انا حر وانتى حرة .........وكلنا احرار

من طرف **Crespowbas** الثلاثاء ديسمبر 11, 2007 1:33 am

سلام عليكم ورحمة الله وبركاته ..

بصو كلنا دلوقتي اكيد متفقين اننا
كلنا احرار
..

وكتير بنتكلم علي الحرية .. وكل الي نقدر نتفق عليه كلنا
ان كلنا احرار .. علي الرغم ان ممكن الي انت تقصده بانت حر مش هو الي يقصده واحد تاني لما يقول انا حر ..

بمعني ان كلنا بنقول
الكلمة بس مش كلنا نقصد بيها نفس الحاجة ..

يعني ايه انت حــــر ؟؟

انت عارف يعني ايه ؟ بالنسبالك انت طيب ايه معني الكلمة
ديه ؟؟

وهل للحرية حدود ؟؟

وهل من حق الناس منع حريات الاخرين ؟؟

وفي موضوع تاني متعلق بالحرية ..

انت/ي رايك ان الانسان مخير
ولا مسير ؟؟

علي فكرة بجد الموضوع بتاع الانسان
مخير ولا مسير ده من اهم مواضيع الفلسفة الي الفلاسفة اختلفو فيها ..

وكنا بناخده في الفلسفة وبجد لما كنت بفكر فيه كنت بحس
اني هتجنن بس انهاردة عرفتله اجابة بس مش كاملة برضو ..

من طرف **mido19** الثلاثاء ديسمبر 11, 2007 10:35 am

طبعا الواحد حر بيتصرف زى ما عاوز بس فى حدود الادب والقيم
معنى انت حر((ان ابو لهب ما شترنيش من سوق الاثنين))
مفيش حد يقدر يقلل حرية الاخرين الا الاهل
لانهم هما عارفين الصح من الغلط وبيوجهونا
الانسان من راى مخير

من طرف **kaber** السبت ديسمبر 15, 2007 3:01 pm

الحرية هى انى اعمل اللى انا عايزة فى حدود المجتمع اللى
عيشاة وبحيث ان ما فيش شخصين يختلفوا على تصرفى
ان كان صح ولا غلط(الصح صح والغلط غلط)
ومواضيعك جميلة يا كرسبو وتسلم ايدك

من طرف **Crespowbas** السبت ديسمبر 15, 2007 5:35 pm

ربنا يخليكى
وتسلم ايدك على مرورك وردك على موضوعى

من طرف **eamo** السبت ديسمبر 15, 2007 11:53 pm

موضوع جميل اوي
بص ياكرسبو الحريه دي حاجه جميله اوي بس فعلا مفهومها مختلف تماما بس بجد انا شايفه اولا اننا كلنا مسيرين وليس مخيرين وصدقني دي الحقيقه لأن ربنا خلقنا كلنا وكتب لكل واحد فينا قدره بس طبعا ده ميمنعش ان بردو الأنسان بيعمل حاجات من نفسه بس ارجع وألأولك بردو ربنا هو اللي بيوجهك لده وانا شايفه ان حريتي تقتصر على اني اقرر حياتي ومصيري وارسم حياتي زي مأنا اختار بما اني انسانه ناضجه بالغه عاقله على الأقل باوزن الأمور ده هيديني الحق تبقالي مطلق الحريه اني اوجه مستقبلي وحياتي وطريقه تعاملي زي مأنا احب مش حد يقررلي وطبعا بتوجيهات التانيين بس القرار الأخير لازم يكون ليا انا وألا ساعتها اكون انسانه سلبيه وضعيفه ومليش اي كيان فحياتي اللي هي بتاعتي انا مش بتاعت حد محدش هيحس بيا لما احزن قدي وبردو مش هيفرحوا قدي هيفرحولي بس انا اللي هأحس بفرحت نجاحي ووصولي لأي هدف فحياتي لأن ساعتها هأكون ليا الشرف واقول بقلب جاااااااااااااااااااامد انا انسانه ناجحه وده انجازي معلش طولت عليك

من طرف **Crespowbas** الإثنين ديسمبر 17, 2007 4:00 am

انتى انسانه ناجحه ان شاء الله

بس اجتهدى انتى وسبيها على الله
انتى كل حاجه فيكى كويسه مش ناقص غير توفيق ربنا فى حياتك

وان شا ء الله ربنا هيوفقك

تسلم يدك يا قمر على المرور

من طرف **Crespowbas** السبت فبراير 23, 2008 1:00 am

ايه
ما فيش اراء تانى

انا حاسس ان الموضوع دة مهم جدا

من طرف **ESSS** السبت فبراير 23, 2008 1:48 am

crespo_mona_moka كتب:

يعني ايه انت حــــر ؟؟

انت عارف يعني ايه ؟ بالنسبالك انت طيب ايه معني الكلمة
ديه ؟؟

وهل للحرية حدود ؟؟

وهل من حق الناس منع حريات الاخرين ؟؟

وفي موضوع تاني متعلق بالحرية ..

