هتقول ايه للشخص اللى فى دماغك دلوقتى واللى بتفكر فيه؟

من طرف **Crespowbas** الثلاثاء ديسمبر 11, 2007 1:12 am

احيانا بنلاقى نفسنا بنفكر فى شخص معين كدة فجاة

وساعات كمان بنتخيل اننا بنكلمة وهو
بيرد علينا

ممكن يكون الشخص دة مزعلك فتوجة لى
اللوم

او ممكن يكون وحشك فتقول
ياااااااا وحشتنى ياااااا؟

او ممكن يكون غدر بيك فتقول
طيب لية كدة ؟

او او او او

حاجات كتير اوى ممكن
نتخيلها

حاجات بنكتفى اننا نتخيلها فقط

لكن من غير ميكون عندنا القدرة
اننا نكلمة فيها

اتمنى انكوا تكونوا فهمتونى

عشان كدة عايز كل واحد يدخل يقول مين
الشخص اللى على بالة

دلوقتى حالا ونفسة يقولة اية
هل لوم او عتاب او فرح اى حاجة نفسك

تقولها تعالى هنا واقولها ومش شرط
تقول مين الشخص كفاية تقولنا بس

انت بتقول اية فى بالك دلوقتى

من طرف **kaber** الثلاثاء ديسمبر 11, 2007 8:40 pm

الموضوع هايل جدا يا كرسبو وانا مبسوطة انى اكون اول واحدة
رديت على موضوعك
وانا عن نفسى اللى فى بالى رسالة لوم وعتاب لصديقتى قصدى اللى كانت صديقتى
عايزة اقولها ان اصعب حاجة انك تفارقى ناس وهما ما يحسوش بفراقك وهى دى اصعب حاجة على الانسان
المقصود كأن لم تكونى

من طرف **Crespowbas** الأربعاء ديسمبر 12, 2007 9:16 am

ماشى يا ستى اعتبرى رسالتك وصلت
وانا اللى متشرف بكونك رديتى اول واحدة على موضوعى
شكرا على المرور

انا هقول لشخص عزيز عليا اوووي هيه اختي دي ملاكي وامي واختي وكل اللي ليه في الدنيا يارب يخليكي ليا يارب وربنا يجمعك علي خير مع خطيبك يارب اصل اختي دي صديقتي يا جماعه قمه الحنان ملاك فعلا ملاك

من طرف **silent** الجمعة ديسمبر 14, 2007 11:44 pm

او ممكن يكون غدر بيك فتقول
طيب لية كدة ؟

شكرا يا كرسبو بجد عالموضوع ده

من طرف **DeBo0o** السبت ديسمبر 15, 2007 1:33 am

هقولها .. انها وحشانى قوى .. و انى بجد محتاجلها قوى قوى

من طرف **RANEEM** الأحد ديسمبر 16, 2007 3:10 am

انا كمان احب اقول لاصدقائي اني انا بحبهم جدااااااااااااا والله

مش بقدر استغني عنهم خالص خالص وبجد بفكر فيهم دوقتي

من طرف **MeRaMoRe** الأحد ديسمبر 16, 2007 3:22 am

كرسبو الموضوع ده تحفه جمييييييييييييييييييييييل جدا جدا جدا

في شخص في بالي عايزه اقوله لــــــيه؟؟؟

من طرف **NonaAa** الثلاثاء ديسمبر 18, 2007 1:46 am

انا اللى على بالى دلوقتى

نفسى اقوله :

ربنا مايحرمنيش منك ابدا

ويخليك ليا

بجد تسلم ياكرسبو على الموضوع الهايل ده

من طرف **Crespowbas** الثلاثاء ديسمبر 18, 2007 2:04 am

ههههههههههههههههههه

ماشى وانا هبقى اقوله برضو (لو انا اعرفه طبعا )

ان شاء الله ما يحرمكوش من بعض ابد ابدا
وتفضلو مع بعض فى الخير

تسلمو على مروركم دة
وشكرا يا مراميرو

على ردك اللى زى العسل دة

من طرف **little angel** الثلاثاء ديسمبر 18, 2007 11:57 pm

اللى ف بالى دلوقتى حالا هى صاحبتى الانتيم تخيلوا ماشوفتهاش من 70 يوم ولا حتى سمعت صوتها كل اللى مابينا نت (اصلها ف الجيزة) عايزة اقولها انها وحشااااااااااااااااااااااااااااااانى مووووووووووووووووووووووووت وانا قلقانة عليها جدا عشان مش بترد ع الموبايل والمفروض انها كانت تجيلى النهاردة ومجتش يارب تكون بخير وميرسى يا كرسبو على مواضيعك التحفة دى

