هل الزواج عن حب انجح ولا الزواج التقليدى نقاش جامد جدا

من طرف **Crespowbas** الجمعة نوفمبر 16, 2007 5:28 pm

السلام عليكم ورحمة الله وبركاته

لقد كان من المعروف في السابق بل ومن البديهي ان الزواج

عن حب

هو الانجح والأكثر استقرارا ذلك على اعتبار ان كل من الزوج والزوجة

قد اعتاد على الآخر وآلف طباعه في فترة ماقبل الزواج ثم رضي به

بحلوه ومره حين اقدم على خطوة الزواج .

ألا أن مانراه في الوقت الحاضر ان الزواج الذي يكون ثمرة للحب قد أثبت

فشله بشكل ملفت للأنتباه وأصبح الكثير من شبابنا وبناتنا يعزفون عن هذا

النوع من الزواج وبالذات الشباب فتراهم حتى وان احبو فانهم حين ينوون

الزواج يفضلون الزواج بمن لا يعرفونها او بمن تختارها لهم الوالدة .

ورب هناك من يقول بأن الكذب الذي تبنى عليه علاقة الحب في أيامنا هذه

هو أحد اهم اسباب فشل هذا النوع من الزواج بأعتبار أن مابني على باطل

فهو باطل .

ألا أني ارى أن هناك اسباب قد لا تخطر على البال ربما هي التي تهدد الزواج

عن حب بالفشل , ولا بد من الأشارة الى أن أهم هذه الأسباب هو:

• برود تلك العواطف التي أعتاد كل منهما عليها من الآخر بعد الزواج

• من أعتاد على شيئ لا يقوى على الأستغناء عنه

ولا بد من الأشارة الى ان كل من هذين السببين هو سببا ونتيجة للآخر

أي بما أن الزواج سيقلل من اللهفة والاشتياق بأنتفاء عاملي البعد والحرمان

فيعتقد كل من الزوج والزوجة أن الآخر قد تغير عليه ولم يعد يحبه مثلما كان

وهذه بحد ذاتها تعتبر مشكلة خطيرة ( وهنا تتجلى لنا اهمية النقطة الثانية )

فمن اعتاد على شيئ لا يقوى الاستغناء عنه حيث ان من أعتاد على الحب

لا يستطيع العيش بدونه ولو قصر أي من الزوج والزوجة في حبه للطرف الآخر

قد يهدد بيته بالانهيار !!!

اخواني ارائكم هي التي ستدعم النقاش وتبين لنا الخطأ من الصواب

كي لا نظل بعد اليوم ونحاول أن نعيش صح وبلا مشاكل

تحياتي للجميع

هل الزواج عن حب انجح ولا الزواج التقليدى نقاش جامد جدا 8890097ca6

من طرف همس العيون الجمعة نوفمبر 16, 2007 8:06 pm

انا من رايى يا كريزبو ان الحب ده
جميل اوى وبيخلى الانسان يحب الحياه ويتمتع باحمل ما فيها بس الدنيا هى
اللى بتخلى الواحد خايف يحب وخايف يرتبط لان اللى بيحصل دلوقتى غير زمان
او الناس نفسها هى اللى اتغيرت والناس دلوقتى مش عارفه يعنى ايه حب بجد او
يعنى ايه حب حقيقى علشان كدا انا افضل انى احب لما ارتبط ارتباط رسمى
علشان ساعتها هيكون ده نصيبى حتى لو فيه حاجات غريبه عنى المفروض استحمله
لان ده نصيبى اللى بعتهولى ربنا يبقى اكيد هوه خير ليل لان ربنا بعتهولى
لكن لما احب قبل ما ارتبط وكدا ممكن احب حب جنون وفى الاخر مايكونش
الانسان ده نصيبى يبقى ليه ادى حبى لانسان مش ليا لانى شايفه اان الحب ده
من حق الانسان اللى هرتبط بيه وهيكون خطيبى مش لحد غيره يارب تكون فهمت
قصدى وميرسى ليك جدا على موضوعك الجميييييييييل ده والمهم اوى كمان

