نضارة الفيديو جيم

من طرف زائر الأربعاء نوفمبر 05, 2008 12:43 am

نضارة الفيديو جيم
"أسطورة اللعبه"

مقدمه

"كل واحد بيشوف الدنيا من زويته هوه..وبعنيه هوه..
سواء بيشوفها حلوه أو وحشه..
وكل واحد هنا..له العالم بتاعه اللي بيعيش فيه...
ممكن أنتا تكون شايف حاجه حقيقيه عندك...
بس عندهم همه...ملهاش وجود.."

1

كانت الساعه حوالي 2 بالليل...وقاعد قدام الكمبيوتر...بكلم نفسي...
.....بقالي كتير أوي مرحتش الكليه..أتغيرت أوي..مفيش حد من أصحابي اللي كنت أعرفهم..والدنيا وحشه..أمال هعمل أيه السنه الجايه..دي شكلها هتبأه أوحش سنه ف حياتي.....
كنت لسه مشوفتش نتيجة الترم الأول..كنت شايل مدتين فيهم تمن دكاتره ومعمل عضويه..بس أنا عارف أني ناجح..واحد صاحبي شافها وقالي..بس الفضول خلاني عايز أشوف تقديري....
دخلت ع النت وكتبت....
..........علوم بنها.........
ودخلت علي موقع الكليه...وكانت النتيجه موجوده..ما شاء الله ما شاء الله..حاجه تشرف صحيح...
........ل.......ل.......ل.......ل.......ل.......
هما معندهمش غير الحرف ده ولا أيه....مكنتش مهتم أوي بالكليه...حبيت الشغل أكتر...يمكن عشان أنا ناجح فيه أوي..ف الوقت اللي كنت حاسس فيه أني منفعش ف تعليم...بس ده مش هينفع..السنادي بكارليوس وعايز أخلص بأه...عشان كده كنت مقرر أسيب الشغل وفكرت كتير ف كده...عشان أفصل من الدماغ ديه...وأهيأ نفسي لدماغ تانيه خالص..دماغ طالب..لازم يعدي السنادي بإذن الله..كنت خايف أوي من دماغي اللي أتغيرت..وأذاي هرجع أفتح كتاب تاني..وزاد خوفي لما مذكرتش الماده اللي كانت فاضله ف الترم التاني..لأني مش فاضي أذاكرها..ولأني كده كده ناجح..(كنت دايما بقول لنفسي كده)..ودخلت الأمتحان بتاعها بعد م أصحابي أتحايلوا عليه..ويادوب كتبت الأسئله وخرجت...وشلتها فيما بعد...
.......................منتديات شباب علوم بنها...........................
أيه ده...في واحد صاحبي كان كلمني عن المنتدي ده..وكان بيبأه فرحان أوي وهو بيتكلم عنه...وعن شخصيته اللي هوه عملها جوه...وأسمه الغريب أوي..وبيلفت أنتباه أي حد...وقالي كتير أدخل...بس أنا مكنش ف دماغي..منتدي أيه وبتاع أيه...
بس المرادي..وأول م شوفت الأسم قدامي..فكرت أشوف أيه المنتدي ده...
مكنش فيه حد كتير بيدخل..إمتحانات الترم التاني قربت والناس مش فاضيه..فضلت أقلب ف مواضيع..مفيش حاجه عجبتني..بس لقيتني بقول لنفسي..لازم مفيش حاجه تعجبك..لأن بقالك كتير بره الدنيا اللي هما عايشين فيها..وأن أنا لازم لو كنت عايز أفهمهم...لازم أدخل وأشارك معاهم...
وقررت أسجل نفسي ف المنتدي......
كان أول دخول ليه بأسم تاني...وكتبت موضوع عن علاقات الإعجاب اللي ممكن يمر بيها أي واحد ف حياته..وكان نفسي الناس تتجاوب معايا..لكن ده محصلش..مفيش غير واحد بس هوه اللي رد عليه..وقالي أن الكلام ده كويس..بس مش هينفع هنا..لأن كل الناس عارفين بعضهم..وهيكون صعب بالنسبالهم..أنهم يتكلموا ف موضوع زي ده..ف رديت عليه رد كويس..وكان عندي أمل أن الناس ترد..بس ده محصلش..وبعد كام يوم..حسيت أني مش هعرف أكون مع الناس ديه..وخرجت وأنا ف نيتي مرجعش تاني...
وبعد أسبوعين..
كان يوم ممل برده..مفيش جديد..والجهاز كمان معلهوش حاجه..وأنا مش جايلي نوم..ف مكنش قدامي غير النت..ودخلت..وكان طبيعي أشوف المنتدي ده..كحب أستطلاع..يمكن يكون فيه حاجه جديده..وكان فيه مفاجأه مستنياني..لقيت الشخص اللي رد عليه ف موضوعي ف الأول رادد عليه تاني..وحسيت من رده أنه بيتكبر عليه..وأتضايقت..ف دخلت وردت عليه..مش فاكر كان ردي عليه شكله أيه..كويس..وحش..الله أعلم..بس ف الوقت ده جاتلي فكره....
فكرت أني أسجل تاني..بأسم تاني..وشخصيه تانيه خالص..هخلي كل الناس ترسملي صور ف دماغها..وكل واحد وخياله..وأبتديت أفكر ف حاجات كتير....
....أن الناس اللي هقابلهم جوه..دماغهم مش زي بعض..ممكن كلمه متعجبش واحد..وتعجب التاني..عشان كده مش لازم أفكر كتير..وأكون تلقائي ف كلامي....
....لازم يكون فيه أدوات..عشان أعرف أعمل اللي أنا عايزه..والأدوات هيه موضيع..وعلاقات و...وبس..هيكون أيه ف منتدي غير كده...
....وحاجه مهمه أوي...هما بالنسبالي مش معروفين..حتي لو كانوا منزلين صورهم..عشان كده مش لازم حد يعرفني..ولا يفهمني..وشفت ف كده..أن ده العدل....
وأهم حاجه أن كل ده يحصل بصوره طبيعيه..واحده واحده...

من طرف زائر الأربعاء نوفمبر 05, 2008 2:31 am

2

وجه وقت التسجيل...وظهرتلي الرساله ديه...