من طرف **Crespowbas** الأربعاء ديسمبر 19, 2007 3:02 am

شكرا يا جماعه على المشاركه

وشكرا ليكى يا قمر يا ليتل انجل على ردك اللى زى العسل ويا رب تشوفيها يا رب

انا بقى نفسى اقول للى فى دماغى دلوقتى
انتى وحشانى قوووووووووووووووووووووووووووووى قوووووووووووووى ونفسى اشوفك وربنا
وانا بحبك جدا ومقدرشى اعيش من غيرك ويا رب ما تكونيش زعلانه منى

من طرف **little angel** الأربعاء ديسمبر 19, 2007 3:45 pm

يارب ماتكونش زعلانة منك انا بقى ف قمة سعادتى صحبتى اللى قولتلكوا عليها لسه مكلمانى حالا وقالت انها وصلت وانا رايحالها حالا موضوعك وشه حلو عليا يا كرسبو

من طرف **Crespowbas** الأربعاء ديسمبر 19, 2007 8:11 pm

يا رب يا رب يا رب

واى خدمه انا دعوتى استجابت اى خدمه

من طرف **little angel** الثلاثاء ديسمبر 25, 2007 2:48 pm

هاقول للشخص اللى ف دماغى حالا (ربنا يسامحك نكدت عليا الله ينكد عليك وقرفتنى وماخلتنيش اعيد) والشخص دة هو دكتور جمال موسى بتاع الحاسب واكيد كل دفعات 3 هتقول ورايا امييييييييين

من طرف **Crespowbas** الثلاثاء ديسمبر 25, 2007 3:08 pm

هننجح ان شاء الله بس سبيها على الله
بس تصدقى انا معرفهوش ههههههههه
مع انى فى 3 بس مش عارفه بس الشيت اللى انا بذاكرة زى الزفت مش فاهم اى حاجه فى اى حاجه
يلا بقى اهو نعمل اللى علينا
كدة كدة الحياة زى الزفت ما فهاش جديد

من طرف **Crespowbas** الإثنين مارس 17, 2008 1:51 am

بقول للشخص اللى فى دماغى دلوقتى انى بحبه قوووووووووووووووووووى وعمرى ما هتخله عنه حتى لو حصل ايه هتنى معاه

وهقوله انى بحبه جدا جدا جدا جدا

وبس

هقوله اني بحبه جدا حتي لو ماكنش حاسس بيا

بس يارب ربنا يقربنا من بعض

من طرف **شذى** الخميس مارس 20, 2008 10:10 pm

اقولهها وحشتينى يا معفنة

وحشتينى يا حتة دزمه

وربنا وحشتينى مووووووووووووووووووووت

من طرف **HAMADA** السبت مارس 22, 2008 5:08 pm

هقوله ربنا يا خدك يا مفترى ماهو كل مفترى عليه ربنا وربنا ينتقم منك بحق جاه النبى اشوفك متقطع اااااااااااااااااااااااااااااااااااااااااه منك اااااااااااااه

عارفين مين المجرم الارعن جورج بوش الاهى اشوفه مولع
انا بقيت عامل زى الولايه والنبى ياختى

من طرف **Crespowbas** الإثنين مارس 24, 2008 2:27 am

هقوله انى زعلان منه قووووووووووووى ومش هسمحه

من طرف **ahmedelamir64** الإثنين مارس 24, 2008 7:38 pm

هقوله بحبك اوي

ومش زعلان منك

من طرف **HAMADA** الثلاثاء مارس 25, 2008 5:57 pm

بقوله اصبر شويه عليا

انا هابقا زى مانت عايز وها أكون احسن كمان بأذن الله
يارب وفقنا كلنا يارب

من طرف **Crespowbas** الثلاثاء مارس 25, 2008 8:45 pm

هقوله انك ما تستهلشى افكر فيك اصلا

من طرف **little angel** الثلاثاء أبريل 01, 2008 11:01 am

هقوله انا اسفة بحملك فوق طاقتك بس انت عارف مش ف ايدى حاجة

من طرف **Crespowbas** الخميس أبريل 03, 2008 1:11 am

هقوله مع السلامه والقلب دعيلك

من طرف **eamo** الخميس أبريل 03, 2008 1:44 am

هأقوله وحشتني اوي وبقالي كتير مشفتكش نفسي اشوفك ياقمره هتقول ايه للشخص اللى فى دماغك دلوقتى واللى بتفكر فيه؟ 343361