من طرف **Crespowbas** الجمعة نوفمبر 16, 2007 8:18 pm

boooooooba كتب:انا من رايى يا كريزبو
ان الحب ده جميل اوى وبيخلى الانسان يحب الحياه ويتمتع باحمل ما فيها بس
الدنيا هى اللى بتخلى الواحد خايف يحب وخايف يرتبط لان اللى بيحصل دلوقتى
غير زمان او الناس نفسها هى اللى اتغيرت والناس دلوقتى مش عارفه يعنى ايه
حب بجد او يعنى ايه حب حقيقى علشان كدا انا افضل انى احب لما ارتبط ارتباط
رسمى علشان ساعتها هيكون ده نصيبى حتى لو فيه حاجات غريبه عنى المفروض
استحمله لان ده نصيبى اللى بعتهولى ربنا يبقى اكيد هوه خير ليل لان ربنا
بعتهولى لكن لما احب قبل ما ارتبط وكدا ممكن احب حب جنون وفى الاخر
مايكونش الانسان ده نصيبى يبقى ليه ادى حبى لانسان مش ليا لانى شايفه اان
الحب ده من حق الانسان اللى هرتبط بيه وهيكون خطيبى مش لحد غيره يارب تكون
فهمت قصدى وميرسى ليك جدا على موضوعك الجميييييييييل ده والمهم اوى كمان

بجد يا يا هبهوب مش قادر اقولك ايه بعد الكلام دة بجد راى جامد جدا وعجبنى شخصيا

من طرف **zy_elsoker** الجمعة نوفمبر 16, 2007 10:02 pm

انا راى ان كلامك ممكن يكون صح

والحب يقل بعد الزواج ولكن الست هى مصدر كل شى

يعنى بايدها انها تعمل تجديد للعلاقة و تخلى حبها يستمر و يزيد

اكتر واكتر000

اما عن كلام بوبا لو انتى مستنى نصيبك يبقى لية نزاكر ونشتغل ما نستنى نصيبنا

يجى واحنا قاعدين فى كل حاجة

افرض نصيبى ال هادى حبى دا ماحبنيش ومراعاش ربنا فيا

لو كان اختيارى مش هندم وفيش بايدى غير انى اقول يارب نصيبى يبقى حبيبى

من طرف **eman** الجمعة نوفمبر 16, 2007 10:22 pm

اولا احب اهنيك يا كريسبو عالموضوع ده لانه فعلا موضوع موضوع مهم وجميل انا ليا رأى هنا

الزواج اصلا ماهو الا علاقه بين اتنين فلو احنا بصينا للاتنين قبل الزواج ليه دايما بنلاقيهم مبسوطين والحياه وردى وكل الحاجات اللطيفه قبل الزواج وبعد اول سنه كمان وبعد كده الهم والمشاكل والكلام الاتم ليه؟؟؟
اول حاجه لان قبل الجواز مبتبقاش فى مسؤليه لسه بيتعرفو وحتى لو يعرفى بعض بيبقى لسه فى حاجات غامضه
تانى حاجه قبل الجواز الواحد او الخطيب او الراجل بيبقى عاوز يتجوز اى حد مش لازم يكون بيحبها وللا لا لكن البنت بقى ...
بتحب اللى بيخطبها بتبنى امالها واحلامها عليه بتعيش على انه دنيتها الجديده ييجو يتجوزو تبقى البنت حتموت من الفرحه والولد عادى ..هو عادى لانه من الاول مش مختارها ومش بيحبها زى ميكون عايش معاها قصه حب لكن هيا بتحبب نفسها فيه وتقنع نفسها انه بيحبها لانه خلاص بقى جوزها بعد شهر العسل والحبشتكنات اللطيفه دى تلاقى بقى الراجل مشغول فى حياته معاها بالفلوس والولاد والمصاريف والشغل وينسى ان هو وهيا ليهم حقوق على بعض ان هو يعاملها كويس ويتكلم معاها ويديها جزء من وقته وهيا لازم تحتويه ولازم تعرف ازاى تسعده ازاى تخفف من حده تعبه فى الشغل وازاى تنسيه تعب اليوم كله فى حاجات بديهيه لازم الاتنين ياخدو بالهم منها لو كان جواز تقليدى حيتقلب لحب ومش حيبقى اسمه عشره او تعود لا صدقنى حيبقى حب ولو كانت قصه حب حتنمو وحتكبر لكن المهم ان الاتنين يراعو بعض ويراعو حقوق بعض ساعتها مش حتفرق ان كانت قصه حب او لو كانت جواز تقليدى
ومره تانيه بشكرك على الموضوع واسفه لو كنت طولت عليكم

