عدة اسئله للبنات وعايز اجابه

هل ضروري أن يكون زوجك وسيم ؟ ولماذا؟
هل الحب ضروري قبل الزواج ؟ولماذا ؟
هل تفضلي أن يكون زوجك متعلم تعليم كامل أم ناقص ؟ ولماذا؟
ماذا يكون رد فعلك إذا تزوج عليك زوجك ؟ ولماذا؟
في أي سن تفضلي أن تتزوجين ؟ ولماذا
في أي سن تفضل أن يكون زوجك فيه ؟و لماذا؟
هل ممكن أن تتزوجين من رجل ليس من بلدك؟ ولماذا؟
ماذا يكون رد فعلك إذا كان زوجك شكاك جداً ؟
هل توافقين الزواج التقليدي؟ ولماذا؟
..................

الأسئله العامه *
هل تتأثرين بالأفلام إلى درجة أن تنزل دموعك؟
هل أنت كتومه ؟ ولماذا؟
هل لك أصدقاء في المنتدا ؟
ما هي المواضيع التي عجبتك أكثر شي ؟ ولماذا؟
.................

أنتظرر الاجاابات

من طرف **eman** الجمعة نوفمبر 16, 2007 10:55 pm

اولا اهنيك على الموضوع ده بجد جميل
ثانيا اليك باجاباتى ......:
هل ضروري أن يكون زوجك وسيم ؟ ولماذا؟
مش من الضرورى لان الوسامه او الجمال مش بالشكل الخارجى لكن هو لو مقبول او موصلش لدرجه الجمال بس روحه حلوه او ظريف حتلاقى ده انطبع على مظهره الخارجى تلقائيا

هل الحب ضروري قبل الزواج ؟ولماذا ؟
مش بالضروره المهم القبول او الاعجاب لكن الحب بييجى بعد كده وده يعتمد على الطرفين

هل تفضلي أن يكون زوجك متعلم تعليم كامل أم ناقص ؟ ولماذا؟
تعليم كامل مش علشانى لكن علشان فى يوم من الايام ميجيش طفل من اطفالى يقولى انتى ظلمتينى لانك اخترتى ليا اب مش متعلم تعليم كويس ولان من حقهم عليا وهما لسه فى علم الغيب انى احسن اختيار اب ليهم

ماذا يكون رد فعلك إذا تزوج عليك زوجك ؟ ولماذا؟
طبعا اكيد حزعل بس حعمل ايه امر ربنا بس احاول اعرف ايه الاسباب واغيرها مش جايز او اكيد حيكون الغلط او العيب فيا مش معقول حكون انا كويسه معاه وهو يتجوز عليا اشوف فين المشكله واعالجها بس الاكيد انى حزعل لكن ماخليش حاجه زى كده تهد بيتى يعنى

في أي سن تفضلي أن تتزوجين ؟ ولماذا
يعنى 27 او 28 على حسب وده يكون احسن علشان اكون عرفت معنى المسؤليه وانى اتحمل مسؤليه حد معايا وانى اكون عاقله كفايه علشان اقدر الامور (وبرضه الواحد يعيش حياته يعنى)ههههههههه

في أي سن تفضل أن يكون زوجك فيه ؟و لماذا؟
30 او33 مش اكتر من كده علشان نكون قريبينمن سن بعض ونفهم بعض اسرع وتكون خلفياتنا عن الدنيا قريبه

هل ممكن أن تتزوجين من رجل ليس من بلدك؟ ولماذا؟
لا وطبعا متعرفش النصيب فين بس لا لان اللى منك منك ممكن اتجوز من هنا واسافر لكن من بره لا صعب بس ربنا يقدم اللى فيه الخير

ماذا يكون رد فعلك إذا كان زوجك شكاك جداً ؟
احاول اغير ده فيه ولو فى حاجه عندى انا بتخليه كده اصلحها اصل مش معقول حكون انا صح وهو يشك فيا واللى بيشك فيهم او بيغير منهم بلاش منهم وخلاص يعنى جوزك وللا الناس اللى حواليكى اكيد جوزك

هل توافقين الزواج التقليدي؟ ولماذا؟
والله زى مقلتلك قبل كده مبتفرقش كله بيرجع للطريقه اللى الواحد بيتعامل بيها انت اللى فى ايدك تخلى الجواز التقليدى ده اجمل قصه حب وفى ايدك تخليه جحيم

..................

الأسئله العامه *
هل تتأثرين بالأفلام إلى درجة أن تنزل دموعك؟
اه جدا جدا لانى دايمه بحس انى ممكن اتحط فى المواقف دى

هل أنت كتومه ؟ ولماذا؟
اه جدا جدا جدا ليه بقى مش عارفه انا طول عمرى كده

هل لك أصدقاء في المنتدا ؟
اه ليا بس واحد اللى عرفنى المنتدى اصلا لكن الباقيين معرفهمش كويس

ما هي المواضيع التي عجبتك أكثر شي ؟ ولماذا؟
والله ومتقولش انه رد دبلوماسى بس كل المواضيع حلوه لكن اكتر حاجه بتعجبنى الموضوع اللى يحتاج انك تفكر فيه تفكير عميق او لو فى مشكله انا بحب المواضيع دى اكتر حاجه
.................
وانا بجد سعيده انى كنت اول رد فى موضوعك ويارب مواضيعك تستمر واكون اول رد برضه

انا متشكر جدا يا جميل علي ردودك الجميله والواضحه دي
ويارب ربنا يوفقك بزوج صالح يقدر يفهمك ويكون حنين عليكي ويسعدك ديما يارب

عدة اسئله للبنات وعايز اجابه

عدة اسئله للبنات وعايز اجابه

رد: عدة اسئله للبنات وعايز اجابه

رد: عدة اسئله للبنات وعايز اجابه