"قبل م تدخل اللعبه عايز أنصحك..متخليش اللعبه تسيطر عليك..لازم أنتا اللي تسيطر عليها..لأنك او مقدرتش تعمل كده.......هتموت"

مفتكرش أني شوفت الرساله ديه وأنا بسجل ف أول مره...
الأسم..........لازم يكون أسم يساعدني عشان أحقق اللي أنا عايزه...أسم سهل له بريق...ويا سلام لو كان لقب...هو ده......
والأميل........كان لازم أعمل اميل جديد..محدش يعرف يوصل منه لأي حاجه..ولا يعرف أنا مين..
الباسوورد..........وديه كانت غلطتي..لأنها كانت نفس الباسوورد للأسم التاني..وديه حاجه كان ممكن تكشف أن الأتنين واحد...بس ده محصلش..وحتي لو كان حصل.. محدش برده يعرف مين هوه الشخص التاني...وكمان الشخصيه التانيه مش هتظهر تاني..
ودخلت بأسمي الجديد..أو شخصيتي الجديده....
كان لازم الشخصيه الجديده تبدأ بحاجه حلوه..وملقتش قدامي غير الشعر..هوايه قديمه..وكلام شكله حلو وله مضمون..ممكن من خلاله أوصل لأي حد أي حاجه...وف نفس الوقت ده مش كلامي...
ف كل حاجه كان لازم يكون فيه أحتمالات كتير قدام أي حد يحاول يفهمني..دي كانت أكتر حاجه أنا حافظت عليها..وف نفس الوقت..كانت كلها حاجات بتعجبني..وممكن يكون مقصود بيها حد أنا بحبه..أو فيه حاجه حلوه أو وحشه بيني وبينه...وكان الموضوع ده من أهم المواضيع اللي كنت بسميها "أدواتي"...
ديه كانت بداية تعارفي علي الناس اللي هنا..
وطبعا مفيش حد عبرني..قال شعر قال......
تاني يوم جاتلي فكره..لعبه..كل واحد هيرسم صوره لحد هوه يعرفه..ويرسمه زي م هوه عايز..حتي لو مكنش شافه قبل كده بس المفروض أنه يعرفه هنا..وأكيد له صوره ف دماغه..كان هدفي من اللعبه ديه أني أعرف الناس ديه قريبه من بعض قد أيه..وكمان أعرف مين مع مين.......
وكان فيه رد..بس الرد معناه أني داخل عشان أعرف بنات..وكده..حتي لو كان ده فيه شيئ من الصحه..بس أنا كانت أحلامي أكبر من كده.......
حاولت أوصل وجهة نظري بطريقه كويسه..بس محصلش تقدم ..ف كان لازم ساعتها أرد بطريقه إلي حد ما وحشه...(الشخصيه لازم تكون قويه)...ساعتها...الموضوع كبر..وفيه ناس تانيه أتدخلت..وقامت خناقه كبيره..وجه عليا وقت حسيت فيه أن الشخصيه بتموت من قبل م تبدأ..بس برده مكنتش بتراجع...بالعكس...ولقيت الدنيا كلها أتقلبت عليه..وخصوصا أن الناس ديه هما اللي مسيطرين علي المنتدي..لدرجة أني عملت شخصيات ودخلتهم يردوا..ويقفوا جانبي....
وف يوم اللعبه أتقفلت..ومكنش ليه حق أني أرد علي أخر كلام أتقال..بس أنا من قبل م يحصل كده كنت مقرر أني مردش..
ف الوقت ده كنت عرفت شخصيه من أقرب الشخصيات ليه هنا.. هيه اللي كانت واقفه جانبي ف الوقت ده..بعد م كنت خلاص بنتهي..وكان لازم عليه ف كل وقت بعد كده أني أردله اللي عمله معايا.....
كان لازم أقرب كل الناس مني وأبدأ من جديد بدايه صح..ف كان لازم أعمل حاجه بيشترك فيها تقريبا كل الناس اللي جوه...لقتني بكتب عن الكليه..واللي بيحصل فيها..
وكنت من خلال ردي..بقرب كل الناس مني..وأعاملهم علي أني أعرفهم وهمه يعرفوني من زمان..
ولما حسيت أني بدأت أقف علي رجلي..رجعت الكلام مع الحد اللي كان بدأ معايا المشكله ف الأول...
ساعتها حسيت بقوة أنك ترد علي حد ف موضوع ليه..وأن ممكن يكون ردك وحش أو كويس..ف كان لازم أخلص نفسي من كده..بأني مكتبش موضوع إلا إذا كنت أقدر أنا بنفسي أخليه عايش أطول وقت ممكن..ف الوقت اللي برد فيه علي كل الناس ردود مش تقليديه..كأني بقدمله أوراق صداقه بيني وبينه..أو بين شخصيتي شخصيته اللي موجودين مع بعض ف مكان واحد...
عملت لنفسي أصحاب هنا..مش ممكن هعرف أنساهم....
وبعد وقت مش كتير..بدأت أحس بالملل.....
كنت أبتديت أحب المكان..وحسيت أن المنتدي ده هوه عالم الأحلام اللي ممكن أحقق فيه أي حاجه أحلم بيها...كنت دايما بشوفه كده...بس ناقصه حاجه.......
دايما بشوف الرومانسيه..مش ف أن ميكونش فيه مشاكل..أو أن يكون فيه دايما حل للمشاكل..ف رأيي أن أقوي المشاعر هيه اللي بتتولد ف أصعب الظروف..وأننا لو بصينا للواقع اللي أحنا عايشينه بكل المشاكل اللي فيه..وكل العيوب اللي ف شخصياتنا الحقيقيه..لو بصينا لكل ده..بس بزاويه تانيه..هنلاقيه مثير جدا..ولولا المشاكل اللي أحنا فيها..مش هيكون للحياه قيمه..وهتكون ممله أوي..
عشان كده كان نفسي أن المنتدي ميكونش مثالي أوي كده..لأن كده مش هينفع...بالنسبالي أنا مش هينفع..
وبدأت أشغل دماغي ف كده...
كان لازم أكلم شخصياتهم الحقيقيه...وعشان يحصل ده..كان لازم أعمل داتا لكل الناس اللي عايشين معايا...وأتصور شكلهم..وحياتهم الحقيقيه عامله أذاي....
في حاجه أتعلمتها هنا..لازم يكون ليك تصور لأي حاجه..حتي لو كانت غلط..عادي تعرف الغلط وبعدين تفهم أنك كنت غلط..لأن الصح هوه كذا كذا..أحسن من أنك تبأه عايش ميت ف نفس الوقت..لا حد يعرفك ولا أنتا حتي تفهم حاجه......
وكان أول حد يخليني أعمل كده..هوه الشخصيه اللي صاحبتها ف الأول..كان عندي فضول كبير أني اعرف مين ده..أو مين ديه..مسبتش كلمه هيه كتبتها إلا وقريتها..طبعا موصلتش لحاجه..وفضلت غامضه بالنسبالي..بس أستفدت برده أني عرفت أسمها..فرحت أوي ساعتها..
وكل حد كان موجود ف الوقت ده قريتله كل كلامه..وبأه أي حد يدخل بعد كده..وكان موجود قبل كده..لازم أعرفه كويس..وأعرفه هنا ف المنتدي يعني أقراله كل حاجه..بس لقيت أن الكلام بالنسبالي مش مفهوم..كلام وخلاص..مش هوصل منه لأي حاجه...وده حصل طبعا لأني نسيت حاجه مهمه أوي........
التوقيت...بدأت أراجع كل حاجه تاني..وبسجل ف دماغي ده حصل يوم كذا الساعه كذا..ولما أقرا حاجه وأحس أن وراها موضوع...كنت بتابع الردود بالتوقيت..عشان أعرف إيه اللي كان موجود ف الوقت ده..مش عشان أعرف حاجه غير أني أعرف مين الشخصيه ديه.....
وبدأت الناس تحس أن الشخص اللي قدامهم ده مهتم بيهم أوي..وكأنه معاهم من زمان...
كل ده حصل ف أول أسبوعين...
وف يوم وأنا داخل المنتدي..ظهرت لي الرساله ديه....

