الحق نفسك

من طرف **Crespowbas** الأربعاء يوليو 23, 2008 5:40 pm

انا شاب من الشباب وعايش
ممكن تقول عليا مجنون او طايش

الحياة عندي فري على طول
لا اشطة ونايس لا بيس وكوول

وليا صحاب كتير وروشين
حشيش وبانجو اساسي شاربين

واعرف بنات يتقال عليهم موزز
واعرف اكتر منهم رخاص

كل يوم مقضينها تهييس
كباريه او ديسكو اخر تهيص

لحد ما جيه اليوم
اللي أقوم فيه من النوم

ولاقيت كل العائلة متجمعيين
ومن كتر الدموع غرقانين

قولت اصبح واسال في ايه
الكلام وصلهم ومحدش حس بيه

قولت ياربي حصل ايه
الناس دي بتعيط ومبتردش ليه

دخلت اوضتي من سكات
قولت يمكن حد مات

لاقيت نفسي بتحط في صندوق كبير
ابويا وامي بيعيطوا وبيصوتوا بضمير

شالوني لفوق وبيا ماشيين
على قبري بيجروا ورايحين

قولتلهم اصبروا على ايه مستعجلين
بس ده قدري ههرب منه فين

قولت يا ترى انا هروح على فين
قبر من نور ولا قبر فيه تنين

وفي ناس كتير متجمعين
صحابي اهم واقفين
كانوا لسه معايا سكرانين
الحقوا اتغيروا انتم مش فاهمين
الحياة وقتها صغير
والأخرة فيها خالدين

كل واحد جواه حلم الخلود
لكن مافيش مفر من الموت
بس يا ترى هتموت على ايه
وانت جامع بتصلي فيه
ولا قاعدت بترقص في كباريه

الحق نفسك وبسرعه توب
اجري واترجى رب القلوب
قولي يا ربي انا عايز اتوب
وهو اللي عالم بباطن القلوب

الحق نفسك