............تشترى المصرى ............؟؟؟؟؟؟

من طرف **Crespowbas** الأحد يوليو 20, 2008 11:45 am

أي
المشهدين التاليين حدث معك؟!

***
............تشترى المصرى ............؟؟؟؟؟؟ 83b1d8d22f

في المول الفخم الفخيم، يعجبك قميص ما، تقترب من
البائع لتسأل على المقاس، ثم تدخل البروفة وتنظر لنفسك في المرآة بعد أن ارتديته فيعجبك
جدا، وتقرر شراءه، وأنت تخرج فلوسك تلمح "التيكيت" المكتوب
عليه البلد الذي تم فيها إنتاج القميص، وقبل أن يضعه البائع في الحقيبة المخصصة له
تمسك يده في عنف قبل أن تصرخ:
- إيه ده.. هو القميص مصري؟
- أيوه حضرتك.. ده من أجود أنواع
القطن المصري
- لأ لأ.. نو نو.. تؤ تؤ.. إزاي ألبس
قميص مصري أنا؟!
- عادي حضرتك زي ما قلت لك ده ما
يقلش جودة خالص عن المنتجات العالمية.. عادي يعني هتلبسه زي أي قميص ويمكن أحسن.. مفيهوش بودرة عفريت
يعني هتخليك تهرش ليوم القيامة!
- لأ.. مستحيل.. ما أقدرش.. هي غسلة
واحدة بس وتلاقيه كش ولونه
اتغير وماعدش ينفع "حاتم" ابن أخويا الصغير يلبسه.. سوري.. مش هاقدر أشتريه..
- لا حول ولا قوة إلا بالله.. طب
حضرتك خده هدية لحاتم طيب!
- وليه حاتم يلبس مصري لما ممكن
ألبسه مستورد.. فوتك بعافية!
- الله يعافيك.. خليك في المستورد.. يارب
حرب عالمية تقوم ومايبقاش فيه لا استيراد ولا تصدير عشان تلبسوا المصري.. وأنا بإيدي اللي هزود
بودرة العفريت!

............تشترى المصرى ............؟؟؟؟؟؟ A5bdbf0035

............تشترى المصرى ............؟؟؟؟؟؟ A5bdbf0035

***
في
محل ملابس جاهزة متوسط، يعجبك قميص ما،
تقترب من البائع لتسأل على المقاس، ثم تدخل البروفة وتنظر لنفسك في المرآة بعد أن ارتديته فيعجبك
جدا، وتقرر شراءه، وأنت تخرج فلوسك تلمح "التيكيت" المكتوب
عليه البلد الذي تم فيها إنتاج القميص، فتتأكد من المعلومة وأنت تقول للبائع:
- مصري.. هاه؟
- صنع غزل المحلة كمان.. كفاءة يعني!
- هتقولي على المحلة.. تعرف أنا بحب
قوي أشتري المنتج المصري
- لا حول ولا قوة إلا بالله.. طب
وليه بتعمل في نفسك كده؟!
- حاجات كتير والله.. فيه منتجات أنا
شايفها كويسة فعلا ولا تقل جودة عن المنتجات العالمية.. وكمان بتكون أرخص وأهو الواحد يدعم صناعة
بلده
- ربنا يبارك فيك يا أستاذ.. يا ريت
كل الناس زيك- ثم يميل البائع على أذن أحد زملائه وهو يهمس له: "سمعت.. ابقى اتأكد
بقى إن التيكيت المضروب اللي حاطينه على الهدوم الصيني مكتوب عليه صنع في غزل المحلة!"..
أي خدمة يا فندم.. نورتنا.. تحيا مصر!

............تشترى المصرى ............؟؟؟؟؟؟ Ce63f19e47

............تشترى المصرى ............؟؟؟؟؟؟ Ce63f19e47

***

قلت
لنا أنت مين في دول بقى؟

بتهرب فعلا من المنتج المصري وكأنه "سلعوة"
مفترية هتعضك من رقبتك؟!
ولا بتاخده في حضنك وكأنه صاحبك اللي
مشفتهوش من زمان؟!

شايف إن دي أصلا نقطة مستحقة النقاش
ولا خلاص ده كان زمان و"جبر".. ومنتج مصري مين يا عم الحاج اللي جاي
تتكلم عنه؟

طب
والله فكر في الموضوع هتلاقيه فيه أكتر من نقطة تستحق النقاش

أولا..

خلينا نتفق إن قوة أي دولة في جودة المنتجات اللي بتخرج
من مصانعها بل إن فيه دولة بتتعرف من منتجاتها من غير أي مجهود.. زي مثلا أجهزة
الكمبيوتر أو التليفونات اللي بتيجي من اليابان وزي المعدات الثقيلة اللي
بتيجي من ألمانيا.. كده يعني
فهل أنت شايف إن مصر عندها منتج واحد على الأقل يعتبر زي "علامة تجارية" خاصة بيها كده؟

ثانيا..

هو الواحد فعلا ممكن يشتري منتج مصري عشان يشجع صناعة
بلده؟ ولا ده كلام نظري ممكن يحصل في الستينيات مش دلوقت خلاص.. خصوصا إنه من حق
الواحد يشتري منتج كويس.. ليه يدفع فلوس في منتج نص نص؟

ثالثا..

