رد: كلنا في بيت واحد ...... تعالو نتخيل

من طرف **ELLoOoRD** الإثنين يناير 21, 2008 4:59 pm

هههههههههه ايه ياكرسبو اتغلبتو احسن احسن بس مش ملاحظ انى بعندك بس بعد ماكلت
اه طبعا علشان متدنيش على العموم لو عايزنى ااجى معاك ماشى
ولا اقوللك روح انت علشان انا بعد الاكل بحب انام شويه بس ماتنساش الفاكهه معاك وانت جاى
تسلم ايدك ياليتل الاكل كان روعه بس الملوخيه انتى باين ماصوتيش وانتى بتعمليها مكنش ليهاطعم
ويالا ياعم ميدو روح ذاكر ومتتلككش وانا بقى رايح انام شويه سلاااااام

من طرف **Crespowbas** الإثنين يناير 21, 2008 5:02 pm

ربنا يخليكى يا سنو
وان شاء الله هنكسب
وان شاء الله مصر هتكسب برضو

من طرف **Just Zizo0o0o** الإثنين يناير 21, 2008 10:41 pm

مين بيتريق علينا ايه يا عم كريسبو هي ناقصه تسييحما تخلي الطابق مستور يا عم بقول ايه انا هنام ومش عاوز ازعاج انا قلت اهو هخش انام نص ساعه كده يلا سلام Sleep

من طرف **RANEEM** الإثنين يناير 21, 2008 10:48 pm

ايه ده مين يقدر يتريق عليك برده يا زيزو

يلا باه قوم نام عشان انت صدعتني

من طرف **Crespowbas** الإثنين يناير 21, 2008 11:32 pm

وصدعنى انا كمان

تعالى يا واد احمد لاعبنى دور دمنه ولا شطرنج ولا اى حاجه كدة
اصلى سقعان وعاوز افكر

من طرف **ahmedelamir64** الثلاثاء يناير 22, 2008 12:58 am

ازيكوا يا احلي اخوات

اعذرني يا كرسبوا مش هقدر عشان في زعلان شويه
انا عايز اطلب طلب
ان كل اللي يدخل الموضوع
يقرا الفاتحه علي روح صاحبي وواحد من اعز اصدقاء
ربنا اختاره انهارده في حادثه
وياريت كل اللي يدخل بعد يقرا الفاتحه
معلش مش هقدر اشارك انهارده يا احلي اخوات

من طرف **Crespowbas** الثلاثاء يناير 22, 2008 1:11 am

الباقيه فى حياتك
والله يصبر اهلو ويصبرك

من طرف **ELLoOoRD** الثلاثاء يناير 22, 2008 1:59 am

البقاء لله ياابو حميد

من طرف **Just Zizo0o0o** الثلاثاء يناير 22, 2008 2:22 pm

البقاء لله يا احمد

من طرف **RANEEM** الثلاثاء يناير 22, 2008 3:49 pm

البقاء لله يا احمد ربنا يصبرك ويصبرك اهله يا رب

يلا كله ياجماعه يقرا الفاتحه

من طرف **snow white** الثلاثاء يناير 22, 2008 11:29 pm

البقاء لله يا احمد
ربنا يصبرك
بس يا ريت يا جماعه كمان نقرا الفاتحه لجد ميرامور
اتوفي من يومين
ونقولها ربنا يرجعك لينا بالسلاااااااااااامه
وهتوحشينا مووووووووووووووووت

