نقاش جامد اوي ارجو من الجميع الدخول

من طرف **Just Zizo0o0o** الثلاثاء أكتوبر 02, 2007 10:57 pm

نقاش وحوار بين (فريق الشباب وفريق البنات)

السلام عليكم ورحمة الله وبركاته

(( الحوار المثالي بين الشبــاب و البنــات ))

أهلا بيكم (شباب) و (بنات) ونتمنى منكم التفاعل وعدم التحيز ..
سئمنا من كثرة الحوارات التقليدية المنغلقة و الأفكار المتقوقعة

والمواضيع المتكررة التي أصابتنا بالملل بسطحيتها و محدوديتها
لذلك خطرت لي فكرة هذا الحوار [ الساخن ]
وهو عبارة عن حوار مثير بين فريقين
فريق [ الشباب ]<<< الذي لن يكون صيد سهل حتى ولو كانوا شوووووية .....هههههه
فريق [ البنات ] <<< اللي هيكونوا صيده سهله لناااا .هوهوهو
خلونا راقين شويه في أسألتنا وردودنا..
وضعتها من باب المداعبة وتخفيف حدة التوتر بين الفريقين.
هناك أمور يكرهها الرجل في المرأه أو لا يستطيع فهمها

(( و ))
هناك أمور تكرهها المرأة في الرجل أو لا تستطيع فهمها
وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة

و موضوعية وبعيداً عن التعصب حتى نستمتع و نخرج منه بنتائج إيجابية.

[ بداية الحوار ]
سيقوم فريق الشبـاااب بطرح تساؤل عن أمر معين لا يعجبه في البنــاات
وسيقوم فريق البنااات بالرد وتبرير الموقف (يجوز أكثر من شخص يرد)

نقطة مهمة :
وبعد إعطاء الإجابات والمبررات الكافية يصبح فريق البنات في وضع الهجوم
ويطرح سؤال على فريق الشباب..... وهكذا يستمر الحوار
[ ملاحظة ]
يحق للجميع المشاركه وابداء الرأي
وأرجوا أن نكون مع الحق دائماً بعيداً عن الإنتماء و التحيز وطبعاً الأسئلة بصفه عامه مش خاصة..

وطبعا الزعل >>>> خارج حدود هذا الموضوع >>أرجو الإنتباه وضبط النفس

يعني عصب شويه وتحمس بس متزعلش...............
انا هبدأ باول سوال

(( صافرة البداية ))

ليه البنت لما تحس ان الولد بيحبها اوى بتبدا فى النمردة ؟

من طرف mido الأربعاء أكتوبر 03, 2007 12:52 am

انا كنت داخل اسال بس المفروض البنات يرد الاول بس بامانه جامده الكلمه دي

(المتقوقعة )

من طرف **Crespowbas** الأربعاء أكتوبر 03, 2007 1:25 am

حلو الموضوع يا كبرنا والاحلى منغلقه ومتقوقعه

ما علينا انت سلط النور على البنت وانا هرد بالنيابه عنهم

اولا البنات كلهم نفسهم يبقو حبيبه بس بيناقضو نفسهم فى منهم اللى بيقول
عيب وفى اللى يخاف وفى اللى بيكون جرئ وبيفشل وفى اللى ما كنشى عاوز فحب
ودخل فى العوكه اخر نوع هو اللى بينشى مده اطول دة لو ما نتهاش نهايه
سعيدة فالبنت اللى بتحس ان الولد حبها يعنى من الاخر مدلوق بتتنمرد وتسوق
فى العبيط وبعدين بتقع على دماغها وتتقرص وتندم وتعد تعيط وتمثل بقى وفى
بنات شطار ما بتنمردوش قوى دول بقى اللى ميه ميه

