7/12/2007

من طرف **A.S.Shiko0o0o** الأحد ديسمبر 09, 2007 4:59 am

فى بدايه الكلام طبعا بتأسف على غيابى الفتره اللى فاتت دى عن المنتدى بس إعذرونى يا جماعه الامتحانات بقى وكده
كمان بتاسف على انى حطيت التوبيك مش فى مكانه بس انا حطيته هنا عشان كل الناس تشوفه وبعد كده هننقله مكانه
أسيبكم مع الموضوع بقى
We are the seed of the new breed we will succeed
We are the new these words are true
let the shine of zamalek grow and grow and grow
7/12/2007

يوم لن تنساه الجماهير العاشقة لهذا الكيان العريق نادى الزمالك فى هذا اليوم قالت الجماهير كلمتها وقفت وثارت لأول مرة منذ سنوات فقد انهكتها نتائج الفريق وعدم الاحساس بالمسئولية تجاه الزمالك وحالة الامبالاة المسيطرة على جميع لاعبى الفريق منذ سنوات مضت وفى الوقت نفسه لم تستطع هذه الجماهير العاشقة ان تكف عن دعم الزمالك وعن مؤازرته فحب الزمالك قد انزرع فى قلوبنا منذ الصغر فنشئنا على حب الزمالك والإنتماء له دون ان ننتظر مقابل ونقف بجوراه فى الضراء ونحتفل بيه فى السراء
لن أطيل عليكم فى البداية فلم نكن نستطيع ان نكف عن المؤازرة لكن كان لابد من صرخة إحتجاج فى وجه هؤلاء وقد كانت
زحفت الرابطة بالأمس إلى استاد الكلية الحربية رغم برودة الطقس وحدث ما هو متوقع حيث انعدام الاقبال الجماهير سوى من أعضاء الرابطة التى إلتزم جميع افرادها بالحضور بالزى الاسود معلنين عن بداية الصرخة والاحتجاج وإلتزم الجميع بما تم الاتفاق عليه من عدم تشجيع اى لاعب او فرد بل سيكون الهتاف فى اى حال للزمالك فقط
بمجرد نزول الاعبين انطلقت الجماهير
إلعب بقى ياعم خلى عندك دم
وراكو فى كل حتة هتفرحونا إمتى
عازين لاعيبة رجالة مش لاعيبة عالة
بالروح بالدم هنشجع الزمالك
الزمالك فى دمنا غصب عننا
ومع بداية المباراة ظهرت الشرائط السوداء معلنة عن حالة السخط العامة التى أصابت الجماهير حيث اكتست المدرجات بااللون الاسود معلنة نهاية حالة التدليل على الفاضى والمليان وبداية مرحلة الحساب العسير
ومع بداية المبارة وإحتساب ضربة الجزاء وسيطرة الترسانة على مجريات اللعب قامت الجماهير بحركة احتجاج بأسلوب حضارى
حيث وقف الجميع على الكراسى الموجوده بالاستاد وقامت بالطرق عليه بالارجل محدثة زلزلة فى ارجاء الاستاد ومعلنة عن سخطها وان الكيل قد فاض لكنها رغم كل ذلك سوف تستمر فى تشجيع الزمالك
ومع إحراز هدف التقدم عن طريق محمود فتح الله حدث ما تم الاتفاق عليه وهو ما جاء على غير هوى الاعبين وهو حالة السكون التام
وهو ما أصاب الاعبين بالصدمة مما جعل شيكا بيه هو الاخر يدخل فى مناوشات مع بعض الجماهير عندما اشار لهم برفضه هذه الطريقة
إلا ان رد الجماهير كان اروع واروع حينما هتفت
اللى علمناه اليلادى عشان بنحب النادى
حبيتك يا زمالك من غير ما اسأل سؤال
وهشجع الزمالك مهما طال المطال
وإستمرت حالة السكون إلى انت انتهى الشوط الاول
وبين شوطى المبارة حدثت واقعة اصابتنى بالحزن إلا اننى كنت مقدر لموقف الجماهير
حيث اتى إلينا عمرو زكى محاولا تهدئة الجماهير(والله صعب عليا)
إلا ان الجماهير بمجرد رؤيته يقترب هتفت إرجع يا عمرو
إلا انه استمر حتى وصل الى السور الحديدى المواجه للجماهير وقالنا انا عارف بس معلش وقام بمصالحة الجماهير على طريقته حيث قام بإرسال بعض الكرات تعبيرا عن إعتذاره للجماهير
إلا أن الجماهير قامت بإرجاع الكرات مرة أخرى
وفى الشوط الثانى استمر الحال على ما هو عليه
وبعد إحراز الهدف التانى انطلقت الاغنية التى أبكت الجميع والبعض دخل فى حالة بكاء هستيرى من فرط حبه للزمالك
(ألى يو ألى يو .. ألى ألى ألى ألى يو
عشان الزمالك جينا
لاعيبه كلها مش رجاله
نادينا بيضيع قدام عنينا
اه ياحسره ع الامجاد
أليو أليو .. ألى ألى ألى أليو)
يكفى حالات الاغماء اللى اصابت البعض
وبعد الهدف الثالث انطلقت الفرحة لكن لم يهتف لأى لاعب وكانت الهتافات كالاتى
غصب عننا هنشجع الزمالك
مهما روحنا ومهما جينا
زمالك روحنا ونور عنينا
لفينا العالم لفينا زى الزمالك ما لقينا
ميت عقبة بيتى هى حياتى غالية علينا
اليه اليه اليه ياالاولاد جبوها والرابطة تولعها
وفى النهاية انطلقت الهتافات لأول مرة م نأجل لاعب
إنه الامبراطور حازم إمام حيث لم يتمالك الجميع نفسه من فرحة عودة معشوق الزملكاوية الاول
وفى نهاية المباراة هتفت الجماهير
اللى عملناه اليلادى عشان بنحب النادى
مش هنسمع صوت حد إحنا الزملكاوية بجد
يا شيكا تعالى إسمعنى إحنا اللى إدبحنا
ـــــــــــــــــــــــــــــــــــــ

