سلة المهملات

حاسس بحاجه غريبه بتحصل حاسس ان الدنيا بقت فاضه كل
ما احط ايدى فيها ما لقيش فيها خير لا لاقى فيها حجه كويسه تنفعنى مش عارف
اكمل بنفس الطريقه طب دة غلطى ولا غلط مين

لو قولت ان ربنا بيعاقبنى هرد على نفسى واقول ان ربنا مش يجيب حاجه وحشه
ولو كان قاصد يتعبنى يبى الحمد لله علشا دة انا هتاكد انه بيحبنى وبيغفرلى
زنوبى مش عارف اعرف ازاى بس الحمد لله على كل حاجه

انا عارفه ان كل ده كدب
بس ليه مصدقاه
انا عاوزه اصدق
بس حاجات كتير بتقولي انه كدب
وحتي لو مش كدب
مش هينفع
هو انا ليه بعمل كده
انا بكره الكدب اوووووووووووي
يارب مش يطلع كدب مع اني متأكده انه كده
اعقلي بقي والله كدب
اعقلي
اعقلي

ممكن أكون خااااااااايف
بس مش خايف علي نفسي
أنا عمري مخفت علي نفسي ف حاجه
ويمكن ده هوا السبب ف كل مشاكلي دلوقتي
أنا خايف علي حاجه حلوه أوي
خايف تتكسر بين أديه
خايف مقدرش أتحمل ذنبها
بس برده مش قادر أرجع
مش عارف أبعد
شويه ألاقي كلمه توصلني لسابع سما
وبعد شويه ألاقي كلمه تانيه تضيع كل حاجه
وف كل الحالات أنا زي م أنا
بس خايف
لسه خايف
بس المرادي
الخوف من بكره
وبكره عندي غير عند أي حد
كل واحد بيشوف مشكلته...
علي أنها أكبر مشكله ف الدنيا
بحاول علي طول أعيش معاها
بس اليومين دول
بتحصلي حاجه غريبه
بعد م خلاص حطيت نهايه للألم
وعملتله خطه زمنيه
أتفاجئت أني لازم أكون جاهز قبل كده
طب أذاي؟؟؟؟؟؟؟؟
وأذاي أعيش وأنا دماغي كلها ف بكره
اللي هيكون وحش
مش أنا اللي بقول كده
كل اللي شاف قال كده
مش تقصير...بس كان غباء مني وقتها
وندمت وخلاص
لكن اللي راح هيتعوض؟؟؟؟
يا رب يتعوض

.....:خايفه
خايفه يكون أخر كل ده
دموع

.....:كتير بنكون متأكدين من حاجه
وبعدين تطلع مش زي م أحنا فاكرين

......:أنتا بتحب تعيش ف الوهم
بس الحقيقه غير كده

......:أنا عارف أن تفكيرنا مختلف
بس الأخر ده محدش يعرفه غير ربنا

......:أنا بقول كفايه لحد كده
وكل شيئ قسمه ونصيب

انا اتعقدت خلاااااااااااااااص


كده كتييييير

.......:عارفه
حاسه أن عقلي مش بيساعدني...
مش عارفه أحسم الموقف...
ومش قادره أختار....
.........:أنتي تاعبه نفسيك...
محدش قاليك تختاري...
لأنك لو عاملتي مقارنه...
أكيد عاقليك اللي هيختار...
لأن قلبيك مش مع حد فيهم
أنسي كل حاجه...
وعيشي حياتيك عادي...
زي مفكرتي ف الأول...

كل حاجه ليكي..سيباها هنا
بتفكرني بيكي..يا حبيبتي أنا
عنيكي....
شفايفيك....
صورتك ف كل مكان
من حبك..من حضنك
يحرمني ليه الزمان

عمالة تنصحى كل الناس

ومحسسه نفسك اسامة منير التانى

والمصيبة ان الناس بيحبوا يسمعوكى

لحد مانتى نفسك نسيتى نفسك

ومبقتيش عارفة تاخدى اى قرار فى حياتك انتى

ولاز تخدى قرار

قبل ماحد يتجرح من سكوتك دا

الهدوء مش هو المفتاح

بالعكس المواجهة افيد حتى لو هتجرح بس هتريح

لازم تبقى شجاعة اكتر من كدااااااا

لازم (يااااااااااااااااااارب)

