همسات الوحدة .....................!!!!!

من طرف **Crespowbas** في الثلاثاء يناير 27, 2009 4:36 pm

طبعا تفرق ..

سايبنى عشان حبيت غيرى .. ولا مجرد بس تسيبنى ؟

يعنى انت هترتاح من غيرى .. ولا لقيت غيرى احسن منى ؟

طبعا تفرق معايا كتير .. عايز اعرف بس العيب من مين

انا اللى مكانش فيّا الخير .. ولا انت اللى نسيت حب سنين

لو لاقى فى بعدك راحه خلاص .. ابعد عنى وسيبنى وعيش

ولو حبيت غيرى من الناس .. يبقى انت سامحنى متلزمنيش

إنت هتقولى ؟!!

إنت هتقولى ؟؟! .. أيوه عيشت معاك سنين محلمش بيها

لاجرحتنى ولاخنتنى ولا جيت عليا ..

إنت هتقولى ؟! أنا واحده كانت فى إديها نعمه خساره فيها

حقيقى عندك حق انا اللى مطمرش فيا

لما انت بقى شايف كده .. إيه اللى غصبك عليا .. ليه ؟

.. متمسّك بيا بالشكل ده .. بتسمى ده احساس وحب !

أمال عذابك شكله ايه ؟؟!

من كتر حبك خلاص تعبت .. وعايزه اتعذب شويه

أطردنى بقى من جنتك .. إحرمنى من عطفك عليا

بينى وبينك انا مستهلش .. أعيش معاك وتحس بيا

ولا كل يوم تشوف بقى ملامحك عنيا ..

ليه الناس مش فاهمة

انك ف قلبى لسه

وليه انت مش عارف

ان حبك فيا لسه

معقول اكون بحبك وانت مش دارى

معقول اكون بنادى عليك وانت مش سامع

معقول اكون عايزاك معاياوانت مش قابل

اسمع منى خدها نصيحة منى

قولى بحبك هتلاقى قلبى بيحبك وكل حياتى فداك وعمرى يوم ما انساك

او حتى قولى نسيتنى .بس قولى انت ساكت ليه
معقول عايزنى انساك طيب انسانى انت عشان انساك
حتى انت لو نسيتنى انا عمرى يوم ما انساك

بس اوعدك انى هحاول انساك ما هو انت اكيد هتنسانى وانا مقدرش اشوف بعيونى عيون ف يوم باعت عيونى.