الخير = الصبر

لما نبكون بعيد عن ربنا وبعدين الدنيـابتضيق عليك
وترجعله وتصلي
بتحس بلذه كبيره اوي وتحس أن مفيش مشكله خلاص ومفيش أي حاجه
وبتحس براحه نفسه وهدوء

بس بعد شويه بتحس ان المتعه ديه واللذه ديه بتروح شويه بشويه

وبعد مكنت طاير من السعاده أنك رايح تصلي لربنا
بتلقيها بدأت تبأه حاجه تقيله علي قلبك
وبعد شويه بتفوت فروض وبعدين بترجع زي الأول تاني مبتصليش غير الجمعه
مع أنك لو صبرت علي الصلاه
هترجعلك المتعه اللي حسيت بيها ف الاول يمكن اكتر من الاول

يعني نقدر نفهم دلوقتي أن المتعه الحلال ديه اي متعه حلال هي ديه السعاده الوحيده اللي ممكن نحصل عليها ف الدنيا

لأن أي حاجه حرام مهما كان فيها متعه فمعاها غضب ربنا بتتحول لجحيم زي المال الحرام حرام أو بيجي عن طريق حرام

والمتعه الحلال ديه او السعاده طريقها هو الصبر لأنها غاليه أوي فلازم نصبر عليها

اي حاجه عايزها ومش حرام ومش موجوده قدامك دلوقتي فده أمتحان أصبر

ولو موصلتلهاش بعد كده أعرف ان ده قضاء ربنا وقدره

وأتأكد من جواك أن اللي كنت عايزه ده مكنش فيه خير ليك وربنا عاينلك خير كتير بس لسه مجاش وقته

ولو محصلش ده كمان أعرف ان ده أمتحان كبير من ربنا ليك لأن المؤمن مصاب مش العاصي هو اللي مصاب

فأهم حاجه هي الصبر

والأيمان بقضاء ربنا

وأن ربنا هو اللي بيقدر أحنا بنختار بس بنختار وبنعمل أي حاجه بعد كده وربنا بيقدر نجاح الحاجه ديه أو فشلها يعني مفيش حاجه أسمها ذكاء ولا غباء ف كل اللي بنوصله ف دنيتنا

الذكاء أن أنا أرضي ربنا

والغباء أني اقول أنا ذكي أنا عملت

وربنا ممكن يدي العاضي وميديش اللي ماشي ف طاعة ربنا

معني كده أن كل زينة الدنيـاملهاش قيمه وأن أهم حاجه هو رضا ربنا عننا

وده برده يتحقق بالصبر علي الطاعه

الصبر هو الطريق الصح طريق الخير

الصبر يعني معملش الشر لحد ميجي الخير أنما اعمل الشر وأستني الخير يبأه كل اللي هيجيلي شر حتي لو كنت شايفه خير لأني معرفش إذا كنت شايف صح ولا لأ معرفش أن اللي شايفه ده خير صح زي م أنا شيفه ولا لأ ربنا هو اللي يعرف

عشان كه برده لازم نتكل علي ربنا ف كل اللي بنعمله ويكون شرط اساسي عندنا ف كل حاجه بنختارها ونعمل اي حاجه عشانها انها متكونش بتغضب ربنا وتكون في طاعته عشان تبأه متعه حلال عشان يكون فيها خير

يبأه بالترتيب كده

أولا كل زينة الدنيـاليس لها قيمه لأن ممكن تلاقيها في أيد عاصي أو كافر

ثانيـاالمتعه تنقسم غلي قسمين متعه حلال وديه اللي في طاعة ربنا وديه لذتها مبتنتهيش

ومتعه حرام وديه مش متعه أصلا لأن معاها غضب ربنا فعمرها مهتكون متعه

ثالثا الخير بأيد ربنا أحنا منعرفش فيه خير ف الحاجه اللي أحنا عايزينها يه ولأ عشان كده لازم نتكل عليه وعشان نتكل عليه لازم يكون اختيارنا هو المتعه الحلال

رابعا مينفعش نعمل الشر ونستني الخير يجيلنا

خامسا الصبر

هو طريق الخير طريق المتعه الحلال

مرسي ليك يـاجهبزززززززززززز

الخير = الصبر