هو اللى شفته منك شوية؟؟

من طرف **USA** الإثنين مايو 25, 2009 4:48 pm

هو اللى شفته منك شوية؟؟

بتلوم علىّ ؟!

أما صحيح حيلة ذكية

مبدأ وخلاص رسيت عليه

"اتغدى بيه قبل ما أسيبه يتعشى
بيا"

تغلط وتجرح فى قلبى وأبكى

ومن بكاىا تغضب وتشكى

وتقول : ظلمتك

قبل ما تحكى

ان اللى عملته كان حسن نية

وأنا قلبى ليك يرجع يحن

وأرجع بنظرة عينيك أدوب

عارف لإنى باظلم نفسى لكن

بتمنى إنك فى يوم تتوب

لما تعابتك دموع عنيه

وبكلمة حلوة يهدى عذابى

والسعد يرجع يدق بابى

وأحسن فرحة عمرى وشبابى

لما إيديك تلمس إيديا

وفى لحظة ترجع تانى ريما

لكل عوايدها القديمة

تبعد من غير سابق إنذار

ومشاعرى دى ولا ليها قيمة

وكأن جرحك لقلبى غيّة

وراجع تعيد فى نفس الكلام

وعامل لى حجتك الغرام؟

وتألف عن شوقك أفلام

وبتضحك على عقلى بهدية؟!

لكن خلاص فات الأوان

ما بقتش أحس معاك أمان

تخدعنى ؟ لأ ده كان زمان

لا بكلمة ولا نظرة حنان

مابقاش ده كله بيخيل علىّ

دا الوجع من قلبى اتمكن

مابقاش بأثر فيه مسكن

والقرب منك ماعدش ممكن

ماأنا أصلى مش حمل الأسية

ده أنا من عمايلك بدأت أمِل

وحبى ليك اتهان وانذل

وعقلى منك احتار وضل

ولا عادش ينفع معاه ملاغيه

وادى آخرة اللى يطلب من كلمة ونظره

يعيش حياته ما بين فكره وسكرة

لا قادر يتهنى بيومه

ولا عارف يوصل لبكره

أحلامه بين أوهام العشق مطوية

دلوقتى إيه آخر الحكاية

حدد لى من فضلك نهاية

ياإما تخضع لحكم قلبى

ياإما ترحل وتسيب هواىا

وما تحاولش ياريت معاية

إنك تنول عطف وحنية

ماخلاص تعبت وفاض بقى بيا

هو اللى شفته منك شوية؟؟!!

من طرف زائر الخميس مايو 28, 2009 3:01 am

ملهاش حل

تغلط وتجرح
ف قلبى وأبكى

ومن بكاىا

تغضب وتشكى

وتقول : ظلمتك

قبل ما نحكى

:واللى عملته؟؟

:كان حسن نية

قلبى ليك
يرجع يحن

وأرجع بنظرة عينيك أدوب

عارف إنى

باظلم نفسى لكن