ابوس ايدك يا سيادة الرئيس.......!!!

من طرف **Crespowbas** الخميس سبتمبر 18, 2008 5:09 pm

سيادة الرئيس /بعد التحيه والسلام..

وعدتنا فى حملتك الانتخابيه ببرنامج رئاسى جميل ..ولذيذ..وعدتنا..بالقضاء على البطاله..
بتعليم الجميع..وعدتنا بالوظائف الخالية ..وعدتنا بمياه نقيه-وصرف صحى –نصرف فيه- ولكى
اكون صادقا معك..قال احد الخبثاء..دا كلام دعايا يا جدعان
ابوس ايدك يا سيادة الرئيس.......!!! Upload2world_e3110

ابوس ايدك يا سيادة الرئيس.......!!! Upload2world_e3110

فقمت بالرد وقلتله ولزمتها ايه الدعايه اذا كانت النتيجه معروفه ..الراجل هيكدب ليه.
.دا اللى مرشحين قدامه ..واحد عاوز يلبسنا طرابيش..وواحد هيخلى السمك باتين
جنيه(برامجهم الرئاسيه)..وواحد ...الخ.

وبغض النظر عن حادث العباره وحوادث القطارات..والكثير سيدى..فهذة الاشياء فى
المحروسه ...قضاء وقدر...زى اللى بيبقى ماشى ويقع فى البلاعه..اللى فى الشارع.
.هنعترض..حرام..بالظبط زى اللى بيبقى ماشى على الطريق وتهفه عربيه..

هذا ما يسمى بالقضاء والقدر..

نترك القضاء والقدر ونعود للموضوع سيدى الرئيس..الحقيقه-اى والله-انى انبهرت
من البرنامج الرئاسى حاجه كده ولا فى الاحلام..اى نعم هوه مش سبب رئيسى
للنجاح لان شعبك العظيم مبيهتمش بالتفاهات دى..لكن اللى بيفهم انبهر..
ولكن....واه من ولكن ...عرفت الان كيف سيتم البرنامج الرئاسى ..

البلد هتتباع

ايوه هتتباع يا ريس..مش كد؟؟ ارض سيدى عبد الرحمن اللى اتباعت من فتره
..وعمر افندى اللى بقى سعودى او هيبقى خلاص..ولو حضرتك عندك علم ان
مبنى عمر افندى فى اسكندريه عباره عن تحفه فنيه(على ما سمعت)..مش حرام

مش حرام نبيع عمر افندى عشان توصل للناس صرف صحى..؟؟ يعنى عمر افندى هيبقى
الامير /عمر ال سعودى..؟؟ مش المفروض تنفيذ البرنامج يبقى من الناتج القومى للبلد
....ولا نقوم نبيع البلد..عشان ننفذ البرنامج؟

يعنى نبيع نص مطارات البلد..عشان نوصل ميه نضيفه؟؟ نبيع كل سواحلنا..عشان
نشغل الشباب..خلاص ياريس هنبيع؟؟

انا عارف ان علينا ديون ..بس اكيد حضرتك عارف ان اليابان انضرب فيها قنبلتين
نوويتين..والوقتى مشاء الله شوف عاملها ازاى؟؟ ولا الصين ولا الهند ولا سنغافوره
..حتى تايوان يا ريس..

ابوس ايديك ياريس..بناقص البرنامج اللى هتتباع فيه البلد..بناقصه..واحنا كده فى عذاب
بس البلد ملكنا..وانا مش ضد الخصخصه بالعكس..هوه دا اللى ماشى فى العالم..بس
سيادتك مفيش حاجه فى البلد دى بتمشى بضمير..صدقنى بعد 10 سنين كده هنلاقى
ملايين الملايين ..اهدرت فى الخصخصة دى..سيدى الرئيس..
انا لا دارس سياسه ولا اقتصاد..يدوب فى جامعه ومش عارف ادخلها عشان الكارنيه
...بس بفهم ..ودا اللى فهمته..ويارب اكون غلطان بس مظنش..سيدى الرئيس

مش عاوزين البرنامج بتاع سيادتك..

ملحوظه الموضوع دا على مسؤليتى الشخصيه انا ولا يتحمل المنتدى اى مسؤليه

من طرف **snow white** الجمعة سبتمبر 19, 2008 1:55 am

والله انت جااااااااااااااااامد يا كريسبو
تسلم ايدك
وربنا يستر عليك
ههههههههههههههه
شكلك هتوحشنا قريب

من طرف **zy_elsoker** الجمعة سبتمبر 19, 2008 2:07 am

هههههههههه يا خرابى وداعا كرسبو وداعا

بس تصدق الكلام حلو و الموضوح حلو هو ليه سياسيه ممنوع انا كنت

هعمل توبيك هايل حاجه زى الا انت عامله كدا بس بلاش اقول مش عاوزه -----

قلولى ممنوع و الحمد لله

من طرف **Crespowbas** الجمعة سبتمبر 19, 2008 4:18 am

انا ماقولتش حاجه غلط
ولا غلط فى حد

انا بناقش حاجه انا شايفه باسلوب مايخليش القارئ يمل من الكلام ويقول انه كلام سياسه وخلاص واقلب

بس
تسلمو ايديكم

نورتى يا سنو هانم

نورتى يا زى السكر