قاموس الشباب ..الحق اتعلم وخلى عندك خلفية

من طرف **tweety** الثلاثاء فبراير 12, 2008 11:03 pm

يبدأ يوم الشباب لما
تتجمع (( العصابة )) يعنى الشلة كل (( مورنينج )) عند (( ناصية الرمش ))
وهى عبارة عن مكان تتوافدإلية مجموعة من بنات النادى أو الجامعة معظمهم
بنات (( إستبن )) يعنى غير أصحابهم الآساسيين وكل بنت لها المصطلح الخاص
بهايعنى لو البنت حلوه يسموها (( أوكشة )) (( فى الزيف )) يعنى فى الجون
ولو لابسة جزمة كعب عالى
(( ألآستوك بيتوك ))

أو حتة (( شامبو )) يعنى ريحتها حلوة ومستحمية !

ولو البنت صغيرة يقول عليها (( أووزى )) ولو كانت البنت الاجمل فى الشلة يقولو عليها (( النتفة )) أما لو كانت قبيحة الشكل تبقى
(( صندل مقطوع أو ضاربها طبنجة )) ولو البنت تخينة تكون (( اتوبيس )) ولو كانت غير متناسقة القوام او الملامح تسمى
(( سلعووه ))

ولو كانت لعوباً يقولو عليها (( هشكة )) ولو كانت مرتبطة تبقى (( أوفسايد )) أو (( متشفرة)) والكارت بتاعها مع فلان !

ولو كانــت البنت سمـراء البشرة يسموها (( ضالمة من قارة افريقيا )) أو (( مزرقة )) ولو كانت بنت من مكان شعبى تسمــى
(( بيئة ))....

وولماترفض البنت المعاكسة تقول للى بييعاكسها ( يا خفة .. اية الهزار دة ... روح لمامتك يا بيبى ))

وممكن الحكاية تكون فى السليم وتقلب صحوبية وتقول
للولد (( خلينا فى الفيوتشر )) ولو الولد زهق (( اتخنق )) من البنت أو
العكس يقولها (( سمعينى بودعك )) أو (( حوديها المولد)) ....

ولماتكون عايزة توريه لصحابها وتاخد رأيهم فى ((
البوى فريند )) بتاعها ((تديله راندفو)) وتطلب من صحابها رأيهم من غير ما
ياخد باله طبعا يعني ((بالطريقه ))
(( الموكوس )) الغلبان .... خدوا بالكم يا شباب من المصطلحات اللى جاية دية للأهمية القصوى لما تقول لها صحبتها انك
(( تاكسى )) يعنى انت لافف وداير وبتاع بنات .. ولو قالت (( سكامونى )) يعنى جميل و أمور ...(( ملسكوبيتش )) يعنى بخيل ...
(( شامورتى )) يعنى خنييق

(( توت فروت )) مظهرجى ... (( خفشاوى )) عبيط وهايف ... (( شنيش )) يعنى لامؤخذة مش ليه لازمه فى اى حاجه.. !

ولو الولد تعبان فى المذاكرة يعنى (( جايب جاز والشراب مدلدل )) ههههههههه !

وأكثر مصطلحات متداولة هذة الانا قليل الادبم

(( العب باشكا )) يعنى العب على المكشوف

(( حطيت إيدى على البلف )) يعنى فهمت الموضوع !

(( أدعك الفانوس دلوقتى )) يعنى ممكن تمشى وتخلع !

(( أرحلك )) أخرجك من الشلة

(( الجوند )) فلوس

((هات عمود )) يعني قب بسيجارة

(( مكيش القفف )) معاه فلوس كتير

(( يا صباح المظلات )) للمتقدمين للكليات العسكرية

(( اونفض )) يعنى نفض وكبر الجمجمة !

(( أحلق )) طنش !

(( انت حتزاولنى )) انت حتشتغلنى !

(( مهييس )) عامل دماغ وطاير قووى !

(( يا صباح اللى بتغنى )) صباح الخير

(( يا مساء الليل )) يعنى يا مساء الخير !

(( فوكك )) سيبك من الموضوع دة !

(( اشوفك بكرة مسنتيك)) يعنى مش عايز اشوفك تانى !