بالله عليكم هل هناك جمهور أروع من ذلك
فنحن رغم سخطنا لم نستطع الابتعاد عن الزمالك فهو عشقنا الاول والأخير والهواء الذى نتنفسه
أرجو ان أكون قد وفقنى الله فى توصيل ما حدث بكل صدق وامانة
رغم موقف المخرج المستفز الذى أبى ان يصل صوت جماهير الزمالك إلى الجميع
لكن هيهات فسيظل صرت جماهير الزمالك هو الاعلى دائما بإذن الله
__________________

يا زمالك عايش فى واجدانى
يا حتة من قلبى وكيـــــــــانى
وياك هنشجع كدة على طــول
ونرجع الأفراح من تانـــــــى

ZAMALEK 4 EVER U R IN MY HEART
--------------------------------------------------------------------------------

من طرف **A.S.Shiko0o0o** الأحد ديسمبر 09, 2007 5:02 am

أظن يا جماعه ان انا مغلطتش فى حد وياريت اللى يرد يقول كلمه حلوه لو معندوش كلمه حلوه يبقى بلاش كلام خالص

من طرف **Just Zizo0o0o** الأحد ديسمبر 09, 2007 7:08 am

ربنا معاكو يا زمالكلويه وان شاء الله النادي راجع تاني عشان يبقي فيه منافسه كده بس علي فكره يا شيكو ان لو بتتكلم في جمهور مين الاروع انا عاوز اقولك لو الاهلي مر بالفتره دي هتلاقي جمهور الاهلي بيعمل كده واكبر عاشن جمهولر الاهلي عظيم اوي والانجازات الي فيها النادي بسبب الجمهور وانو دايما بيبتكر حاجات جديده بدليل انو فكره الرابطه دي بتاعت جمهور الاهلي وان شاء الله الزمالك راجع عشان خاطرك بس يا شيكو وجمهور الزمالك الي صبر كتير اوي وبجد الموضوع ده جمييييل بس بلاش بقي لازم كلنا يبقي شعارنا الزمالك عشان انت كده بتستفز جمهور الاهلي علي العموم خير ومحدش من جمهور الاهلي هيرد رد وحش
عشان ده جمهور عظييييييييييييييييييييم

اهلاوووووووووووووووووي للابد

من طرف **DeBo0o** الأحد ديسمبر 09, 2007 4:24 pm

ربنا معاكو احنا نتمنى الخير للكل .. بس يبقى فى روح رياضيه محترمه
ِ
مش بقله الادب و اللسان الطويل ... الزمالك نادى محترم بس ادارته و بعض لاعيبيه مش محترمين بصراحه

احنا بجد نتمنى اننا نشوفه عملاق زى زمان و المنافسه تشتد بشرف و امانه و ربنا يوفقك الجميع

شكرا على الصرخه و اللفته الجميله دى يا شيكو

من طرف **Crespowbas** الأحد ديسمبر 09, 2007 6:22 pm

والله العظيم موضوع جاااااااااااااااااااااااااااااامد
انا زملكاوى وبحب الذمالك وزعلان بجد على اللى بيحصل للفريق
وفعلا الاعيبه مش عاوزة غير كدة مش احنا نعد ندلعهم وكل دة يجى على دمغنا من حرقه اعصاب ودم
حرام بجد

جمهور عظيم
للابد انا زملكاوى

من طرف **A.S.Shiko0o0o** الأحد ديسمبر 09, 2007 8:33 pm

من طرف **A.S.Shiko0o0o** الأحد ديسمبر 09, 2007 8:39 pm

7/12/2007

7/12/2007

رد: 7/12/2007

رد: 7/12/2007

رد: 7/12/2007

رد: 7/12/2007

رد: 7/12/2007

رد: 7/12/2007