كيف تعرف انك تشاهد فيلم عربي

كيف تعرف أنك تشاهد فيلم عربى ؟


عندما يكون البطل مريضا وتقدم له البطله حبة الدواء مع كوب الماء
وبعد أن يبتلعها تسأله البطله فورا , عامل ايه دلوقت ؟
والمفاجئه أنه يرد عليها الحمد لله بقيت أحسن
(كده بالسهوله دى هوه واخد حبه البركه ولا ايه)
___________________________________________
عندما يصل البوليس أو الشرطه ألى مكان الجريمه دون أن يبلغه أحد
( تقريبا المخرج هوه اللى بلغ علشان يصور أمال هوه هيصور ايه )
___________________________________________
عندما تقول البطله للبطل أنا حامل فيرد البطل على طول ....اللى فى بطنك ده لازم ينزل
( وغالبا بيكون يوسف شعبان)
___________________________________________
عندما تفاجىء بأغنيه مالهاش أى لازمه فى نصف الفيلم مش عارف أنا ايه العلاقه بين الاغنيه والفيلم


___________________________________________
العباره الساذجه الشهيره التى تصطحب مشهد القبض على المجرم
(مفيش جريمه كامله انت فاكر أنك هتهرب من البوليس بعملتك دى )
___________________________________________
عندما يسكر البطل فتجده يصب كوب ممتلىء على أخره
( غالبا بيسكر بعصير قصب أو عرقسوس)
__________________________________________
عندما يكتشف الزوج الخيانه الزوجيه مصادفه لانه نسى شيئا فعاد الى البيت وفى الدقائق القليله
يكون العشيق قد وصل الى البيت وخلع ملابسه وأصبح فى الفراش مستعد لتصوير الفضيحه
____________________________________________
عندما يخرج الطبيب من غرفه العمليات يردد جمله من ثلاث جمل
(اضطرينا نضحى بالجنين ) (شيدو حيلكو يا جماعه ) ( العمليه نجحت بسمش هتقدرو تشوفوه دلوقت )
____________________________________________
عندما يجلس البطل والبطله فى نفس الكازينو بتاع كل فيلم اللى قصاد ماسبيرو ويطلبوا نفس العصير اللى فى كل فيلم
وغالبا بيكون عصير تانج أو ميراندا
( ويخلص المشهد من غير ما أحد يشرب حاجه عشان هيتصور بالمشاريب دى فيلم تانى )
_____________________________________________
عندما يصاب البطل بطلق نارى فى قلبه وتنزف الدماء من بطنه زى الصلصه بتاعت الكشرى المصرى عرفنها
ويتحدث البطل بطلاقه وتركيز لمده خمس دقائق
( يقوم خلالها بفك لغز الفيلم والاعلان عن القاتل الحقيقى أو البطل أبن مين فى الفيلم )
_____________________________________________
عندما تجد مقر العصابه ملىء بالبراميل والقش التى تستخدم لاحقا فى المعركه بين أفراد العصابه مع البطل وصديقه الذين جائوا لانقاذ البطله
______________________________________________
عندما تشاهد فيلم أغراء بطوله ممثله فوق الستين
( أنا برشح ناديه الجندى )
______________________________________________
عندما ينجح الفيلم وتتزوج البطله التى من عائله غنيه البطل أبن الجنينى
( طبعا على يا ويكا )
______________________________________________


وفى الاخر طبعا مننساش البوسه اللى فى أخر الفيلم طبعا لازم البطل يبوس البطله وبعدين تنزل البطله الستاره أو تقفل الباب ( يعنى بتتكسف مننا شوف أزاى )