البنات مابيعرفوش يكدبوا

مره واحد كان ماشي علي الطريق بسرعه ومعاه زوجته فجأه شاف في المرايه شرطي عمال يشاور له وقف السياره وجه الشرطي وقاله انت سايق فوق 180 كيلو في الساعه والطريق سرعته 80 كيلو في الساعه علشان كده هاعملك مخالفه
الراجل: معليش انا كنت متعدي 80 بشويه
الزوجه :انت كنت ماشي علي الاقل 180
الزوج : نظرة حقد وغل لزوجته
الشرطي : وكمان مخالفه علشان الكشاف الخلفي مكسور
الراجل : مكسور ازاي انا ما اعرفش انه مكسور
الزوجه : ايوه انت عارف ان الكشاف مكسور من كم اسبوع
الزوج : نظرة حقد وغل للزوجه
الشرطي : ومخالفه كمان لانك مش رابط حزام الامان
الراجل : ده انا لسه فاكك الحزام دلوقتي لما وقفت
الزوجه : لا لا لا ده انت عمرك ما ربطت الحزام
الزوج : في غيظ صرخ انتي مابتعرفيش تسكتي ابدا
الشرطي : يقول للزوجه هو دايما بيزعقلك كده
الزوجه : لا بس لما بيكون سكران
الشرطي : سكران
الراجل : لا ما تصدقهاش
الزوجه: سيبك منه احنا لسه لاقيين زجاجه خمره في السياره يوم ما سرقناها
الشرطي : يعني السياره مسروقه
الراجل : سيبك منها الله يهديك وانتي اسكتي ولا تخليني اطلقك
الشرطي : هو دايما كده يهددك بالطلاق
الزوجه : خليه يتجوزني الاول وبعدين يحلف بالطلاق