يوم النتيجه .. تعالى ياعم المتفوق

من طرف **tweety** الإثنين يونيو 30, 2008 3:58 pm

تخيل كده ياعم المتفوق وانت مخلص امتحانات ورايق وفايق

ونايم بعد الفجر بقى ومريش نفسك

وجيت تنام

فجأه بعد ساعه من نومك

جه السيد الوالد الفاضل

وبيصحيييك

- اصحى يابنى .. انت يازفت

تروح انت قايل فى سرك

- يوووووووووه هو الراجل ده مستقصدنى بقى ولا ايه

- ايوه يا بابا نعم ؟

- قوم عشان تجيب النتيجه

- نتيجه ؟ ليه هو احنا فى راس السنه ؟

- راس السنه ايه يابنى قوم قووووووم قامت عليك قومه

تروح قايل فى سرك

كمان قامت عليا قومه ده انت بتحبنى اوي

طيب قايم اهو قااايم

هو اليوم بيبان من اوله اما اقوم اكلم اى حد من صحابى يجي معايا

/
/
/

- الو .. انت ياحيوان .. تعالى معايا نجيب النتيجة

- يادي النيلة ياعم قول صباح الخير صباح اللى بتغنى صباح الدين الايوبى هههههههههه

- طب يلا ياظريف عشان منتأخرش

/
/
/

- ماما .. ماماااا .. ياحاااجه .. ياعمره .. يادى النيله عليا مبترديش عليا ليه

- هاا عايز ايه يابنى

- عاتى فلوز

- مين ياخويا ؟ ايه عاتى فلوز دى كمان

- يعنى شخللي جيوبك ونفضيها عليا

- ايه الكلام اللى محتاج كتالوج ده .. فين المترجم بتاعك يابنى

- يوووه ياماما هاتى فلوس ياماما

- طب متقول كده .. منصور يابنى ان شاء الله

- هو انا رايح اجاهد ياحاجه ده ايه الناس الغريبه دى

/
/
/

وبعد ماانت نزلت بقى ورايح تجيب النتيجه ومعاك صاحبك

وفجأه شايف كله طالع يبص لدرجاته ويعيييييييط يعيييييط

راح صاحبك قال

- اهو هو ده بقى الفأل الحسن

- فأل حسن .. طب مفيش فأل حسين ههههههههه .. امشى ياعم شكلنا ضايعين

- طب مندور علينا هههههههههههههه

/
/
/

وهووووبا جبت النتيجه وطلعت مليااانه كحك وساقط وحالتك بالبلاوي

ومروح البيت بقى وعامل نفسك عم سيلفستر استنونى انا جى اهو هههههههههه

ومامتك تقولك

- ها ياحبيبى عملت ايه ف النتيجة

- ماما عازمك على اكله كحك جامده مووت

- لابجد ؟ يبقى نجحت الف مبروك ياحبيبى

تروح قايل فى سرك

امى دى ست طيبه موووووووز

تروح قيلالك

- ورينى كده النتيجة

- طيب شوفيها اهو

- يالهوييييييي ياخراااشى تعالى شوف ابنك تعاااالى
ابنك فاااااااشل

- يوووه ياماما بضايق من الكلمه دى

- بتضايق منها ؟؟

يافاشل يافاشل يافاشل

/
/
/

ابوك جالك بقى

- يانهار ابوك اسود .. ايه الدرجات دى يالا

- ايه يابابا اكيد فى غلط فيها ولا حاجة

- فيها ايه ياخوويا ؟؟

- فيها فيل .. يووه اصدى فيها غلط .. بس متقولش لحد

- متقولش لحد ؟ .. طب تعلالى ياعم هيفاء وهبى

زوووو زووو وضرب من هنا ومن هنا ومن هنا

/
/
/

وآدى اخره المذاكره ياعم
الواحد بعد كده يرشح نفسه فى مجلس الشعب
عشان يبقى عنده حصانه من ابوه هههههههههههه

عايزه اقول حاجه

مش انا اللى كاتبه الكلام ده
الكلاااااام ده منقوووووووووووووووووووووووول Very Happy

وفأل حسن وحسين وشوقى وكريم ومختااار ان شاء الله
ربنا معانا

من طرف **Crespowbas** الإثنين يونيو 30, 2008 4:10 pm

هههههههههههههههههههههههههههههههههههههههههه
ينها

امك ديه طيبه مووووووووووووووووووووووز

ههههههههههههههههههههههههههههههههههههه

ولا هعزمك على اكله كحك

ههههههههههههههههههههههههههههههههههههههههههه

ينهار ابيض يا تويتى بقالى كتير قوووووووووووووووووووووى مقراتش حاجه زى كدة فى المنتدى

والله روعه يا تويتى تسلم ايدك بجد
انا فطست على نفسى يا بنتى

لا بجد تسلم ايدك وتسلم ايد اللى كتب الموضوع دة

هههههههههههههههههههههههههههههههههههههههه

من طرف **snow white** الإثنين يونيو 30, 2008 6:55 pm

ههههههههههههههههههههههههههههههه
يخرب عقلك يا تويتي والله انتي عسل اووووووووي
بس ليه الفأل ده قبل النتيجه كده
طيب كنتي استني بعدها
ولا اقولك ... مش هتفرق كتير

من طرف **mido19** الإثنين يونيو 30, 2008 7:55 pm

ههههههههههههههههههههههههههه
موضوع جامد ياتويتى

من طرف **AHLAWY** الإثنين يونيو 30, 2008 8:35 pm

هههههههههههههههه

هههههههههههههههههههههههههههههههههه

جامدة ياتويتى بس الحمد الله احنا مش بنذاكر

فاكيد مش هنكون كداااااااااااااا

ابوس ايديكى قول اه صح مش لينا

بس جاااااااااااااااااااااامدة