كتمان الاحزان

من طرف **MOoON Light** الأربعاء مارس 12, 2008 9:04 pm

من الرائع ان نرى من يكتم غضبه
فلا يسيء لمن حوله اطلاقاً

من الجميل ان نرى من يكتم كلماته الخبيثة
فلا يحطم مشاعر من يحطيه

من المدهش ان نرى من يكتم بنفسه دوما
حتى لا يحزن من حوله

احــاسيس مــكتــــــومــه

ان الحياه قد تكتم بعض الشيء
لكن سرعان ما تنفجر كلمات المرء

ان الكتمان قد يفيد صاحبه لكنه
كثرة تلك احساسيس المكتومة تضيق الصدر

فالصدر اشبه بالكأس لن يتحمل اكثر مما يستطاع

فلا تكتم كثيرا ، اطلق بعض من كلامتك

لما نكتم

ان المرء حين يجد نفسه وحيداً فيجد الدمعة رفيقته

فيسعى ان يخاطب تلك الدموع فيجدها الصديقة الحنونة

فحين يبحث لذلك الشخص لكي يفتح له قلبه

يجده مالن كان يتمناه فيجد الدموع هي من تغسل كآبته فيبادر بالكتمان

فياخطبها بأسراره ويمسح بها جروحه فيجدها احن رفيقة بدربه

ما نهاية الكتمان؟

نهاية الكتمان امر فظيع بالفعل

فالشخص الكتوم دوماً لن يتجرأ قط ان يعبر بما يحتوي قلبه

فيصبح قلبك اشبه بالقفص المحيط بأسوار وحاجز لا مفر منه

ياترى انت كتوم ولا لآ؟
وتفتكر حلوة الصفه دي ولا مش مستحبه ؟

من طرف **ahmedelamir64** الخميس مارس 13, 2008 2:23 am

بجد تسلم ايدك يا مون

حلو اوي الموضوع
افتكر ان اكيد هتكون حلوه في حاله واحده لما يكون اللي هحكيله
هو اللي مش كتوم
لكن اكيد لما الواحد بيفضفض لحب بيحبه بيستريح
عشان كده لزم تختار اللي هتحكيله يا اما يكون الكتمان
اريح بكتير
تسلم ايدك تاني يا مون

من طرف **ESSS** الخميس مارس 13, 2008 10:04 am

موضوع هايل جدا يا مون
تسلم ايدك يا قمر

انا عن نفسي شايفة ان فعلا الكتمان شئ مش مستحب
بمعنى ان الانسان لازم يفضفض شوية لحد بيثق فيه اوي
وده طبعا اكيد بيريح جدا وممكن يكون مهم جدا للانسان كمان

من الرائع ان نرى من يكتم غضبه
فلا يسيء لمن حوله اطلاقاً

من الجميل ان نرى من يكتم كلماته الخبيثة
فلا يحطم مشاعر من يحيطه

ده طبعا شئ مطلوب افضل من التسرع اللي ممكن يأذيه

من المدهش ان نرى من يكتم بنفسه دوما
حتى لا يحزن من حوله

ده بقى يبقى منتهى السمو من راي
وفي نفس الوقت بيأثر على الانسان بشكل كبير اوي
بيأثر على اعصابه وحالته النفسية وممكن حالته الصحية كمان
فبالتالي لازم يختار الوقت والشخص المناسب اللي يقدر يتكلم معاه

من طرف **شذى** الخميس مارس 13, 2008 10:24 am

اولااااااااااا تسلم ايديك يا روح قلبى يا مون

بصى بقه ياسيتى انا طبعا زى مانتى عارفة مش كتووووووووووومة خالص

وده بحسه عيب فيا عيب خطير بس بينى وبينك انا كده مستريحة احسن مااقعد اكتم اكتم لحد ما اطق

بس هو المفروض زى اس ماقالت الوسطية
يعنى فكى مع حد بتثقى في هه؟؟؟

وبلاش تكتمى عشان بجد هياثر عليكى وحش ده ان مكنش اثر فعلااااااااااا

خلص الكلااااااااااااااااااااااااااااام سلااااااااااااااااااااااااااااام

من طرف **MOoON Light** الجمعة مارس 14, 2008 4:21 pm

ردودكم كلهااا بجد عجبااااااانى

نورت يااحمد و رأيك فعلااا صح

اس: فعلااا لازم نلاقى حد نثق فيه ونحكيله بس ده نااااااااااادر اوووووووووى
وبجد مش مجاملة والله انتى فعلااا ونعمة الصديقة المخلصة اللى بحب اتكلم معاهااا

