نكت جامدة بمناسبة الامتحانات

من طرف **USA** الأربعاء مايو 07, 2008 2:18 pm

*ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه

*اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش.

*مرة واحد مسطول مروح البيت وبقالو ساعة مش عارف يفتح الباب مراتة بتقولو ارميلك المفتاح قالها لا المفتاح معاية ارميلى خرم الباب

*مسطول مزور ورقة بنكنوت انما 10/10 مع ذلك مسكوه ياترى ليه ؟ عشان كان مزور ورقة بستين جنيه.

*واحد مسطول راح صيدلية يشترى جبنة حاول الصيدلى يفهمة ان مفيش جبنه بتتباع هنا وشويه و مسطول تاني جه، فالصيدلى قاله فهم صاحبك ان مفيش جبنه بتتباع هنا قال لة ياعم سيبك منة دا غبى ادينى بنص جنيه لانشون

*اتنين سكرانين بيتفرجو علي نشرة الاخبار فالاول بيقول للتاني هيه النشره طولت اوي كده ليه، التاني قاللو اظاهر انها الحلقه الاخيره.

*واحد غبي رجع من السفر لقى الشقة مليانه صراصير.. راح مغير قفل الباب.

* واحد محشش لقي كنز قال: كويس فاضل الخريطة!!

*عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد!

*واحد محشش فتح محل سماه منجره الاقمشه الكهربائيه لحلاقه الاحذيه الطازجه.

*مرة حرامى دخل على واحد مسطول البيت قالو هات فلوسك و الا هقتل مراتك قام الرجل قعد يضحححححححك.......الحرامى قتل مراته وقاله هات الفلوس قبل م اقتل ابنك الرجل قعد يضحححححححك........الحرامى قتل ابنه و هكذا لغايه لما خلص عالعيله و بيقول للمسطول ايه يا عم مش عايز تدينى فلوسك ليه؟؟؟؟قاله اطلع من دول يا ابرهيم يا نصر.

*اتنين مساطيل ماشين في الشارع واحد وقع في البلاعة التاني راح إستناه عند الحنفية.

*محشش اتصل بخطوط الطيران يحجز تذكرة ، قاله الموظف: ذهاب واياب ؟؟؟؟ قال له : لا خروج المغلوب.

*مرة واحد مسطول راح يخطب واحده، باباها قال له بس البنت لسة بتدرس، قال له خلاص اجلها في الفسحه.

من طرف **HAMADA** الأربعاء مايو 07, 2008 3:18 pm

ههههههههههههههههههههههههههههه

جامده والله ربنا يخليك ياريس
جات فى وقتها النكت والله

من طرف **روعة** الأربعاء مايو 07, 2008 3:23 pm

ههههههههههههههههههههههههههه

حلوين كتير ياسامة تسلم ايدك

تقبل مروري

من طرف **USA** الأربعاء مايو 07, 2008 7:23 pm

تسلم ياعم حازم

أظن انت حطيت خلاص علم الزمالك بقلب جامد
وأظن الحداد انتهى أخيراً

ممكن انا اللى هبدأ الحداد لو الأهلى لاقدر الله خسر ماتش الأحد الجاى
ربنا يستر.

ميرسى على مرورك جيولوجيكال

من طرف The Godfather الأربعاء مايو 07, 2008 8:27 pm

هههههههههه
الواحد كان نسي الضحك بجد
تسلم أيدك
وياريت متكونش أخر مره

من طرف زائر الخميس مايو 08, 2008 12:08 am

أجمل موضوع قريته
خد ديه:
واحد بلديتنا قاعد في موتمر دولي فواحد فرنساوي قام وقال احنا حفرنا تحت برج ايفل و لقينا اسلاك تليفونات و ده دليل علي ان التليفونات عندنا من 100 سنه
فقام واحد ايطالي و قال احنا بقا حفرنا تحت برج بيزا و لقينا اسلاك وده معناه ان التليفونات عندنا من 500 سنه
فقام واحد بلديتنا قال و احنا حفرنا تحت الاهرامات و ملقيناش حاجه خالص و ده دليل علي ان من 5000 سنه كان عندنا المحمول

من طرف lovlygirl الخميس مايو 08, 2008 12:30 am

ههههههههههههههه
تسلم ايدك اسامة
حقيقى احنا محتاجين نضحك فى الهم اللى احنا فيه
ربنا يبسطك دايما وتبقى مصدر سعادة للى حواليك

وانت يا برنس جامدة قوى
الله ما الصاعيدة بيفهموا اهوه ظالمينهم ليخ بس
ههههههههههههههه

من طرف **USA** الخميس مايو 08, 2008 6:09 pm

ميرسى دكتور هيما ومنور المنتدى ويارب المنتدى يعجبك ان شاء الله

ربنا يخليك يا برنس بجد نكتتك انت احسن من النكت بتاعتى كلها جميلة

ميرسى lovely girl ربنا يستجيب منك ان شاء الله

من طرف The Godfather الجمعة مايو 09, 2008 6:54 pm

نذل عينوه مدرس بمدرسة معوقين

حط اول حصه

قفز حواجز!!!!!!!!!!!

من طرف **USA** الأحد مايو 11, 2008 4:36 pm

ههههههههههههههههههههههههههه
جامدة يا هيما
تسلم ايدك

من طرف The Godfather الأحد مايو 11, 2008 5:06 pm

تسلم أنت علي الموضوع

ههههههه

ديه أجمد......
واحد نذل عرف رقم محمول جني قام كل شوى يرسله (بسم الله الرحمن الرحيم)

من طرف زائر الثلاثاء مايو 20, 2008 6:36 pm

مرة فار سكران على الاخر شافة قط جعان قعد يجرى وراة فعدت عربية بسرعة
فرمت القط.. والفار اغمى علية ولما فاق وشاف القط مفروم قال (يووة هو انا كل ما اسكر اعملى مصيبة)

من طرف **ESSS** الأربعاء مايو 21, 2008 10:44 pm

نكت جميلة ولذيذة اوي
الواحد فعلا كان عايز حاجة ترفه عنه
وبعدين يا اسامة ايه حكاية المساطيل والسكرانين معاك
تسلم الايادي ليكو كلكو ياجماعة