من طرف **ESSS** الثلاثاء يناير 22, 2008 11:50 pm

والله يا بوتي انا قريتله الفاتحة من ساعتها

والبقاء لله يا احمد شد حيلك

هو صحيح يا جماعة فين تويتي وليتل انجل

اتأخروا اوي علينا وحشونا كمان اوي

من طرف **Crespowbas** الأربعاء يناير 23, 2008 1:07 am

ايه دة
لا حو الله ولا قوة
لا اله الا الله
البقاء لله يا مراميرو

شد حيلك
وربنا يصبر باباكى ومامتك

ويصبرك ويصبر اهلك كلهم

من طرف **ELLoOoRD** الأربعاء يناير 23, 2008 3:09 am

البقااء لله ياميرامور

من طرف **AHLAWY** الأربعاء يناير 23, 2008 3:32 am

االله يصبرك ياعم احمد

ربنا يعينك

وبعدين الفراق وحش اوى ياجماعى

من طرف **little angel** الخميس يناير 24, 2008 2:35 am

ازيكوا يا احلى اخوااااااااااااااااات انا جيت اكيد نورت البيييييييييت انا عارفة

بس بقى يا بنات كفاية بوس
(معلش اصل الكمبيوتر بتاعى خد فترة بيات شتوى) وكمان كنت حزينة جدا على ابن بلدى اللى مات صاحب احمد والمشكله انه مات موته بشعة (قطر خبطه) يالا البقاء لله والبقاء لله يا ميراميرو وشدى حيلك انا عارفة الجد دة بيبقى غالى قد ايه

المهم يا جماعة انا عايزاكو تعملوا حفلة بمناسبة رجوعى ولا انا ماستهلش انا والله صوتى حلو ممكن اغنى وياريت لو زيزو يرقص بالعصاية وهانى يطبل وكرسبو يدينا نكت وهتبقى حفلة طلقة ان شاء الله بجد وحشتووووووووووووووونى مووووووووووت
وكمان تعالوا هنا صحيح انا قريت الردود اللى فاتت كل اللى عايز ياكل يطلب منى انا اشمعنى صحيح مع ان عندكو دستة بنات اخوات بس يالا معلش على فكرة انا والله شاطرة ف الطبيخ وبالمناسبة دى انى رجعت هعملكو ع العشا (بيكاتا بالكارى) هى صحيح هتاخد وقت بس والله باعملها تحفة اصلى متعلماها من مامتى يالا جمعوا بعض بقى ونادولى البنات يقشرولى البصل

من طرف **Crespowbas** الخميس يناير 24, 2008 2:41 am

اسمها ايه
تانى ونبى

اصلى مش عارف اقراها الاكله اسمها ايه

طب هفهما ازاى بصى حاولى تفهمهالى وتخلينى اعرف اقراها

من طرف **little angel** الخميس يناير 24, 2008 2:57 am

ماشى يا كرسبو يا جاهل انت

بص يا سيدى اسمها ( ب ي ك ا تا بالكارى) وهى عبارة عن قطع من لحمه حمرا متقطعة مكعبات ومحطوط عليها كارى وبصل وبقدونس ومتشوحة ف سمنة ف صينية
على فكرة دى اكلة لذيذة جدا واكيد انت جوعت من الكلام ف حصلنى بقى ع المطبخ وقشر البصل

من طرف **شذى** الخميس يناير 24, 2008 2:59 am

بيكاتا

واو
بس من غير كسوف ولا احراج انا كمان معرفش مين بيكاتا ده؟
ماعلينا ايه رايكو فى الكشرى العبده لله استاذة كشرى بس مولع نااااااااااااااار شطة مووووووووووووووت
عندك طبق كشرى وصايا
ل
موووووون واس وسنو ورنيم وميراموروانجل وايمان
وكريسبو وزيزو طبعا وهانى وامير و
بس لو عايزين بيكاتا عادى
ناكل البكاتا ده وبعدين نحلى بالكشرى بس على الله يطلع حلو

من طرف **ahmedelamir64** الخميس يناير 24, 2008 3:06 am

ايه ده هو اللي ميعرفهاش يبقي جاهل

ايه يا كرسبوا
دا انت طلعت جاهل يا اخي
في حد ميعرفش اسمها ايه
والله كان نفسي اعمل اني اعرفها
بس بصرحها صعبه اوي
علي العموم اي حاجه من ايد انجل هتبقي حلوه
ولزم نحلي بالكشري
عشان شذا اللي منوره البيت والله

