مسرحية تخاريف "الجديده"

من طرف زائر السبت سبتمبر 27, 2008 6:00 pm

كان فيه مره تلت رجاله تايهين ف الصحره...وبعد وقت طويييييييييييييل أوي...فقدوا الأمل أنهم يرجعوا بلدهم تاني...وف عز يأسهم وكانت الدنيا ليل...طلعلهم عفريت...أذاي معرفش...بس كان عفريت شراني أوووي وكان ناوي يحرقهم التلاته عشان قلقوا منامه...وبعد مفاوضات كتير...صعبوا عليه ف قالهم: أنا هسبكوا بس بشرط...كل واحد يحكيلي حكايه...واللي حكايته تعجبني هروحه لعياله...أنماااااااااااا اللي هيرخم ليلته سوده هوه وعياله...
فقام أول واحد وكان شيخ ومربي داقنه وباين عليه التقوي والورع...وقاله: أنا هبدأ يا عم العفريت...
وبدأ يحكي قصته اللي هيه أغرب من الخيال...أي والله أغرب من الخياااااااااااال...
قال الشيخ....
أنا راجل علي باب الله كل يوم بخرج بالنهار ألف ف بلاد الله..اللي عايز يعمل حاجه بعملهاله وباخد أجرتي وربنا بيرزقني برزق عيالي...وف يوم الدنيا ضاقت ف وشي وفضلت أمشي وأمشي...وفجأه...أن أاااااااااه...لقيت نفسي ف صحرا زي ديه بالظبط....تهت مبقتش عارف أروح فين وأجي منين...المهم كده...لقيت بطيخه...
العفريت: جت منين ديه؟؟؟
الشيخ: متفهمش بأه...المهم بفتح البطييييييخه...وبضرب بعيني ف قلبها...لقيت سلم...
العفريت بإستغراب شديد زيك كده دلوقتي(متنكرش): سلللللللللللللللم!!!!!!!! جوه البطيخه...
الشيخ:سبحان الله...أنا كنت مستغرب زيك كده...بس قولت يا واد م ممكن يكون ده هوه الطريق اللي هيخرجك من الصحرا اللي هتموت فيها ديه...ف نزلت....كان السلم طويل أوووووووي...وبعد م السلم خلص لقيت نفسي ماشي ف طريق ضلمه وبعد م مشيت شويه...شفت نور جاي من بعيد...قمت رايح عليه....
كان العفريت بيسمع بإنصات وباين الحكايه شدته....وأنسجم معاها...عفريت بأه يقدر يستحمل حاجات كتير...
الشيخ: عارف طلع أيه النور ده؟؟؟
العفريت: أيه؟؟
الشيخ: كباريه...وكان فيه راجل عجوز واقف قدامه وكان لابس زي الدجالين اللي بيطلعوا ف أفلام أسماعيل يس...
رحت عليه بقوله: يا عم بتعمل أيه هنا د مكان كله خمره ونسوان بطاله وكده...
هوه بصلي أووووي...وبعدين قالي: أنتا أسمك كذا كذا...
أستغربت أوي...الراجل ده عرف أسمي منين؟؟...
فقولتله: أنتا مين يا والدي؟؟وعرفت أسمي منين؟؟؟
فقالي: أنا ربنا مديني قدرة أني أعرف عنك حاجات كتير...بس أنتا أيه اللي جابك من الطريق ده...ده طريق الغيلان...واللي بيمشي فيه مبيعديش سليم...
ف حكيتله اللي حصلي....
فقالي: أنتا يابني اللي جايبك هنا حاجه كبيره أوووووووي....أكيد ربنا له حكمه ف كده....
كنت عطشان أوووووووي بقالي كتير ماشي وريقي ناشف...فقولتله: معلش يا يا والدي...هدخل أشرب من جوه......أصلي عطشان...
فقالي: بلاااااش يابني...
فقولتله: أنا مضطر ياوالدي..وأكيد ربنا هيسامحني علي أني دخلت مكان زي ده...
فقالي تاني: بلاااااش يابني...بلااااااااااش
