حجاب 2008 جــــــامد

من طرف **little angel** الأحد فبراير 17, 2008 8:30 pm

حجاب 2008

قناة عيش أيامك عيش لياليك الفضائية برنامج خللى شبابك يفرح بيك بناتى الحلوين
انتشر الايام دى الحجاب جدا جدا والحمد لله تقريبا كل البنات اتحجبو هنعمل جولة بين البنات علشان نعرف هما اتحجبو ليه
-انا اتحجبت علشان صاحبتى الانتيم اتحجبت وقالت لى هاخاصمك لو ما اتحجبتيش
-الحقيقة انا اتحجبت لان شعرى باظ من كتر السشوار قلت اغطيه
-باحب الحجاب جدا شكله بيدى احترام
-كتير كلمونى عن الحجاب انو حاجة كويسة وبتدى حسنات كتير
-مش عارفة ساعات باحس ان الولاد بيحبو المحجبة اكتر ويوم ما بيفكر يتجوز بيتجوز محجبة
سالنا البنات ايه هو الحجاب وكان الرد
-الايشارب -الايشارب الايشارب -الطرحة -الطرحة -الايشارب حوالى 80% كانت دى اجابتهم
-اللبس الحشمة يعنى المغطى
-الطرحة والتونيك او العباية
سالنا البنات ممكن تخلعى الحجاب تحت اى ظرف من الظروف
-يعنى اكيد لا بس فى الفرح اكيد طبعا هاقلعه 60%
-مش هاخبى عليكى فى بعض المناسبات باقلعه 20%
-لا طبعا مش ممكن ده يحصل 20%
معانا الحاجة منيرة المستنيرة فتاوى جاهزة وتفصيل وعلى كل لون يا……… اهلا بيكى يا حاجة
فى برنامجنا عاوزين نقول للبنات حاجة عن الحجاب والظاهرة اللى انتشرت دى ياترى سببها ايه
-طبعا هى ظاهرة جميلة ان البنات ترجع تانى تحتشم وده حلو لكن احب اوضح لهم شروط الحجاب
علشان يتحجبو صح
-اول شرط انو يكون ستايل وشيك
-تانى شرط انو يكون ماشى مع الموضة
-تالت شرط انو ما يحرمهاش من انها تعيش انوثتها وتبرز مفاتن جسمها
معانا تلفون سورى للمقاطعة ياحاجة
اهلا بيك استاذ محمد ايه اللى بتقولوه ده وبتبوظو بيه عقول البنات حرام عليكم اتقو الله
فى شرع ربنا لا لا يا استاذ محمد انا ما اسمحش كونتروووووووووووول ينقطع الاتصال
الحاجة:طبعا ده نموذج للفكر الارهابى المتطرف المنتشر الايام دى بس هنقول ايه
الحمد لله معظم بناتنا بخير وعايشين حياتهم بالرغم من كل ده نرجع بقى لشروط الحجاب
-رابع شرط انو يكون بيعجب الاولاد
-خامس شرط انو يكون فيه تهوية كويسة فى الصيف وبيدفى فى الشتاء
وبكده لو الحجاب استوفى الشروط دى يبقى حاجة لذيذة خالص شكرا ياحاجة ربنا يكتر من امثالك
معانا دلوقتى مدام شوشو شيك هتدينا آخر صيحات الموضة للمحجبات
طبعا دلوقتى بعد المحجبة ستايل والمحجبة مودرن السنة دى كان معانا موضة الحجاب على واحدة ونص
وقلنا اللى ماعندهاش حاجة محزقة من الوسط تلبس حزام على وسطها
والجديد معانا الحجاب السحرى
-واااااااااااااااااااو ايه بقى الحجاب السحرى -ده انها تلبس كارينا لون اللحم وتلبس عليها كل اللى نفسها فيه
-ستوماك-بادى حمالات-اى حاجة اى حاجة كان نفسها فيها
وبكده تعيش حياتها واللى يشوفها مايبقاش عارف ده لون بشرتها الطبيعى
واللا هى لابسة حاجة لون اللحم -وماتنساش تلبس الايشارب طبعا
-آه طبعا الايشارب علشان تبقى محجبة وبكده بناتى المحجبات تقدرو تعيشو حياتكم
وتخرجو وتتمتعو وتعيشو حياتكم تربطو الايشارب على راسكم تربطوه على وسطكم
المهم تعيشو حياتكم واوعو تسمعو كلام الارهابيين التكفيرين المتطرفين الوحشين.
ياريت تقولو رأيكو فى حجاب الايام دى

ربنا يهدى بناتنا يارب

من طرف **ESSS** الثلاثاء فبراير 19, 2008 12:14 am

ياااااااااارب يا انجل
والله بجد الحجاب اليومين دول بقى مجرد موضه وخلاص
واللي لبساه مش بتعمل بيه اصلا
استغفر الله العظيم
واللله احيانا بشوف بنات الاسم محجبة بس منظرها لا يطاق
ولا كأنها مسلمة اصلا وايه كمان ال محجبة ال
انا بكون عايزة اقولها اقلعي الحجاب احسن

تسلم ايدك على الموضوع يا انجل
وبرافو عليكي بجد انك اثرت موضوع مهم اووووي
ياريت الكل يستفيد منه وندعي بقى كلنا ونقول ربنا يهدي البنات كلها يارب

من طرف **Crespowbas** الثلاثاء فبراير 19, 2008 9:24 pm

لا اله الا الله انا كنت نايم
لازم تصحينى كدة

بصى يا ستى الموضوع عاجبنى قوى علشان بقيت اشوق منه فى حياتنا كتير
اولا الواحد اتعود على الاشكال ديه اللى فرحنين بنفسهم ومش عارفين اى كوسه فى اى كوسه

بس ارجع اقولهم العيب مش فيهم العيب على اللى فى البيت هما هيعملو ايه يعنى هيقطعو نفسهم
البت شايفه نعمات جرتهم بتخرج من غير اشرب وبضى وسعات بتتاخر عن الميعاد اللى هى ريحاه ومش بتلبس بضى بتقضيها حمالات وخلاص
اما بقى البت فتكااااااات اللى قصدهم كل يوم تلبسلك بنطكوووووول وبضى بتاع اطفال (ال موضوه ال)
وبووووووت بتاع الخيل بتحسسنى انها ماشيه فى اسطبل
كتهم الارف
ما علينا
منهم لله

تسلم ايدك يا جميل
على الموضوع دة
انا هكمل نوم بقى
ولما تعملى مواضيع حلوة كدة ابقى صحينى ولا يهمك

حجاب 2008 جــــــامد

حجاب 2008 جــــــامد

رد: حجاب 2008 جــــــامد

رد: حجاب 2008 جــــــامد