المراة ام ابليس

من طرف **Totti** الجمعة نوفمبر 09, 2007 3:24 pm

كان يا ما كان في قديم الزمان ………كان فيه أمراة عجوز قاعدة بروحها

وفجأة طلع لها ابليس ……… العجوز خافت وسمت بالرحمن

…قالها ابليس :أنتي يا عجوز هل تعتبرين نفسك داهيه

العجوز: نعم أنا داهيه ……….. والنساء عموما كيدهم عظيم

أبليس: أنا أتحداك……..وبنشوف مين كيده أعظم …..المرأة ولا أبليس

العجوز :خلاص أنا هعمل مشكله وأنت راح تحلها واذا ما قدرت أنا راح أحلها

وراح أفوز برهان.

O.k :أبليس

راحت العجوز حق واحد من اللي ملهمش شغلة ولا مشغله ويا كثرهم

وقالت أنا بشغلك عندي فترة معينه بس……. لو عايز فلوس لا تتدخل ولا

تتكلم وافق الشاب لأنه طفش من البطاله وعايز فلوس
راحت العجوز ومعاها الشاب لمحل قماش وقالت له أتنتظرني عند باب المحل

…دخلت المحل وخذت قماش غالي وراحت تفاصل تاجر القماش

العجوز: رخص يا بن الحلال …

التاجر :اذا أنتي ما عندك فلوس أخذي شيء أرخص

العجوز : ما أقدر ….لازم اخد الغالي

التاجر :ليه …..للدرجة دي…..انتي بجحة

العجوز:شفت الشاب اللي واقف عند باب المحل ..هذا ولدي

..يحب له وحده متزوجه وهي تحبه ولما تتطلق من زوجها …ولدي بتزوجها

وهو قالي أن عارضتي الزواج أطردك من البيت وأمرني أني أشتري قماش

غالي عشان يعطيها حبيبته ولا راح يطردني من البيت مع أن البيت بالأساس

بيتي ولكني غلطت وكتبته باسمها ا لعجوز تبكي

التاجر: خلاص هونيها وتهون والله قطعتي قلبي….خلاص أنا أعطيك القماش

ببلاش….وعسى الله يأجرني

العجوز طلعت مستأنسه وقالت للشاب روح البيت

بعدها راحت العجوز لبيت زوجة تاجر القماش وخبطت على الباب وطلعت الزوجة

العجوز:آه يا بنيتي أنا تعبت بالطريق و ما أقدر أكمل ممكن أقعد عندك أرتاح

خمس دقايق .

رحبت الزوجة ودخلتها وأكرمتها وجابتلها شاي

العجوز:مشكوووووورة إن شاء الله أردها لك (تعمدت تنسى القماش ) وطلعت.

الزوجة:حرام نست قطعة القماش …أكيد بترجع بعد شوي وتأخذها

بروح أحطها بالدولاب..

تاجر القماش رد لبيته وتغذى ذاك الغدا السنع ونام شوي .

قام العصر وفتح الدولاب بغير ملابسه عشان يروح محله ……مفاجأة قطعة القماش

وعرف أن المرأة اللي بيحبها ولد العجوز هي زوجته يعني تخونه

قام عليها وطلقها وطردها بالشارع بالهدوم اللي عليها.

العجوز كانت تنتظرها في أخر الشارع فراحت لها تركض

العجوز: بتعيطي ليه؟

الزوجه : زوجي طردني …وما أعطاني فرصه أتكلم .

العجوز: خلاص أنا بأوديك بيتي وأنا بروح أحل المشكلة

راحت العجوز لبيتها ودخلت الزوجه في غرفة بينما الشاب كان في

غرفه ثانيه وأمرته أنه ما يطلع منها

راحت العجوز للشرطه تبكي وتقول :كنت قاعدة في بيتي وفجأة دخل

رجل ومعه مرأة وقعدوا ببيتي حاولت أطلعهم ما قدرت

(أحتلوا بيتي )

ذهبت الشرطة وقبضت على الشاب والزوجه ….وحطوهم بالسجن.

العجوز: ها ها ايه رايك يا أبليس دورك دلوقتي حل المشكله

أبليس : لا لا ما أقدر أحلها المساله اتعقدت اوىىىىىى

العجوز: أنا راح أحلها وكأن شيء لم يكن . وراح اكسب الرهان

راحت العجوز تزور الزوجه بالسجن وقالت لها :أنتي ساعدتي مرة

وأنا دلوقتي بأساعدك …..يلا ألبسي عباتي وغطي نفسك وأطلعي من السجن كأنك أنا وأنا بأقعد

مكانك.