المهم...نفضتله ودخلت جوه...وياريتني مدخلت...شوفت ناس سكرانه...ونسوان عريانه...وكان فيه حتة دين رقاصه أنا اول مشوفتها عنيه منزلتش من عليها...كأن فيها سحر بيشدني...سحبت كورسي وقعدت...وشربت...وهيه كانت واخده بالها مني أوي...باين دخلت مزجها...وبعد م خلصت رقص...روحتلها أوضيتها...وخبطت ودخلت...هيه أول م شفتني...فرحت...وقعدنا مع بعض كتير كنا مرتاحين أوي لبعض...أحساس محستوش قبل كده...
وقالتلي: كلمني عن نفسك...
ف حكيتلها كل حاجه عني وقولتلها أذاي عشت طفوله صعبه بعد م أبويا وأمي م ماتوا...وأذاي توهنا من بعض أنا وأختي ف المولد زمان وأحنا صغيرين...ومن ساعتها لحد دلوقنتي معرفش عنها حاجه...
وهيه كمان حكيتلي أذاي أبوها وأمها ماتوا وهيه لسه صغيره...وأذاي تاهت من أخوها ف المولد زمان وهما صغيرين ومتعرفش عنه حاجه لحد دلوقتي...
أيه ده؟؟؟؟
أختي.........
أخويه حبيييييييييييييييييبي...........
وخدتني بالحضن...وبعد شويه دخل واحد وقالها : أستعدي يا توتو...الرقصه الجايه بعد خمس دقايق...
ف أستأذنت وخرجت عشان معطلهاش عن شغلها...وخرجت بره الكباريه...لقيت الراجل اللي قابلته كان لسه واقف...
فقالي: مش قولتلك يابني بلاش...
قولتله والدم بيغلي ف عروقي: أنا لازم أغسل عاري...لااااااااازم أغسل عااااااااااري...
قالي: أهدي يابني مش كده...ديه عندها بلطجيه يقطعوك...
فأنا أتنرفزت أوي وقولتله: بلطجييييييييييييه...أحنا صعيده ولازم أغسل عاري بيدي...بأه أختي أنا رقاصه...لازم أدبحها وأشرب من دمها....
فقالي: طالما يابني أنتا مصر خد خلي ديه معاك...بس ترجعهالي تاني...متضربش عليها...
وقام ماديد أيده ف جيبه ومطلع....أصافه MADE IN CHINA...
أنا أول م شفت الأصافه....قولتله:أيه ديه؟؟؟ يا ساااااااااااااتر يا رب....الله...دي فيها فتاحه كمان..ماشاء الله ماشاء الله...ديه فتاحة كوكاكولا ديه؟؟؟؟
قالي: لأ ديه فتاحة بيبسي...
قولتله: ديه فتاحة كوكاكولا...أنا متأكد...
قالي: لأ ديه فتاحة بيبسي...
وكنا هنتخانق مع بعض لحد م قالي: طب أسمع يابني أنا هجيب أزازة بيبسي من عند عمك الحج اللي هناك ده ولو فتحت الأزازه هاخد منك الهدوم اللي عليك...ولو مفتحتهاش هتاخدمني الهدوم اللي أنا لابسها ديه....أتفقنا...
قولتله: أتفقنا....
قالي: نقرا الفتحه ع الخاين وأبن الحرام....بسم الله الرحمن الرحيم.........ولا الضالين...أمين....
وراح جاب أزازة البيبسي وجه...وأدهالي عشان أفتحها...قمت ماسك الأزازه بكل قوتي...وبفتحها بالفتاحه...كانت معصلجه أوي...لحد م أتعفيت عليها...قام الغطا بتاع الأزازه طاير عاااااااااااالي أوووووووووووي ف الهوا..والأصافه وقعت جوه الأزازه...أذاي معرفش...
الراجل أول م شاف كده...وشه أتقلب...وحواجبه بقوم علي شكل 88 ...
وقالي والشر بينط من عنيه:تقب وتغطس وتجيبلي الأصافه...
قولتله: أذاي بس يا والدي...أذاي؟؟؟؟
قالي: ملييييييش فيييييييييه...وبعدين أنا مش والدك يا روح والدك....