من طرف **HAMADA** الخميس أبريل 03, 2008 1:51 am

اقوله ان افضل معانى لحب انى افضل باصص ليك واتفرج عليك لان انتاسمى من انى اقول عنك اى حاجه

من طرف **takatiko** الجمعة أبريل 04, 2008 5:57 am

هقوله انا مش هنام

من طرف **little angel** الجمعة أبريل 04, 2008 8:28 pm

هاقولها زعلانة منك مووووووووووت

لانك حتى ماكلفتيش خطرك واتصلتى تعتذرى عن المعاد ونفضتيلى

من طرف **Crespowbas** الجمعة أبريل 04, 2008 11:17 pm

هقوله باااااااااااااااااااااااااى بااااااااااااااااااااااااااااااى فركش يعنى

من طرف **takatiko** الثلاثاء أبريل 08, 2008 1:12 am

هقول no comment

من طرف **Crespowbas** الإثنين أبريل 14, 2008 12:21 am

هضحكله الضحكه ديه
هههههههههههههههههههههههه

وقوله خلاص

وقوله كماااااااااااااااااااااااااااااان انى كويس بس خليك بعيد عنى وملكشى دعوة بيا

من طرف **روعة** الإثنين أبريل 14, 2008 4:37 am

من طرف **روعة** الإثنين أبريل 14, 2008 4:38 am

هقول لخطيبي واحشتني ويارب متحرمش العمر منك ويوفقنا سوا

من طرف **eamo** الإثنين أبريل 14, 2008 10:16 pm

هأقوله ليه بس كده اللي بينا أكبر من كل ده والله عمري مأنشغلت عنك وبعدين مهما غبت لازم ترجعني

من طرف **snow white** الأربعاء أبريل 16, 2008 10:32 pm

وحشتني اوووووووووووي
محتجالك جداااااا
ربنا يرحمك ويجعل مثواك الجنه ويصبرنا علي فراقك
تلات سنين بس مش قادره انسي

من طرف **MeRaMoRe** الجمعة أبريل 18, 2008 2:35 am

هتجنن واشوفك

من طرف **Crespowbas** الجمعة أبريل 18, 2008 2:33 pm

بجد ههههههههههههههههههههههههه

خلاص هقوله

يارب تشوفيه

انا بقى مش عاوز اشوفه خالص

من طرف **eamo** السبت أبريل 19, 2008 1:02 am

هاقولها ربنا يقويكي علينا عارفه اننا حمل كبير عليكي ربنا يخليكي لينا ويكرمنا عشانك

من طرف **tweety** السبت أبريل 19, 2008 2:40 pm

أنا داخله مخصوص علشان الموضوع ده

عايزه اقولها انى بحبك
والله العظيم بحبك ياستى
انتى متعرفيش الفتره اللى فاتت دى انا كنت عامله ازاى
عايزه اقولها كمان انى مقدرش استغنا عنهااااا خالص
حتى لو بعدنا على طووووول على باااااااااااااااالى

متقوليش أهو كلام احسن واقسم بالله هتضربى

وانتو ياحلوييين
شاطرين تقولوا اخوااات اخوات اخوات
طب ماتقولولها

اسفه ياأنجل انى زعلتك
بس انتى عارفه انى مش قصدى كل اللى حصل ده

من طرف **Crespowbas** السبت أبريل 19, 2008 8:15 pm

ايوة كدة

من طرف **eamo** الأحد أبريل 20, 2008 1:39 am

ياتويتي ياقمر بجد انتي كده ونعم الصديقه يارب بقه صاحبتنا تدخل وتشوف الكلمتين الحلوين دول عشان تعرف معزتها فقلبك ربنا يخليكوا لبعض اوعوا تبعدوا عن بعض دا الأنسان مش بيلاقي الصديق الصح بسهوله

من طرف **روعة** الأحد أبريل 20, 2008 11:16 pm

بقول لبابا وحشتني موووووووووووووووت
ويارب يصبرك على الوحده دي
وتجيلنا بالسلامه

من طرف **MOoON Light** الإثنين أبريل 21, 2008 10:39 pm

هقولهاا ......

وحشتينى اووووووووووووووووووووووى

أوووووووووووووووووووووووووووووووووووووووووى

يللا شدي حيلك كده بقى وتعالى

ياخراااااااااااااااااااابى

وربنااااااااااا وحشتينى