ليه رجعنى ليه تانى مع انى بعدت بمزاجى ؟؟

من طرف **tweety** الأحد مايو 18, 2008 6:26 am

ليه رجعنى ليه تانى مع انى بعدت بمزاجى؟؟؟

ممكن تقعد تفكر مع نفسك مره وتقول هو ليه ربنا بيكرمنى كده مع انى وحش و بعمل ذنووب كتيير و ما استهلش كل ده

ليه صحانى من النوم على وقت الفجر ووفقنى انى اصلى,,مع انى كنت كسلان ومش ناوى اقوم ولا اصلى ومصمم على

كده,وفى لحظه تشيل الغطا من عليك وتقووم تصلى وبنفس كماااان وخشوووع

اقوللك ليه؟؟؟؟؟؟؟؟؟؟؟

انت نسيت انك كنت واقف بين ايديه مره - قبل ما تبعد عنه بمزاجك- وفى لحظه صدق كنت بتدعيه بإخلاص وانت

ساجد وتقول له.....

يا رب ما تبعدنيش عنك مهما حصل.....

يا رب رجعنى لييك دايما مهما بعدت....

يا رب ثبتنى ع الايمان ده يا رب ثبتنى....

انا فرحان كده.بس مش عارف انا ببعد عنك ليه؟؟؟؟؟..

وكانك بتستنجد بيه وخايف لحظه الايمان اللى انت فيها دى ما تجيش تانى وانك تبعد وتتعب.........

وفى ساعتها بتبقى بتقول الكلام ده وقلبك مليان اخلاص وايمان وبتبقى فعلا مش عايز تبعد عن ربنا فى اللحظه دى لانك

بتبقى دايق حلاوه الايمان فى قلبك.......

انت دعيت وخلصت الدعاء وخلصت الصلاه وقمت.....

وانشغلت باى حاجه بعد كده ....ونسيت اصلا انك دعيته....بس ربنا ما بينساش........ما نسيش دعائك اللى انت اصلا
نسيته....

نسيت انت بعد كده فرحتك وانت قريب منه بعدت وبعدت كتييير عنه وفى عز ما انت حاسس انك وحش وسايب الصلاه

بمزاجك ونايم.....تلاقى ربنا صحاك وخلاك تصلى وتستغفر ذنوووبك..........وتقعد بعد كده تسال نفسك......

طب ليه ربنا بيكرمنى كده مع انى بعصيه.....ليه ربنا رجعنى ليه تانى مع انى بعدت بمزاجى

وممكن برضه تسال .....طب ليه ربنا اكرمنى اصلا وخلانى ادعي بالثبااات........ووفقنى للدعاء ده اللى بيكرمنى بيه تانى وتالت ....... مع انى برضه قبلها كنت بعصيه .....

ده عشان ربنا الرحيم بيوفقنا اننا ندعيه فندعيه فيستجيب فيكرمنا بالدعاء ده ..ويخلينا نرجع تانى ويخلينا نصلى فنقووم

وندعيه فيكرمنا تانى بالدعاء ده....وهكذا..و نقعد نلف فى دايره مغلقه..........

زى ما سيدنا موسى كان بيقول (يا رب كيف اشكر نعمتك على وشكرى لك نعمه تستحق الشكر)

كل ده عشان ربنا رحييم قوى قوى بينا...احن من امهاتنا علينا......عايزنا دايما نبقى مبسوطيين.......وعمرنا ما هنحس بانبساط ولا بسعاده اكبر من السعاده اللى بنحسها واحنا قريبين منه.........

ده كان زى كده حوار مع النفس بتهيقلى بيحصل لناس كتيير.......

اللهم يا مقلب القلوب ثبت قلوبنا على دينك ....

من طرف **Crespowbas** الأحد مايو 18, 2008 1:19 pm

جميل جدا

تسلم ايدك

من طرف **MOoON Light** الأحد مايو 18, 2008 1:23 pm

ياااااااااااااااه ياتوتيى

انتى بجد رووووووعة

وموضوعك روعة زيك
ربناا يهدينا كلنا ان شاء الله

ويارب كلنا نتجه لربنا أكتر شويه
ونعرف أن ربنا مش ممكن ينسانا أبداا

من طرف lovlygirl الأحد مايو 18, 2008 6:40 pm

الله الله عليكى يا جميل

تسلم ايدك

اللهم اهدنا لما تحبه وترضاه

وابعدنا عما لا تحبه ولا ترضاه

من طرف **takatiko** الثلاثاء مايو 20, 2008 12:45 am

تسلم ايدك يا تويتى

يا رب ارزقنا توبة نصوحة لا نضل بعدا ابدا

من طرف **روعة** الثلاثاء مايو 20, 2008 3:36 pm

جزاكي الله عني خير الجزاء

سلمت اناميلك ياتويتي

اللهم أنت ربي لا الــه الا انـــــــــت

خلقتني وأنا عبدك ، وأنا على عهدك

ووعدك ما أستطعت ،أعوذ بك من شر

ماصنعت ،أبوء بذنبي فاغفر لي فانه لا

يغــــــــــــــــــــفر الذنوب الا أنــــــــــت