وقام ماديد ايده ف قلب الجلبيه ومطلع سيف كبير...وقالي: يلا ياحبيبي...يا الأصافه...يا هيكون ده أخر يوم ف عمرك...قولت ايه؟؟
أنا خوفت...والراجل كان باين عليه بيتكلم جد...ف قولت لنفسي: ما باليد حيله...وقمت قالع الجلبيه...وضارب غطس جوه أزازة البيبسي...
كانت الدنيا ضلمه جوه...بس أنا فضلت أعووم...وأعووووووم...وأعووووووووووم...لحد م أخيرااااا...وصلت للشط...ببص حوليا مش شايف حاجه....قمت ماشي...مشيت كتير وكانت الدنيا ليل...لحد م لقيت نفسي ف المقابر...ووأنا ماشي وسط المقابر...لقيت حاجه مسكت ف رجلي...أنا أترعبت...ببص لقيت واحد مطلع راسه م الطربه...وكان حالق حتة دين حلقه...
فسألته: مين اللي عملك الحلقه ديه يا نجم؟؟؟
قالي:ده راجل صياد ع البحر هوه اللي حلقهالي...
فسألته تاني: وأوصله أذاي ده؟؟؟أصل الحلقه ديه عجباني أووووي...
فقالي: بص يابو الكباتن...أنتا تفضل ماشي طوااااااالي مسافة يومين...هتلاقي نفسك ف الأخر ع البحر...أسأل أي حد معدي...فين الراجل الصياد اللي بيحلق للشباب...هيقولولك هناك أهوه...روحله وقوله أنا جايلك من طرف "المؤذي" وعايز أحلق نفس الحلقه بتاعته...وسيب الباقي عليه...
ف شكرته ومشيت زي م هوه قالي...وبعد يومين فعلا عرفت أوصل للراجل الصياد ده...ف سلمت عليه وقولتله زي م "المؤذي" قالي...
فقالي: من عنيه يابني بس كده...بس أنا لازم الأول أنزل البحر عشان أجيب العشا لعيالي...أصلي سايبهم ف البيت هيموتوا م الجوع...معلش يابني...
فقولتله: ولا يهمك يا ريس....وأنا كمان جاي معاك...
قالي: تشكر يابني...
المهم نزلنا البحر...أربع شهووووووور بنصطاد...أننا نطلع بسمكه واحده...أبدا...وف يوم بنشد الشبكه لقيناها تقيله أوووووووووووي...أيه اللي فيها ده...ده حوت أكيد....وبعد م طلعت عنينا طلعنا الشبكه م الميه لقينا فيها سمكه كبييييييييييييييييره أوووووووووووي....فرحنا والصياد قالي: يلا بينا نروح...أنتا هتتعشي معانا النهارده...
روحنا علي بيت الصياد..وأدا السمكه لمراته...مراته خدت السكينه...وبتفتح السمكه...
ملقتش الخاتم....

وبعد تلات ساعات كان فيه قافله ماشيه ف الصحره....ف لقوا الشيخ قاعد يضحك...والعفريت والأتنين التانين اللي كانوا مع الشيخ مرميين ع الأرض...وتقرير الطبيب الشرعي بيقول...أن الوفاه حدثت نتيجة التعرض للضغط الشديد...متبوعا بصدمه عنيفه...مما أدي إلي إرتباك المخ بشده...وأنفجاره...تماما...

prince

من طرف **snow white** السبت سبتمبر 27, 2008 11:26 pm

ههههههههههههههه
جامده يابرنس
الحق انا اقوم اخد دوا الضغط بقي
ده حتي العفريت مستحملش

من طرف **MeRaMoRe** السبت سبتمبر 27, 2008 11:56 pm

لا حول ولا قوة الا بالله

حرااااااااااام عليييييييييييييك انا مستنيه قصة الاتنين اللي بعده طلعت قصة واحد بس

الحمد لله انهن ماتوا عشان يادوب ضغطي وصل عالاخر

بس بصراحه يابرنس جااااااااااااااامده