"كل لعبه ولها قواعد..وف لعبتنا كل شخصيه لها الحق تختار لنفسها القواعد اللي هيلعب بيها..بس مينفعش تخرج عنها..وإلا هتموت"

.......أنا فعلا بدأت أأسس قواعد اللعبه..بس ديه حاجه تقلق..فيه دماغ تانيه مرقباني..وفاهماني كويس

من طرف زائر الأربعاء نوفمبر 05, 2008 2:34 am

3

موقفتش كتير قدام الرساله ديه لأني فكرت تفكير تاني.. ..
......ممكن يكون كل الناس بيحصل معاها كده..وده جو بتعمله إدارة المنتدي...
لكن طول الوقت مكنش الموضوع ده بيغيب عن بالي...وأن ممكن يكون اللي بيعمل معايا كده..حد أنا بتكلم معاه طول الوقت.. وأنه يكون بيقدر يخترق المنتدي وبيبعتلي الرساليل ديه... ومش شرط يكون من المديرين......
كنت ف كل يوم...قبل م أدخل المنتدي لازم أسأل نفسي سؤال...أنا فرحان ولا زعلان..وأفتكر اللي حصل أمبارح..لو كان حاجه حلوه يبأه أنا فرحان..لو كان حاجه وحشه..وفيه خناقات ومشاكل..يبأه أنا زعلان..كنت بفصل بين شخصيتي اللي جوه..وشخصيتي اللي ف الحقيقه..كنت حريص أوي علي كده...
وكان دايما فيه مشاكل..وخناقات..وكنت بقدر أوصل فيها للي أنا عايزه..وبدأت أشغل المواضيع اللي كنت بسميها أدواتي..اللي هيه بأسمي طبعا..كان فيه مواضيع كتير جوه تنفع تلعب الدور ده..بس مكنش ينفع أستخدمها ف الرد علي هجوم..لأن ممكن صاحب الموضوع يتدخل ويكون ف صف اللي قدامي..ويحرجني..
بدأت أكون حريص أوي ف تعاملاتي مع ناس..ومش حريص مع ناس تانيه..والناس ديه أنا سميتهم أصحابي..
وبدأت أحس بالراحه..ومبقاش فيه مشاكل..وأبتديت ألعب.....
كنت دايما بعمل حاجه..وكل يوم كان بيكون فيه فكره جديده..
وف يوم..حصلت أنتخابات...موضوع وكل عضو بيدخل ويقول هوه عايز كذا مشرف علي قسم كذا...فكرة الأنتخابات عجبتني أوي..وشوفت أن ديه فكره ماشيه مع اللي بحلم بيه من أن المنتدي ده لازم يبأه حقيقه..أو ع الأقل فيه شيئ من الحقيقه..وكنت أول واحد يرد ف الموضوع..وبعد كده أتفاجئت من ردود معظم الأعضاء اللي أختاروني ف قسم...حتي أنا لاحظت حاجه أن فيه ناس كانت أول مره تدخل وأختارتني..مع أن المفروض أنهم ميعرفونيش..وعمرهم م أتكلموا معايا ف المنتدي قبل كده...ساعتها حسيت أني ماشي صح أوي....
مكنتش حابب فكرة أني أكون مشرف..أو فكرة أني أكون شغال هنا يعني..ومع كده لما أتعرض عليه...وافقت....
وبقيت مشرف...وكان ده ليه ميزه واحده بالنسبالي...المشرف ممكن يشوف كل عضو عنده كام رساله خاصه..وخليت ده من ضمن التفاصيل اللي برسمها لكل شخصيه...غير ردوده...ومواقفه...وعلاقاته اللي بتظهر قدامي واحده واحده....
وبدأت أقوي علاقتي بشخصيات كتير...وكنت بحاول أوصل معاهم بين اللي حصل أمبارح واللي حصل النهارده...والشخصيه كانت خياليه أوووووووي...لأبعد حد.......
فات حوالي شهر ونص أو شهرين علي تسجيلي ف المنتدي...وف يوم لقيت مدير المنتدي كاتب موضوع بيقول فيه أنه مش داخل تاني.. وده لأن فيه مديرين تانين..منفضين للمنتدي..ومبيدخلوش خالص.. وكنت أنا ف الوقت ده بدأت أقرب من شخصيته...بس مرضيتش أرد عليه..لأني شوفت أن العلاقه بيني وبينه مش قويه أوي لكده..وأن فيه ناس أقرب مني هما اللي يتكلموا....
وبعدين سافرت يومين..ولما رجعت..دخلت المنتدي..وأنا داخل لاحظت أسامي ناس لأول مره بشوفها..كان المديرين كلهم دخلوا ف اليوم ده..دخلت أشوف فيه أيه...لقيت كان في خناقه كبيره أوي بينهم...ووفيه كلام أتقال عن أنهم ممكن يوقعوا المنتدي..وممكن يعملوا كده من بكره..ومفيش حد غيرهم كان بيتكلم....كان نفسي أوي أدخل وأشارك ف الخناقه ديه..لأن الكلام ده ضايقني..بس مكنش ينفع...وف نفس اليوم لقيت واحد من المديرين اللي عمري م كنت شوفتهم دخل وكتب موضوع وقال فيه كلام برده زي اللي أتقال ف الخناقه ديه..ساعتها رديت عليه رد وحش..وبأة خناقه كبيره بيني وبينه...
عملت كده عشان حاجتين....
أولا..أن الكلام مكنش يصح..ومينفعش أي حد يقبله....
ثانيا..حسيت أني لازم أقف جنب شخصية المدير اللي طول الوقت أعرفه وبشوفه..قدام شخصيات عمري م عرفتهم قبل كده (بس هوه نفسه مفهمش كده..وممكن يكون كمان فكر أني بتاع مشاكل وخلاص)...
ف الوقت ده..الدنيا أتقلبت علي كل المديرين..وبدعي لنفسي أني كنت السبب ف تقليب المنتدي عليهم...لأن كان عندي حق ف كلامي..ومقدرش أنكر أني فرحت أوي بكده...واللعبه بأة مسليه أكتر.....
كان نفسي أوي الناس تشوف المنتدي ده حاجه تانيه..مش ممله..وف اليوم ده..حصل كده..وكل الشخصيات اللي جوه حست قد أيه هيه قويه..وليها دور...والمنتدي بأه شكله أحسن بكتير م الأول..بأه فيه حياه...وهو ده اللي كنت بحلم بيه م الأول...
وتاني يوم كانت الدنيا لسه مولعه..وفيه ناس رجعت تدخل وكان بقالهم كتير مدخلوش..وطبعا كنت بشوف كل ردودهم القديمه كالعاده...
وتاني يوم..بدخل المنتدي لقيته مقفول.....