من طرف **little angel** الخميس يناير 24, 2008 3:24 am

لا لو ع التحلية يبقى ناكل كشرى ناو ونخلى البيكاتا بكرة ع الغدا حتى دى متعبة وعايزة واقفة ف المكبخ وانا رجلى بتوجعنى ولسه جاية من برة وخلينا ف الكشرى بتاعك يا شذى بس ياريت تكتريلى البصل وياريت ياا كرسبو ماتزعلش منى والله انا بهزر ما انا عارفة انت مابتصدق تزعل منى

الله هو فين زيزو مش باين ليه هو من ساعة ما خرج مارجعش طيب يا شذى يا سكر اعملى انتى الكشرى عبال ما تفرج شوية ع الا ام بى سى 4 القناة دى انا بعشقها ماشى

من طرف **Just Zizo0o0o** الخميس يناير 24, 2008 5:01 pm

انا جــــــــــــــــــــه منوره يا ست انجل رجعلنا باسامي عاوزه كاتالوج بالراحه شويه وبعدين ايه يا جماعه مش عارفين بيكاتا بس انا بصراحه اعرف الكاري دا لعبتي المهم بصو اي حاجه تتعمل عشان انا لسه جاي من البيت الجديد بتاعنا والعمليه بايظه هناك خالص والراجل بتاع المونه منوظ الحيطان والشبابيك وقعت والحياه لووز مش عارف في ايه ايه الي حصل تقريبا البيت زعلان من الناس الي هنا ما علينا انا عاوز اكووووووووووووووووووووووووول

من طرف **Crespowbas** الخميس يناير 24, 2008 5:11 pm

وانا كمان
ييا قمر انا مقدرشى ازعل من احل اخت فى الدنيا
كفايه انك هتعملنا الاكله ديه

اهم حاجه زبطيها بقى لما تيجى تعمليها
علشان اكل صوبعى وراها

مين
مين
شذا
ينهار ينهار

ايه الحلاوة ديه
هتعملنى كشرى
والله انتى حته سكرة علشان انا بموت فى الكشر
انتى عارفه
كانو بيغدونى فوووووووووووووووووول وبطاطس
والست انجل بتات الاكله الغريبه اللى حطها علشان تعقدنا
كانت بتاكلنا بطاطس وعتس من غير جبه
والحياه كانت فول الفل
الحمد لله
انتى جديتى هتعملنا كشر ى بقى

انا هدخل بقى اخدلى دوش
علشان افوق كدة
وما تنسيش يا اى حد تبقى تحطى فى الغساله البناطيل الجنس وسخه قوى وعاوزة تنغسل

يلا بقى الحق اخدلى دوش

سلاك عليكم ورحمه الله وبركاته

من طرف **little angel** الخميس يناير 24, 2008 6:16 pm

هيه البيكاتا جهزت يا جماعة بس انا صايمة عشان لنهاردة الخميس هتستنونى ولا لا عموما المغرب قرب يدن عبال ماتنادوا اخواتكو هيكون الادان ادن شمين ريحتها جامدة ازاى

من طرف **tweety** الخميس يناير 24, 2008 7:03 pm

ايه ده ياأنجل كنتو هاتكلو هيا اسمها ايه بس

ثانيه هطلع أغشها وأجاى
البيكاتا بالكاارى من غيرى
اخص عليكى اخص
كده اغيب يومين تاكلو من غيرى ولا حسين باللى فى الشارع مش لاقيه ولا لقمه تاكلها ولا حد ساإل فيا كانى مش اختكو
هوا صحيح محدش بيختار اخواته بس مش كده راعونى طب ميسد اى حاجه
والله لو كول مى حتى بس أعرف ان حد حاسس انى مش موجوده
اهى اهى اهى
ياعينى ياختى ياللى محدش ساأل فيكى اهى اهى

