ابو لمعه يتقدم للرئاسه.... خبر عاجل

من طرف **DeBo0o** الأربعاء فبراير 13, 2008 2:06 pm

اولا ازيكوا بقالى كتير ماشفتكوش وحشتونى والله بس اهو نعمل ايه امتحانات بقي دعواتكم معانا

نخش في الموضوع بس قبل ماندخل في الموضوع مش عاوز اى اسقاطات ولا حد يقولى انت تقصد مين من اولها اهو انا مااقصدش حد ولا بنتكلم عن حدا احنا بس بنتسلى موافقين( ضع علامة الموافقة)

في وسط الزحام الشديد لقينا ابو لمعة وسط الصحفيين والبودى جارد بتوعه محاوطينه
لكن قدرنا ناخد منه اللقاء دا على جنب كدا ((دكاكينى يعنى))

-ازي صحة حضرتك يا معالى ابو لمعة باشا
-انا الحمد لله كويس انا بمب وماتصدقش اى حاجة تانى غير كدا
في سرى((وانا مالى ياعم ))
-كنت عاوز اسئل حضرتك عن خطتك المستقبلية
-شوف يا
-ديبو ياافندم
-بص يا فوزى
في سرى((ياعم قول اللى تقوله انا ناقص اصححلك الاسم علشان تتهمنى بالخيانة العظمى عيش ياعم بدماغك دى))
-اتفضل سعادتك
-انا نوى اخلى الناس تعيش في رخاء اول ماامسك الكرسى
-ازاى ياافندم
-يعنى اخلى العيش متاح لكل مواطن والعيشة فلة واخر ظقططة وهارفع المرتبات وهاخلى منتجنا ينافس المنتج العالمى
-عظيم ياافندم وايه كمان
-هاخلى الناس تحب بعضها ومش مدايقة وهاخلى الدعم في كل مكان في الجامعات في السلع الغذائية في كل حاجة يعنى علشان لما الشعب يدلعنى يبقي يسمينى بتاع كلوا هههههههه
-هههههههه((يا سلام على غتاتة اهلك)) شكرا يا استاذ ابو لمعة

----------------وبعد ماابو لمعة حصل على الكرسى والبلد خربت والحمد لله سألناه----------------

-ايه يا سيادة ابو لمعة دا اللى حصل
-ايه في ايه
-الناس ماشية في الشوارع بتكلم نفسها
-وانا مالى
-امال مال مين ياافندم ؟
-هو في ايه بالظبط
-في في كتير الناس مش لاقية تاكل والاسعار بقت نار والدعم فنيتوا بح واللحمة بقت بتوضع في المتاحف والديمقراطية بقت سجون والفلوس بتاعة الدولة اتصرفت على العسكر وعلشان تبقي نحترم لازم تبقى في البوليس والعلم اتهان ورجال العلم طفشوا والعالم هنا بينداس والوسطة بقت للراس
والكوسة مغرقانا وسيادتك ولا كأنك معانا
-بص يا ولد انا ماليش دعوة هيه جت كدا حظكوا كدا الاسعار ارتفعت دا قضاء وقدر انت هاتعترض
اما حكاية السجون دى فدول حارمية ولاد كلب فلازم يتأدبوا وبلاش اليأس دا تفائل في 2090 اكيد الوضع هايتغير بص لقدام بلاش تشائم
-كفاية بقى قرفتنا الله يحرقك

بس احنا اللى غلطانين لاننا تكاسلنا واهملنا في حقنا وثرتنا دقيقة وضربتنا بطيئة
ماشيين بقول كبر مخك وانا مالى ياعم انا ورايا عيال انا عاوز اكل عيش

يبقي نستحمل بقي

من طرف **RANEEM** الجمعة فبراير 15, 2008 12:20 am

Iههههههههههههههههههههههه
منك لله يا ابو لمعه

من طرف **Just Zizo0o0o** الجمعة فبراير 15, 2008 12:41 am

ديبوووو رجع يا جدعااان ازغرط ولا ارقص ولا اعمل ايه ي نهار اوان عارف احلي حاجه في الموضوع ده ايه اقولك بجد ان انت الي كتبو سيبك بقي بلا ابو لمعه بلا ابو بتنجاان مهما حصل هنفضل زي محنا مش هنتحرك خطوه واحده فا انا بقولك انت احلي والله وحشتني مواضيعك خليك بقي وبطل تزوغ وتروح في حته كده ولا كده قشطاات

من طرف **DeBo0o** الجمعة فبراير 15, 2008 1:19 am

ميرسى لمرورك يا احلى رنيم فى الدنيا

اما انت بقى يا عم زيزو فا انا عايز اقول اننى شمعه تحترق من اجل الاخرين

و مفيش زوغان و لا كلام من ده انا موجود اهو و المنتدى هيرجع احسن من الاول

و منه لله ابو لمعه بقى jocolor

من طرف **tweety** الجمعة فبراير 15, 2008 2:04 pm

حلو اوى الموضو ع ياديبوووو واحسن حتى ضحكتنى
واللحمة بقت بتوضع في المتاحف

نايس توبيك

من طرف **DeBo0o** الجمعة فبراير 15, 2008 10:36 pm

سانكس يا تويتى .. شكرا لمرورك الجميل

بس هيا فعلا قريب هتتحط فى المتاحف .. لسبب من اتنين

الاول و هو ان ممكن سعرها يبقى فوق طاقه اكتر من 90 % من الشعب المصرى و دة شئ مش مستبعد

يا اما المواشى هيجيلها اى مرض من الى عمالين يظهرو دول و هيمنعوها تنزل الاسواق زى الفراخ كدة

و هتبقى حاجة نادرة .. و نبقى قاعدين بناكل بقى و نقول فين ايام اللحمه .. كانت ايام .. يلا كله فانى lol!

ابو لمعه يتقدم للرئاسه.... خبر عاجل

ابو لمعه يتقدم للرئاسه.... خبر عاجل

رد: ابو لمعه يتقدم للرئاسه.... خبر عاجل

رد: ابو لمعه يتقدم للرئاسه.... خبر عاجل

رد: ابو لمعه يتقدم للرئاسه.... خبر عاجل

رد: ابو لمعه يتقدم للرئاسه.... خبر عاجل

رد: ابو لمعه يتقدم للرئاسه.... خبر عاجل