عمرك حسيت ؟

من طرف FoOoFy الخميس أكتوبر 18, 2007 9:29 am

عمرك حسيت انك - رغم كل الناس اللي بتحبك و حواليك - لوحدك قوي ؟
لوحدك لدرجة انك لو صرخت في وشوش الناس اللي قدامك صوتك هايخبط في ودانهم و يردلك مجرد صدى غبي
عمرك حسيت أنك - رغم كل الناس اللي بتحبك و حواليك - مش عاوز تتكلم مع حد ؟
مش عاوز تتكلم مع حد لدرجة أنك ممكن لو دخلت في نقاش جديد او حوار جديد ممكن تبكي بكل الحرقة و المرارة اللي مخزونة جوانا و يتزيد كل يوم من قبل حتى ماتقول كلمة واحدة
عمرك حسيت انك - رغم كل الناس اللي بتحبك و حواليك - عاوز تهرب من كل الناس ؟
عاوز تهرب من كل الناس لدرجة انك ممكن تربط حجر على صدرك و ترمي نفسك في أعمق وادي في المحيط و تسيبه ياخدك و ينزل
عمرك حسيت انك - رغم كل الناس اللي بتحبك و حواليك - مش سعيد ؟
طب عمرك سألت نفسك أنا ليه جوايا كل ده ؟
ناقصني ايه ؟
يا ترى احنا اللي سيبنا نفسنا فريسة للحزن لحد ما اتملك مننا و خلانا مهما ضحكنا و هزرنا و طلعنا رحلات برضه حاسين اننا عواجيز من جوانا ؟
يا ترى احنا فعلا كده ؟
دي تبقى مصيبة!!!!
طب و العمل؟؟؟؟؟!!!!!
و لا كل الأسئلة دي جوانا علشان أحنا مصممين مانديش نفسنا فرصة تستريح شوية
مش بندي روحنا اجازة
بنطلع من حوار ندخل في مشكلة علشان اول مانحلها ننشغل في موضوع و يخلص الموضوع علشان نكتشف اننا لازم نفكر بسرعة في أزمة لا كانت على البال و لا على الخاطر
على فكرة العيد كان من يومين
حد فينا حس بجد أنه في عيد ؟؟؟
كان فرحان من جواه ؟
و لا ضحكنا على نفسنا اول ساعتين في أول يوم بشوية نكت و هزار و باقي اليوم و تاني و تالت يوم كانوا عاديين و يمكن أقل
يا ترى أحنا فعلا مابقيناش نعرف نعيش أوقاتنا الحلوة ؟
طب و الحل
؟؟
؟؟
؟؟
؟؟؟؟؟؟؟؟؟؟؟؟؟؟؟؟؟
تفتكروا الحل أيه ؟

من طرف dragon الخميس أكتوبر 18, 2007 10:12 pm

الحل

كلمة واحدة

الاخلاص فى كل شىء

من طرف **شذى** الخميس أكتوبر 18, 2007 10:19 pm

راىى انا المواجهه يعنى لو فيه حاجة خنقاك

حتى ولو كانت تافهه لااااااااازم نتخلص منهها اول باول ومنفضش
لانى لاشئ +لاشئ= شئ
بس يعنى بلاش نعبى ونراكم جوانا افتكر كده لما نقعد مع نفسنا مش هنلاقى حاجة مضيقانا
وثانكس ع التوبيك

من طرف **DeBo0o** السبت أكتوبر 20, 2007 5:47 am

كتير قوى بنحس بكل اللى بتقوله دة بس مش معنى كدة اننا ما بقناش نحس بالحظات الحلوه

بالعكس احنا لو ما حسيناش بيا مش هنفضل عايشين كدة و لا هيفضل الامل فى الحياه موجود

كتير بنمر باوقات صعبه لكن بنرجع نخرج منها تانى و الحياه مش بتقف و بتستمر

لكن لو كل واحد فينا دخل نفسه جوة الدايرة المغلقة دى هيبقى مات اكلينيكيا و الاجهزة اللى فى جسمه هيا اللى بتتنفس بداله

من طرف **Just Zizo0o0o** السبت أكتوبر 20, 2007 10:22 pm

الله الله يا جميل ايه الحلاوه دي نايس توةبيك ويارب نشوف حاجات حلوه كتيييير

من طرف **Just Zizo0o0o** السبت أكتوبر 20, 2007 10:22 pm

الله الله يا جميل ايه الحلاوه دي نايس توةبيك ويارب نشوف حاجات حلوه كتيييير

من طرف **RANEEM** السبت أكتوبر 20, 2007 10:37 pm

بجد التوبيك جميل موت وانا اويد راي ديبو هو قال كل حاجه

اقولك انا حاجه
عمرك حسيت ان رغم كل الناس الي انت بتحبهم وبيحبوك ان مش في حد بيحبك اصلا

من طرف **snow white** الأحد أكتوبر 21, 2007 5:52 pm

عارف انا بجد حسيت بكل اللي انت بتقوله ده
لدرجه والله بجد مره بكيت بدموع ادام اصحابي
ومحدش اخد باله اني ببكي بجد احساس صعب اوييييييييييييييييييي
بس انا مع كل ده
مع ديبوووووووو في كلامه

من طرف madman2010 الأحد أكتوبر 21, 2007 8:43 pm

احنا ازاي نفرح وبلدك ماشية كوسة في كل حاجة
ازاي نفرح والشباب مش لاقي شغل ونفسويتجوز
ازاي نفرح والاوضة بقي الشباب علشان يجيبها عاوز اكتر من 60000 جنيه
ازاي نفرح ودكاترة الكليات بينجحوا اللي علي مزاجهم ويسقطو اللي علي مزاجهم
زغيره وغيره وغيره وغيره
بعد ده كله نفرح احنا المفرود ننتحر

من طرف **MOoON Light** الأحد أكتوبر 21, 2007 9:24 pm

موضوع بجد والله جمييييييييييييييل جداااااا
والمفروض بجد الحل فيه
ان الناس كلها تحس ببعض
ونراعى مشاعر بعض فى كل حاجة

وطبعا ده فى الغالب مش موجود
فبذلك يكون العمل (اللجوء لله وحده )
ثم الاكتمان بداخلنا
ثم الانهيار عصبياااااااا
ياما نستحمل ونعيش

شكراااااااا مرة تانية على الموضوع