من طرف **ESSS** الخميس يناير 24, 2008 8:52 pm

والله يا تويتي سألتهم هنا عليكي

اصلي مش معايا نمرتك

على العموم المهم انك رجعتلنا بالسلامة

نورتي بيتنا المتواضع ده

وأنتي يا انجل تسلم ايديك عالأكلة الجميلة دي

ده انا من ساعة ما كلت مش قادرة اتحرك

اصلي من جمالها تقلت العيار شوية

هههههههههههههههه

وانت يا استاذ كريسبو

أديني هحطلك البناطيل الجينز في الغسالة اهوه

افتكروا بس الجمايل دي هههههههههه

ربنا معاك يا زيزو في الحوار بتاع الشقة الجديدة ده

ويعدي على خير يارب وتبقى كل حاجة تمام ان شاء الله

من طرف **Crespowbas** الخميس يناير 24, 2008 8:58 pm

حلوة قوى الضحكه اللى فى الاخر ديه يا قمر
تشكرى
ما تخفيش مش هنساكى انا كمان وهظبطك
بتحبى ايه واجبهولك من برة وانا جاى

ها ابقى قوليلى وانا هجبهولك من عنيا الاثنين

من طرف **little angel** الخميس يناير 24, 2008 11:13 pm

يا اخواتى ياللى هنا انا تعبانة جداااااااااااااااااااااااااا ومخنوقة جدااااااااااااااااااااااااااااا

بجد مش بهزر انا تعبانة قوى ومش لاقية حد خالص افضفض معاه محدش فاضيلى صاحبتى واختى الكبيرة اللى بحبها عندها امتحانات (مش اختى اختى) واصحابى خلصوا امتحانات وطيران على اهلهم اللى ف طنطا واللى ف اسكندرية واللى ف القاهرة وانتيمتى اللى بتفهمنى ف فيصل وتويتى علطول مش فاضية وراها حاجات

اصعب حاجة ف الدنيا انك تكون مخنوق ومش قادر تحكى ولا عارف تحكى ومفيش حد حواليك

بجد انا تعباااااااااااااااااااانة

معلش ضايقتكو شوية مانتو برضه اخواتى

من طرف **Crespowbas** الجمعة يناير 25, 2008 2:04 am

يوووووووووووووووووووووووووة
انا قرفان برضو
تعالى نشوف تربه ونروح نموت نفسنا
ولا اقولك انتى خسارة
انا اروح

انا
...................................
استغفر الله العظيم
انا هدخل انام

من طرف **ESSS** الجمعة يناير 25, 2008 2:23 am

ايه يا جماعة في ايه؟

ايه حالة النكد والبؤس اللي انتو فيها دي؟

انا اختكوا لو في حاجة مضايقاكو اوي ممكن تتكلموا معايا انا مستعدة اسمعكم والله

انا في الخدمة اهوه مستنياكووووووووو

من طرف **Crespowbas** الجمعة يناير 25, 2008 2:31 am

هقولك ايه ولا ايه
بصى عيشى حياتك انتى
انا هنام علشان جعان نوووووووووووووووووووووووم وبكرة ابقى احكيلك علشان مغمكيش قبل ما تنامى

من طرف **ahmedelamir64** الجمعة يناير 25, 2008 2:44 am

ايه يا حبي

انت زعلان من ايه
ممكن نخرج شويه في البلكونه نتكلم
علي ما البنات يعملوا العشاء

من طرف **Just Zizo0o0o** الجمعة يناير 25, 2008 3:03 am

انا جه اشوف اخواتي حبايبي ها بقول اخواتي ايه مالكم في ايه قلبنها دراما ليه ايه يا انجل خير حصل ايه بقي معقواه بيت طويل عريض فيا اكتر من ميه اخ واخت وتقولي لوحدك ومش لاقيه حد ننكلمي معاه كده برضو وانت يا سي كريسبو ايه تغم مين واحنا لو مكناش محس بيك ونبقي معاك هنحس بمين ياريت يا جماعه نتكلم مع بعض لو انتو حاسين اننا فعلا اسره واحده ووان وجودما هنا في المنتدي او في الموضوع ده بالذات مش كلام في كلام

يووووه كنت هنسوني انا اتفقت مع مهندس ديكور انما ايه عشان يظبطلنا الديكور بتاع البيت الجديد اسمو سايكو منتو عارفينو عاوزين نبقي نعزمو علي الغدا في يوم ماشي يا قطاقيط