انت/ي رايك ان الانسان مخير
ولا مسير ؟؟

انا رايي ان الحرية معناها ان الواحد يعمل اللي عاوزه

بس طبعا في حدود معينة وتحت تقاليد مهمة

لابد اننا نتمسك بيها ونفذها

منها الدين والمجتمع

طبعا من حق بعض الناس منع حرية آخرين

وده طبعا بيبقى حسب الشخصيات دي

يعني الوالدين لهم الحق في منع ابنائهم من بعض الاشياء اللي يشفوها غلط

والمدير مثلا ممكن يمنع مواظفيه من اشياء تضر الشغل

وهكذا دواليك

بالنسبة بقى لموضوع الانسان مسير ولا مخير؟

أنا من رأيي صعب جدا اننا نقول اختيار معين منهم
بمعنى
ان الانسان مخير في بعض الحالات ومسير في حالات اخرى

وطبعا ده راي من ضمن الآراء

وشكرا جدا ليك يا كريسبو انك فتحت المجال للكلام في الموضوع ده

عشان كلنا نعرف وجهات النظر ونفيد بعض

بجد موضوع هاااااااايل ويستاهل النقاش

تسلم ايدك يا كريسبو

من طرف **snow white** السبت فبراير 23, 2008 3:01 am

موضوع حلو اوي يا كريسبو ومهم فعلا
انا رأيي ان الحريه دي لها معني نسبي
بتختلف بأختلاف مقايس معينه
يعني حريه الولد مش بنفس معني حريه البنت
كمان الحريه مرتيطه جدا بالدين والتقاليد والتربيه واسلوب المجتمع اللي عايشين فيه
وكمان لازم كل حد يفهم ان حريته بتقف عند حدود حريه الاخرين اللي لازم مش يتعداها
اما بقي بالنسبه لحكايه الانسان مخير او مسير
انا الحقيقه مش عارفه
كتير بيحصلي مواقف احس فيها ان الانسان مسير
وساعات تانيه تحصل مواقف اتأكد منها ان الانسان مخير
انا فعلا محتاره جدا ومش عارفه
تسلم ايدك علي الموضوعات الجامده دي

من طرف ozy313 الأحد فبراير 24, 2008 2:24 pm

الحرية دي اكبر نعمة ربنا ادها لنا بس لازم كل واحد ياخد باله من تصرفاته عشان مش يازي حد وطبعا ربنا مدينا عقل عشان نفكر قبل ما نعمل حاجة مش اطينها وفي الاخر اقول انا حر . وبالنسبة لحكاية الانسان مخير ولا مسير فهو طبعا مخير والدليل ان مفيش حد بيعمل حاجة غصب عنه الواحد قدامه الصح وقدامه الغلط يعني دلوقتي لو انا ماشي مع ناس بيدخنوا معنى كده اني لازم ابقى زيهم؟!!

من طرف madman2010 الأحد فبراير 24, 2008 5:51 pm

من طرف madman2010 الأحد فبراير 24, 2008 5:57 pm

السلام عليكم ورحمة الله وبركاته

اولا هاي كريسبو

ثانيا الحرية ليها معاني كتيرة جدا في اللي يقولك انا حر

1ـ قصده يعمل زي ماهو عايز
2ـ وفي اللي كانت بلده محتله واستقلت ده يقول انا حر
3ـ وفي واحد باباه مكبله ومشيه علي مزاجه وبعدين يستقل بحياته الشخصية
وكل ده يقع تحت شعار اعمل اللي انا عاوزه
لاكن كل اللي هو عاوز يعمله زي ما قالوا اللي قبلي يكون في قيم وتقاليد محددة ومقننة
ثالثا الانسان في وجهة نظري مسير في كل حاجة

ماعدا دينه لان ربنا هو اللي قايل كدة لكل اجل كتاب

وشكرا علي الموضوع الجميل اوي ده

كنت اخادع الحياة لاعيش كما تريد نفسي فخدعتني نفسي وعشت كما تريد الحياة

من طرف **ahmedelamir64** الأحد فبراير 24, 2008 6:20 pm

جميل اوي الموضوع يا حبي

الناس كلها متفقه علي موضوع الحريه
وانا راي كده زي الناس كلها ما قالت
اما موضوع الانسان مخير ولا مسير
الانسان مخير مسير
يعني الانسان هو اللي بختار اللي مكتبله
مش هو اختار يبقي مخير
ومش ده مكتوبله يبقي مسير
والله اعلم
تسلم ايدك