من طرف kimo_miky السبت نوفمبر 17, 2007 1:40 am

ازيك يا كريسبو عامل ايه يا واد
مش فاكرنى يابنى ولا ايه
ما طبعا بعد ما انا اتخرجت خلاص نسيتنى يا مان
ده انا من مؤسسين الكلية يا بنى
عايزك تكلمنى بجد او ترد على كلامى ده
افتكرنى باه

من طرف **Crespowbas** السبت نوفمبر 17, 2007 2:44 am

شكرا يا جماعه على ردودك

ردك سكر يا زى السكر

وانتى يا امان ردك عجبنى جدا علشان فيه منطق وواقع

اما انت بقى يا كيمو انا شمافكر بس علشان لبست نظاره وانا هكلمك يعنى ما تقلقشى

شكرا يا جماعه على مروركم

من طرف **silent** السبت نوفمبر 17, 2007 4:52 pm

موضوعك جميل اوي ياكرسبو
أنا بصراحة ضد الزواج التقليدي بس كلامك فعلا حقيقة وأنا رأيي :
_ إن الجواز عن حب بيفشل كتير ومش بيستمر وأعتقد إن الأسباب هي " يا إما الحب ده ماكانش مشاعر حقيقية من الأول , أو إن الإتنين كانوا بيحبوا بعض فعلا وكانت كل تصرفاتهم بيتحكم فيها القلب وطالاما بيتحكم فيها القلب والعواطف فأكيد كان في قرارات كتير في حياتهم غلط والقرارات الخاطئه بيكتشفوها بعد الجواز وبتأدي الي قطع العلاقه والإنفصال"

_ الجواز التقليدي غالبا بيستمر بس بيبقى في مشاكل كتييييير وجو الحزن والكآبة بيبقى مالي البيت معظم الوقت وبيأثر عالأولاد وعلى البيت كله , وده طبعا مش كويس خالص لأنه مستمر على حساب حجات كتيير فبيظهر بمظهر الزواج الناجح بس زي مابيقولوا " البيوت أسرار "

أنا بقول إن أحسن حل الجواز عن حب بس كل من الطرفين يبقى واخد الحذر الشديد من سيطرة العواطف عليه والتفكير بالعقل مش بالقلب فيا إما هينفصلوا وده طبعا أحسن انهم اكتشفوا إنهم لازم ينفصلوا قبل الجواز
أو هيكملوا وإن شاءالله تبقى علاقتهم مستمره وناجحه لأنهم فكروا صح قبل مايخدوا أي خطوة

ونصيحة مني:
" الزواج ناتج عنه أولاد والأولاد دول هيبقوا أحب ليك أو ليكي من زوجتك أو زوجك فإختاروا أم أولادكم أو أبو أولادكم قبل ماتختاروا الإنسان اللي بتحبوه"