يلا سلاحف

من طرف **ahmedelamir64** الجمعة يناير 25, 2008 6:05 pm

ازايكوا يا احلي اخوات

هما الشباب فين
وبعدين مين هيحضر الغدا انهارده
بس ياريت محدش يقولت ليتل عشان دي اكتر وحده تعبت في البيت من الطبخ
وانا هنزل اجيب الحلو اللي هنكله بعد الغدا
حد عايز اي حاجه من تحت

من طرف **Crespowbas** الجمعة يناير 25, 2008 7:34 pm

هاااااااااااااااااااااااااااااااااات مر

ههههههههه
لا زود البسبوسه بالمكسرات يا احمد علشان بحبهااااااااااااااااااا

من طرف **little angel** الجمعة يناير 25, 2008 8:54 pm

و انا عايزة كنافة بالقشطة عشان بامووووووووووووت فيها

من طرف **AHLAWY** الجمعة يناير 25, 2008 9:03 pm

الله عليكى بجد احلى حلويات بحب اكلها

من عند عمى سيد بيتزااااااا

هو اسمه كدااااااااااا بتاع بيتزا وحلوياااااااااااااااااات

احلى بيتزا باكولها مش عارف بيحصلى ايه والكنافة بتاعته

كل مرة اقول مش هجيب من عنده تانى

وتانى يوم اكون بتعش عنده

من طرف **Just Zizo0o0o** الجمعة يناير 25, 2008 9:41 pm

ههههههههههه يا مساء الحلويات علي عيون احلي اعضاء يووووووووووووه فصدي احلي اخوات ها يا تري عاملين ايه والناس الي كانت مخنوقه وزعلانه عامله ايه دلوقتي كلو كويس طب الحمد لله انا بقي الي هطق وعاوز اولع في نفسي شكلو فيروس وانتشر في البيت فا الناس تلحق تستخبي احسن تتعدي بقول ايه انا هعمل زي كريسبو ما عمل يمكن افك انا هدخا انااااااااااااااااااام

من طرف **little angel** الجمعة يناير 25, 2008 9:47 pm

طيب كدة زيزو دخل نام واحمد نزل يجيب الحلويات وانا طبعا مش هدخل المطبخ كفاية بقى حد غيرى يجرب حظة وعموما انا مش جعانة يعنى هاكل حاجة لايت

ممكن بقى يا سيكو يا اخويا او انت ياديبو يا اخويا تشغلولى فيلم ع الكمبيوتر عبال مالعشا يجهز
امبارح الفيلم اللى شيكو فرجهونى كان انا مش معاهم بجد يا اخواتى الفيلم دة فكرتو حلوه موووووت وبالذات الحوار اللى ف المشهد مابين احمد عيد واحمد راتب ف اخر الفيلم لما يدخل عليهم ويلاقيهم بياخدوا مخدرات يالا خير اتفرجوا بس وادعولى
ودلوقتى انا عايزة حاجة رومانس حد يشغلى فيلم عاطفى

من طرف **AHLAWY** الجمعة يناير 25, 2008 9:48 pm

[size=24]لاء لاء يا زيزو بعد الشر عنك يا حبيبى

ان شا الله اللى فى بالى يارب

[/size]

من طرف **Crespowbas** الجمعة يناير 25, 2008 9:59 pm

انا هشغلك فيلم (عن العشق والهوى )

انا برضو عاوز اتفرج عليه

يلا تعالى انا هدخل ايد الكمبيوتر واشغلو ابقى حصلينى

من طرف **Crespowbas** الجمعة يناير 25, 2008 10:06 pm

زيزو اخرج روح اعد مع حد بتعزة دلوقتى من اصحابك او تعالالى بنها بس الدنيا بتمطر وانت تستريح

اهم حاجه هوى عن نفسك وطلع اللى جواك وماضيقشى نفسك يا جميل

من طرف **A.S.Shiko0o0o** السبت يناير 26, 2008 12:08 am

طبعا كلكم ناسينى نايم محدش جه صحانى صح ماشى هو انا نايم كده بقالى اد ايه يا لهوى ماشى على العموم مفيش مشكله والنبى يا اس شغلى الاب توب اللى موجود فى الصاله وانسخى اسطوانه نسخه انزلها اصل جهاز الاوضه بتاعتى انا وزيزو وقعت وعاوز انزلها وانتى يا زى السكر شوفيلى اى حاجه اكولها على ذوقك بقى ظبطينى يا جميل

