اضواء المدينه

من طرف **Crespowbas** الأحد يونيو 22, 2008 8:18 pm

اضواء الفرحه ماليه المدينه

والعمارات غرقانه زينه

والشوارع الحزينه

كلها بتضحك عشانك

القلوب متزوقه

والحواري الضيقه

والتعب اه والشقا

كل دي حواديت كتابك

قصص الشوارع والبيوت

خلصت وماليها السكوت

مليانه القصص بالخيوط

والخيوط بتعيد اوانك

الجناين والمزارع

ده اللي نازل واللي طالع

واللي شايف واللي سامع

كل شئ شاهد مكانك

الكلام ويا السكات

واللي عايش واللي مات

والاغاني والاماني . والبنات

كل ده وتقول فحالك

كل ده دلوقت راح

الفرح وقت الجراح

والحواري بقت براح

الحواري تعيش كلامك

يا كتاب قلبي يا غاوي

كل دي قصص غناوي

ده اللي خايف واللي ناوي

حب يسمع لون سكاتك

يا قمر ليلي الحزين

بالقلوب الطيبين

والكلام عن السنين

كرهت النجوم حياتك

يا قمر سامع نداه

يا حاجات بتضيع وأه

الالم جوانا تاه

والحنين يضيع مداه

كل دي قصص غريبه

والليالي بقت عجيبه

والقلوب مليانه طيبه

بس خايفه من الحياه

من طرف زائر السبت يوليو 19, 2008 5:14 am

ميه ميه ولا فراخ الجمعيه
أنا بهرج معاك
بس بجد كلام حلو أوي

اضواء المدينه

اضواء المدينه

رد: اضواء المدينه