من طرف **MOoON Light** السبت نوفمبر 17, 2007 9:30 pm

موضوع جميل ياكريسبو

وانا بجد بأيد الزواج عن حب

لكن الزواج التقليدى ده لالالالالالالا

لان الزواج عن حب بيكون فى تفاهم بين الطرفين وكل واحد منهم بيغفر للتانى أخطاءه

وبيكون غالبا ناجح جداااااا

وبرده الزواج التقليدى كتير جدااااا بيكون انجح من الزواج عن حب

بس انا أؤيد الزواج عن حب

من طرف **Crespowbas** السبت نوفمبر 17, 2007 10:36 pm

وانا كمان يا مون بششجع ومقتنع وكل حاجه فيه بتؤيد الزواج عن الحب

شكرا على مرورك ونردهالك فى الافراح

من طرف **eman** الإثنين نوفمبر 19, 2007 11:53 pm

يا جدعان انا اسمى ايمااااااااان فى ي قبل الميم وما علينا كلنا اخوات هههههههههه

من طرف **eamo** الثلاثاء نوفمبر 20, 2007 6:37 pm

انا بقه ابصم بالعشره على الزواج عن حب لأني عمري مهتجوز الا الأنسان اللي بحبه كل واحدبيحب كده يحاول يتخيل نفسه انه خطب او اتخطب لشخص غير حبيبه اتجوز وكان قاعد في الكوشه جنب شخص غير حبيبه اتقفل عليكي باب مع انسان غريب غير حبيبك مع انه جوزك بس كفايه احساسك من جواكي انك مجرد زوجه وبس مش زوجه وحبيبه كفايه انك هتعيشي حياتك مع الأنسان ده وياعالم لو مكنش كويس ساعتها هتندمي اشد الندم وألف مره انك استسلمتي لحياتك وضعفتي وفرطتي فأحلى بسمه واجمل حاجه انتي عايشه ليها وعشانها وبيها لأياجماعه الزواج عن غير حب ده صعب اويييييييييييييي اوي

من طرف **Crespowbas** الثلاثاء نوفمبر 20, 2007 11:20 pm

ايه يا ايمى الرومانسيه ديه
بجد طلعتى بنت زى السكرة اصلى بحب البانت اللى بتبقى مخلصه كدة
مش البنات اللى عايشه حياتها من غير حب وهدف ديه
بجد تسلى على كلامك اللى زى العسل ديه

من طرف همس العيون الأربعاء نوفمبر 21, 2007 6:33 pm

هقولك يا سكر ليه نذاكر لاننا مش مخلوقين نلعب
احنا مخلوقين علشان نعرف ونتعلم وحكايه النصيب دى من عند ربنا وعلشان هى
عند ربنا يبقى مانقولش الجواز التقليدى ده مش كويس لان ربنا وصانا على ده
مش على ان الواحد يحب واحده ويمشى مع واحده ويسيب واحد لان ازاى انت عايز
تكلم واحده وتحبها وتمشى معاها وهى اصلا محرمه عليك وربنا يبارك فى
حياتكوا بعد كدا اذا كان الموضوع بادىء غلط وحرام يبقى ازاى هيبقى ربنا
مبارك فيها

من طرف **Crespowbas** الأربعاء نوفمبر 21, 2007 6:41 pm

بس يا هبهوب

هى طبعا العلاقه بتبقى محرمه
بس ممكن احنا نقلل حرميتها نعمل الصح يعنى

بس مش غلط لما نعرف بعض اكتر وانا اشك انك بتقولى الكلام دة من قلبك بجد
علشان انتى عارفه اد ايه الحب حلو وحاجه كويسه جدا لما بتكون فى الصح
وبذات لما يكون من الطرفين يعنى الاثنين عاوزين بعض مش بيكلمو بعض وخلاص بس
وديه حريه راى طبعا

شكرا على مرروك

من طرف **devotte_h** الأربعاء نوفمبر 21, 2007 6:47 pm

على فكرة ده موضوع جامد جدا لان بيمر على كل واحد فى الدنيا وعشلن كده
لازم يعمل حسابه كويس اوى عشان ده موضوع مستقبل اتنين وبيتبنى عليها حاجات
كتير بعد كده وانا من وجهة نظرى ان الانسان يكون فى الصح احسن عشان ربنا
يبارك ليه فى حياته المستقبلية.

