الطريق

مفيش حاجة صعبة أو مستحيلة كله بإذن الله ممكن
وبسأل نفسي لما ألاقي حاجة صعبة أوي وبشوفها مستحيلة وبقولها وإيه يا نفسي كان سهل قبل كده
وهو أنتي تقصدي اللي حصل وبيحصل لي
بلاقي كلمة لأ واضحة
والحمد لله
الحمد لله هو صاحب كل نعمة
وهو صاحب كل مصيبة
‏"وما أصابكم يوم التقي الجمعان فبإذن الله وليعلم المؤمنين ويعلم الذين نافقوا"
الحمد لله علي كل حال

لا شيئ صعب علي الله
بس كل اللي عليك الدعاء والتوكل علي الله الذي لا يعجزه شيئ في السماوات ولا في الأرض
والعمل والصبر

الدنيا سهلة لأنك متقدرش تقرر مصير نجاح فشل مكسب خسارة نصر هزيمة
نتيجة عملك مش شرط تكون بعملك
والأصح أن حتي عملك في الدنيا نفسه ملك لله
إن يشأ ربنا يسهل الأمور وإن يشأ يصعبها وإن يشأ يسيبك لنفسك
وبالحسبة دي تلاقي الموضوع بدل مكان المكسب واحد في نهايته
تلاقي كل خطوة بتخطيها بتقول يارب وبتستحضر يقينك أن كل شيئ بيد الله
وبالتالي بتخطار وسيلة يرضي عنها الله الذي بيده ما تريد
وبتعمل للخطوة دي وأنت عارف أن مش بعملك هتوصل لكن بإذن الله
ومع كل خطوة بتعرف ربك أكتر
ونفهم دلوقتي حاجة مهمة أوي
سؤال
إذا الدنيا مشيت سهلة هأنتبه
ولا هقول الحمد لله وخلاص عادي وأفرح

ولا لما الدنيا تصعب هفهم أكتر وهركز أكتر
وأسأل يارب أنا بأخسر ليه
وأراجع كتاب ربنا تاني
وأخسر
وأحاول افهم أكتر
وأخسر
وأسأل
وأحاول افهم أكتر
وأخسر
وأتزلزل في مكاني
ومش هو ربنا يملك كل شيئ

الله يملك حتي شعوري
‏"واعلموا أن الله يحول بين المرء وقلبه"
ممكن أنسي ما كنت أبحث عنه والهدف اللي عشانه في الأول مشيت ولا كأنه كان

بس مش هنسي كل خطوة ولا قد أيه شوفت وفهمت وكسبت وكمان كل خسارة كانت مكسب
اللي يتوكل علي ربنا ربنا ميخسروش
بس ممكن أحنا منفهمش في ساعتها ونزعل
وربنا أسمه الحكيم
والحكمة لا تصبح حكمة إلا بعد وقت
الحكمة هي إصابة الهدف الأبعد
والله أعلم