حلم

واحد حلم أنه بني أدم
عايش وسط الناس
كلامه طالع من جواه
وعنده فطاره وغداه وعشاه
وبيقول كمان أنه ف الحلم
كان بيمشي ومحدش بيمشي وراه....(لا مخبرين ولا أمن دوله)

فرد عليه مفسر الأحلام
أن الكلام ده ميصحش
وأن اللي الناس(المصريين)عايشين فيه
هوه قدرهم
وحرام يعترضوا
ونصحه نصيحه مهمه جدااااا
قاله:لما تنام متسبش دماغك تروح لبعيد
لما تنام لا تهلوس وأنتا نايم ولا تحلم وأنتا نايم
كأنك ميت بالظبط

لكن للأسف النظام(الحكومه وأمن الدوله)
عرف الحلم اللي حلمه
لأنه مراقب كل حاجه
كل كلمه وكل حلم
فدمره....بمنتهي البساطه
قبل محد تاني يغلط نفس الغلطه

والله أنا شكيت ف كده
وخصوصا أن الدنيا معدش فيها أمان
بس لقيته مظلوم
أصل النظام كان مستخبي ف الدماغ