى حاسه بأيه يا حبيبتى والكلام اللى بيتقال ده

وانتى هاتقولى نفس الكلام

باختصار عايز اعرف كل واحد بيحب ازاى

من طرف **ahmedelamir64** الأربعاء نوفمبر 28, 2007 7:59 pm

محمد انا بحب مواضيعك في الحب اوي
بس موضوع بتحب ازاي ده مشكله
عشان كل واحد ليه طريقه مختلفه في حبه يعني مفيش حد بييحب زي التاني
ويمكن انه يعتبر دي حاجه من خصوصياته فا الموضوع ده في مشكله
بس الجميل في الموضوع انك تخليهم يسالوا انفسهم ومش مهم ان حد يجاوبك المهم
انه يجاوب نفسه ويعرف بداخله

من طرف **Crespowbas** الأربعاء نوفمبر 28, 2007 8:17 pm

ربنا يخليك يا احمد

بس تعرف انا عامل الموضوع دة علشان كدة فعلا

مثلا انت دخلت وقراته اكيد هتدى تعبير عن رايك فى الحب بس بطريقه غير مباشرة زى منتا قولت كدة

واكيد دة هيبن انك بتحب ازاى

واحنا كدة مش بنخش فى خصوصيات حد ولا حاجه

بس تعرف الجرئ مع نفسه وواثق انه بيحب بجد صدقنى هيخش وهيقرا وهيتكلم مش لازم يعنى يقول انه بيحب ازاى بس هيقول انى بحب حبيبى قوى

ديه كفايه دة الجرئ طبعا يا احمد

واللى هيدخل يقراه ويمشى كانه معملشى اى حاجه ومتاثرشى بيه
يسال نفسه يعنى ايه دة
يعنى ايه لما حد يسالنى انت بتحب حبيبتك ازاى ومعرفشى اجاوب
يعنى انا كدة بحبها ولا ايه وليه مجوبتش
احراج مكسوف ولا ايه ولا مش عارف ولا اصلا هقول عن الحب ايه وانا معرفهوش

الموضوع دة يا احمد جامد لو احنا فكرنا فيه بس كل واحد يقول رايه بس ديه كفايه

من طرف **Crespowbas** الإثنين مايو 26, 2008 4:29 pm

فين الاراء يا اخوانا

من طرف كوكو الثلاثاء يونيو 10, 2008 12:27 pm

شوف ياعم الجامد انا ماقدرش اوصفلك احساسى بالتحديد لانى لما بحس انى هاحب ماعرفش ليه باهرب من الاحساس ده وافكر فى اى حاجة تانية ومش عارفة ليه بردوا يمكن علشان الحب عيب فى نظر من حولى او مش لازم يبان عليك علشان الناس ماتعرفش بس عندما اخلوا بنفسى وانا بحب بحس انى ببتسم بينى وبين نفسى لدرجة لما حد يدخل عليا يقولى هو انتى كنتى بتضحكى على ايه باختصار انا ببقى مبسوطة جدا اولا لانى بحب وثانيا لانى ماحدش يعرف انى بحب وثالثا لانى اللى بحبه مايعرفش انى بفكر فيه ايه رئيك بقى فى العقد دى والحالة المتلخبطة على الاخر دى بس اهم مافى الموضوع هو انى بضحك بينى وبين نفسى حد يعرف سر الانبساط والفرحة دى ايه؟

من طرف **Crespowbas** الثلاثاء يونيو 10, 2008 6:53 pm

الله
حاجه حلوة لما نعيش الحب زى منتى قوووووولتى كدة والاصعب منه اننا نكتمه فى قلبنا

علشان هيجى يوم ويكبر عننا
ومش هنعرف سعتها نفكر فى الحل اللى يحللنا مشاكلنا ممكن احنا نحل مشاكل الناس
بالاصعب انك تحل مشاكل ليك علشان انت بتكون اشد قسوة على نفسك وحاجات كتير
كنت اتكلمت عنها فى موضوع قلب كدة اسمه ظلم المشاعر لو دخلتى قسم عادى
هتلاقيه

بس الحاجات ديه صعب تتكتب جوانا صعب جدا

اهنيكى انك استحملتى

وتسلم ايدك

تعالى نتكلم بصراحه ومن قلبنا

تعالى نتكلم بصراحه ومن قلبنا

رد: تعالى نتكلم بصراحه ومن قلبنا

رد: تعالى نتكلم بصراحه ومن قلبنا

رد: تعالى نتكلم بصراحه ومن قلبنا

رد: تعالى نتكلم بصراحه ومن قلبنا

رد: تعالى نتكلم بصراحه ومن قلبنا