من طرف **little angel** السبت يناير 26, 2008 1:18 am

اخص عليك يا شيكو مانا افتكرتك وشكرتك ع الفيلم اللى شغلتهولى امبارح هو كمان لحق الكمبيوتر بتاعك باظ هو انا قريت عليه ولا ايه

ياجماعة حد يتصل على زيزو يجيبه لحسن الدنيا سقعت قوى برضه
انا باسمع ناو ليكى لكريم ابو زيد ف الشريط الجديد اغنية جااااااااااااااااامدة مووووووووووووووت ابقوا اسمعهوا يا اخواتى

من طرف **ahmedelamir64** السبت يناير 26, 2008 1:51 am

ازايكوا يا احلي اخوات

معلش اتاخرت عليكوا بالحلو
بس قبلت اصحابي وخرجنا شويه
وبعدين انتوا سيبين زيزو مخنوق ليه
ايه اللي خنقك يا حبي
جامد اوي فليم عن العشق والهوي
انا بموت فيه
هو صحيح حزين بس بحبه اوي
وانا جبت لب كمان عشان نتسلي واحنا بنتفرج

من طرف **A.S.Shiko0o0o** السبت يناير 26, 2008 2:30 pm

ايه هنعمل ايه انهارده انا رايح اجرى انا وزيزو فى الاستاد يعنى ساعه كده لياقه بقى عندنا بطوله اول الترم التانى يلا ياض يا كرسبو قوم تعالى معانا كل واحد مشارك فى لعبه يتحرك يلبس بسرعه عشان نلحق نرجع ونصلى المغرب مع بعض اه نسيت هصلى العصر ونتقابل هناك ماشى متتاخروش صحيهوم يا كريسبو مش فاهم ايه اللى نايمين للعصر دول قوموا ده احنا شبابر النشاط والبنات يلا يا ليتل انتى وشذى وتويتى واس وسنو اعملوا اكله كده تمام عشان هاجى ميت من الجوع يلا الاقامه الحق اصلى

سلالالالالالالالالالالالالالالالالالالالالالالالالالالالالالالالالالالالالالالالالالالالالالالالالام

من طرف **ahmedelamir64** السبت يناير 26, 2008 4:18 pm

صباح الخير يا احلي اخوات

مش يلا بقي عشان تصحوا يا شباب
دا انهاره مش المنتخب وفي استعدادات عشان الماتش
ويلا بقي يا بنات يا عسلات
عشان تعلوا الغدا
وتحضروا البيت عشان في مهرجان بعد ما المنتخب يكسب ان شا الله

من طرف **ESSS** السبت يناير 26, 2008 4:33 pm

انا صحيت اهوه

شوفو بقى عايزين تكلو ايه قولولي

وطبعا تجهزوا الخامات

يعني من اللآخر حد هينزل يجيب الطلبات

نورت يا شيكو اخيراااااااا صحيت

بس جميلة الأفلام اللي بتجبوها دي

عايزين بقى كدة حاجة من الجديد

من طرف **Crespowbas** السبت يناير 26, 2008 5:25 pm

حاجه من الجديد انا نزلت فيلم 45
ها قولولى عاوزين تتفرجو على ايه

وانا هشغلهولكم انا جبت افلام عربى واجنى حلوة قوى

جااااااااامدين
وعندى مسلسلات كمان اجنبى للى متابع يعنى
حد اتفردج على الحلقه العشرة بتاعت بريزون بريك انا نزلتا تورنت امبارح واتفرجت عليها تحفه
وان شاء الله يومين كدة وهنزل الحلقه11 اصبرو عليا يعنى

ها هتتفرجو على

من طرف **RANEEM** السبت يناير 26, 2008 5:38 pm

انا جيت

انا عاوزه اتفرج علي اي فيلم حلو معاكو
يلا يا اس حضري الاكل بقي عشان انا جعانه
ده انتي كسوله اوي