الحمد لله علي كل حال

اللهم آتنا رشدنا واهدنا سبلنا يارب
وصلي اللهم علي نبينا محمد وعلي آله وصحبه وسلم

في الوقت الحالي مش عارف ايه اللي المفروض أعمله
افضل زي مانا ولا اعمل علي نفس الرأي ولا ارجع
اعتقد يكون جمود الموقف من ناحيتي غلط كبيرفي الوقت اللي الناس بتتحرك حوليه ومش هاديين
لازم آخد موقف أيجابي أو سلبي ولا أيه
ولا أني أعمل ميت دلوقتي أفضل
موقف محير اوي

الموقف الصعب دلوقتي بأه عرض مغري جدا وكل ما تطلبه مال ومنصب أعلي وكل ما بدي لك أعمله
لكن وإن سمعت لهذه الأغراءات هل ممكن يكون فيه أمان بعد كل اللي فات
أكيد لأ
في نفس الوقت خايف يكون موقفي الحالي يدينني أمام حد عزيز عليه أوي
والناس يلعبوا في دماغه ويصدق
ولكني دلوقتي مرتبط بناس تانيين
والموضوع ده المفروض ينتهي والأزمة لازمها حل

يبأه أفضل شيئ أني أفضل زي ما أنا ماشي في طريقي وأكمل فيه بجد وكل حاجة
زي ما أنا
وبتعلم حاجات جديدة والدنيا حلوة
لحد ميجي أمر الله
بس أحلي حاجة أن الخوف أنتهي
مبقتش أخاف خالص من أي حاجة
وممكن أقف في موقف زي اللي أنا فيه دلوقتي
وممكن أقف في مواقف زي اللي أتعرضتلها قبل كده
دا بأه العادي
فاكر زمان كنت بخاف
ودا خير صح ؟؟
الحمد لله
دلوقتي البني آدمين مبقوش يفرقوا معايا كتير
مبقاش يفؤق معايا الغني من الفقير ولا القوي من الضعيف
إلا اللي أعزهم بس
أو أحس أن هما ناس كويسين ملتزمين
حتي لو مكنتش منهم
دول يفرقوا معايا
والحمد لله

وحشني بس حاجة من زمان
نفسي أحكي حكاية زي زمان
أحسن من حكايات زمان
أحكي فيها الدنتيا ديه بأه شكلها أيه دلوقتي
وأذاي بقيت أشوفها كده
ويمكن اللي أكتبه النهارده يحصلي بكره
حد عارف
وأكيد هحاول بكل طاقتي أني أخليها حكاية حلوة
ونهايتها حلوة وسهلة وبسيطة
يمكن ربنا يسمع مني
وأحنا في شهر كريم

بس الوحي بأه مخاصمني من زمان
لو يرجع بس شوية

الحمد لله علي كل حال

mu_sa_me كتب:نفسي أحكي حكاية زي زمان

أحكي فيها الدنتيا ديه بأه شكلها أيه دلوقتي
وأذاي بقيت أشوفها كده

كانت الأحداث أسرع مني
وكان أسلوبها غريب شوية

وكان الهدف منها إحسان الظن بالله
ينصرك
يرزقك
يحميك
يخرجك من الأزمات
يسدد عنك ديونك
يعليك
يبتليك
وحاجات تانية كتيرة
أنت وربك فقط في الدنيا
أنت مش معاك حد تاني وإن كان حوليك ناس كتير فهم لا يملكون لك نفعا أو ضرا إلا بإذن الله
ومش معني الكلام أنك متفكرش فيهم ولا تهتم بيهم لا تكن سطحي
ولكن قبل ما تعمل بالأسباب معاهم توكل علي الله لأن السبب مهما كان مش هيحدث تأثير إلا بإذن الله

فنحسن الظن بالله
وتذكره
ونستغفره
ونعمل علي إرضائه قدر ما نستطيع
وبكل وسيلة صغيرة أو كبيرة لأن أحنا ذنوبنا كتيرة
وربنا معانا في كل مكان وفي كل حدث وفي كل وقت

الهزيمة لا تعني ان كل حاجة كانت غلط
إن تحققت

غير أن ظني بالله أنه ينصرني كما نصرني وإن كنت مقصر لأن ربنا اسمه الكبير أكبر من ذنوبي وأكبر من أعدائي واكبر من كل شيئ وأنا استغفره وأدعوه وبعمل اللي اقدر عليه
والحمد لله علي كل حال