جائنا البيان التالى .......................................!

بسم الله الرحمن الرحيم

جائنا البيان التانى
السيد كرسبو وزير القوة العامله
...........................
















بقى عادي جدا انك تركب اي تاكسي في القاهرة

و تلاقي السواق خريج هندسة او خريج طب ما هو ليه حق

أصل لو اشتغل بمؤهله حيجيب نصف اللي بيكسبه في اليوم و
هو سواق تاكسي

يبقى ليه حق ابن خالى لما يقول لباباه انا عايز اطلع
لعيب كورة

و مرتبي يبقى بالدولار و ابقى مشهور

ما هو شايف باباه اللي حاصل على الدكتوراه متغرب في بلاد
الله

مش لاقي شغلانة كويسة في بلده تحميه من الغربة و بلاويها

هي اية المشكلة؟

عدد شباب الخريجين كبير و الوظايف قليلة؟

و لا الوظايف السقع بياخدها ولاد الك... الكبار يعني بس
اصلي بتهته؟

و لا المصانع و الشركات بتفتح في اماكن بعيدة زي حلايب و
شلاتين

و الخريجين الوحشين بيرفضوا يسيبوا القاهرة الكبرى

و يروحوا يشتغلوا بعيد عن النوادي و القهاوى ؟

و لا اية بالظبط ؟؟؟؟

انا لو عينوني وزير القوى العاملة يا نهار ابيض...

ده انا اعمل عمايل.... ابهدل الدنيا.. اقصد يعني اظبطها


اولا
:

اعمل اعادة تقييم للموظفين الحاليين في كل هيئة و مصلحة
حكومية

و انحي كل موظف كسول ملوش لازمة و اديلة معاش مبكر

يطلع يفتح مشروع بلاي استيشن و لا كشك كروت شحن

و يسترزق و اهي كلها سبوبة و كمان علشان يوسع مكان لغيره

من الطاقات الفعالة الحقيقية



ثانيا:

اعمل سن المعاش من خمسين سنة مش تقليل من شأن كبار السن

لا دول فوق راسنا بس علشان يرتاحوا بقى من المواصلات و
قرف الشغل

و يجربوا مرحلة ربيع العمر على رواقة

و طبعا مش هنسى اعمل جمعيات للعمل الاجتماعي يكون نواتها
الناس دي ..

و اهي فرصة برده نوسع مكان للخرجين الجدد



ثالثا:

اعمل هيئة اعداد و تدريب للخرجين الجدد علشان اللي يتعين
في مكان

يكون كفء ليه و يكون على دراية كاملة بالكمبيوتر و الطرق
الحديثة

للحصول على افضل النتائج و ادقها



رابعا:

ارفع المرتبات و المعاشات و امنجه الناس دي ايوة طبعا

ما هو الموظف اللي باخد متين جنيه مش زي اللي بيقبض
الفين

كده انا بحد من الرشوة لان مش معقول واحد بيقبض الفين
جنيه

هايخسر ضميره و سمعته علشان عشرة جنيه رشوة

ده غير اني حضرب بيد من حديد على اي مرتشي يتقفش



و خامسا
:

اعمل مواصلات مجانية لكل شركة تكون مكيفة و بالمشروب
كمان

علشان الموظف يروح شغله متكيف و شارب الشاي و مسقي فيه
بقسماط كمان

و ملوش حجة انه ينتج و يبدع في عمله

و متنسوش ان كل موظف عارف ان في تقييم شهري لمجهوده

يعني لو كسل هياخد استمارة سته و يجي مكانه اللي اكفأ
منه



بكده نرفع من شأن شركاتنا المصرية و يعلى انتاجها

و نريح الكبار في السن و نعين الشباب

و كله يبقى مبسوط و مروق و لا اية؟



و اللي عنده اي افكار ايجابية يتحفنا بيها و اهو كله
علشانك يا مصر

كان معكم وزير القوى العاملة









انفع صح




الدنيا هتظبط وهتبقا منجها




ادعولى بقى انى انجح فى تعينات الوزرة اللى جايه

امين يا احمد امين بس ابقى وزير وهظبطك اه وربنا
اصبرو عليا بس دنا جدع والمصحف مش بنسى صحابى خالص

انتخبونى بس

يا بنتى هيبقى اساسى الوسطه والرشوه امال هملا بطنى ازاى
ولا هاكل واشرب منين

لا ما ينفعشى كدة يا رنيم

انتى بتظلمينى كدة

هههههههههه

تسلم ايدك يا قمر

ايدى على ايدك يا اختى

وعد هخلى الاعضاء بتوع المنتدى دووووووووووووووول كلهم ناس كبيرة فى البلد

وهخليها كوووووووووووووسه

تسلم ايدك

وسمعنى سلام ذئاب الجبل