هناك امراءه تعلمنا الحب فوق الحب

•

وهي امراءه رومانسيه

هناك امراءه تعلمنا الحب بعد الكراهيه
• وهي امراءه حنونه

هناك امراءه تعلمنا الكراهيه بعد الحب
• وهي امراءه جحوده

هناك امراءه تعلمنا الامانه بعد الخيانه
• وهي امراءه نادمه

هناك امراءه تعلمنا الخيانه بعد الامانه
• وهي امراءه دنيئـه

هناك امراءه تعلمنا الندم على كل الاشياء
* وهي امراءه حسوده

من طرف mido الأربعاء أكتوبر 03, 2007 1:42 am

على فكرة ردك جامد جدا بجد وماكنتش متوقع انك حتردي بالصراحه دي

بس كان مفروض انتي تسالي

من طرف **DeBo0o** الأربعاء أكتوبر 03, 2007 8:34 am

كاسبر قصده يتمنعن و هن الراغبات و انا معاه بصراحه فى الحوار دة

كل واحده بتبقى هتموت و تسمع كلمه بحبك و ساعت لما تتقالها تبدا النمردة و الوش بقى

و اجارك الله على كميه التناكه اللى ممكن تشوفها ... بس لو نفضتلها تلزق فيك اكتر

هما مش كل البنات كدة علشان ما تزعلوش .. بس بصراحه هيا الاغلبية كدة

من طرف **Just Zizo0o0o** الأربعاء أكتوبر 03, 2007 11:44 pm

نايس ردود يا جماعه بس احما كده خرجنا من الموضوع
المفروض ان البنات الي يردو الاول ويسالو واول ولد يدخل هو الي يجاوب وبعدين يسال بس اظاهر ان مفيش ولا بنت لقيا رد Razz

علي العموم اما نشوف

من طرف **MeRaMoRe** الخميس أكتوبر 04, 2007 2:02 am

انا بصراحه اعتقد ان البنت ممكن تعمل كده عشان خلاص عرفت اللي كانت عايزه تعرفه فتتقل بقى والحركات دي

الله اعلم واكيد طبعا مش كل البنات كده

ماعلينا نسأل الشباب

ليه لما الشاب يكون غلطان وخصوصا غلطان في حق بنت مايرضاش يعترف بغلطته ولا يعتذر
بيبقى عايز البنت هي اللي تصالحه ؟؟؟

من طرف **شذى** الخميس أكتوبر 04, 2007 5:45 pm

والله ده بيبقى تقل فى نظرى معرفش بقى انتو رايكو ايه؟
بس انت عارف هى ممكن تكون يااما مش بتحبك اصلااا ودى المفروض تحسسها انت.او بتتقل وده فى الغلب.او اخدت فى نفسهها مقلب .
السؤال بقى:
ليه الولد لو عرف انى فيه بنت بتحبه وهو عادى (بيخلييها استبن) بيقول مش هتخسر يعنى اهى موجودة
البنت بقى العكس خاااااااااااااااااااااالص لو حست انو مشاعرهها هتتغير بتصارحه بالحقيقة وبتبعد فورااااااا

من طرف mido الأحد أكتوبر 07, 2007 3:45 am

حقولك على حاجة يا منى مش شرط ان الولد يكون بيعمل زي ما انتي بتقولي
لانه لو كويس وبيعاملها زي اخته حيفهمها هي ايه بالنسبه له ومش شرط برضه البنت تعمل زي ما انتي ما بتقولي
مافي بنات كثير كلمه بحبك في بقهم زي اللبانه انتم مش ملايكة يعني

في كل حتة في الحلو وفي الوحش يجوز انا ما جاوبتش اجابه مباشرة بس ده رايي

سؤالي بقى هل البنت الغير محجبه في نظر زميلاتها غير محترمة ؟؟؟

من طرف **Just Zizo0o0o** الأحد أكتوبر 07, 2007 3:49 am

ببساطه اوي الراجل راجل برضو وكل تفكيرو بغض النطر في انو صح او غلط بس هو لو راح اتاسفلها وصالحها هي بتسوق فيها وده بيحصل بجد لازم الولد يدي البنت علي دماغها ويحسسها انو ممكن يسيبها في اي وقت عشان تفضل تسمع كلامو وتحبو سوري انتو متجوش غير كده يا بنات حواا

انتو ليه دايما شايفين نفسوكو الصح واحنا الغلط ودايما بتقولو علي نفسكو انكم مظلومين معانا رغم ان انا شايف العكس تماما ؟؟؟ بنت ترد عليا بقي

من طرف **RANEEM** الأحد أكتوبر 07, 2007 5:41 pm

انا مش معاك خالص يا زيزو في الكلام ده مهما كان البنت عندها كرامه وعزه نفس يعني مش كل حاجه الولد يقولهلها تعمله وبعدين ايه لازم تحسسها انك هتسبها في اي وقت عشان تسمع كلامك الولد لو عمل كده يبقي هو مش بيحب البنت دي اصلا الحب يا زيزو يبقي في تفاهم والاتنين بيسمعو كلام بعض احنا مش في عصر سي السيد ونعيمه وبعدين في حاجه عاوزه اقولها البنت لما بتحب الولد قوي عمرها ما بتقدر تزعله واذا زعلته بتتاسفله وبعدين مش تفكر انت انتو ملاك واحنا شياطين انا اسفه اني طولت بس عاوزه اقولك حاجه يا زيزو انت عاوزلك واحده تقولك ياسي السيد وبتهيقلي مش هتلاقيها