بصفتك راجل خبير "احنا واثقين من ده!" شايف
الأزمة فين.. في المنتجات المصرية اللي مش كويسة وتؤدي إن المصريين يهربوا منها.. ولا في
المصريين اللي عندهم عقدة خواجة ويحبوا يشتروا أي حاجة مستوردة كده وخلاص؟

رابعا..

بصفتك راجل خبرة -دي غير خبير!- شايف إن فكرة شراء أو
عدم شراء البضائع المصرية دي مرتبطة بطبقة معينة "الأغنياء والفقراء" ولا دي
حاجة مالهاش علاقة بالفلوس؟

خامسا..

مافيش خامسا!

سادسا..

ما تكتب لنا رأيك وكلمنا بقى وقل لنا

............تشترى المصرى ............؟؟؟؟؟؟ A95b80ddfc

............تشترى المصرى ............؟؟؟؟؟؟ A95b80ddfc

تشترى المنتج المصرى حتى لو كان سلعوة

ولا بتجرى منه لو كان قطه ممضه؟

من طرف **zy_elsoker** الأحد يوليو 20, 2008 2:05 pm

اولا بعيد عن خبير وخبره دى

مصر عندها منتج علامه مسجله اشككك (كان فى رز و بطاطس و قطن وقمح زمان)

وطبعنا دا مش صناعه

ثانيا الفلوس دى عمله نادرا ارمهيا فى منتج بايظ علشان اشجع منتج بلدى وياريت بشجع كمان دا كده بساعد الفساد اكتر

ثالثا لا مش عقده خواجه الحكايه ان الواحد مش بيرمى فلوسه فى الارض

رابعا حاليا و فى الزمن دا مش مرتبطه خالص بالاغنياء والفقراء كله بيبعد عن المصرى

ودا راى

من طرف **RANEEM** الإثنين يوليو 21, 2008 1:39 am

والله انا لو شايفه ان المنتج المصري ده كويس مش سلعوه يعني ز ما انت بتقول هشتريه
لكن قي لو كان سلعوه اكيد لا انا مش هكدب عليك وانت قلتها ليه ادفع فلوس في حاجه نص نص
بالذات كمان ان الفلوس دي مش بنلقيها علي الارض

اما بقي في حكايه ان مصر عندها علامه تجاريه فمش اعتقد ذالك

انت تعرف والله لو يشجعو الشاب علي انهم يصعو منتجات كوسه ويكافئوهم
هيعملو بذمه مش هيكروتو لكن خلاص احنا اتعودنا علي الكسل اتعونا علي ان كل حاجه تجيلنا من بره

رابعا بقي الاغنياء دول دايما بيشترو المستورد انت مش تتفرج علي المسلسلات ولا ايه
ده حتي الهدايا مستورده
اما الفقراء اوي فبيشترو الحاجه الي علي قد فلوسهم مش فارقه بقي مستورد ولا مصري

بس كله في الاخر بيرجح المستورد

من طرف **MeRaMoRe** الإثنين يوليو 21, 2008 2:42 am

انا غالبا احب اجيب المستورد طبعا بس لو لاقيت منتج مصري كويس عجبني وسعره معقول ممكن اجيبه لكن ما اجبش حاجه غاليه مصري وتطلع بايظه في الأخر وانا الخسرانه

وزي مارنيم قالت لو يشجعو الشباب هيشتغلو بذمه والمنتج هيبقى كويس ومضمون

من طرف **snow white** الثلاثاء يوليو 22, 2008 1:18 am

تصدق في اللبس بالذات مش بفكر
يعني البلد اللي اتعمل فيها اخر حاجه ممكن ابص عليها بعد ما اشتري واروح
وممكن بالصدفه كمان
المهم انها عجبتني وحسيت انها كويسه في خامتها
غير كده مش ببص

توبيك تحفه كالعاده يا كريسبو

من طرف زائر الثلاثاء يوليو 22, 2008 2:13 am

المشكله مش ف المنتج
المنتج ممكن تقبله
بس بسعر كويس
المشكله ف المصري اللي عامل فيها فهلوي
وبيضحك ع الناس بحاجه مبتعش
وتقوله ديه حاجه كويسه
قولك أيوه ويحلفلك ويألف ف قصص
ويأرطص الزبون
ويبيعهوله بسعر محترم
وبعد شهر تندم أنك سمعت كلامه
وطبعا بعد كده
لا هتشتري المصري
ولا هتطيق تشوفه
حتي لو بأه كويس

المشكله أن الثقه معدومه

من طرف **Crespowbas** الجمعة نوفمبر 07, 2008 4:54 pm

الثقه معدومه فعلا

تسلمو يا شباب نورتو التوبيك

............تشترى المصرى ............؟؟؟؟؟؟

............تشترى المصرى ............؟؟؟؟؟؟

رد: ............تشترى المصرى ............؟؟؟؟؟؟

رد: ............تشترى المصرى ............؟؟؟؟؟؟

رد: ............تشترى المصرى ............؟؟؟؟؟؟

رد: ............تشترى المصرى ............؟؟؟؟؟؟

رد: ............تشترى المصرى ............؟؟؟؟؟؟

رد: ............تشترى المصرى ............؟؟؟؟؟؟