ابو لمعه يتقدم للرئاسه ..... حصريا

من طرف **DeBo0o** الأربعاء سبتمبر 24, 2008 3:46 am

اولا ازيكوا بقالى كتير ماشفتكوش وحشتونى والله بس اهو نعمل ايه الشغل بقي دعواتكم معانا
نخش في الموضوع بس قبل ماندخل في الموضوع مش عاوز اى اسقاطات ولا حد يقولى انت تقصد مين من اولها اهو انا مااقصدش حد ولا بنتكلم عن حدا احنا بس بنتسلى موافقين( ضع علامة الموافقة) cheers

في وسط الزحام الشديد لقينا ابو لمعة وسط الصحفيين والبودى جارد بتوعه محاوطينه
لكن قدرنا ناخد منه اللقاء دا على جنب كدا ((دكاكينى يعنى))

-ازي صحة حضرتك يا معالى ابو لمعة باشا
-انا الحمد لله كويس انا بمب وماتصدقش اى حاجة تانى غير كدا
في سرى((وانا مالى ياعم ))
-كنت عاوز اسئل حضرتك عن خطتك المستقبلية
-شوف يا
-ديبو ياافندم
-بص يا فوزى
في سرى((ياعم قول اللى تقوله انا ناقص اصححلك الاسم علشان تتهمنى بالخيانة العظمى عيش ياعم بدماغك دى))
-اتفضل سعادتك
-انا نوى اخلى الناس تعيش في رخاء اول ماامسك الكرسى
-ازاى ياافندم Rolling Eyes

-يعنى اخلى العيش متاح لكل مواطن والعيشة فلة واخر ظقططة وهارفع المرتبات وهاخلى منتجنا ينافس المنتج العالمى
-عظيم ياافندم وايه كمان
-هاخلى الناس تحب بعضها ومش مدايقة وهاخلى الدعم في كل مكان في الجامعات في السلع الغذائية في كل حاجة يعنى علشان لما الشعب يدلعنى يبقي يسمينى بتاع كلوا هههههههه
-هههههههه((يا سلام على غتاتة اهلك)) شكرا يا استاذ ابو لمعة
----------------وبعد ماابو لمعة حصل على الكرسى والبلد خربت والحمد لله سألناه----------------
-ايه يا سيادة ابو لمعة دا اللى حصل
-ايه في ايه
-الناس ماشية في الشوارع بتكلم نفسها
-وانا مالى
-امال مال مين ياافندم ؟
-هو في ايه بالظبط
-في في كتير الناس مش لاقية تاكل والاسعار بقت نار والدعم فنيتوا بح واللحمة بقت بتوضع في المتاحف والديمقراطية بقت سجون والفلوس بتاعة الدولة اتصرفت على العسكر وعلشان تبقي محترم لازم تبقى في البوليس والعلم اتهان ورجال العلم طفشوا والعالم هنا بينداس والوسطة بقت للراس
والكوسة مغرقانا وسيادتك ولا كأنك معانا
-بص يا ولد انا ماليش دعوة هيه جت كدا حظكوا كدا الاسعار ارتفعت دا قضاء وقدر انت هاتعترض
اما حكاية السجون دى فدول حارمية ولاد كلب فلازم يتأدبوا وبلاش اليأس دا تفائل في 2090 اكيد الوضع هايتغير بص لقدام بلاش تشائم
-كفاية بقى قرفتنا الله يحررررررررررقك affraid

بس احنا اللى غلطانين لاننا تكاسلنا واهملنا في حقنا وثرتنا دقيقة وضربتنا بطيئة
ماشيين بقول كبر مخك وانا مالى ياعم انا ورايا عيال انا عاوز اكل عيش
يبقي نستحمل بقي lol!

من طرف **snow white** الأربعاء سبتمبر 24, 2008 3:49 am

جااااااااااااامد اخر حاجه يا ديبو
نورت المنتدي تاني

من طرف **DeBo0o** الأربعاء سبتمبر 24, 2008 3:51 am

دة انتى اللى نورتى التوبك يا سنو يا رب دايما مع بعض كدة و متجمعين يا رب

من طرف زائر الأربعاء سبتمبر 24, 2008 4:07 am

ميه ميه
وبصراحه الراجل عنده حق
هيه جت كده
هيعمل أيه
موضوع عسل
وأنتا كده

من طرف **Crespowbas** الأربعاء سبتمبر 24, 2008 12:16 pm

الله عليك يا معلم ديبو

منور والله

عاوزين نشوفك كتير ياحج

وبنا يكون فى العون

تسلم الايادى ويسلم ابو لمعه

من طرف **MARYEM** الأربعاء سبتمبر 24, 2008 5:18 pm

جاااااااااااااااامد ويلكم باك ديبو تسلم ياجميل

من طرف **RANEEM** الأربعاء سبتمبر 24, 2008 6:05 pm

الله يحرقك يا ابو لمعه
جامد ياديبو
مش تقطع كده تاني

من طرف **zy_elsoker** الأربعاء سبتمبر 24, 2008 8:45 pm

هههههههه مش ابو لمعه هنستنى منه ايه

ربنا يكرمك يا ابو لمعه و تورينا مكمان و كمان من كرمك

توبيك هايل

من طرف **DeBo0o** الخميس سبتمبر 25, 2008 1:30 am

بجد متشكر لكل من خط قلمه فى ورقاتى المتواضعه .. و كل زيارة لتوبيكاتى بتزدنى شرف و امتنان

بس مبدايا كدة انا عايز اعرف مين معايا من اولها كدة و مين اللى هيقر من اول قلم بالصلاتو على النبى

من طرف **little angel** الخميس سبتمبر 25, 2008 1:44 am

اكيد معاك يا ريس

سيبك انت اخيرا ياعم نورت المنتدى

والله مكنش ليه طعم من غيرك ومكنتش لاقيه حد اناكف فيه

مبروك صحيح كتيييييييييير على الخطوبة وسلملى على نونا

وردى على التوبيك حسبنا الله ونعم الوكيل فى امثال ابو لمعة