بتحب مين فى دول ( الاختيار الاصعب )

بس الله الرحمن الرحيم

ازيكم عاملين ايه ؟ يارب تكونوكلكم كويسين وبخير

الموضوع ده انا قراته علي النت ولفت نظري
فاعدت صياغته بطريقه مفصلة شوية واضفت عليه بعض الحاجات

وقلت اكتبه لكم علشان اشوف انتوا هتتصرفوا ازاي و هتختاروا مين

طبعا كلنا عارفين ان البشر مختلفين في طباعهم و تفكيرهم
وصعب جدا انك تلاقي اتنين متشابهين في كل حاجة

لما نيجي نتكلم عن المرأة ..........اكيد كل واحدة بتختلف عن التانية و ليها تفكير مختلف تماما
ومن الصعب جدا انك تلاقي بنتين ليهم نفس التفكير و الطباع
المهم
دلوقتي ان لو عندك تلت نماذج من البنات اترشحوا لك انك تختار واحدة منهم
علشان تبقي شريكة حياتك و زوجة المستقبل و ام عيالك و رفيقتك بقيه العمر
يا
تري تفضل تختار اي واحدة منهم وليه؟؟؟؟؟؟؟؟؟؟؟؟؟؟؟؟؟ وكمان تقول في
المقابل انت شخصيتك هتبقي ازاي وهتتعامل معاها ازاي حسب طباعك اللي انت
هتوضحها
و بالنسبة للبنات برضه يا ريت يقولوا رأيهم في الموضوعي
لو انتي دلوقتي نموذج من التلت نماذج دول او حتي غير كده
يا ريت تقولي بالظبط ايه هي طباع و مواصفات الراجل اللي تتمني تتجوزيه و تحسي انه هو شخصيته متوافقة معاك و هتستؤيحوا مع بعض

النماذج التلاتة هيا:-
1- بنت كيوت و دلوعة ع الاخر
وملهاش في اعمال البيت من طبيخ و غسيل و خلافه
ومنذ نعومة أظافرها وهي مخدومة ومتدلعة اوي
وكل طلباتها من ابوها و امها مجابة بدون تردد
وعمر ما حد قال لها لأ من اهلها في حاجة إلا قليل جدا (نادرا) و كمان دماغها و تفكيرها كله في الموضه و المكياج وكده
(اخر صيحة في التسريحة الفولانية & اخر موديل للفستان الفولاني)
وطبعا عايزة تخلي حياتها الزوجية تفضل زي ما كانت في بيت اهلها
وتفضل جميلة و رشيقه وتتمتع بجمالها

2- بنت متمرسة تماما في اشغال و اعمال البيت
مرنة في تلقي الأوامر وعارفة واجبتها الزوجية كويس جدا
صفاتها ممتازة واخر ادب و اخلاق جدا
شكلها مقبول يعني ترتاح لها لما تبص لها
متربية في الارياف و تعليمها متوسط علي قدها
بس هي مش مهتمه برشاقتها خالص (يعني سمينة و مليانه شوية)
بس مستعدة انها تسعد جوزها
وتشارك في شتي مجالات الحياة
و كمان مستعدة انها تهتم بولادها و تربيهم كويس اوي
(يعني دي من الاخر ست بيت ممتازة )

3- بنت جميلة و رشيقة (مهتمية باناقتها و شياكتها قوى)
واخلاقها عالية جدا و مرحة و طيبة اوي في تعاملها
بس بتحب جدا انها تخرج تتسوق كل شوية وتروح المحلات كتير جدا
(لبس و اكسسوارات و كل لوازم الاناقة ليها)
وكمان بتحب جدا انها تروح تزور زميلاتها و جاراتها كل شوية
يعني من الاخر بتقضي وقتها برة البيت اكتر ما بتقضيه مع جوزها

وعايز كمان اعرف منكم لو اخترتم واحدة من دول ايه الصفات اللي هتعدلوها فيها
وهل ممكن بالسهولة انها تتعدل

بس كده يا جماعه
انا عارف اني طولت عليكم في الموضوع

بس عاوز منكم احلي ردود بالتفاصيل علي الموضوع
وتجاوبوا بكل صراحة