شوية كلام فاضي ملوش لازمه

أكيد ليك عينين
عقلك بيشوف بيهم
وليك قلب
عقلك هو الي بيحس بيه
دا قصدي
شكرا علي ردودكوا

ويمكن يكون ده م الأصل هو سبب المشكله
عارف كل الناس ليها عنين بتشوف بيها
بس قليلين أوي اللي بياخدوا بالهم م التفاصيل

عارف أنا بتكلم عن الثقه بالنفس ف أي وقت
بالذات ف الوقت اللي بتحس فيه أنك خسرت حاجه مش هتتعوض
لما تيجي تحسبها هتلاقيك خسرت أيه
خسرت حاجه حلوه كانت عندك أنتا
أو كسبت حاجه تانيه وحشه عندك أنتا برده
يعني أنتا الأساس
من غيرك مفيش لعبه
أيوه أنتا أتغلبت أو أنجرحت
بس أنتا مش حد تاني
عايز أقولك أن من غيرك مكنش فيه حد هيجرح ولا حد هيغلب ولا حد هيكسب ولا أي حاجه
أنتا الأهم يعني
ولازم تفضل علي طول كده
وإن كنت أتهزيت شويه من حاجه
ف ده كان ضروري
وبعد كده أنتا زي م أنتا وأحسن كمان
وهتكون كده أذاي؟؟؟
لازم يكون فيه حاجه جديده بتعملها
بس تكون مفيده ليك أهم حاجه
ومتعلبش لعبه فاشله تاني
لأنك المفروض عرفت أنها فاشله
شكرا علي الرد
مع أني حاسس أن كل واحد فينا بيتكلم ف حاجه غير التاني

تمام تمام تمام
بس أنا مبقولش أنك تتحامل علي نفسك
لما تحس بالغدر أو بأي حاجه كبيره زي ديه وزي الخيانه مثلا
أنا عارف أنه لازم نخرج ف لوقت ده كل اللي جوانا
لأن أحنا بشر
وكل حاجه ف الأول بتاخد وقتها
بس بعد كده هتعمل أيه
هتنسي أذاي أو بلاش تنسي لأني مش مع أننا ننسي حاجه حصلتلنا بالذات لو كانت وحشه
بس هتقدر تكمل حياتك أذاي وأنتا كده
والمشكله أن الحاجات ديه لو فضلت تفكر فيها هتلاقي دماغك علي طول بتروح معاها والدنيا بتكبر أكتر م الأول
يبأه لازم وقفه
نحاسب نفسنا علي كل حاجه
ونشوف أحنا كنا أيه
وغلطنا ف ايه وكنا صح ف أيه
وخسرنا أيه وكسبنا أيه
ساعتها هتلاقيك مثلا لو كانت مشكله عاطفيه
ف المشكله ف ديه بس وهيظهر قدامك حاجهات كتير أنتا كنت كويس فيها زي مثلا أنتا كنت شريف ومكنتش خاين ولا بتضرب حد ف ضهره ولا جرحت حد ولا أذيت حد وكنت طيب وأتغدر بيك أو محصلش نصيب الله أعلم بس ديه كلها حاجات كويسه كفايه بس أن كل الحاجات ديه بتقول أنك راجل كنت مع كل الناس راجل وعمرك م أصرت ف حق حد
وهتلاقيك بتقول لنفسك برده أن ميصحش راجل زيك ثقته ف نفسه تتهز عشان اي حاجه ف الدنيا بالذات لو كانت تجربه فاشله أنتا مكنتش فيها عيل
كل متلاقي دماغك جايباك علي التجربه ديه فكر أنتا كنت أيه متفكرش ف حد تاني لو كنت حدكويس أكيد هتعدي بسرعه
وهتلاقي نفسك بترجع زي الأول وأحسن كمان
ليه أحسن؟؟؟
عشان أحنا المفروض أنك مريت بتجربه لازم تكون أتعلمت منها حاجه
حاجه أيجابيه مش سلبيه دا قصدي
ع الأقل عرفت نفسك أنك حد كويس وحد جدع
وثقتك ف نفسك لازم تبأه أكتر م الأول لأن التجربه أثبتتلك أنك فعلا كده

وأنا مختلف معاكي يا شاهي
معني كلامك بيقول أنه عشان مرينا بتجربه صعبه لازم نتعامل مع كل الناس علي أنهم زي الناس اللي كانوا سبب تعبنا لحد ميثبت العكس
بس أنتي لو راجعتي نفسك كويس هتلاقيكي غلطتي ف حاجه إنشله حتي ف حاجه صغيره
يعني مثلا أنا أأتمنت حد علي حاجه خاصه بيه وبعدين اللي أأتمنته ده وأنا كنت فاكره أمين لعب بيه وخان الأمانه ساعتها قولت الدنيا ديه كلها مفيهاش حد عدل
بس لما راجعت نفسي لقيت الحد ده كان بيعمل حاجات مش مظبوطه قدام عنيه وأنا مكنتش باخد بالي منها وكانت تصرفاته مع ناس كتير مش تمام مع أنه معايا كان غير كده ساعتها عرفت أن أنا الغلطان
غلطان عشان مخدتش ف حسابي الحاجات الصغيره ديه اللي لو كنت فكرت فيها م الأول كنت عرفت أن الحد ده مينفعش أأتمنه علي حاجه مهمه
وخرجت م التجربه ديه مش بأني معرفش حد خالص بالعكس أعرف كل الناس بس بقيت أخد ف حسابي الحاجات الصغيره ديه لما أجي أعرف حد
مش معرفش حد خالص أو اعامل كل الناس علي أنهم مش كويسين لحد ميثبت العكس
أمال أنا أتعلمت أيه بأه
المفروض كل م نتعلم حاجه جديده لازم يكون ليها تأثير أيجابي علي سلوكيتنا مش تخلينا منطويين أو شكاكين زياده عن اللزوم دي السلبيات اللي المفروض نبعد عنها
والأيجابيات هي العكس أننا نكون منفتحين أكتر وخوفنا من اللي حولينا يقل لأننا المفروض برده أكتسبنا خبره مش بطاله

شكرا علي ردك يا شيكو

توبيك جميل جداااا والله
وردودكو اكتر من روعه واستفدت منها بجد
بس في حاجه مش عجباني
ياشاهي المقوله الي انتي قولتيها دي غلط
ازاي تتعاملي مع الناس كانهم وحوش
طب ما احنا ممكن نتعامل مع الناس بطبعتينا
ومن خلال معاملتك معاهم هتعرفي شخصيتهم
وهتعرفي اذا كان وحوش ولا لا
وبعدين ممكن يكونو وحوش ومن طريقه معاملته الكويسه تجبريهم انهم
يتغيرو ولا ايه

شكرا علي ذوقك يا رنيم
بس كل حاجه نقدر نغيرها
ولا فيه حاجات ساعة مبتحصل لازم نقول كفايه لحد كده