من طرف **Crespowbas** الأربعاء نوفمبر 21, 2007 6:56 pm

تسلم ايدك يا عم حسام
بص يا عم الكلام اللى انت قولتله جميل جدا
بس علشان كدة لازم نفكر ونختار صح مش لازم اى حد نشوفها نروح نتجوزها ولا انا غلطان
علشان كدة لازم نعرف قبل ما نتجوز بس تكون معرفتنا ديه فى الصح وفى حدود الادب بس
شكرا على مرورك يا عم حسام

من طرف **devotte_h** الأربعاء نوفمبر 21, 2007 7:02 pm

طبعا يعم محمد لازم اكون مختار صح اوى عشان ده زى مقولتلك موضوع مستقبل
عشان كده مش اى وحده هشوفها هحبها على طول لازم اكون عارف كل حاجه عنها
طبعا وهى تناسبنى ولا لأ عشان اكون اخترت صح ولا ايه.

من طرف **Crespowbas** الأربعاء نوفمبر 21, 2007 7:11 pm

اكيد يا طبعا لازم تكون منسباك وراضيه كمان بظروفك
مش تقولك لا ما ينفعشى تكون كدة
واهم حاجه يا عم حسام تتحدى اى حد علشان خطرك انت مش علشان حاجه تانيه وتكون بتحبك قوووووووى كمان
قولى هتلاقيها ازاى ديه وابقى قولى
هتلاقيها من غير منتا تكون بتحبها وتكون هى كمان بتحبك

مستحيل

من طرف **devotte_h** الأربعاء نوفمبر 21, 2007 7:25 pm

بس يا محمد صحيح هو مش سهل انه يحصل كده بسهوله بس مش مستحيل انه يحصل زى
مبتقول لان مفيش حاجه مستحيله على ربنا وبعدين فيه فترة خطوبه عشان
نتعرف على بعض اكتر وبعدين مش لازم تكون زى منا عايز بالظبط لان المفروض
يبقى فيه تنازلات بس طبعا فى حدود معينه مش اى تنازلات حتى بعد الجواز
هيبقى فيه حاجات مكنتش تعرفها قبل كده هتعرفها هتوقف حياتك عشانها لا طبعا
لازم يبقى فيه تفاهم

من طرف **Crespowbas** الأربعاء نوفمبر 21, 2007 7:39 pm

يواد يا جامد

ايه الكلام دة كلام كبير قوووووى يا استاذ حسام

فعلا زى منتا بتقول كدة بس ربنا يوفقنا وما تقرش علينا سبها الحمد لله العمليه ماشيه

من طرف **eamo** الأربعاء نوفمبر 21, 2007 9:12 pm

معلش ياكرسبو انا حابه اعلق على رد بوبا واقولها كلامك صح بس مش 100%لأن لو صح معناه انك بتقولي ان ربنا حرم الحب على عباده وده مش صحيح بالمره
اولا لأنه لو كان الحب محرم مكنش الرسول وهو اخير المخلوقات حب زوجته عائشه وكانت هي الأقرب الى قلبه حتى من قبل زواجه منها
تانيا كان دايما بيدعي بدعاء وهو اللهم لاتآخذني بما لا املك وكان يقصد بيه قلبه وعواطفه لأنه رغم انه كان نبي ورسول الله واعقل خلق الله الا ان عواطفه كانت ارق من عاطفه طفل صغير
تالتا في حديث عن الرسول بيقول عليه الصلاه والسلام (ليس للمتحابان الا النكاك)معنى الحديث ده ان الزواج عن حب مش غلط ولا حاجه ولا هي علاقه باطله وما بني على باطل فهو باطل زي مبتقولي لأن الحب مش حاجه باطله مادام في التزام وحب محترم ظاهر قدام العالم كله واحب اخيرا اقولك حاجه
الأنسان يعرف نفسه انه غلط ازاي؟؟انه يكون بيعمل الحاجه وخايف اي حد يشوفه ساعتها يتأكد ان ده غلط وانا مأظنش ان واحد زي كرسبو او غيره يعني....ممكن يكون بيخجل انه يقول انا بحب الأنسانه دي او اي شخص تاني وبعدين بدال النيه الزواج وكل حاجه تكون علني يبقى قوليلي فين الغلط ولا ايه ؟؟ ياريت اللي موافقني في الرأي يرد عليا وآسفه للأطاله