الزوجة:مشكووورة ….لكن أنتي

العجوز: مالكيش دعوة مثل ما طلعتك بطلع نفسي.

تمت عملية الهروب بنجاح….

الوالي أمر الحراس يحضرون المسجونين عشان يحكم عليهم

حضرت العجوز والشاب وقال لهم الوالي :ليه قابضين عليكم عملوا ايه

ردت العجوز:احنا ما عملناش حاجة كنا قاعدين ببيتنا أنا وولدي ولا الشرطه

طابه علينا وخدونا السجن .

اتعصب الوالي وهزأ الشرطه وما عطاهم فرصه يتكلمون ويقول:غلطانين

وعايزين تتكلمون.شين و قوات عين

طلعت العجوز من الوالي مستانسه وعطت الشاب فلوس وأنهت خدمته عندها.

راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من

كثر التعب نست القماش عندها وأن زوجته بريئه

وقالت خذ قماشتك لأن ولدي سافر هو و زوجته الجديدة.

رجع التاجر زوجته وتأسف منها و راضاها بعد.

العجوز : ايه رايك يا أبليس أنا حليت المشكلة

أبليس :أنتي كسبتي….فعلا………فعلا أن كيدهن عظيم ومشي وهو متغاظ

من طرف **ESSS** الجمعة نوفمبر 09, 2007 7:13 pm

هيه هيه هيه هيه

ياااااااااااسلاااااااااااااااااااااام

انت أكيد بتهزر ، صح؟

مهو ممكن أي حد مخه عالي كدة يعمل الحاجات دي كلها
سواء كان راجل أو ست

( ياما تحت الساهي دواهي )

من طرف **DeBo0o** الجمعة نوفمبر 09, 2007 11:29 pm

طب كويس انها جت على قد كدة

دة انا كنت متوقع انها هتدخل ابليس السجن

اعوز بالله من النسا و اللى بيجى من وراهم

من طرف **RANEEM** الجمعة نوفمبر 09, 2007 11:42 pm

ياعم انتو بتعملو اكتر من كده

اعوذ بالله من الرجال والي يجي وراهم دا النساء حنينين
وراء كل رجل عظيم امره تكونله مستقبله

من طرف **DeBo0o** الجمعة نوفمبر 09, 2007 11:57 pm

و النبى اركنى بس انتى على جنب كدة

وراء كل عظيم امراءة اية انا عارف .. و هيا لو وراه هو عمره هيبقى عظيم

بلا نيله .... الهى و انت جاهى يجى و يحط عليكى يا بنات حوا .. زى ما انتو مشردينا و منكدين علينا عيشتنا

قولو امين يا ولاد

من طرف **A.S.Shiko0o0o** السبت نوفمبر 10, 2007 1:26 am

يا رنيم كملى الجمله وراء كل عظيم امرأه ووراء كل داهيه ونصيبه وبلوه برده امرأه

وتقريبا اللى قال وراء كل عظيم امراه نسى يكمل مطلع عين اهله فقرر انه يبقى عظيم اهو نوع من التعويض

من طرف **Totti** السبت نوفمبر 10, 2007 1:40 am

شكرا يا جماعة على ردودكم
عندك حق والله يا ديبو هو الراجل اللي وراه امراه عمره ما هيبقى عظيم
وايع الكلام ده يا ست روني بنات ايه اللي حنيين دول سوس اوي
وبعدين انتو عارفين الشيطان شاطر ليه؟
عشان المراه هي اللي بتذاكرله واللي قبلنا قاله
(ابليس تلميذ المراه)

من طرف **Crespowbas** الأربعاء نوفمبر 14, 2007 9:03 pm

فعلا والله يا توتى عندك حق مش ام ابليس لو فى حاجه كانت غير ابليس كنت قولتها

يا رب ارحمنا يا رب وخلى كلمنا خفيف عليهم

وطبعا مش كلهم فى منهم حنينين برضو انت فاهم بقى وايه يا ست رنيم الرجاله
زى الفل وانتى عارفه وانتم برضو كويسين بس سعات يعنى بتنيلوها لو غلطان
قوليلى بتعدو تكلمو مع ديه شويه وديه شويه لغايه ما تستريحو وتخربو البيوت