من طرف زائر الأربعاء نوفمبر 05, 2008 2:36 am

4

فضل المنتدي مقفول تلت أيام...ولما أتفتح...دخلت عشان أشوف أيه اللي كان بيتعمل طول الأيام اللي فاتت...ملقتش غير قوانين المنتدي..موضوع مكتوب ف كل الأقسام...وقسم جديد أتعمل...بس كده!!..بأه هوه ده اللي مخليهم قافلين المنتدي تلت أيام...لأ أكيد ده كان نوع من التخويف..أو التأديب للناس اللي وقفت قدامهم...أنا فهمت كده...وكان لازم أعمل فوركيشه....
قريت القوانين...لقيت فيها حاجات مش منطقيه كتير..وحاجات مش محدده..يعني الموضوع اللي طول الأيام التلاته بيتكتب...مكتوب أي حاجه كمان...مصلحه...ف رديت علي الموضوع ده ف القسم بتاعي...بس بطريقه أستفزازيه...كنت أقصدها لأني ف الأصل مبتكلمش عن قوانين..أنا بتكلم عن تلت أيام كانت اللعبه واحشاني فيهم أوي..وبدأت مشكله جديده..والموضوع كبر والدنيا ولعت أكتر م الأول...ومكنش فيه حد بيتدخل...وفجأه لقيتني أتشلت من الأشراف...كنوع من العقاب..وديه كانت أكبر ضربه ليه.........
أفتكرت ساعتها حاجه بتقول..أن عشان تكسر حد معندوش حاجه يخاف عليها..ولا يهمه حاجه..لازم تقربه وتديله حاجات كتير وبعدين تاخدها منه وتعاقبه..ساعتها هيحس بالضربه وهتأثر فيه أوي..وحسيت أن ده اللي حصل معايا........
بس ده لو كان ف ظروف عاديه... مكنش يهمني أوي...بس ف الظروف ديه؟؟؟....
أكتر حاجه كانت مضيقاني..أني أتضربت بحاجه معنديش زيها عشان أعرف أرد بيها...ف الوقت ده فكرت ف حاجه..وبدأت التنفيذ علي طول.......
كتبت موضوع عباره عن سطر واحد...بسأل الأعضاء عن رأيهم ف القوانين الجديده...وكان ده أكبر أختبار للشخصيه... هيه قد أيه مؤثره....وكان ف وقت صعب أوي...وممكن تكون ديه النهايه....
وفضلت ف اليوم ده سهران بفكر هعمل أيه تاني..وهقدر أرد ع الضربه ديه أذاي...
وتاني يوم..مكنش فيه حد رد ع الموضوع..دخلت الألعاب ولعبت..وكنت ف اللعب بتكلم عن السلبيه..واللامبالاه..والضعف..والخوف..وأني هعرف أرد كويس أوي ف الوقت المناسب..ولحد ميجي لوقت ده أنا موجود....
وتاني يوم..دخلت المنتدي عشان ألاقي اللي كنت مستنيه..أخيرا حد دخل ورد..ساعتها لقيت الفرصه قدامي عشان أرد الضربه بأضعافها..مع الكل اللي هيقف قدامي..وكان اللي أداني الفرصه أني أعمل كده..حد كنت عارف كويس أنه بيعمل كده مش عشان المنتدي..ولا أن القوانين مش عجباه..ولا الكلام ده يفرق معاه..بس هوه حس بيه أوي..وعرف قد أيه أنا متضايق...(كنت شايفه كده)...
ساعتها عملت خناقه كبيره وموقفتهاش غير لما حسيت أني خدت حقي كويس...بس الموضوع مماتش..والناس أبتدت تشارك...وكل حد كان بيدخل يقول رأيه..كان بيتسمع..وأنا مكنتش برد..كنت بس بتفرج من بعيد...كنت حاسس المنتدي بترج قدامي...
ف الوقت ده حسيت قد أيه أنا فاهم اللعبه..وقد أيه الدنيا من حوليه بأة حلوه وفيها حياه..وإثاره..يمكن..ف الوقت ده بدأت أفكر ف حاجه جديده..الحاجه اللي م الأول بتمني أني أوصلها....
دلوقتي مفيش عدل..لأني أعرف كل الشخصيات اللي جوه..أنما هما ميعرفونيش..ولقيت من العدل دلوقتي..أني أظهر نفسي وألعب وورقي مكشوف.......
كنت طول الوقت اللي فات ده بكلم كل الناس ومحدش يعرفني...بس ف الوقت ده...حبيت أن الناس تعرفني...وشوفت أن الوقت ده أحسن وقت لكده..بس كان ناقص حاجه...كل حد عملت معاه مشكله لازم أصالحه...وده بأه هدفي طول أسبوعين...وكان المديرين التانين بدأوا يشاركوا من جديد..وفيه ناس تانيه بترجع تدخل تاني...والمشكله أن محدش بيبص وراه...ولا حد بيهتم أنه يعرف أيه اللي حصل قبل كده...ولا مين ده..غير كده أنهم كانوا مستنين يشوفوني هعمل أيه...عشان كده كنت محتاج فكره جديده..موضوع جامد جدا...حاجه جديده أوي........
وأخيرا لقيتها...فيلم...الأعضاء هيشوفه فيه نفسهم وهما بيمثلوا..بس بدماغي أنا...وكل الي عليهم يتفرجوا...ويشوفوا هما هيعملوا أيه بكره...وقد أيه الفكره ديه نجحت..وحسيت أن كل حاجه دلوقتي جاهزه عشان الناس تعرفني.......
وبعد تردد كام يوم...كنت سهران لوحدي وفضلت سهران للفجر..وأول م لقيت مفيش حد موجود..نزلت صوره ليه وخرجت..فيه سبب تاني خلاني أعمل كده ف اليوم ده..حسيت أني خايف أواجه....
تاني يوم..لما فكرت ف اللي أنا عملته..حسيت أني أغبي حد ف العالم..وأذاي أعمل كده..كنت عارف أن الناس من كتر م حبت الشخصيه..مش عايزه تعرف مين وراها...أنا كنت عارف كده كويس...حسيت ف الوقت ده أني قتلت الحلم اللي عملته..والي كنت طول الوقت بحاول أكبره..وأن ديه النهايه...وأول م رجعت م الشغل..كانت أول حاجه عملتها أني دخلت المنتدي وشيلت صورتي بسرعه..ورجعت صورة الشخصيه تاني...وخرجت بسرعه...ومبقتش عارف أعمل أيه..كنت حاسس أن بعد كل اللي فات ده..ومفيش حد قدر يعمل معايا حاجه..أني أنا اللي موتت نفسي...كنت حاسس أني زي اللي عمل لنفسه بدله وتعب أوي هوه بيعملها..ولما جه يلبسها طلعت واسعه عليه...بس أنا اللي عملت الشخصيه..ف أكيد أنا أقوي منها..ودخلت تاني..ونزلت صوره تانيه ليه بس نضيفه شويه..وأبتديت أتعامل عادي..أنا زي م أنا..وبعد يومين شيلت الصوره تاني...وكان لازم أكتب موضوع جديد..مش عشان حاجه غير أني اثبت لنفسي أني زي م أنا متغيرتش..وعملت كده فعلا..وبعدين........
مش عارف أكمل...مش عارف ألعب...وحسيت أني بفهم كل حاجه غلط...والناس بتبعد عني...والدنيا أسودت ف وشي...والخيال مات...والنهايه بتقرب...واحده واحده...........