من طرف **Crespowbas** الأربعاء نوفمبر 21, 2007 9:28 pm

بجد يا ايمى خرجتى اللى انا ما كنتش عارف اخرجه ازاى

بجد انتى انسانه عاقله جدا ورقيقه جدا
حتى من كلامك انا حسيت كدة

بجد برافو على ردك على فكرة الرد دة احسن من الموضوع بجد مش عارف اقولك ايه

شكرا على مرورك وتعليقك اللطيف دة

من طرف همس العيون الأربعاء نوفمبر 21, 2007 10:07 pm

بجد يا ايمى انا مش عارفه اقولك ايه
ووالله انا مقنعه بيه جدا جدا جدا وانتى انسانه عاقله اوى وانا احترمتك
اوى وانتى كلامك صح اوى بس الحب اللى انتى بتقولى عليه وقصدك عليه مش
موجود وبتمنى انه يكون موجود لان مش الكل بيفكر بمنطقك ده لا بيعملوا
دلوقتى الحرام واللى مش حرام مش فارقه معاهم ولما تيجى تقولى ليهم او كدا
يقولوا عادى مش احنا هنرتبط رسمى وفى الاخر تلاقى كل واحد فيهم فى مكان
لان النصيب مش ليهم ولما تساليهم يقولوا يارتنا ما عملنا كدا من الاول
فانا قصدى ان اللى هيمش مع كلام ربنا ويعمل بيه عمره ما هيندم وعلى فكره
انا بحب الحب جدا بس مش عايزه احب لان الدنيا والناس تفكيرهم اتقلب وبتمنى
كله يفكر زيك وزى كريسبو ويعمل زيكوا لكن ده قليل اوى دلوقتى وميرسى ليكى
جدا على تعليقك

من طرف **eamo** الأربعاء نوفمبر 21, 2007 10:51 pm

انتي هايله يابوبا والحمد لله اني قدرت اخرج من جواكي مشاعر رقيقه كنت دايما بالاحظ انك بتحاولي تخبيها عشان انتي خايفه من الحب عشان الزمن بس صدقيني العيب مش في الزمن العيب فصحاب الزمن بس ارجع واقولك في كتيييير زيي زي كرسبو وبيحبو وبيهيمو كمان وان شاء الله تقابلي واحد فيهم وساعتها هألاقيكي اسعد مخلوقه

من طرف **Crespowbas** الجمعة نوفمبر 23, 2007 3:12 am

شكرا على كلامك فى حقى
بس بجد والله وبدون مبالغه الحب دة احلى حاجه فى الدنيا بيخلي ليه طعم
اسالم اى حد بيحب بجد وهو هيقولكم كدا برضو

مش انا لوحدى

وشكرا على مرورك

من طرف همس العيون الجمعة نوفمبر 23, 2007 11:02 pm

بس يا كريسبو النصيب ده من عند ربنا ومادام هوه من عند ربنا يبقى مش وحش لان ربنا مش بيجيب حاجه وحشه

