مينفعش خالص تعمل ده مع العيال (جيل اخر زمن )

من طرف StarLiGht السبت سبتمبر 12, 2009 11:18 pm

عيــال دلوقتــي
ما ينفعش تقول للعيل دلوقتي العصفورة قالت لي وفتنت لي
عليك
تؤتؤتؤ أبسولوتلي
عصفورة إيه وهو بيفهم في الموبايل بتاعك أحسن منك
وماينفعش تخوف العيل بأبو رجل مسلوخة
لأنه هايدخل على جوجل و يعمل سيرش عن معنى أبو رجل مسلوخة
وهيلاقي الموقع
بيقول له: هجايص وأساطير عملوها الكبار ف القرن اللي فات
عشان يخوفوا بيها العيال
**********
ماينفعش تعاقبه بأنك تقومه من قدام فيلم بيحبه وبيتفرج
عليه

لأنه هايشوفه تاني يوم على نفس المحطة الصبح وأنت في الشغل

. لو عايز تعاقبه.. نزل له فيروس على الجهاز بتاعه ودمر له

الوندوز وقول له الجهازمش ها يتفرمط ويتعمل له ست أب من
أول وجديد ألا لما يتعدل ويشوف مذاكرته و يبقى محترم وبنى
آدم
لما تعوز تدلعه وتكافؤه على تفوقهماينفعش تجيب له بندقية
صيد وكوره وكتب من المكتبة الخضراء والجو القديم ده كله
انت تجيب له دي اس ال وممكن تظبطه بويب كام جامدة او تدخل
عليه بشاشة
Lcd
الرفيعة خالص دي
**********
ماينفعش لو إبنك سألك عن حاجه مش عارفها تألفله أي إجابة
من دماغك
بعد يوم ولا أتنين هيعرف الإجابة الصحيحة من التليفزيون
ولا النت
لما يسألك أقعد معاه
على النت ودور معاه على
الإجابة المظبوطة و بلاش قلة قيمة
وإذا طلب رأيك في أكلة دليفرى من اللى بياكلوها الأيام دي
أوعى تقول له: يعنى أيه دى؟؟؟ لأ خليك أب روش هز دماغك
بألاطه وقول له.. حلوة طحن ياااد

وأوعى تفهم الواد إن الرياضة هى أهلي وزمالك
بلا نيلللللا.. على رأى ماري منيب لأنه دلوقتى عارف لعيبة
ريال مدريد والأرسنال
وعارف أسعارهم كمان
مينفعش خالص تعمل ده مع العيال (جيل اخر زمن ) 36_1_20

مينفعش خالص تعمل ده مع العيال (جيل اخر زمن ) 36_1_20

من طرف زائر الأحد سبتمبر 13, 2009 2:29 pm

ونعم التربية والأخلاق

من طرف StarLiGht الأحد سبتمبر 13, 2009 5:49 pm

اها فعلا ونعم التربية

بس هما بقو كده عشان التطور الكبيرررررررررر اللى فى حياتنا دلوقتى
ثانكس على المرور

من طرف tota 90 الإثنين سبتمبر 14, 2009 7:48 am

ههههههههههههههههههههههه

لا بجد جامده ياستار

خلينا ف الموضوع

تحفه

دايما مواضيعك صحيح مش بتناقش قضيه مهمه

بس فعلا دمها خفيف زي العسل

ميرسي ع التوبيك

تقبلي مروري

أختك تاتا

من طرف StarLiGht الأربعاء سبتمبر 16, 2009 12:23 am

هههههههههههههههههه

بس كده حاضر يـابتاعة المواضيع المهمة
من عيوناتى ورينا مناقشاتك بقه يـاتاتا هانم انتى

من طرف musa الجمعة أكتوبر 16, 2009 7:18 pm

فعلا العيال ديه لازم تتأدب وتتلم بس النصيحه واجبه ف الأول

من طرف **zidane10** السبت أكتوبر 17, 2009 12:56 am

بجد موضوع هايل

العيال الصغيرة اتغيرت فعلا
كفايه عليهم الدش
الواد من دول مش بيقتنع بكلامك
ويصدق صاحبة الزبلة...اللي جايب معلومته من الدش
ولعلمك الابهات اتغيروا برضه
لأنهم دلوقتي شباب برضه وعارفين الجديد
وبيدلعونا....غير ما كانوا بيتربوا على الشدة والضرب

طبعا واجب علينا نعرف العيال الغلط من الصح
ونراقبهم كويس...وناخد بالنا من اي تغير في تصرفاتهم
ونقعد معاهم كتير ...ما نتشغلش عنهم
نعرف صحابهم مين وولاد مين ونبعدهم عن الناس الي احنا شاكين
في سلوكهم.

من طرف **السندريلا** السبت أكتوبر 17, 2009 4:30 am

عليه العوض ومنه العوض في عيال اليومين دول

هههههههههههههههههههه
معدش في عيال وأطفال اصلا

من طرف **RANEEM** الأحد أكتوبر 18, 2009 12:32 am

ههههههههههههههههههههههههههه
لا بجد موضوع يضحك
ربنا يستر

من طرف StarLiGht الأحد أكتوبر 18, 2009 5:19 pm

هههههههههههههههههههه

ثانكس كتير على الردود الحلوة نورتو التوبيك
سعيدة بضحتك يا رنيم و فعلا يـاسندريلا علينا العوض وربنا يسترها على الاجيال اللى ايه
وربنا يكرمك ان شاء الله يـازيدان بالذريه الصالحة شكلهك هتصبحهم بعلقة وتمسيهم بعلقه
وموسى ان شاء الله العيل تتادب بس يعنى هى جت ع العيال مين اصلا دلوقتى مؤدب
ربنا يرحمنا جميعا ويهدينا
وميرسى تانى علة مشاركاتكم