نشوف كليه علوم بنها عملت في الناس ايه؟؟

من الاخر انا عمرى مفكرت انى هاتكلم على علوم بنها كمان على النت هيه ورانا ورانا بس خلاص بقت نصيبنا ومش هنعرف نهرب منه خلاص وبالنسبه للجداد اللى لسه هيدخلوا نصيحه اللى هنتكلم فيه ممكن يعقدكوا فرجاء متدخلوش ولو دخلتوا تبقى عبره ليكوا بس مفيش حد بيعتبر هتعرفوا الكلام ده فى الكليه بصوا الكلام للجداد والقدام اللى مكبرين شويه ونسوا نفسهم فى علوم بقالهم يجى بتاع 10خمناشر سنه كده ولسه فى تالته او رابعه
كليه علووووووووووووووووووم اربع سنيين حسب قرار وزاره التعليم العالى بس حسب قرارنا احنا مش كتيير قوى باختصار ....
عدد سنين كليه علوم = اربع سنيين( ده للطالب الفحيت او اللى امه دعياله كويس) المهم ...
انا عارف انا رغيت كتيير وانتوا مش عارفين انا عايز ايه بالضبط
بصوا بقى احنا عايزين نطلع كل اللى عندنا ونقول على اسؤأ ايام قضتها فى الكليه او لو فى كويس يبقى تمام مش هيضر برده تشجيعا للجداد
الفكره بقى احنا هنقوم بطرح سؤال واللى يرد بعدك يرد على السؤال ده وهكذا وعايزين تبعا نبهدل الكليه بين السطور ولعوها يا شباب
[size=16]السؤال الاول ولازم يكون صعب؟
قضيت كام يوم حلو فى الكليه الهباب دى؟السؤال اللى بعده؟؟؟؟
انتا حاسس انك هتشتغل؟

من طرف **Crespowbas** الأحد ديسمبر 30, 2007 3:01 am

الحمد لله انى اول واحد رضيت عليك يا محمد

بصيا بشمهندس
الكليه بتعتنا طبعا فعلا زى الزفت

بس انا بحس انها كدة ايام الامتحانات والزفت بس
لكن طول السنه انا اصلا بكون منفض ولا بحضر اى حاجه فى اى حاجه

هو انا بحس بيها بس ايام الامتحانات علشان مش بخرج وبعد محبوس وكدة

الهم

كام يوم هباب قضيته فى الكليه كتير

بس تصدق بالله
اول سنه احس انى مبسوط فى علوم السنادى

ما تفهمشى ليه
بس مبسوط الحمد لله
علشان عرفت نااااااااااااااس جدعان
بجد والله وهى ديه اكتر حاجه بسطانى فيها
علشان هما فعلا نااااااااااااااااااااس تتصاحب واصدقاء الواحد يبقى نام فى بتهم ومطمن ان فى ناس وارة وبتحبه

والحمد لله
اول سنه احس ان ما فيش حد بيكرهنى قووى ويعنى الى حد ما مقبول شويه

بس الايام الهباب كتير

يا محمد السنادى برضو علشان انا عملت مشاكل
مكنتش احب انى اعملها فى الكليه بس خير يعنى

وفى حااااااااااااجت الايام ديه مكنتش اتخيل انها تحصلى وانا بزات
وحصلتلى غصب عنى
مش عارف ليه

يعنى الايام اللى انا فيها اسود اايااااااااااام حياتى اللى انا مريت فيها

بس الحمد لله
احنا اللى بنعمل المشاكل واحنا اللى بنمحيها برضو

وبالنسبه انى هشتغل ولا لا
ديه حاجه بتاعت ربنا بقى ماليش دخل فيها

علشان حتى لو واثق انى هشتغل ممكن ربنا يعملى حاجه ويخلينى اعد جنب الحج والحجه فى البيت
اقشر توووووووووب بصل اخرط طمامطم اقضى مشاوير هى وظروفها بقى

بس الحمد لله يعنى

ربنا كرمنى الاجازة اللى فااااااتت وقدرت اتعرف على ناااااااااااااس كبير فى موضوع الشغل دة

ويا مسهل كله بامر ربنا

من طرف **Crespowbas** الأحد ديسمبر 30, 2007 3:07 am

السؤال

ايه اكتر بتحبوها فى الكليه بتاعتنا ديه؟؟؟؟؟؟؟؟؟
ايه اكتير حاجه بتكرهوها فى الكليه برضو؟؟؟؟؟؟؟؟؟؟؟؟

