اسئل سؤال غبي والي بعدك يجاوب جواب اغبى

من طرف **little angel** الأحد فبراير 17, 2008 6:32 pm

اللعبة واضحة من العنوان
اول عضو يشارك في هذا الموضوع يسال اي سؤال لكن لازم يكون سؤال غبي
وال عضو الي بعدك يجاوب على السؤال ولازم يكون الجواب غبي موووووت
يلا انا بأبتدي
الفيل كبير ولا النملة صغيرة؟؟ tongue

من طرف **little angel** الأحد فبراير 17, 2008 11:44 pm

ايه دة دة هو اللعبة مش عجباكو ولا ايه

حرام علكو بقى انا تعبت عشان اجبها كدة
يالا شاركوا احسنلكوا انا باقولكوا اهو

من طرف **A.S.Shiko0o0o** الإثنين فبراير 18, 2008 11:56 pm

هى اللعبه حلوه بس موجوده قبل كده فعشان كده مفيش حد بيشارك بس انا هرفع من معنوياتك عشان انتى شغلك حلو

ج هو اكيد النمله اكبر طبعا

س هو ليه لما بنفرح بنضحك ولما بنزعل بنعيط ليه مش العكس؟

عشان لو ضحكنا وفي موقف حزن هيقولوا علينا عوبط
ولو عيطنا في موقف فرح مش هيبقي فيه فرح اساسا

وسؤالي الغبي للي بعدي

هيه ليه العروسه بتلبس ابيض في فرحها والعريس بيلبس اسود ومنيل علي عينوه؟؟

من طرف **ELLoOoRD** الخميس فبراير 21, 2008 4:18 am

علشان العريس هو اللى هيتنيل على عين اهله وهيدفع ثمن القاعه علشان كدا لابس اسود انما العروسه جايه ترقص وتاكل الجاتوه وخلاص عالم فاضيه بقى

الســـــــــــــــــــــــــــــــــــــــــــــــــــــؤال الممل

ليه الفرخه لما بتيجى تبيض البيضه بيبقى شكلها ابيض؟

من طرف **ahmedelamir64** الجمعة فبراير 22, 2008 3:14 am

عشان دورت علي لون غيره في السوق ملقتش

سوالي بقي
ليه الشمس بتشمس والهواء بيهوي
ليه الهوي ميشمس والشمس ما تهويش (مسرحيه عفرتوا)

عشان لما الشمس بتطلع بنبقي ماسكين شمسيه
والهوا لما بيجي بنبقي ماسكين هوايه

سؤالي المتين بقي للي بعدي

هوه ليه بناكل من بقنا مش بناكل من ودننا

من طرف **Just Zizo0o0o** الجمعة فبراير 22, 2008 12:41 pm

عشان بقونا هو الي بيبقي جعان مش ودننا دا انت غريب اوي هههههههه

سؤالي انا

احنا ليه لما النوم بيكبس علينا بنتاوب ؟؟؟؟

عشان بيبقي كابس علينا قوي فابيطلع الهوا من بوقنا
فبنتاوب

علميا بقي بجد قال العلماء ان المتاوبه دي لنقص وصول الاوكسجين الي المخ

سؤالي بقي...

هوه احنا ليه بنشرب الشاي ما بناكلوش؟؟؟

من طرف **Crespowbas** السبت فبراير 23, 2008 1:35 am

علشان الشااااى هيزعل لو كلنا ولو كلناااااااااااه الاكل هيزعل وهيتغاظ
وهتبقى مشكله ومش هنعرف نحلها

سؤالى للى بيفهمو

انت ليه بتركب العربيه مش العربيه هى اللى بتركبك
؟

من طرف **tweety** السبت فبراير 23, 2008 6:05 pm

دا انتا انسان غريب

أكيد احنا مش هتركبنا لان احنا مش بنشرب بنزين

سؤالى بقااااا مش لاقياله حل وبفكر فيه كتير

ليه بيقولو علقى النار ع الشاى رغم الشاى هو اللى بيبقى على النااااااااار ؟؟؟؟

من طرف **Crespowbas** السبت فبراير 23, 2008 6:37 pm

بتفكرى فى السؤال دة كتير ليه
دة مش مستاهل يعنى
اقولك
لان النار بتتكون خمس حروف لكن الشاى بيتكون من خمسه برضو علشان كدة بيقول علقى النار على الشاى
فهمتى

ايه دة الناس ديه
اقولك بقى سؤالى اللولبى المحورى

ليه لما تكونى عاوزة واحد بتنادى عليه مش همو اللى بينادى عليكى
؟

من طرف **ESSS** السبت فبراير 23, 2008 9:00 pm

عشان الواحد ده هو اللي مش عايزك!!!!!

