منتهي الاحراج

من طرف **RANEEM** الثلاثاء أكتوبر 16, 2007 11:26 pm

ماهى اصعب المواقف اللى بتخلى الول فى قمة الاحراج ويتمنى ان الارض تنشق وتبلعه فى ذلك الوقت؟

مش عارف...................اقولك انا بعض هذة المواقف.......وفى النهاية احب اعرف تعليقك عليها............

1- انك تكون ماشى واثق اوى من نفسك (منفوخ) وفجأة تتكعبل وتقع على وشك قدام بنات واقفه.

2- انك تكون واقف قدام عربية متفيمة وتقعد تعدل فى هدومك وشعرك.وتفتح واحدة القزاز من جوة وتهزأك.

3- انك تكون واقف تكلم واحد وتكتشف انه بيكلم واحد واقف وراك.

4- انك تكون داخل محل او مكان كله قزاز وتخبط وشك فى القزاز وانت كنت فاكرة طريق.

5- انك تكون واقف مع واحدة زميلتك ويجى واحد صاحبك من وارك ويديلك قلم على قفاك........(جامدة اوى دى).

6- انك تقعد تتكلم عن حاجة وتبين انك عارف كل حاجة عنها .وفجأة يبان انك حمار ومش عارف اى حاجة.

7- انك تقعد تتكلم مع واحد فترة طويلة وبعدين تكتشف انه نام منك.

8- انك تكون نايم فى محاضرة والدكتور يوقفك ويسالك ويهزقك .

9- انك تكون واقف قدام مراية وقاعد تعمل حركات عبيطة ويعدى عليك واحد ويشوفك وانت قاعد تعمل كدة.

10- انك يقابلك واحد انت مش عارفه ويقعد يسلم عليك ويبوس فيك ويقولك انت مش فاكرنى ولا ايه.وانت ولا تعرفه.(الموقف محرج للاتنين )

وكفاية كدة احراج لانى محرج انى اكمل اكتر من كدة.وربنا مايوقعنا فى المواقف دى او غيرها.

والسلام ختام

الموضوع منقول
يلا باه عشان تعرفو ان انتو كمان عليكو حركات عبيطه

من طرف mizo 3ms2a الأربعاء أكتوبر 17, 2007 1:21 am

هههههههههههههههههههههههههههههه
لالالالالالالالالالالالالالا ودى مواقف يا RANEEM
يا بنتى الشباب البنهاويه بيعرفوا يتصرفوا مش ....
على فكره احنا عدينا
بمواقف زى دى واصعب منها استحاله انك تتخيليها بقى

طب بصى ع العموم انا اقولك لو وقعت فى المواقف دى هتصرف ازاى ؟؟ اشــطه

1- هقول ما يوقع الا الشاطر ولو لاقيت وحده ضحكت هقولها
مسيرك توقعى بس مش هتلاقى اللى يقومك من ع الارض

2- هقولها انا على فكره مش مجبر انى اقف اسمعك وخلاص ..
انا ممكن ارد عليكى بطريقه اخليكى تبيعى ام العربيه دى النهارده

3-هســلم على اللى ورايا عااااااااااادى وهقوله ازيك يا مان فينك واتكلم عادى
وبعد ما يمشى اقول للواد خلاص ولا قول تانى؟؟

4- (( صعبه اوى دى )) انا نظرى 6/6 شارب بس ايا كان هقول
عادى يا جماعه بجد عامل النظافه عندكوا ده راجل 10/10 تخيلوا
خلانى مش اشوف الازاز ... يالا مش مهم .. وقوم ضاحك

5- والله لا هيهمنى زملتى ولا صاحبى وهجرى وراه زى العيال الصغيره
وهضربه على افه امه ههههههههههههه وطظ فى البت وطظ فى الواد
وطظ فى اى حد يقولى انتوا مش عيال ....
البنهاويه معروفين بقوتهم وجبارتهم وكرامتهم فوق اى حاجه

6- (( مش هرد على دى لسبب واحد )) انى بعرف افشـــر صح
ولو عرفت انى غلط بقعد اتوه ولف الموضوع وطلع نفسى صح والباقى برضو غلــط
مهاره الصيــاعه

7- ساعتها بقى هجبله لحاف وغطيه وقوله يالا ياجميل بقى
قوم اشرب اللبن وغير الكافوله ونام بدرى عشان الباس بتاع الاسكول

8- ده لو انا بحضر اصلااااا
هقوله يا دكتور انا مش نايم ولا حاجه انا بس كنت بجيب القلم عشان وقع تحت

9-هقوله اتفضـــل الشــاى ع النار والله

10-دى بقى والله تقريبا كل شويه تحصل معايا ب
س بحاول اعدى الموضوع من غير ما اجيب اسمه يعنى اقوله
اه ازيك يا مان عامل ايه فينك والله ظروف بقى وكدا معلش وانت ايه اخبارك

ههههههههههههههههههههههههههههههههه
غيره اللى بعده يا بنتى احنا شباب بنهاااااويه عارفه يعنى ايه يعنى ام الدنيا بنها

من طرف **RANEEM** الأربعاء أكتوبر 17, 2007 1:36 am

ههههههههههههههههههه

انا نكته اصلا بس كويس عرفنا فيك حاجه انك بتفشر كتير مش كده انت الي قولت

من طرف **snow white** الأربعاء أكتوبر 17, 2007 1:50 am

ايه يا بت يا روني المواقف الجامده دي
وايه يا ميزووووو الردود التحفه دي
بس مش كل حد يعرف يتصرف يا ميزو
والواحد لما بيقع في موقف مش بيعرف يفكر
بس براااااااااااافو يا رووووووووني
موضوع بجد محرج

من طرف **Just Zizo0o0o** الأربعاء أكتوبر 17, 2007 7:04 pm

ههههههههههههههههههه ال احراج ال يا بنتي الشباب دلوقتي عدو الكلام ده اساسا بقت التلامه في دمهم اه والله يعني نستحيل تلاقي حد يعني بيتكسف او يتحرج او كده لا لا لا انسي الكلام ده كان زمان ايام ستي وستك الله يرحمهم بقي علي العموم كل دي حوارات فاكسه ولا تهز شعرايه منا دوري علي حاجات تحرج بجد

من طرف **RANEEM** الأربعاء أكتوبر 17, 2007 10:32 pm

اممممممممممممم الظاهر كده ان شباب اليومين دول مش بقو يحسو شكل الدم خلس من عندهم

من طرف _!_dr....virus_!_ الأربعاء أكتوبر 17, 2007 11:00 pm

nice raneem & zizo &bs mesh mo7reg wala 7aga

من طرف **fanta_tofa7** الخميس أكتوبر 18, 2007 1:42 am

helwa wy ranemm gamda awy bas mosh mohrega awy ya3ny mosh kolaha

من طرف romio الخميس أكتوبر 18, 2007 8:50 pm

[b][size=24][/sizمواقف محرجه شوية
بس للي عندهم دم

RoMiOoOoO

من طرف **DeBo0o** الأحد أكتوبر 21, 2007 8:55 am

يا بنتى احنا اتولدنا و البجاحه بتجرى فى دمنا زى كرات الدم الخضرا بالظبط

و لا ياكل معانا الكلام الى انتى جايه فيه ده خلاص ... ده اى كلام بيتقال فى اى حته يا عم الحج

قال احراج قال