من طرف زائر الأربعاء نوفمبر 05, 2008 2:42 am

5

ف الوقت ده كنت سيبت الشغل..وبدأت أرجع الكليه عشان التدريب...وبعدت كتير عن المنتدي..بس طول الوقت كان فيه حاجه معذباني...الشخصيه اللي عملتها جوه ديه مين...حاجه أنا خلقتها...ولا كانت أنا...أكيد الشخصيه ديه مش أنا...وأنا أحسن منها..لأني أنا الي عملتها وممكن أعمل شخصيه تانيه أحسن منها...ف فكرت ف حاجه ..فكرت أني أموت الشخصيه ديه..وأعمل شخصيه تانيه أحسن..وعملت كده فعلا...ودخلت المنتدي بأسم تاني..بس معرفتش ألعب..معرفتش أكون زي الأول...وأكتشفت أني حبيت الشخصيه ديه...بكل خيالها...فقررت أني أصحيها تاني..وأرجع تاني..ودخلت المنتدي عشان أكمل لعب...لقيتني مش عارف ألعب برده..وكل م أحاول..ألاقي نفسي بخسر..بأخسر أصحاب..وببعد عن كل الناس..وبهد كل حاجه حلوه عملتها..وكل م أخسر..أرجع تاني يوم عشان أعوض..ألاقي نفسي بأخسر أكتر...لحد م لقيت مفيش حل غير أني أبعد خالص....
المرادي كان صعب أوي..بس قدرت..وعشت لوحدي وكل همي أعرف الفتره اللي فاتت ديه أيه اللي حصل فيها...وأنا أتغيرت ليه...معقوله الشخصيه أثرت فيه للدرجه ديه..معقول حاجه أنتا عملتها بأيدك..هيه اللي تسيطر عليك...وتفرق معاك أوي كده...وكأنها أنتا.....
ساعتها أفتكرت الرساله اللي جاتلي أول م دخلت المنتدي......

"قبل م تدخل اللعبه عايز أنصحك..متخليش اللعبه تسيطر عليك..لازم أنتا اللي تسيطر عليها..لأنك او مقدرتش تعمل كده.......هتموت"

وأنا قدرت أسيطر ع اللعبه...بموت ليه دلوقتي؟؟؟؟؟
أنا عملت كل حاجه جوه...ووصلت لكل حاجه كنت عايزها...بس ف الأخر بموت...أذاي؟؟؟ فيه حاجه غلط...
حاسس أني قدام لغز كبير ملهوش حل...ودماغي مش لاقيها...
الغلط فين؟؟؟؟
المشكله أني بعد م ظهرت كان لازم متأثرش...بس اللي حصل أني أتأثرت...ومعرفتش أكمل لعب...وخسرت.....

"قبل م تدخل اللعبه عايز أنصحك..متخليش اللعبه تسيطر عليك..لازم أنتا اللي تسيطر عليها..لأنك او مقدرتش تعمل كده.......هتموت"

طب أيه اللعبه؟؟؟؟؟؟
المنتدي هوه اللعبه...عرفت ألعبها كويس..ومحدش كان بيلعب زيي...
..............طب م ممكن يكون الناس اللي شوفتها جوه..............مبيلعبوش!!!!!!!!!!!!!!! ... وأنتا متصور أنهم بيلعبوا زيك.......
يعني أيه؟؟....كل اللي أنا شوفته قدامي ده.......وهم !!!!!!!....وهم أنا عملته لنفسي....يعني أنا......كنت بلعب مع نفسي؟؟؟؟؟؟؟؟؟
حسيت أني تايه...ومش هخرج من التوهان ده...إلا لما أرجع المنتدي تاني وأشوف...أيه اللي كان بيحصل؟؟..معقول يكون كل اللي كنت بشوفه ده...وهم!!!!!!!!!!!!!!
وفتحت المنتدي...وقبل م أدخل..ظهرتلي الرساله ديه....

