من غير كلام....خلص الكلام

من طرف **snow white** الثلاثاء يونيو 03, 2008 2:25 am

من غير كلام
خلص الكلام من غير كلام....خلص الكلام 28

امتى بتقول كدا
لما بتتخانق مع صاحبك وبتقفل معاك وبتحس انك جبت اخرك معاه؟ من غير كلام....خلص الكلام 21

ولا لما بتزعق مع حبيبتك وتحس انها مبقتش فهماك؟
ولا لما بتلاقى فى حاجه فى البيت تخصك حصلها حاجه وعشان مش تغلط مع ماماتك او باباك بتقفل فى الكلام؟
ولا لما بقى يا حلو الدكتور يديك على دماغك وانت مش غلطان او غلطان؟
القصد:
انت امتى بتحس انك خلاص اتشفرت وانك لو اتكلمك او سمعت كلمة زيادة هتولع فى الى قدامك
واية اكتر موقف حصلك خلاك بالعربي كدا تشق هدومك من غير كلام....خلص الكلام 12

او حتى تشد فى شعرك؟؟؟؟

من طرف زائر الثلاثاء يونيو 03, 2008 2:32 am

مره شتمت دكتور...
شتيمه كبيييييييييييييييره
بس هوه اللي كان غلطان
ومن ساعتها
بقيت ألخص ف الكلام
أو بمعني أصح
متكلمتش بعدها تاني

من طرف **snow white** الثلاثاء يونيو 03, 2008 2:42 am

هههههههههههههههههههه
والله برافو عليك cheers

من طرف **eamo** الثلاثاء يونيو 03, 2008 2:48 am

انا بجد ده حصلي لما كنت باتكلم مع اختي الصغيره فحاجه لمصلحتها وكنت بانصحها وباقولها انتي عارفه انا بحبك قد ايه وباسألها يعني انتي ترضي افضل كده زعلانه منك وكل واحد فينا فناحيه ردت قالتلي اه بكل بجاحه ساعتها حسيت الأرض لفت بيا ومعرفتش اكمل كلامي لأني بجد اتحرجت منها قدام بابا وماما وقلتلها خلاص خلص الكلام بدل ماحدفها باي حاجه قمت [b]

من طرف **little angel** الثلاثاء يونيو 03, 2008 1:45 pm

انا بقى باقولها كتير جداااااااا

مع واحد كدة كل مايكلمنى اتنرفز منه وخاصة انه بيتكلم بالتحليل والتدقيق والكلام النظرى دة لحد ماتخنق وابقى خلاصيا هاسيبه وامشى يا هسيبه وامشى وطبعا عشان الذوق اقوله خلاص انا قفلت على كدة

بس مووضوع هايل يا سنو ايوة كدة ارجعى زى الاول وهاتيلنا مواضيع حلوة كدة

من طرف **روعة** الثلاثاء يونيو 03, 2008 8:22 pm

يااااااااااااااااااااااااااه دانا...زهقت من كتر مابقولها

اه والله

بالذات مع بابا واختي الكبيرة واحيانا ماما بس قليل قوي

تسلم ايدك ياقمر

من طرف **RANEEM** الأربعاء يونيو 04, 2008 1:13 am

انا مش قلتها بجد غير مرتين
بس اخويه الكبير بيقولهالي كتير
اصلي بنرفزه كتير اوي بس بصراحه انا بحب انرفزه

من طرف **tweety** الجمعة يونيو 13, 2008 12:20 pm

يااااااااااااااااااااااه كتير اوى بتتقال
بس قليل اما تكون بتتقال بجد
انا قولتها مره واحده بجد
مكنش ينفع غير انى اقولها
مع حد كان عزيز عليا اوووى اوى بس مكنش عارف ومكنش عايز يعرف
بس مكنش فاهمنى خااااااااااااااااااااااااااالص خالص خالص
كان ظالمنى اوى ومش شايفنى زى مانا ،شايفنى وحشه خالص
وفيا العبر
بيفسرلى النظره غلط والكلمه غلط وكله غلط فى غلط
لدرجه ان الواحد فاض بيه مش عارف يرضيه ازاى هتسكت يقول انك مش طايقاه تتكلمى هتقولى ايه وكل كلمه بتتاخد عليكى
بيتهيألى لو أى حد كان مكانى
مش عارفه هتصلحيله فكرته اللى واخدها عنك واللى المفروض يبقا هو مش واخدها اصلا
ده المفروض كمان انو لو لقا حد بيقول عليكى كده هو اللى يصلحله
بس ده محصلش
يخسااااااااااااااااااااره
مكنش فى غير سؤال واحد بس فى بالى
مدام انا كذا وكذا وكذا انتا مستنى ايه ؟؟؟ ايه اللى مخليك لدلوقتى ؟؟؟
مدام انا وحشه اوى كده متبعد وتستريح وتريحنى

هتقول انى بياعه انا بياعه بس بجد من كتر مفاض بيا من كتر منا مش لاقيه اى حاجه اعملها علشان تتغير
طبعا محدش فاهم حاجه
بس الخلاصه الكلمه دى بتتقال لما يبقا مفيش لغه تفاهم بينك وبين الشخص التانى
لما يبقا كل باب ممكن تدخله منه مقفول وعليه قفل انتا مش معاك مفتاحه
مفتاحه ضاع ومش راجع تانى
سعتها هتقول خلص الكلام وممكن تفضل تحبه بس مفيش كلام خلاص
معلش طولت عليكى

من طرف **AHLAWY** الجمعة يونيو 13, 2008 12:53 pm

انا الحمد الله بجد

مش قولتها لانى بعرف

اشوف اصحاب اللى زانا قليل الادب نفس دماغى

وبنفهم بعض

بس حصلى فى يوم كنا بنلعب فى المدرسة الثانوى

وبنعمل دورة كل سنة وكنت فى سنة تانية والمدرس اللى بيحكم

كان مزودها معانا اوى فراح حسب كورة جون وهى كانت طلعت برا

دخلت فيها والله وشتمته وزعقت جاااااااااااامد فيه

مش عارف ايه اللى انا عملته

اتفصلت 3 انا قليل الادبم واتنفخت فى البيت من ساعتها

مش بطول مع حد يعملى حاجة باخده على اد عقله

من طرف **devotte_h** الجمعة يونيو 13, 2008 3:36 pm

انا مرة كنت فى الثانوى والاستاذ بيضربنى بالعصايه فوقعت العصايا على الارض وبيقولى هات العصانا قليل الادب قولتله انتا اللى وقعتها هاتها انتا ،جه يمد ايده يضربنى فمسكت ايده وزقيته وكانت مشكلة كبيرة وحولت من المدرسة بعدها.
ومن بعدها بقيت الخص فى الكلام ، يعنى انفذ اللى انا عايزه من غير عصبية.

من طرف **snow white** الجمعة يونيو 13, 2008 5:13 pm

ميرسي يا جماعه ليكو
نورتو التوبيك بمروركوا
انا بقي كتيييير بقول خلص الكلام
لاني لما بتعصب مش بلاقي الكلام

من طرف **Crespowbas** الأحد يونيو 15, 2008 2:27 am

لا انا بقول كدة لما ازهق من واحد وبيكون عزيز عليا
علشان لو طولت بعدها معاه فى الكلا ممكن نخسر بعض

بس غالبا

ممكن اقول كدة لما احس انى هتنرفز قووووووووووووووووووووووووووووووى