من طرف **AHLAWY** الأحد ديسمبر 30, 2007 3:22 am

اولا السلام عليكم جميعا طبعا الموضوع عجبنى اوى والحمد الله انى دلخت بعد كريسبو حبيبى قلبى اولاا طبعا مافيش ولا يوم شفته حلو فى الكلية الهباب دايت الا السنة دايت بجد والله والسنتان اللى فاتوا طبعا ربنا عادهما كدا يعنى مش احنا من الناس الدحيحا ردى على سوال كريسبو انا اكتر حاجة بحبها فى الكلية دايت بجد اصحابى الرجالة اللى عرفتهما بجد والله ودايت احلى حاجة بتحسسنى انى مش فى علوم فعلا ااصحابى الجامدين اوى بجد انا اكتر حاجة بكرها فى الكلية طبعا المحاضرات اللى لازم احضرها غصبن عنى والسكاشن اللى رخمة اللى بيكون فيها دكتور اوى دكتورة شايفيت نفسهما ويعيش علينا بجد بكرهما كره العمى ربنا يخدهما مين احلى دكتور فى الكلية وانتوا بتحبوه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وطبعا ارخم دكتور او دكتور فى الكلية وهما طبعا كتير؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

من طرف fox_14 الإثنين ديسمبر 31, 2007 1:49 am

السلام عليكم أولا الكليه مش زفت أوي ياجماعه هي زفت بس لكن فيها شوية حاجات حلوه أصحابك الجدعان الجدعان بس ومنهم هاني وكريسبو ودول رجاله جدعان أوي وغيرهم طبعا ونقول للناس اللي عادت سنه أو أكتر ماتزعلوش وأنا منهم علي فكره أعتبروا نفسكم في طب أوهندسه أوصيدله وطبعا كله كان نفسه فكده وأعتبر نفسك عدت سنه أو أتنين برضه وبالنسبه لاسوأ أيامي فالكليه فدول كتير وأسواهم اليوم اللي طلعت فيه نتيجة أول سنه وبالنسبه لأحلي ايامي فكل يوم الواحد بيعرف راجل بجد فده يوم جميل وبالنسبه للدكاتره بلاش نتكلم منعا للاحراج وبس خلاااااااااص

من طرف **little angel** السبت يناير 05, 2008 10:46 pm

اممممممممممم

اولا بشكر البرادعى على الموضوع الجاااااااااااامد بجد موضوع فعلا حلو

وبالسبالى اسؤا يوم ف الكلية : كان يوم نتيجة الترم الاول ف سنة اولى (كان جايلى النتيجة انى شايلة ال5 مواد ودة كان قبل الرفع والحمد لله طلعت كلهم كنت شايلاهم على حاجات بسيطة وطلعت 2 بمادتين)

واحلى يوم : يوم نتيجة الترم التانى وعرفت انى عديت وطلعت 2 حتى كانت فرحتى باليوم دة احلى من يوم لما عرفت انى جبت جيد جدا (ف تانية)

وبرضه احلى يوم : يوم 30_9_2005 حصلت حاجة خلت اياااااااامى بعدها جميلة جدا

وبالنسبة للدكاترة (اكتر دكتور بكرهه هشام مروان وبحبه: هو اكيد مفيش بس نقدر نقول الشافعى بجد راجل محترم وبيفهم جدا)

والمعيدين (بكره عماد بتاع التحليلة وبحب عمرو بتاع العضوية)

من طرف **little angel** السبت يناير 05, 2008 10:47 pm

وسؤالى للى بعدى : ايه اكتر موقف محرج حصلك ف الكلية؟؟؟؟؟؟؟؟؟؟؟

من طرف **محمد البرادعي** الأحد يناير 06, 2008 4:05 am

في البدايه احب اشكرك يا ليتيل علي ردك ميرسي يا مسكره
بصي بقي ياجميل....
كنا في سكشن حيوان في سنه اولي الترم التاني المهم كان بيدينا تامر بتاع الحيوان ده
وكان علينا سكشن ضفدعه المهم كان عندنا السكشن الساعه 5 المهم الواحد كان فاصل خالص
كنت قاعد في اخر السكشن كده وراا خالص عند الشبابيك ... كنت سرحان يعني