من طرف **RANEEM** الأحد أكتوبر 07, 2007 5:50 pm

سؤالي باه ؟ لو بنت جت قالت للولد انا بحبك هبقي ايه رد الفعل؟ وهيبقي ايه ردك لو انت بتحب البنت دي اصلا ومش قادر تقولها بحبك وهيه قالتلك؟

من طرف **A.S.Shiko0o0o** الأحد أكتوبر 07, 2007 9:41 pm

ردى على رنيم سؤالك معروف رده لان دى بتبقى من اسعد لحظات الولد ان البنت اللى مش قادر يقولها بحبك وينام ويصحى بيحلم بيها يلاقيها نفسها بتحبه وتروح كمان تقوله انها بتحبه بس دى تبقى وحشه فى حقه قدام الناس ههههههههه لان البنت كده جريئه اوى اوى اوى وهو لموأخده مكسوف هههههههه

سؤالى بقى لو واحد بيحب واحده ومش قادر ينساها وهى عارفه انه مستعد يعمل اى حاجه عشانها وهى مش بتحب حد خالص ليه مش بتفكر فيه؟ هل ده عيب فى الولد؟ ولاعيب فى البنت ؟ مع التعليل ؟ ههههههههههههههههه وكله يرد بقى ولاد وبنات

من طرف **Just Zizo0o0o** الإثنين أكتوبر 08, 2007 6:13 pm

علي فكره يا رنيم انتي كبرتي كلامي جداا ودخلتيني في حوار بعيد عن الي انا بقولو انا بتكلم في نقطه واحده البنت لما بتحس ان الولد الي قدامها ضعيف بينزل من نظرها حتي ولو كانت بتحبو وكمان بتسوق فيها وتبدا تتامر والكلام ده انا مش بقول من دماغي لا دا عن تجارب قدام عيني بس انا علي فكره مش بفكر زي منتي قلتي وانا مش عاوز ابقي سي السيد ولا حاجه وكمان احنا مش ملايكه ولا كمان انتو ملايكه وانا بتكلم في العام مش عليكي انتي

من طرف **fanta_tofa7** الإثنين أكتوبر 08, 2007 8:22 pm

ana mosh 3arfa ehna leh dayman ben2ol elbnat keda aw elwelad keda ana b2a ra2y en kol wahed leh sha5seyeto ya3ny mosh kol elbnat zay ba3d wala kol elwlad zay ba3d kol wahed we sha5seyeto we ba3don elhob maben etnen lazem yeb2a mabny 3la eltfahom mayeb2ash b2a fe haga esmaha to2l wala klam fady welly 3'altan ye3tezer
rady 3lek ya shikooo enak elmafroood teb2a gree2 we tsare7a behobak dah law la2etha betbadlajk nafs elhob famshy fe elmawdo3 we teb2a 3reft wen la2etha mafesh yeb2a 5las shof hayatak b2a we matet3ala2sh be awham we goood luck

من طرف **MeRaMoRe** الإثنين أكتوبر 08, 2007 11:22 pm

سؤالى بقى لو واحد بيحب واحده ومش قادر ينساها وهى عارفه انه مستعد يعمل اى حاجه عشانها وهى مش بتحب حد خالص ليه مش بتفكر فيه؟ هل ده عيب فى الولد؟ ولاعيب فى البنت ؟ مع التعليل ؟

مش شرط يكون العيب في الولد او البنت ممكن اوي تكون ادتله فرصه وادت لنفسها فرصه وفكرت ومالقتش انه مناسب عشان كده تختصر الطريق من اولها وتفهمه انها مش بتحبه احسن ماتستغل حبه ليها وتصدمه في الأخر

انا هسأل لو حصل انك شوفت ولد بيعيط ايه الإنطباع اللي هتاخده عنه؟؟

الاول كل سنه وانتو طيبين واي اتنين بيحبوا بعض مفيش حاجه اسمها كرامه او ملايكه او شياطين ياريت يكون الاتنين فاهمين يعني ايه كلمة (حب) ويفهموا بعض ويعرفوا نقط الضعف عند كل حد فيهم وحكاية لما يكون الولد غلط والبنت هي اللي تتأسف للولد هي كده بتكبر في نظره ويحس انه غالي عندها اوي مش زي اي حد والبنت معروفه بطيبتها وحنيتها والولد معروف برجولته وتقله هههههههه واهم حاجه بجد يفهموا بعض واكيد لو بيحبوا بعض اي حد منهم هييجي ويصالح التاني وبتكون بجد اجمد واحلى لحظات الدنيا كلها سؤالي بقى : ليه الولد لما يحب البنت اوي وتحس بكده تلاقي امة لا اله الا الله بتتقدم لها عشان تخطبها؟