(( أحنا عيال قادرة وكفأة .. ودكتوراة فى الحداقة )) يعنى احنا شباب 100 / 100 !

(( كل معرفتى بيه .. هاى باى )) يعنى مش صاحبى قوى !

ومن مصطلحات الاغانى المنتشرة بكثرة الانا قليل الادبم ديه :

(( انا رايح ألعب مع روبى )) يعنى انا رايح الجيم !

(( تعالوا نحصل ماريا )) تعالوا نلعب شوية

(( انت بتقلد روبى ؟ )) يعنى بتخبى وبتدارى

(( أنت كدة تعجب بوسى سمير )) يعنى انت حطيت النقط على الحرووف
وكفانا قليل الادب عليكم كده هههههههههههه

مش هوصيكوووو أى حد عندوووو جديد يضيفه

من طرف **MOoON Light** الأربعاء فبراير 13, 2008 12:13 am

هههههههههههههههههههههه

جميل ياتوتيى

بس بصراحة الحمد لله مش بسمع الكلام ده
حسة ان الكلام غريب شويتين

هى كلمة فكك دى اها بسمعها كتييييييير

أفادكى الله

من طرف **tweety** الأربعاء فبراير 13, 2008 12:47 am

ميرسى يامووون ياقمر على مرورك

وانا والله كمان غلبانه وفى حاجات كتير مش عارفاها
بس انا لقيت الموضوع ده فحبيت افيد الناس
واكتشفت فعلا ان انا مش مثقفه خااااااالص
بس على فكره انا متفوقه اكتر منك شويه يعنى عارفه كام كلمه كده مش فكك بس
ميرسى على مرورك السكر ده

من طرف كوكو الخميس يونيو 12, 2008 8:58 pm

تويتى هو اللى ماسمعش اكتر من تلات ارباع هذا الكلام من قبل يبقى حالته خطيرة
هههههههههههه
شكرا ياجميل

من طرف **روعة** الجمعة يونيو 13, 2008 5:18 pm

هههههههههههههههههههههههههههههههههههه

تحفة الموضوع ده هو ضحكني

بس مش بحب المصطلحات دي

هي للضحك مش للكلام

هههههههههههههههه

تسلم ايدك ياقمر

من طرف **snow white** الجمعة يونيو 13, 2008 5:27 pm

ههههههههههههههههههههههه
يخرب عقلك يا تويتي
جبتي الكلام ده منين؟؟؟؟
انتي بتروحي بالظبط فين بعد ما تسيبينا في الكليه يا بت؟؟؟؟؟؟؟؟؟؟
والله زي العسل

من طرف **Crespowbas** الأربعاء يونيو 18, 2008 2:21 am

هههههههههههههههههههه

يخرابى

الموضوع دة جامد جدا جدا

والمفروض انه يتثبت والله

هههههههههههههههههههههههههه

جامد قووووووووووووووووووووووووووووووووووووووووووووووووووووووى

من طرف **ELLoOoRD** الأربعاء يونيو 18, 2008 3:01 am

ههههههههههههههه

لا والله العظيم شديد

فعلا ده الكلام اللى ف الجون دلوقتى

طب خدى دى

الدفش دفشلى اشفور ومش لاقى يحلق

دى بقى لو حسيت ان حد بيشتغلك وعايز فلوس

من طرف **tweety** الجمعة يونيو 20, 2008 7:40 pm

ايه ده يجمااااااااعه
ايه الحلاوه دى
والله منورين
كوكو تلت تربع الكلاااام ده انتى كده تماااااااااااااام اوى وميتخافش عليكى وتقدرى كمان تدى دروس من بكره
روعه نورتى الموضوع والله سعات بيبقا فى مصطلحات كده حلوه بتضحك اووووى
سنو انتى عارفه بقاااااااا من البيت للشارع للكليه ومن الكليه للشارع للبيت
غير كده مفيييييش ههههههههه
كرسبوووو ميرسى لردك والتثبيت
اللورد ايه ياعم ده بس
والله انا مش عارفه أقرأها بتتقال ازاى دى
تانى كده والنبى ههههههههههه

ميرسى بجد نورتو الموضوع