شذذذذذذذذى::::: انتى عارفة انى بحب طبع الكتمان اذا كنت فرحااااانة او زعلاااانة
مش عارفة انتى من رأيك ان الكتمان أثر عليااا وحش!!!!! الله أعلم
نوررتى ياقمر

من طرف **RANEEM** الإثنين مارس 17, 2008 9:38 pm

موضوع جااااااااااااامد يامون
طبعا لازم تلاقي حد تثقي فيه عشانتعرفي تفضفضي
ولو مش لقيتي هتضري تكتمي في نفسك لغايه اما تطقي
الكتمان ده شيء مش مستحب اوي بس احيانا بينفع

من طرف **tweety** الإثنين مارس 17, 2008 10:14 pm

موضوع حلووووو اوى يامووووون
مهم جدا ان الواحد يفضفض ويلاقى حد يفهمه يحكيله
بس انا لو فرحانه كل الناس بتعرف
اما بقا لما اكون زعلانه اوى
بكتم فى نفسى جدا
وسرى بيبقى ليا
مش عدم ثقه فى الناس اللى حواليا والله
بس هو زى ماتقولى بحب يبقا عندى حاجات ميعرفهاش الا انا
ولما بكون متدايقه بيبان عليا مبتكلمش

طولت عليكى
بس انتى جيتى ع الوجيعه
الموضوع ده خانقنى بقاله كام يوم
بس اول مره اخد بالى من التوبيك ده

من طرف **Crespowbas** الثلاثاء مارس 18, 2008 12:19 am

حلو يا مون
ما اروعك
بصى يا ستى

انا مش بعرف اخبى حاجه مضيقانى خالص خالص حتى لو مش مضيقانى لو شغله دماغى
يعنى كدة تلاقينى روحت مفضفض لصحبى اللى بحبه وقوله كل اللى فى قلبى
بستريح سعتها كتير قوى وممكن اكون عارف الحل بس محتاج حد يقولى ايوة انت
صح

بس الحمد لله الواحد اتعلم كتير قوى وهيفضل يتعلم

وكمان يا مون فى اسرار الواحد ما ينفعشى يقولها لاى حد غير لنفسه وما يحسبشى حد غير نفسه برضو

خير يا مون

تسلم ايدك يا جميل

من طرف **MeRaMoRe** الأربعاء مارس 19, 2008 2:01 am

موضوع ممتاااااااااااااااااز ياموون كالعاده

انا من النوع الكتوم ممكن يبان عليه لما بضايق

بس مش بحكي ولو حكيت مش بحكي كل حاجه

مش عدم ثقه بس مش بحب اتكلم عن حاجه مضايقاني لأني بضايق اكتر

مش كل حاجه بكتمها بس في حاجات ببقى مضطره اني ما اتكلمش فيها غير مع نفسي

موضوع رائع ياموون

تسلم ايدك

من طرف **little angel** الخميس مارس 20, 2008 6:34 pm

ميرسى ع الموضوع الاكتر من هايل

انا بقى يمكن اللى محدش يعرفه فيا

انى كتووووووووووووووووووووووووووووووووووووومة جدا

ممكن لما اكون متضايقة من حاجات بسيطة بيبانعليا لما بتحصل قدام اصحابى انما الحاجات الكبيرة مابقولش لاى حد حتى اقرب الناس ليامعرفش ليه

بس صدقونى دة مش حاجة حلوة خالص لانى بتعب جدا وبنزف لما ضغطى يرتفع وباتعب نفسيا وجسديا

ياريت اعرف افضفض

من طرف **HAMADA** الأحد مارس 23, 2008 6:29 pm

جمال الموضوع انه جاى على الحته الحساسه اللى عند الكل

انا برضو نفس القصه بس انا بقا مابحكيش الا حاجات بسيطه لانى ببقا خلاااااااااااااااااااااااااص هانفجر من كتر المشاكل ومش اى مشاكل دا بجد بس انا الموضوع ده بيتعبنى جدا لانه ربا فيه التوتر الدايم بس انا مش عارف اغير من نفسي
وتسلملى ايدك

من طرف **MOoON Light** الأحد مارس 23, 2008 8:32 pm

ميرسى على مشاركتكم كلكم

أسعدنى بجد ردودكم كلهااا

اما بالنسبة ليكى ياانجل فاانا تقريبا زييك
بس الطبع ده فعلااا غلط لانه بيأثر علينا بالسلب

نورتوااا جميعاااا

كتمان الاحزان

كتمان الاحزان

رد: كتمان الاحزان

رد: كتمان الاحزان

رد: كتمان الاحزان

رد: كتمان الاحزان

رد: كتمان الاحزان

رد: كتمان الاحزان

رد: كتمان الاحزان

رد: كتمان الاحزان

رد: كتمان الاحزان

رد: كتمان الاحزان

رد: كتمان الاحزان