ليه الناس بتغمض عنيها وهي نايمة؟

عشان لما نصحي نفتحها
هههههههه

الا ايه هيه قمة الادب ؟؟ وايه هوه قمة الذهول ؟؟

اسئل سؤال غبي والي بعدك يجاوب جواب اغبى Majdah%20(4)

اسئل سؤال غبي والي بعدك يجاوب جواب اغبى Smile

من طرف **ESSS** السبت فبراير 23, 2008 10:18 pm

قمة الأدب انك تستأذن التلاجة قبل ما تفتحها
وقمة الذهول بقى انك تلاقي حد بيرد عليك

ليه الواحد لما بيزعل بيحزن؟

من طرف **Crespowbas** الأحد فبراير 24, 2008 12:04 am

علشان الحزن ما يزعلشى وياخد على خطرة

ليه لما بتعيطى بتنزل دموع ما بينزلشى عياااااااااط ليه

؟

من طرف **RANEEM** الأحد فبراير 24, 2008 12:20 am

عشان هو كده بقي
ليه لما التليفون بيرن بتقول الوووووووووو؟

من طرف **tweety** الأحد فبراير 24, 2008 12:58 am

ممكن تمشى ايوه على فكره

ليه سيجنال تو اسمه سيجنال تو مش ثرى رغم انه فيه 3 الوان ؟؟؟

والنبي يابنتي معرف

اهي غلاسه كده وخلاص

هوه ليه الطفل لما بينزل من بطن مامته بيقول وااااااء مابيقولش الف او ت او ث او حتي راااااااء؟؟؟

من طرف **Crespowbas** الأحد فبراير 24, 2008 1:11 am

علشان وهو بطن امه مامته كانت بتعلمه واااااااااااااااااااااااااااااااااااااااااء بس
مكنتشى بتعلمه ولا راء ولا تاء ولا حتى ثاااااااء

ليه انت بتمشى على رجلين مع انك ممكن تمشى على رجل واحدة وتنط ؟؟؟؟؟؟؟؟؟؟؟؟؟؟ظ

ليه هوه انا كانجروا ولا ايه؟؟

ولو حد شافنا يقول علينا ايه؟
العبيط اهوه العبيط اهوه
(شئ عجيب اوي )

هوه ايه الحكمه فاننا في الخطوبه نلبس الدبله في الايد اليمين مش الشمال
والعكس في الجواز؟؟

من طرف **RANEEM** الأحد فبراير 24, 2008 1:18 am

عشان الرجل التانيه مش تزعل

ليه لمما بتكون جعان بتاكل؟؟؟

من طرف **tweety** الأحد فبراير 24, 2008 1:20 am

علشان اليمين اللى بناكل بيها يعنى
أمال هيبقى ليييييييييه

ليه اما بنتفرج على التليفزيون وبنسمع التسجيل
مش العكس
اموت واعرف ليييييييييييييييييييييه

بما اننا في موقف غبا كلنا كده

فواضح ان الاخت رنيم هانم بترد غلط اساسا علي الاسئله

ماعلينا

اما بنكون جعانين بناكل ليه؟؟

يعني نعمل ايه نرقص يعني ولا ايه مش فاهم انا يعني

(دي حاجه بقت خارجه عن المقدره ياجدع

استغفر الله العظيم ياشيخه استغفر الله العظيم

وسؤالي للي بعدي

هوه احنا ليه لما بنكون جعانين بناكل؟؟؟

هههههههه

من طرف **little angel** الأحد فبراير 24, 2008 2:25 am

عشان بطننا تبطل مئمئة ؟ وصوت مزعج بنملاها وخلاص

طيب احنا ليه بنشرب مايه؟

من طرف **Crespowbas** الأحد فبراير 24, 2008 3:08 am

علشان الميه كتير وعاوزين نخلصهااااااااااااااا

امال هيكون ليه يعنى ؟

اما بالنسبه لسؤالى

احنا ليه عايشين مش ميتين ؟

من طرف **RANEEM** الأحد فبراير 24, 2008 10:02 pm

اولا يا استاذ محمد قصدي يا دكتور محمد

انا كتبت الرد قبل ما اشوف ردك ده اصلا
ماااااااااا علينا
عايشين عشان نموت
هو ليه احنا بنستغبي كده؟

