شوفوا لما ولد يحب ينفض لبنت بيعمل اايييييييه؟

من طرف **takatiko** السبت مارس 28, 2009 7:09 pm

-اصل انا اشتريت خلاط جديد و عايز اقعد اتدرب عليه

2-اصل انا عايز اتفرج على برنامج خلف الاسوار ,عاملين حلقه مع تامر حسنى

3-ابن خالتى سايب القطه بتاعته عندى و لازم اقعد معاها عشان عندها اكتئاب

4-فيه احتمال ان امريكا تضرب البلد النهارده

5-انا وصلت فى لعبه سوبر ماريو ل "ليفيل"صعب ...محتاج اقعد النهارده اركز شويه

6-انا رتبت اوضتى النهارده الصبح و بعدين اكتشفت انى وضبتها غلط , فاهضطر اقعد ارتبها من اول و جديد

7-بيقولك فيه مظاهرات فى البلد ..مش هاينفع نخرج

8- لازم اروح القسم ...كلمونى الصبح و قالوا لى عايزينك خمسه ...ادعيلي

9-مشغول النهارده ..اكتشفت ان التلاجه مليانه معلبات ...لازم اقعد اشوف تواريخ الصلاحيه و الانتهاء بتاعت كل واحده

10-غسلت شرابي و نشرته ,بس فيه فرده وقعت فى بلكونه الجيران , و الجيران مسافرين

11-اكتشفت انى من ساعه مااشتريت الشقه الجديده ما قعدتش فيها ساعتين على بعض ..لازم اقعد فى الشقه شويه علشان نتعود انا و هيا على بعض

12-عندى ميعاد مع الدكتور ,هاروح اعمل فحص كامل , حاسس انى مش مظبوط

13-رخصتى مسحوبه

14-اصل النهارده افتتاح جراج العماره ابعد تجديده ..لازم اكون موجود

15-اصل فيه ريحه غاز فى البيت ...لازم اعرف جايه منين

16-اصل فيه شرخ جامد فى العماره ..خايف احسن تقع علشان كده لازم اقعد الم كل حاجتى علشان ابقي جاهز لو حصلت اى حاجه

17-اصل ماما نازله تشترى كرسي متحرك ,لازم انزل معاها ,انا ما اقدرش اسيبها لوحدها بعد ما اتشلت بسببي

18-اصل حنفيه الحمام بتنقط و لازم اركب لها جلده النهارده قبل ما تغرق البيت

19-اصل انا واخد حكم ست شهور فى شيك ....و لازم اروح اسلم نفسي النهارده

20-اصل النهارده ميعادى مع الحلاق ,بقالى اسبوع مستني يفضى ساعه ,لا مش هاحلق,احنا رايحين نعزى فى ابو صديق مشترك

21-اصل انا اشتريت موبايل جديد ,و لازم احطه فى الشحن 24 ساعه متصلين

22-انا عايز اخرج معاكى بس عقلي الباطن بيقول لأ

23-انا عايز اخرج معاكى ,بس البرج بتاعى النهارده بيقول "مصائب فى الطريق اليك" ..لازم اقعد استناها

24-اصل انا لسه داخل البيت من اخر مره كنا فيها مع بعض

25-اصل النهارده عندى اجتماع مع "رابطه محبي عامر منيب "

26-اصل النهارده لازم اقعد ارد على كل الايميلات اللى جات لى الشهر دا

27-اصل انا مش لاقي فردتين شراب زى بعض

28-اصل انا مكتئب ..روحت النهارده لقيت كل الزرع اللى فى البيت مات

29-اصل انا غيرت كالون الشقه و مش معقليل الادب المفتاح الجديد

30-"لو كانت بتكلمك يوم الثلاثاء " ..اصل انا مبحبش اخرج يوم الثلاثاء

31-انبوبه الصمغ ضربت فى ايدى و انا دلوقتى لازق فى الدولاب

32-اخرج ازاى بس ,طب و الناس اللى عماله تموت ف العراق دى ...

33-اصل التلفزيون هايعرض النهارده فيلم مستنيه بقالى كتير ...."الحفيد"

34-اصل انا شاكك ان فصيله دمى b زى ما مكتوب فى البطاقه و لازم اروح اعمل تحليل جديد

35-اصل خالى هرب من السجن تانى

36-اصل النهارده السحب بتاع جوايز "البيت بيتك" و مش عارف ليه ..... حاسس انى هاكسب ..لازم اقعد اتفرج

من طرف **T.shahy** السبت مارس 28, 2009 8:39 pm

هههههههههههههههههههههههه
دي لو جملة واحده من دي دخلت علي دماغ بنت
تبقي هبله وعبيطة وغبية

من طرف **takatiko** السبت مارس 28, 2009 10:42 pm

هههههههههههههه
ايه يا شاهى حرام كل دى شتيمة اخواتك البنات برضه؟؟؟؟؟
بس نورتينى يا قمر
وعالعموم التوبيك ده
just 4 fun
لان اللى تصدق الكلام ده تبقى هبلة وعبيطة وغب ية

من طرف **RANEEM** الأحد مارس 29, 2009 12:11 am

فعلا ده كلام محدش يصدقه
ياشيخه هاتي حاجه مقنعه شويه

من طرف زائر الأحد مارس 29, 2009 1:15 am

انا مبحبش البلطجه

من طرف abo said@cena.com الأحد أبريل 12, 2009 8:47 pm

ياستى من غير ده كله لو عايز انفضلها هقولها فى فى وشها عاااااااااااادى جداااااااا

كبرى ونفضى

من طرف **HAMADA** الإثنين أبريل 13, 2009 6:49 pm

الموضوع دمه شربات والله ياتيك تيك
تسلم ايدك
وابو سعييييييييييييييييييد
ياجامد
هو كل من ركب الحصان خيال
هههههههههههههههههههههه
انا مع ابو سعيد على فكره

من طرف **takatiko** الإثنين أبريل 13, 2009 9:40 pm

هتقولها فى وشها؟؟؟؟؟؟؟؟؟؟؟؟؟؟؟
يالهوووووووووووووى ده انتوا قاسيين مووووووووووووووت
عشان بس تعرفوا ان البنات دول ملايكة بيضة بجنقليل الادبت
وانتوا وحشين
نورتوا يا جماعة