من طرف **devotte_h** السبت نوفمبر 24, 2007 12:22 am

على فكرة يا جماعة انا عايز اوضح حاجه بس مش معناها انى عايز اخالفكوا
بالعكس انا معاكو ان الحب حلو وحلو اوى كمان بس الحب اللى ايمى بتتكلم عنه
اقصد حب الرسول للسيدة لزوجاته كان فى حدود يعنى هو مرحش حب السيدة خديجة
قبل الزواج ولكن وجد فيها ما يصلح انها تكون شريكة ليه فى حياته من عقل
وحنان ولكنه بعد الزواج منها حبها حب شديد لدرجة ان محدش يقدر يقول ان
اتنين حبوا بعض على وجه الارض زى سيدنا محمد والسيدة خديجة لانه حبها حتى
بعد موتها حتى انه من كتر حبه للسيدة خديجة ان يوم فتح مكة وده كان يوم
مهم جدا للمسلمين جاءت احد اصحاب السيدة خديجة للرسول عليه الصلاة والسلام
وكان مع الرسول الصحابة سيدنا ابوبكر وسيدنا عمر وسيدنا عثمان ترك كل
هؤلاء الصحابه وذهاب وجلس مع صاحبة السيدة خديجة ليتذكر معها ايام السيدة
خديجة وده كان بعد موت السيدة خديجة بعشرين سنة ولكن الزمن اللى احنا فيه
متغير خالص وصعب جدا يحصل كده لان كله بيقول ان لازم الولد والبنت يحبوا
بعض ويقابلوا بعض قبل الارتباط الرسمى وده طبعا مش الصح الى حد ما بس ده
زمنا واللى يحير اى حد وفى الاخر محدش يزعل منى يا جماعه لان ده راى مش
اكتر.

من طرف **Crespowbas** السبت نوفمبر 24, 2007 12:29 am

كلامك دة يا حسام ان دل فانه بيدل على انك شخصيه بجد لازم الواحد يحترمها ويسمع ليه مش يقرا وخلاص لا
انت كلامك عاقل جدا وبجد انت انسان جميل قووووووووووووى
وكفايه انك بتكلم فى الدين مش بتكلم وخلاص
شكرا على مروك يا عم حسام ويا ريت تشارك معنا كتير

علشان بجد نستفيد برايك كلنا هنا فى المنتدى
وبشكرك مرة تانيه

من طرف **devotte_h** السبت نوفمبر 24, 2007 12:38 am

الله يخليك يا عم محمد بس يا رب محدش يكون زعلان منى لان ده راى زى مقلت
وبعدين انا متفق معاكو ان مفيش انسان فى الدنيا يقدر يستغنى عن الحب لانه
بجد اجمل حاجه فى الدنيا

من طرف **Totti** الثلاثاء نوفمبر 27, 2007 6:25 pm

الموضوع جامد جدا وفكرته حلوة
بس انا رايي انه مش شرط جواز عن حب او تقليدي
المهم ان كل طرف يراعي ربنا في الطرف التاني
بس طبعا الجواز عن حب احسن
على فكرة انا مش هتجوز جواز تقليدي

من طرف **Crespowbas** الأربعاء نوفمبر 28, 2007 3:30 am

ايوة كدة احبك
حب يا عم وسبها على الله بس انت انوى نيه خير

شكرا على مروك الكريم

من طرف **ahmedelamir64** الأحد ديسمبر 09, 2007 2:52 am

انا راي يا محمد
اني مفتكرش اني ممكن اتجوز حد غير الانسانه اللي انا حبيتها
بس تعرف يا محمد انت افكار مواضيعك حلوه اوي
ايه رايك تمسكلي الخمسين منتدي بتوعي
بجد تسلم ايدك