"يااااااااااااااه....أذيك..."

بس كان فيه حاجه مختلفه ف الرساله ديه عن أي رساله وصلتني قبل كده...كان فيه مكان للرد.....
.......مين معايا؟؟؟؟؟.......
"مش مهم تعرف...بس أنتا رجعت تاني...كنت فاكرك مش هترجع..والشخصيه خلاص...ماتت..أيه اللي رجعك؟"
.......كان لازم أرجع....
"أيه رأيك ف اللعبه؟"
......وحشه......
"كان لازم تشوفها كده"
......ليه؟؟؟.....ليه بعد م كانت حلوه أوي..بأة وحشه أوي؟؟؟؟؟؟؟......
"أنتا لسه مفهمتش؟"
..........أفهم أيه؟؟...أفهم أن كل اللي كنت عايش فيه وهم..واللعبه اللي لعبتها..مكنش لها وجود غير عندي أنا بس؟؟...هوه ده اللي عايزني أفهمه؟؟؟........
"طلب أنتا راجع ليه؟؟...مش عشان تتأكد من كده؟"
.......بس ده أكيد مش صح..مش معقوله أكون وصلت للدرجه ديه.....
"وليه لأ..مش أنتا اللي قولت أنك هتعمل شخصيه خياليه أوي..وهتخلي كل الناس هتشوفها زي م همه عايزين...وأنتا شفت نفسك نجحت...وحبيت تخلي الشخصيه ديه حقيقيه...يبأه لازم تخسر..أنتا عارف ليه؟"
........ليه؟؟؟؟؟........
"مش عشان الناس مش هتقبلها...بس عشان أنتا اللي مش عارف تقبلها..ومش هينفع تقبلها"
.......كان المفروض أقدر أكون الشخصيه ديه...مش أنا اللي عاملها....
"أصل شخصيتك اللي أنتا عملتها...كانت هيه أساس اللعبه....وأنتا أخترتها خياليه.. ف بأه المنتدي بكل الي فيه عباره عن جرافيك بس..وبأة الشخصيه اللي أنتا عملتها عامله زي نضارة الفيديو جيم..كل م بتلبسها..ويشوف نفسك أنتا اللي جوه اللعبه..بس ف الحقيقه لأ..مع أنك أنتا اللي بتتحكم ف كل حاجه..وأنتا اللي بيعمل كل حاجه..دي اللعبه..ف لما تخلع النضاره..اللي هيه شخصيتك اللي بتلعب بيها..وتحاول تدخل بشخصيتك الحقيقيه..وتقول أن ديه هيه ديه..لازم ساعتها متشوفش ولا حاجه م اللي كنت شايفها قبل كده..وعقلك يهنج..ده اللي حصل معاك..فهمت حاجه؟"
.......يعني اللعبه كلها كانت هيه الشخصيه..نضارة الفيديو جيم..مش المنتدي........
"كده صح...الشخصيه هيه أصل اللعبه..وأنتا م الأول أخترت تكون شخصيه خياليه..جوه لعبه خياليه..ف لما تيجي تدخل الحقيقه جواها..اللعبه مش هتستحملها..لأن الحقيقه بكل تفاصيلها مش هينفع تبأه جزء م الخيال"
.......يعني دلوقتي كده خلاص...مش هعرف ألعب تاني؟؟؟.......
"لأ تقدر...بس قبل متلعب..لازم تحدد أنتا عايز أيه..الحقيقه ولا الخيال..لو عايز الحقيقه..أتعامل بشخصيتك الحقيقيه..ف عالم حقيقي...كل اللي ليك فيه..كلام بتقوله وخلاص...وديه هتبأه حاجه ممله...
ولو عايز الخيال...أعمل شخصيه خياليه...بس مينفعش بعد كده تصدق نفسك..وتقول لأ..أنا ده..لأنك مش هوه...ده خيالك..."
.......أكيد هما زعلانين مني دلوقتي..صح؟؟؟.......
"أنا لسه برده مش فاهم...كل حاجه كنت بتشوفها أو بتحسها..خيالك هوه اللي بيصورهالك..وممكن أوي متكونش ديه الحقيقه...."
..........يعني هما مش زعلانين؟؟؟؟؟؟......
"أدخل وشوف"
ودخلت المنتدي...وأتكلمت مع الناس...لقيت فعلا مفيش حاجه...
"صدقتني؟"
.....الحمد لله....
"هتعمل أيه دلوقتي؟؟هترجع تاني زي م كنت؟؟"
.......لأ..أنا جربت الخيال وتهت..أجرب الحقيقه بأه.......
"أحسن برده..مع أني عارف أنك مش هتستحملها.....أسيبك بأه"
.......أستني بس...هوه أنتا بتعمل كده مع كل الناس..ولا ده كان معايا أنا بس؟؟........
"أول رساله ببعتها لكل الناس...بس بعد كده..اللي بلاقيه بيعيش ف اللعبه أوي..هوه ده اللي ببعتله تاني..وتالت..لحد م يفهم...أو شخصيته تموت...وميظهرش تاني"
......هوه كان فيه حد قبلي كده.....
"مش كتير...بس محدش فيهم وصل بنفسه للي أنتا وصلتله...كله مات قبل كده بكتير..بس أنتا بعد كل اللي وصلتله..واللي كان المفروض ميرجعكش تاني..رجعت...عشان كده كان لازم أفهمك...قبل م تتجنن"
.....مش هتقولي أنتا مين بأه؟؟؟.........
"أنا واحد أختار الخيال زيك...عشان كده مش هينفع أقولك أنا مين...هسيبك بأه"
......هنتكلم تاني......
"لو حسيت أنك محتاجلي..هكلمك تاني..سلام"
......سلام......

ورجعت المنتدي...وأبتديت أتعامل بشخصيتي الحقيقيه..وكان كل اللي بفكر فيه..مين اللي كان بيكلمني..وبعد وقت.......نسيت كل حاجه...ولقيت نفسي بحن للعبتي القديمه..لنضارة الفيديو جيم زي م كان بيقول..ولاقيتني بعملت شخصيات كتير..كنت بلعب بكل شخصيه شويه..وبعدين أموتها...وأرجع تاني لشخصيتي الأصليه...بس عمري م حسيت بمتعه ف اللعب زي أول مره...وحاولت كتير أني أرجع أتجنن تاني....بس معرفتش.....