عشان نبقي عاملين دماغ اكننا شاربين كوكو الضعيف

زي اللي حصل لما روحت الكليه كده من اخت عزيزه عليه كانت في السعوديه
جيه مش فاهمه اي حاجه في اي حاجه ههههههههههههه

هوه احنا ليه لما بنزعل بنزعق ونتنرفز؟؟

من طرف **ELLoOoRD** الإثنين فبراير 25, 2008 6:32 pm

علشان نخوف اللى مزعلنا ونعيش الدور شويه وكدا يعنى

السؤال بيقول
علل او افطن هل محلات الجزاره بتبيع لحمه ولا كبد واوانص؟

من طرف **little angel** الإثنين فبراير 25, 2008 7:02 pm

على ما اعتقد بتبيع ارانب

هههههههههههههه

تهييس بتهييس بقى

احنا ليه بنلبس جزم واحنا خارجين او شباشب يعنى قصدى حاجة ف رجلينا؟

من طرف **tweety** الإثنين فبراير 25, 2008 7:16 pm

علشان كله بيلبس

اشمعنى احنا اللى مش هنلبس

ليه البالطو بتاع الكلية بتاعتنا ابيض مش أسود ومهبب ؟؟؟

عشان يبقي اسود ومهبب علي عينه
وهوه غالبا مابيبقي اسود من القزاره اللي في كليتنا المصونه

الا هوه ليه عبد المنعم فرج بيحب البنات قوي كده ليه؟؟؟

من طرف **little angel** الثلاثاء فبراير 26, 2008 12:35 am

اصلو زمان ف اولى كدة كان قالنا انو كان بيحب واحدة وهو قدنا وانو لو كان اتجوزها كان خلف عيال قدنا بس بصراحة انا ماعرفش الحوار دة حقيقى ولا لا

بس ممكن نقول بيحب البنات لانه راجل بيحب الجمال ههههههههههههههه

بس بصراحة انا بتقرف منه جدا لما يعاكس واحدة

سؤالى ليه بابا دايما بيزعق؟

عشان ماما تسكته
نياااااااااااههههههههههههههههههههههههههههههههههه

بردك الا ليه عبد المنعم فرج بينجحنا من غير حاجه وبيدي برده البنات تقديرات اكتر؟؟؟

من طرف **little angel** الثلاثاء فبراير 26, 2008 5:21 pm

انت ليه كدة يا برادعى ليه واخد حيز من البنات يا سيدى سيبه يدى تقديرات مش كفايه الدكاترة التانين بيكرهونا وكمان انت مش اتخرجت من الكلية ليه تاعب نفسك بقى

سؤالى

احنا ليه دخلنا علوم؟

من طرف **tweety** الثلاثاء فبراير 26, 2008 5:44 pm

قلة عقل والله

ماهو ياقلة عقل ياغبااااااااااء

سؤالى
هو احنا ليه بنحضر محاضرات مدااام مش بنفهم حاجه؟
دى حاجه مديقانى من نفسى اوىىىىىىىىىىىىىىىىىىىىىىى

من طرف **A.S.Shiko0o0o** الأربعاء فبراير 27, 2008 12:44 am

على فكره السؤال ده جامد

انتى عارفه ليه

اقولك انا ليه

عشان لو احنا فهمنا مش هنحضر

ليه بننجح بعد اما النتيجه ما تظهر مش ليه العكس؟

من طرف **little angel** الأربعاء فبراير 27, 2008 2:23 am

عشان لو قبل النتيجة مش هننجح اصلا

جواب غبى غبى

سؤالى

احنا ليه بنستحمى ف الشتا مع ان الدنا بتبقىسقعة

من طرف **Crespowbas** الأربعاء فبراير 27, 2008 3:04 am

علشان مش بنروح البحر فى الشته فا بنستحمى فى البانيو وخلاص

احنا ليه بناكل كتير وبنشرب كتير

عشان نبقي اخر صهلله وزغللله وبهججهه

هوه انت ليه لما بتاكل لمون جسمك بياشعر وسنانك بتدرس ؟

من طرف **little angel** الخميس فبراير 28, 2008 2:36 am

اصل الليمون واحد والسنان واحدة

ف اكيد اللمون لما بيدخل ع السنان مابتكونش عامله حسابها فبتكسف

وجسمك يقشعر

سؤالى

ليه ف الشتا بنلبس هدوم تقيلة؟

من طرف **tweety** الجمعة فبراير 29, 2008 1:32 pm

ماهو علشان فى الصيف هدومنا بتبقى خفيفه فلازم نقعد نتقل نتقل نتقل لحد مانوصل للشتا فبنلاقى نفسنا لبسنا هدوم تقيله