من طرف rodys21 الجمعة ديسمبر 14, 2007 2:18 am

موضوع جامد اوى حقيقى
انا رايى ان الزواج عن حب افضل كفاية انك تكون بتحب انسان وماصدقت تكون معاه فى مكان واحد اكيد لو بتحبوا بعض حب حقيقى
الحب والشوق عمره ما بيروح لان ببساطة انت وانت مع الى انت بتحبه وقاعد معاه بتحس انه وحشك
فمش الزواج يبقى تعود وتضيع المشاعر
بالعكس
انا رايى كده لانى مش هتجوز الا انسان بحبه علشان اكون مطمنه له

من طرف **Crespowbas** السبت ديسمبر 15, 2007 6:06 pm

انا رايى ان الزواج عن حب افضل كفاية انك تكون بتحب انسان وماصدقت تكون معاه فى مكان واحد اكيد لو بتحبوا بعض حب حقيقى
الحب والشوق عمره ما بيروح لان ببساطة انت وانت مع الى انت بتحبه وقاعد معاه بتحس انه وحشك
فمش الزواج يبقى تعود وتضيع المشاعر
بالعكس
انا رايى كده لانى مش هتجوز الا انسان بحبه علشان اكون مطمنه له

رايك حلو قوووووى يا روديز

تسلم ايدك وشكلك كدة بنت .........................!

أوعدك يا حماده(كريزبو)لما أتجوز هبئ أرد عليك

من طرف ozy313 الأربعاء فبراير 13, 2008 11:00 pm

طبعا الزواج عن حب افضل بس بشرووط

وده لان :
1- ازاي واحديتجوز واحده اول مره يشوفها ؟
2- ازاي الواحدة تقبل بواحد اول مره تشوفه؟ ياريت كلمته
3- هو الجواز بالمظهر بس ؟

وفي راي ان الحب لوحده مش كفاية لازم العقل كمان يدخل في اختيار شريك الحياة
"" لان الحب اعمى "" .
وعدين هو الجواز ده مش عشرة ومودة وحياة تانية طيب ازاي اقول اه انا موافق على فلان او فلانة من غير ما اعرفها ازاي ابني مستقبلي مع واحدة معرفهاش ولا اعرف طبعها هي ممكن تكون زي القمر بس مادية او غبية او بيئة او ... الخ
طيب ازاي حيبقى في حب بعد الجواز للناس اللي بتقول الحب بعد الجواز .
ده رايي وشكرا على الموضوع الجميل ده .
وياريت اللي عنده اي اعتراض على كلامي يقوله

من طرف **HAMADA** الجمعة فبراير 15, 2008 3:58 pm

الجواز هو جواز بس المهم ان الطرفين يكونوا متفاهمين بعد الجواز

لان ممكن يكون اتنين بيبحبوا بعضهم وبعد الجواز تلاقى الدنيا ضايعه معاهم ومفيش تفاهم لكن اتنين تنين ماتجوزين جواز تقليدى ومتفاهمين
اللهم اعطنا فى الدنيا حسنه وفى الاخره حسنه
وحسنه الدنيا هى الزوجه الصالحه

من طرف **Crespowbas** الأربعاء فبراير 20, 2008 8:51 pm

امين يا حمااااااااااادة يسمع منك ربنا

من طرف ozy313 الإثنين فبراير 25, 2008 2:22 pm

مينفعش يكونوا اتنين بيحبوا بعض وبعدين يتجوزوا ويكونوا مش متفاهمين يا اما هما كانوا بيضحكوا على بعض لان مفيش حاجة المفروض تتغير يعني قبل الجواز زي بعده لان هما المفروض بيكونوا متفقين على كل حاجه ولا هي جر رجل وخلاص وريمة ترجع لعادتها القديمة؟!

من طرف **Crespowbas** الجمعة نوفمبر 07, 2008 5:35 pm

صح
ما فيش حد بيتجوز واحدة كان بيحبها وبعد ما يتجوزها يكتشف انه مكنشى فاهمها امال حبها ازاى

ولا فكر فى الارتباط ازاى ما بينهم وهما مش فاهمين بعض

تسلم ايديكم يا شباب