تمت بحمد الله

للذكري
Prince

من طرف **A.S.Shiko0o0o** الأربعاء نوفمبر 05, 2008 9:36 pm

للذكرى

لا يا برنس

لا

استنى مش تمشى

وربنا انت حسستنى انى انا تافه جدا

انا عمرى ما حسيت انى تافه اكتر من الفتره دى
انا يوم عن يوم بحس انىى بعمل حركات عيال صغيره

أنا عمرى ما سألت نفسى انا عاوز من المنتدى ايه

انا عاوز المنتدى يبقى ايه

بس والله انا بقالى فتره كده حاسس انى محتاج المنتدى اصحابى حياتى كلها بقت هنا

مكنتش اعرف

بس بجد والله والله والله لو هفضل فيه لوحد هفضل اشتغل وهجيب اعضاء جداد هبدأ من الاول

كريسبو كان عنده حق

انا اسف يا محمد انت حبيت المكان اكتر من اللى بنوا المكان

بس والله مش هسكت

الناس سابت المكان مش حسين بقيمته

ياريتك كتبت التوبيك بدرى شويه

متسبنيش يا برنس محتاجلك
أخووووووووووووووووك

شيكوووووووووووووو

من طرف **A.S.Shiko0o0o** الأربعاء نوفمبر 05, 2008 9:49 pm

نسيت اقولك انى خدت بالى من الشخصيه الجديده

لما قعدت مع نفسى دلوقتى

هى مش نجحت زى شخصية البرنس
بس صدقنى انا حبيت دى وحبيت دى

من طرف زائر الخميس نوفمبر 06, 2008 1:50 am

أيه يا عم فيه أيه
أنا والله العظيم م عارف أتكلم
بعد م كتبت القصه ديه كنت خايف أوي
لأني مش هعرف أنزلها
كنت خايف الناس تفهمني غلط
بس أنتا شلت من علي قلبي هم كبير
والله أنا بس كنت عايز أقول حقيقة كل حاجه عملتها
وكان نفسي الناس كلها تكون كده
كان نفسي أعمل حاجه كبيره أوي للمكان ده
لأني ممكن أكون أكتر حد حب المنتدي بكل اللي فيه
وحكيت أذاي كانت صعبه عليه أوي الفتره اللي عرفت الناس فيها بيه
وكنت عارف أني بزعل ناس كتير مني
وكان لازم أقول القصه أبتدت أذاي وأنتهت أذاي
ولما فكرت أني أنزلها متقطعه
قولت لأ لأن ده ممكن يعمل زعل كبير أوي
كانت أهم حاجه ف القصه ديه النهايه
ولو كان فيه حد زعل مني ف وقت
أنا نفسي كنت ضايع فيه
ف أنا كتبت كل ده عشان ميزعلش
ويقدر اللي كنت فيه
وأنتا فهمتني يا شيكو أوي
ونقدت نفسك أنت كمان
عشان أنتا راجل أوي
ومحمد أنا من أول م دخلت وأنا أعرفه
زعلنا من بعض كتير
بس والله أنا كنت طول الوقت بشوفه حد كبير أوي
عنده حاجه مصر أنه يحققها
بس مكنش فيه حد بيساعده

من طرف زائر الخميس نوفمبر 06, 2008 2:43 am

أنا نفسي كل حد يدخل هنا
ينسي بره
ويعمل لنفسه فيلم زي فيلم الكارتون
يكون فيه هوه البطل
ويخلق لنفسه قصه
وحياه
وهدف
وصعوبات
ويعيش
مش ف موضوع
بس ف شخصيته
يحاول يخرج موهبه جواه
ويقاوم حاجات كتير
هوه برده اللي بيصنعها لنفسه
ساعتها هيعيش أحلي لعبه ف حياته
نموذج مصغر لحياته الحقيقيه
بس بشكل مختلف
بس ف الأخر ياخد الإيجابيات ويسيب السلبيات
وبكده كمان هتبأه اللعب مفيده
غير أنها هتكون مسليه أوي
متخليش لأحلامك حدود
متقفشش نفسك
ونحاول نكتشفها
وكل م ندور هنلاقي حاجات كتير جديده عندنا
مكناش نعرف عنها حاجه
وممكن برده نعامل المنتدي ده علي أنه
علاج نفسي
أصل كل الناس عندهم عرق طاقق
وده هيكون المكان اللي تفرغ فيه كل حاجه
مساحه واسعه أوي للخيال
ممكن تكون حياتنا هنا
فيلم أكشن
وممكن يكون مسلسل رومانسي
ممكن يكون أي حاجه
وهتوصل لأي حاجه أنتا عايزها
لو سيبت عقلك يعيش
ومحجمتوش
هيه ديه لعبة نضارة الفيديو جيم
والله لعبه جااااااااااااامده

من طرف **Crespowbas** الخميس نوفمبر 06, 2008 3:27 am

عامل ايه يابرنس
وحشتنى مواضيع اللى مافيش حد يقدر يزهق منها

ويقرئها بدون مايكون حاسس انه بيقرا كلام بيشوفه فى كل حته

بحب اوى الاسلوب دة

وبحبك اكتر

وصدقنى والله كلامك قصر فيا

انت اصلا كشخصيه
فانت شخصيه ماثره لدرجه كبيرة قوى

وكلامك كبير قوووووووووووووووووووووووووووووووووووووووووووى

والبرنس بجد اثرت فينا كلنا

وعارفين انك بتحب المنتدى

وعارف انى سبب فى زعلك كتير قوى
بس والله مش قصدى

انا شخصيه عصبيه لدرجه ماتتصورهاش

فا متزعلشى منى لو كنت شايل منى

المهم اننا عرفنا شخصيه عاقله ورزينه زيك كدة

واحنا كسبناك على فكرة

لان صعب جدا جدا جدا تلاقى شخصيه ممكن يعتمد عليها فى رئ زيك كدة

ومش اى حد طبعا بيعمل مواضيع زيك

حبيبى والله يا برنس

من طرف زائر الخميس نوفمبر 06, 2008 3:30 am

ههههههههههههههههه
يا جدع
أحنا خلاص بأه مينفعش معانا التثبيت ده
عشان أحنا بقينا أخوات