من طرف **MOoON Light** الثلاثاء أكتوبر 09, 2007 12:54 am

والله ياااااااااا اشطة اكيد علشان حظ الولد ده وحش
ولو هى فعلا بتحبه هتتمسك بيه

سؤاااااالى

ليه بقى لما الولد يكون بيحب البنت بالفعل وأول مايحس انها خلاص حبته هى كمان ومش تقدر تستغنى عنه
بسهوله يسبها ويبص لغيرها ؟؟؟؟؟؟؟؟؟

من طرف **snow white** الثلاثاء أكتوبر 09, 2007 1:13 am

عرفه ان ده مش دوري بس حبيت ارد علي موني.,بصي يا موني
الولد اللي يعمل كده مش يكون بيحب اصلا
والبنت الذكيه هي اللي تعرف تحافظ علي الولد اللي بتحبه
وتخليه مش يعرف يبص لغيرها
في الموضوع ده بالذات المسئوليه الاكبر بتكون علي البنت
الا بقي لو هو عنيه زايغه او ده طبع فيه ساعتها يبقي مش يستاهلها اصلا
وبعدين مش مهم هو بيبص لمين المهم في الاخر بيحب مين

من طرف **snow white** الثلاثاء أكتوبر 09, 2007 1:17 am

سؤالي بقي

ليه الولد بيدي نفسه الحق انه يعرف بنات كتير ولما يحب يرتبط بجد يشترط ان هو لازم يكون اول حد في حياة البنت دي؟

من طرف **Just Zizo0o0o** الثلاثاء أكتوبر 09, 2007 10:32 pm

بصي اولا مش كل الولاد زي منتي بتقولي كده بس الي بيعمل كده فيهم بيبقي عشان حاجه هو مفتنع بيها وهي ان الولد مهما عمل منش بيتعيب ولو ربنا هداه وبقي محترم كل الي عملو بيتنسي بس البنت لو بقت بتعرف ولاد كتير هتعيش طول حياتها يتقال عليها كده فا محدش هيقبل انو يتجوز حد كده انا عارف انها انانيه بس وي ما قلتلك مش كل الولاد كده

من طرف **snow white** الأربعاء أكتوبر 10, 2007 1:31 am

احلي حاجه اعترافك انها انانيه
عموما ميرسي علي صراحتك
بس فين سؤالك انت بقي؟

من طرف **شذى** الأربعاء أكتوبر 10, 2007 2:51 am

انا بقى عايزة اسال
هو مش المفروض انى البنت والولد الاتنين بيحدودا مواصفات شريك او شريكة حياتهم (يعنى البنت بتحط شروط)والولد كذلك
طيب هى هتفضل تستنى لحد ما تلاااااااااااااااااااقيه !
اشمعنا الولد من حقه يختار هى بس من حقهها ترفض او تقبل
وطبعا فيه فرق كبييييييييييييييييير
يعنى من الاخر لو بنت لقت ولد فيه كل اللى هى بتحلم بيه ليه مينفعش تروح تقله ياراجل انت انا بحبك وعايزة اتجوزك؟؟؟؟؟؟

من طرف **DeBo0o** الخميس أكتوبر 11, 2007 6:14 am

ردا على الاخت منى

و الله احنا فى مجتمع شرقى يا منى ... و العادات و التقاليد بتقول ان الراجل هو اللى يعجبه البنت فا يتقدم و يقولها يا

اخت انا معجب بيكى و عايز اتجوزك مش العكس ... انما البنت لو بتحب واحد فعلا و محتاجه تقوله فا فى ميت طريقة تخليها تقوله ده من غير ما تخدش حيائها و لا تحس ان كرامتها انكسرت

هيا تقدر كويس تحسسه بحبها ليه من غير ما تتكلم ... و الحرفيه فى انها تعرف اية اللى ناقصه او اللى بيحبه و تكمله هيا و اكيد هو لو عنده احساس هيحس بيها و لو هيا فعلا النص التانى اللى بيكمله اكيد هو اللى هيروحلها

