رد: جيفارا مات

من طرف زائر السبت يونيو 07, 2008 6:12 pm

مات الجدع فوق مدفعه جوّه الغابات
جسّد نضاله بمصرعه
و من سُكات

من طرف زائر السبت يونيو 07, 2008 6:14 pm

مات المناضل المثال
يا ميت خسارة عَ الرجال

من طرف زائر السبت يونيو 07, 2008 6:19 pm

عيني عليه ساعة القضا
من غير رفاقه تودّعه
يطلع أنينه للفضا
يزعق و لا مين يسمعه
يمكن صرخ من الألم
من لسعة النار فِ الحشا
يمكن ضحك
أو ابتسم
أو ارتعش
أو انتشى
يمكن لفظ آخر نفس كلمة وداع
لَجل الجياع
يمكن وصية للي حاضنين القضية
بالصراع

من طرف زائر السبت يونيو 07, 2008 6:20 pm

صور كتير ملو الخيال
و ألف مليون إحتمال
لكن أكيد و لا جدال
جيفارا مات موتة رجال

من طرف زائر السبت يونيو 07, 2008 6:21 pm

يا شغالين و محرومين
يا مسلسلين
رجلين و راس
خلاص خلاص
مالكوش خلاص
غير البنادق و الرصاص

من طرف زائر السبت يونيو 07, 2008 6:23 pm

صرخة جيفارا يا عبيد
في أي موطن أو مكان
ما فيش بديل
ما فبش مناص
يا تجهّزو جيش الخلاص
يا تقولو عَ العالم
خلاص

من طرف **RANEEM** الأحد يونيو 08, 2008 3:35 am

جميل جدااااا
ياميت خساره ع الرجل
قولي بقي
مين جيفاره ده

من طرف زائر الأحد يونيو 08, 2008 12:07 pm

أنتي أكيد عارفاه
وشوفتي صورته قبل كده
قصته كبيره ومختلفه
غير أن مكانش له أطماع ف حاجه
لا سلطه ولا مال
كان كل همه هوه.....
محاربة الظلم

من طرف **RANEEM** الأحد يونيو 08, 2008 5:53 pm

لا للاسف ان هخيب ظنك
انا اول مره اسمع عنه
بس شكله عمل حاجه كبيره اوي

من طرف زائر الإثنين يونيو 09, 2008 2:11 am

أظن كده أنتي عرفتيه

من طرف **RANEEM** الثلاثاء يونيو 10, 2008 12:14 am

بس باه هو انت حاحه من الاتنين
انت يالا في كليه ادبيه وبتتفلسف علينا وكده
يا الا ا بتحب تقرا قصص وقصائد واشعار كتير
عامتا خلاص بقي
كفايه احراج اكتر من كده انت حسستني بالجهل

من طرف زائر الثلاثاء يونيو 10, 2008 12:27 am

وأنتي يإلا بتهرجي
يإلا زعلانه من حاجه
أنا مش واخد بالي منها

من طرف **RANEEM** الثلاثاء يونيو 10, 2008 12:44 am

لا بجد المنتدي الي بيهرج او بيخرف
انا قصدي اني انا مش عارفه الشخصيه الي انت بتتكلم عنها دي
ولا عمر سمعت عنها
فعشان كده انا حسيت بالجهل
لكن انا لازعلانه ولا بهرج
يعن اكدب عليك وانافقك واقولك اني عارفاها ولا اقول الحقيقه