اللى فى قلبه خير

بيتحول لفعل شر


سبحان الله

والطيب بقى وحش

واللى بيحب نسى اللى بيحبه

اكرمنا يا رب

ممكن يكون الواحد بيفهم غلط كتير
بس تفهم غلط وبعدين تفهم صح
أحسن م متفهمش حاجه خالص

لما يبقي في شخصيه قريبه مني وي
الشخصيه دي بحس انها انا في كل حاجه
بحس اننا تفاحه واتقسمت نصين
وتلاقي النص التاني او يعني الشخصه دي
واقعه في مشكله كبيره وانا واقفه ا تفرج عليها
ومش عارفه اعمل ايه اتصرف ازاي
يااااااااارب دماغي وقفت عن التفكير

ساعات بخاف من نفسي
بحس أن أنا وحش أووووووووي
وقلبي أسود
بس براجع عقلي تاني
ألاقيني عملت الصح
مش عارف أنا بلوم نفسي دايما علي أيه؟؟؟
مبحبش أزعل حد مني
ف نفس الوقت
ممكن أخلي ناس كتير أوي
تزعل مني
لما بكون متضايق
عارف أن محدش يقدر يستحملني
وعشان محدش يشيل مني ساعتها
مفيش غير حل واحد

أنا هابعد عنك وانا وياااااك قلبى

هتحمل تعبى

بعدك الله يعينى


لو صدفة قابلتك صبرنى ياربى


ليبانلك حبى



وانت قريب منى










والله عملت كدة عشان دة اللى كان لازم يتعمل ومن زمان كمان بس مكنتش اقدر ساعتها وعارفة انى ماقدرش دلوقتى بس بجد ربنا يصبرنى يااااااااااااااااااااارب

ممكن يكون الواحد بيفهم غلط كتير
بس تفهم غلط وبعدين تفهم صح
أحسن م متفهمش حاجه خالص

انا مليش دعوة علشان عمرى ماقولتلك حاجة


انت ان كنت فاكر ان فى حاجة ارجوك شيلها

من دماااااااااااااااااغك علشان انا مش فى دماغى

حاااااااااااااااااااااااااااااااااااااااااااااااااااااااااااجة

حركه غبيه أوووووووي

قمه التحدى ان تعشق من ليس لك

وقمه الحزن ان تبتسم وفى عينك الف دمعه

وقمه الالم ان تسكت وفى قلبك جرح يتكلم

وقمه الاستغراب ان تجرح ممن تحب

مش عارفة هفضل امثل دور العبيطة دة لحد امتى


مشكلتى انى ذكية اوى وفاهمة كل حاجة بتحصل ليه وعشان ايه وموقفى فيها ايه


بس المشكلة الاكبر انى مش بعرف اتصرف ايوة اكون عارفة الحاجة دى انها هتحصل ومتوقعاها بس اقف ساكتة ف الاخر وابص من بعيد الاقى ناس كتير ادهشت وانا الوحيدة المتوقعة ومعملتش حاجة


ممكن يكون خوف او عدم مواجهة او بقيت اكبر الطاسة كنت فاكرة انى لما اعمل كدة هارتاح وابقا مكبرة دماغى ومدايقش


بس المشكلة الاكبر انى ادايقت اكتر والمصيبة انى باكتم اوىىىىىىىىىىىىى ومحدش حاسس بيا


وبقيت كمان اكبر ف كل حاجة لدرجة ان مابقاش عندى احساس باى حاجة


بجد ربنا معايا

مش عارف
ليه الطيبه علي طول كده
ف كل وقت
حتي لو ده مينفعش
والموقف ميستحملش
هتكون طيب أذاي؟؟؟
ممكن تسامح لو كنت مظلوم
بس مش ممكن تكون طيب وبتتكلم من قلبك
هو أنا شيطان؟؟؟
لأ
ولا أنتا كمان ملاك
طب ليه بنمثل؟؟؟؟؟؟؟؟؟

I Found that Being Lonely


Not that BAD

سلة المهملات
أحلي فكره عملتها
كل حاجه كنت بكتبها هنا
وكل مشكله كان ليها حاجه هنا
كنت بكتب أنا عامل أذاي ف الوقت ده
عشان متوهش أو أنسي
حتي لو الدنيا خدتني ونسيت
كنت برجع تاني وأسيب حاجه