و بكده تبقى هيا اللى قالت و ما قالتش فى نفس الوقت

بالنسبه لسؤالى : هل البنت تحب الى ترتبط بيه يكون من اللى مقطعين السمكه حلقات و ديلها ترنشات و لا انه يكون لسه خام و تكون هيا اول بخته ... مع التعليل ؟

من طرف **RANEEM** الخميس أكتوبر 11, 2007 5:48 pm

انا هرد عليك يا ديبو انا احب الولد الي ان شاء الله ارتبط بيه يكون مقطع السمكه وديلها بس مش جامد يعني في حدود المعقول ليه باه يا عم هقولك

لانه كده بيكون عارف البنات طبعها ازاي وعاوزه ايه وكمان بيكون شاف ومشي مع بنات كتير حلوين ووحشين بس في الاخر لما فكر يرتبط فكر في واحده بس وبكده لضمن انه مش هيعرف بنات من وراياوبصراحه انا علي ما اعتقد ان الولد الي لافف لما بيحب بيحب بجد
اما باه الولد الخام الي مش يعرف حاجه اصلا فده مش هيكون عارف البنت طبعها ازاي ولا حاجه وممكن بعد الارتباط مش يعجبه البنت ويبس لغرها.
سوالي باه؟
لو البنت بتشتغل وولد ارتبط بيها وطلب منها عدم الشغل وهيه رفضت تماما هتعمل انت ايه؟وعاوزه اعرف ليه سبب رفض معظم الاولاد ان البنت تشتغل؟هل دي غيره ولا خايف انها تكون اعلي منه في المركز؟

من طرف **snow white** الخميس أكتوبر 11, 2007 6:00 pm

انا حبيت بس ايأد ردك علي ديبو يا روني
قلتي نفس اللي كنت هقوله

من طرف **snow white** الخميس أكتوبر 11, 2007 6:00 pm

انا حبيت بس ايأد ردك علي ديبو يا روني
قلتي نفس اللي كنت هقوله

من طرف **شذى** السبت أكتوبر 13, 2007 1:44 am

شوف يا ديبو مش

شرط تكون هى اول حب بس لازم تعمل كل اللى يخليهها اخر حب
وانا عن نفسى مش ناوية افكر مطلقا فى واحد خام
بس اهم حاجة يكون دمااااااااااااااااااغ ع الاخر ويعرف يحتوينى ويخلينى اشوفه احسن راجل فى الدنيا

من طرف **شذى** السبت أكتوبر 13, 2007 1:53 am

سؤالى بقه
ليه الولاد معملتهم بتتغير مع البنات يعنى
مع البنات حاجة ومع اصحابهم حاااااااااجة تانية ليه انتو مش لطاف على طول مع الناس كلهها ولسانكو بينقط سكر مع البنات بس ؟
ولا انتو بتمثلو قدام البنات بس ولا ايه بالظبط؟
ليه على طول انتو مع بعض شتيمة شتيمة

من طرف **A.S.Shiko0o0o** الأحد أكتوبر 14, 2007 9:25 pm

ههههههههههههه نايس سؤال يا انسه عشان بتزعلى من كلمه كده وبعدين فيه ناس بتعمل كده فعلا اولا الشباب بينهم وبين بعضيهم ممكن مش بيكون فيه حواجز فعادى اى كلام انما لما بيكون فى وسط بنات يخاف يقول كلمه كده ولا كده فيجرح حد او يزعل حد بس يا ستى

السؤال

ليه فيه بنات فاكرين نفسهم انجيلا جوليا؟

من طرف **fanta_tofa7** الإثنين أكتوبر 15, 2007 7:07 pm

3shan ento fakren nafsoko reldo de cabre

من طرف **ESSS** الأربعاء أكتوبر 17, 2007 2:48 am

دول يا بني قلة مش كتير يعني

بس على ماأعتقد أنه بيبقى طبع أو غرور شوية (شايفة نفسها يعني )

وبردوا في ولاد فاكرين نفسهم ( دونجوان )

سؤالي بقى

ليه معظم الولاد بيشربوا سجاير يعني عايزة أعرف أيه الفايدة ؟

وعارفة ان معظمهم متأكدين أن ملهاش لزمة ومش عارفين بيشربوها ليه أصلا.

بس يا ريت حد بيشرب يرد عليا بجد بس يقولي سبب مقنع.