وعلى فكره هى دى الطريقه الوحيده اللى الناس زمان كانوا بيعرفوا بيها ان الشتا جه
بيلاقو نفسهم لابسين كتيييييير

اه اماااال ايه ؟

طيب سؤالى

هو ليه لما بيبقى فى امتحان ولا حاجه كله بيرجع ورا فى المدرج رغم ان الحركات دى بقت مفقوسه بالنسبه للدكاتره ؟؟؟؟

هههههههههههههه
في بنها هما اللي بيقولونا ارجعوا ورا
يعني مثلا سمير حمدي بتاع الجيناتيك هوه اللي كان بيقولنا اخلصوا بقي وانجزوا
بس مش عاوز صوت يعني في السريع يارجاله انا هدير وشي اهوه

وعم الشباب منعم ماكنش بيمتحنا اساسا

وميتو حبيب قلبي كان بيقولنا (( ابج تتابج ))

سؤالي القدير ...

ليه لما بنيجي نغش بنبرشم وبنطلع بره من عند حازم ونصغر ؟؟؟

من طرف **little angel** الجمعة فبراير 29, 2008 11:11 pm

عشان نكبس المعلومات على قد جيبنا يمكن تعرف وهى صغنتوتة كدة تنط لدماغنا

مع انى مابعرفش اغش خاااااااااااااالص

سؤالى

ليه بنقعد طول السنة نبيض المحاضرات وف الاخر مابنقرهاش خالص؟

من طرف **tweety** السبت مارس 01, 2008 1:27 am

بنضيع وقت ونمشى ايدينااااا علشان تبقى متعوده ع الكتابه

فتجرى فى ورقة الاجابه

هوا ايه اللى محبب ماما فى التمثلية الرزله دى بتاعت ريا وسكينه
اتخنقت بتسمعها مرتين فى اليوووووووووووووووووم ؟؟؟؟

من طرف **محمد البرادعي** السبت مارس 01, 2008 1:48 am

عشان لما بابا يزهقها تعمل فيه زي ما بيعملوا

اوعي تفهميني صح

سؤالي

هوه انتو ليه بتذاكروا مدام فيه تظبيط وشيتات في الاخر؟؟
(( اما دي حاجه غريبه قوي ))

من طرف **Crespowbas** السبت مارس 01, 2008 1:53 am

احنا مش بنذاكر والله العظيم صدقنى وخدها منى ثقى

بس لو ذاكرنا.........يبقى علشان نقول للى فى البيت اننا بنعمل بالفلوس اللى بنخده منك
وعلشان الكتب تحبنا ويبقى فى مودة بينا وبينهم

ليه كل سنه لازم يشيلونا مواد هو احنا مش زى الناس التانيه ولا ايه
ولا احنا تافف علينا الكلب الله دة حاجه غريبه قوى يا جدع

من طرف **محمد البرادعي** السبت مارس 01, 2008 7:44 pm

ليه خييير هيه النتيجه جبتها من الكونترول ولا ايه؟؟؟
يارب خير

ربنا معاكوا بجد والله
كنت بحس الاحساس ده ياساتر يارب
الايام بتاعه النتيجه دي كانت بتبقي ايام كرب والله

سؤوالي

الا ليه ماهر النجار غلس قوي كده؟؟؟
(( كنا بنسميه بالعربجي ))

من طرف **little angel** الأحد مارس 02, 2008 1:04 pm

انا ما اعرفش ماهر النجار دة اصلا بس ماعلينا

ممكن يكون غلس عشان وهو قدنا كان بيلائى اللى بيغلس عليه

واضح ان ليتيل متاثره بالاجابه الغبيه وماسالتيش السؤال الغبي

المهم ماعلينا .... اتغابي انا

سؤالي...

ليه لما بنروح نحلق عند الحلاق الواحد بيحس انه عايز ينام وبيتاوب كده؟؟