المهم عمك تامر عفقني وقالي قولي انا كنت بقول ايه
قولتله كل خير ياباشا
قالي ايه يعني؟؟؟
قولتله كنت بتشرح القناه الهضميه بتاعه الضفدعه قالي قولهالي..... قولت في سري الله يحرقك.... هوه انا عارف حاجه
المهم قررت اني اقول....... بدات اقول تبدا القناه الهضميه بالموس اند لييد تو اوسوفاجس المهم.... انا كنت بنطقها ديما اوسوفاااجس
طبعا لقيت تامر بيقولي ايه ايه اسمها ايه تاني كده .... يابني اسمها اوسوباهجص نطق البي اتش حرف ب والاتش هيه
المهم روحت فعلا قايلهاله كده اند لييد تو اوسوباهجص طبعا السكشن كله اتردم من الضحك وطردني يوميها وانا كنت بتكلم جد والله مش يترييق اعزكم الله من الجهل .......الواحد كان لايفقه شئ في سنه اولي دي والله..وسؤالي للي بعدي....ياتري اعجبت او حبيت حد من علوم بنها ومدي هذه العلاقه لو فيه حتي الان.؟؟

ايه يـاجماعه راحت فين ردودكوا ؟؟
الموضوع ده ورينا جامد جدا

عايز اسمع ردودكوا

من طرف **السندريلا** الثلاثاء يناير 05, 2010 10:40 pm

موضوع جميل بجد يامحمد

بس قبل مرد على سؤالك انا بقى كنت بحب كليتنا بس مش أوي يعني
رغم انها مش حلوة ومش مستوى بس بحب شوف مميزتها ومبحاولش بص لعيوبها
بس اقولك حاجة غريبة بقى غير لكل انا اكتر ايام كنت بحبها هي ايام الامتحانات
متفهمنيش غلط
مقصدش عشان المذاكره وكده يعني
كنت بحب الجو ده
كنت بحس اننا بعمل حاجة بجد في الكليه -طول السنة بنقضيها فرجة ودلع والجو ده بس الايام دي بجد بتحس انك بتعمل حاجة بجد

ردي على سؤالك بقى
أنا لاء محبتش خالص في علوم ومحبتش افكر في الموضوع ده
مش عشان حاجة هي علوم فيها رجالة جدعة أوي بس أنا بشوف ان كل مكان ليه وظيفته يعني انا شايفه ان الكليه مش للحاجات دي
ممكن ناس كتير تختلف معايـافي رايي بس دي بجد وجهة نظري

سؤالي انا بقى
ايه رأيك في نظام لدراسة للي طبقوه جديد في كليتنا لسنة اولى حاليا؟؟
ايه اكتر مكان كنت بتحب تقعد فيه في الكليه وليك فيه ذكريات حلوة مش ممكن تنساها؟؟

بالنسبه للسؤال الاول يـاسندريلا
انا معرفش عشان انا متخرج بقالي 4 سنين تقريبا اهوه

بالنسبه لسؤالك التاني
احلي مكان هما كتير بصراحه
بس اانا كنت بحب سلالم المكتبه جدا

وعلي التلتوااار قبل مايعملوا عليه الاسياخ الحديد دي
والمدرجات الصغيره دي
هههههههه

طب انا هقولك علي موقف
انا بعرف اقلد الدكاتره وهما بيشرحوا دا كان معروف عني يعني
المهم كنت انا وزمايلي في المرجات الصغيره اللي في الدور الارضي دي
وطلعنا المايك واقعدت اقلد واحد اسمه د/ ماهر النجاربتاع الكشششششششششششششششششششمكنش في حد بيطيقه ابدا
المهم
لاقيته بيفتح الباب علينا وقالي عرفتك وقعدنا نجري وهوه يحلق علينا
ههههههههههههههه محضرتلوش ولا محاضره بعد كده

سؤالي

علوم بنها بقت عامله ازاي دلوقتي ؟؟

من طرف the leader angel الجمعة فبراير 12, 2010 5:38 pm

الدنيـاخربانه فى الكلية
الدكاترة مش بيس خالص
كل حاجة غلط والنظام داخل فى بعضه
الدكتور يقول الكلمة ميعديش دقتين يكون رجع فيها
النفوس اتغيرت
الناس مش زى زمان
من الاخر الكلية محتاجة ترجع لورا شوية

من طرف **MOoON Light** الأربعاء مارس 24, 2010 7:22 pm

ياااااااااه علووووم بنهاا بجد مفتقدهاا شويتين

ومفتقدة كمااان للاسف تجمع جروبنا الجميل فيهااا أنا وصحاباتى هناك وهنا ع المنتدى كمان

الكلية بقيت على نفس حال المنتدى هنا حالياااا

يلا خييييييييييييييييييير