من طرف **Just Zizo0o0o** الجمعة أكتوبر 19, 2007 7:00 pm

اكيد عشان مفيش ناس كتير هنا بتشرب سجاير فا الناس مش ردت عليكي بس انا ممكن ارد عليكي معظم الشباب بيفتكرها مرجله ويقولك انا كده بقيت راجل اصلا دي خيابه والواحد بيحمد ربنا انو مش بيشرب

تفضلي انك تتجوزي واحد جاهز من مجاميعو ولا واحد بتحبيه ولسه هتيداو مع بعض حياتكو؟؟؟؟

من طرف **RANEEM** الجمعة أكتوبر 19, 2007 11:33 pm

اكيد هفضل الي انا بحبه ونبدا مع بعض حياتنا

لان المال مش كل حاجه ما ممكن الواحده تتجوز الغني وتعيش حيا مش سعيده الا اذا كانت بتحب الشخص الغني ده ده يبقي حاجه تانيه
وواحده تانيه بتحب واحد فقير واتجوزته ممكن تعيش حياه سعيده ويبنو مع بعض مستقبلهمويعلو مع بعض

ايه رايك في الولد الي يبكي من اجل الحب؟
ياريت شاب الي يجاوب

من طرف **ESSS** السبت أكتوبر 20, 2007 12:57 am

معلش أنا عارفة ان انا مش المفروض ارد دلوقتي بس عندي تعليق على كلام زيزو ان هم مبيردوش لأنهم مش لقين اجابة اصلا بس برده اللي انت قولته صح برضه طبعا .

من طرف **Totti** السبت أكتوبر 20, 2007 2:20 am

مفيش حد عارف هو بيشرب سجاير ليه بالظبط
ع العموم هي ضعف من الشباب
ده رد على شؤال اس
اما ردي على سؤال رنيم
الولد اللي يبكي من الحب يبقى حب بجد
بس في رايى ده ضعف منه والولد مينفعش يبقى ضعيف عشان بجد مفيش حاجة تستاهل

من طرف **Totti** السبت أكتوبر 20, 2007 2:22 am

سؤالي بقى
ليه دايما البنات بيجرو ورا الولد اللي بيتقل ولو ولد راح قال لها انه بيحبها مش بتعبره

من طرف **شذى** الخميس أكتوبر 25, 2007 1:56 am

شوف بينى وبينك كل البنات بتحب الولد التقيل بس ميسقش فيهها اصل كمان لو هيتقل اوى يبقى على نفسه بقه

اما بقه البنت
ممكن تكون علشان رضت غرورهها او كانت عايزة تعرف حاجة وعرفتهها
بس لو كانت بتحبه فعلا افتكر انهها هتموت من الفرحة لما تلاقيه زيهها بس هى مش شرط تبين يعنى انهها مبسوطة اوى كده وده برضه تقل بس لو بتحبه بجد هيبان حتى من عنيهها والحدق يفهم
سؤالى :ازاى ننسى حد لااااااااااااااازم يتنسى

من طرف **شذى** الأحد نوفمبر 04, 2007 11:11 pm

الظاهر كلنا مش عايزين ننسى اى حد هههههههههههههههه

عادى طيب سؤال تانى

مامعنى ان تحب شخص وان تعلم حق اليقين انه لاااااااااااااا يحبك قط؟؟؟؟؟؟

من طرف **Totti** الأربعاء نوفمبر 07, 2007 11:09 pm

الحب بلا امل اسمى معاني الحب

من طرف **Just Zizo0o0o** الجمعة ديسمبر 07, 2007 10:30 pm

مهو لو كان بمزاجنا اننا نحب ده وده لا مكنش حد غلب كان الواحد فصل واحده علي مزاجو وحبها وبعدين معروف عن الانسان اصلا انو دايما بيروح للحاجه الي تتعبو يعني لو لقي حد بيحبو وهيريحو وحد تاني هيتعبو طبيعي هيروح للحد الي هيتعبو عشان هيفكر كتر اوي فيه لانو معبروش هو ده طبعنا

سؤالي بقي

ليه دايما البنات حاسين انهم مظلومين في المجتمع ده وانهم ملهومش حقوق وحاسين ان المفروض ان يكون ليهم حقوق زي الرجاله بالظبط

من طرف agm السبت ديسمبر 08, 2007 6:52 pm

kalamk mazboot fanta tofa7 fe3lan lama yekon fe etneen be7bo ba3d 7a2e2y

mabyb2ash fe kelma esm7a e3tezar
momken yb2a fe 3etab oky
lakn maybyb2ash kol wa7d mestany eltany ye3'lat 3shan ye3tezerlo
bas
salamooz