من طرف **Crespowbas** الخميس نوفمبر 06, 2008 3:45 am

اثبتك ليه يا برنس

منتا بقى عرفت محمد وعرفت هو على ايه

احنا طبعا اخوات

وليا الشرف طبعا

ولما اشوفك هكلمك فى حاجه كدة ونعملها سوى

من طرف زائر الجمعة نوفمبر 07, 2008 1:09 am

ماشي يا ريس

من طرف **A.S.Shiko0o0o** الجمعة نوفمبر 07, 2008 2:51 am

هههههههههه

اهم حاجه اننا نفضل اخوات وبس كده

من طرف زائر الجمعة نوفمبر 07, 2008 2:53 am

أنا عايز أسألك سؤال يا شيكو
هو أنا غلط مع حد ف حاجه
أنتا شايف أيه

من طرف زائر الجمعة نوفمبر 07, 2008 3:00 am

لو فيه حد شايف أني عملت حاجه غلط
أو كدبت عليه
أو أستغليته
يتكلم
ونشوف مين الصح ومين الغلط

من طرف زائر الجمعة نوفمبر 07, 2008 3:33 am

أنا مش شايف أني غلطت مع حد أي حد ف أي حاجه
كنت بلعب بس عمري مكدبت
بالعكس
كنت حقيقي أوي ف كل حاجه
وزي الدنيا م كل حاجه فيها لعبه
كان المنتدي بالنسبالي لعبه
وأنا مش ف طبعي الكدب
أو أستغلال أي حد
الشخصيه كنت قويه ف ذاتها
ومكنتش محتاجه حد يقف جانبها
وأنا كتبت الكلام ده عشان نفسي الناس تعيش زيي
ولو كان فيه حد متضايق من كلامي
ف أنا بقوله
أنا أهتميت بيك أكتر م أنتا أهتميت بيه
لو قريت كويس هتشوف كده
أنا مكنتش أعرف أي حد هنا
وحبيت أعرفكوا وأكون معاكوا
بس مش هينفع تكون حياتي هنا
"تسلم أيدك"
أو
"ههههههههههه
حلو أوي"
أنا عشت معاكوا حياه كامله
ويتهيألي ده أكبر تقدير لكل حد أتكلمت معاه
أني عشت معاه
مش كنت معاه مجرد كلام مكتوب
أو رد علي موضوع
أنا مش عايز حد يقول رأيه فيه
لأني عارف نفسي كويس

من طرف **A.S.Shiko0o0o** الجمعة نوفمبر 07, 2008 6:35 am

مممممممممممممممممممممم

لا لا انا على فكره عمرى ما شغلت بالى بحد هنا لانى لما فتحت المنتدى اول الناس اللى دخلت كنت معاهم وهم معايا فى الكليه على طول كنت فاكر انى اعرف كل اللى موجود ومش كنت مهتم اعرف الناس التانيه .

وللاسف واحد من الناس الحلوه اللى مش عرفتهم ربنا يرحمه وفيهم ناس مش عادت تدخل بس حاسس انى هعوض ده عشان كده انا قولت انى غلطت وانى بعترف بده عشان اللى عاوز يصلح لازم يصلح من نفسه اولا وانا مش شايف انك غلطان مع حد انت كنت بتقول وجه نظرك وبتحاول تشارك وده اللى مش عمله حد هنا خالص تقريبا تقريبا كلنا يعنى بنقضيها

من طرف **Crespowbas** الجمعة نوفمبر 07, 2008 4:03 pm

مش كلنا كلنا يا شيكو صدقنى فى ناس بتحبهم ومنهم انت يعنى بتحاول تخلى المنتدى دة احسن منتدى فى الدنيا

فعادى يعنى

اه مننكرشى ان فى ناس مقضياها

بس عادى
بكرة يجى ناس برضو مش مقضيها زى البرنس مثلا

وعلى فكرة احنا عندنا ناس لو حد شجعها هنا هتدى كتير

بس يلا خير

وللامام ديما

من طرف **A.S.Shiko0o0o** الجمعة نوفمبر 07, 2008 11:14 pm

ان شاء الله يا محمد وانا خدت قرار انى هشتغل ولو لوحدى حتى

من طرف **RANEEM** الإثنين نوفمبر 10, 2008 10:54 pm

برنس انت بجد بجد والله شخصيه نادره
بتعيش في الخيال كتير
وانت من الناس الي بتدي المنتدي طعم
وبنا يخلينا كلنا لبعض ومحدش يزعل من حد خالص يارب

من طرف **A.S.Shiko0o0o** الثلاثاء نوفمبر 11, 2008 2:32 am

مممممممممممممممممممممممممممم

انا قعدت فتره كبيره مستنى التوبيك ده حد يقراه يأثر فيه

بس محدش عبر

لما اتكلكت الناس بدأت تاخد بالها يعنى

اكيد فيه ناس كتير مستخبيين عهندهم شغل حلو

ربنا ما يحرمنا من بعض كلا يا رنيم

ربنا يعلم غلاوتكم كلكم عندى

من طرف زائر الثلاثاء نوفمبر 11, 2008 2:45 am

والله يا رنيم انا مش خيالي أوي يعني
أنا بس بحب أعيش ف كل حاجه
بس كده
والكلام ده كتييييييييييير أوي عليه
نضارة الفيديو جيم 258436

من طرف **takatiko** الأربعاء نوفمبر 12, 2008 8:12 pm

انت شخصية وهمية عمرى ما شفت حد زيك قبل كده

من طرف زائر الأربعاء نوفمبر 12, 2008 11:43 pm

أنتي أصلا نظرك ضعيف يعني
بس ماشي
نعديها عشان خاطر العيش والملح
نضارة الفيديو جيم 542410

من طرف **takatiko** الخميس نوفمبر 13, 2008 12:06 am

هو فين العيش والملح انت مش قلت انت وهانى انكوا هتعزمونى ومن يوميها اتبخرتوا انتوا الاتنين
وبعدين بلاش تتكلم فى موضوع ضعف النظر ده (ده امر الله هتعايرنى بمرضى يعنى)
والنضارة انا بلبسها عشان احلل فلوسها بس لعلمك بشوف

من طرف زائر الخميس نوفمبر 13, 2008 12:22 am

بس أنا سمعت حاجه تانيه
مكنتش أعرف أنك مفجوعه أوي كده
وبعدين من ناحية النظر يعني
بأنتي بتشوفي كويس أوووووووووووووووي
عارف أنا

من طرف **takatiko** الخميس نوفمبر 13, 2008 12:38 am

يالهووووووووووى انا؟؟؟؟؟؟؟؟؟؟
مين اللى قال كده؟

من طرف **Just Zizo0o0o** الخميس نوفمبر 13, 2008 1:03 pm

مش عارف اقول ايه بصراحه بس كل الي عاوزك تعرفو اني لاول مره هرد علي موضوع مؤثر من غير ما افكر هقول ايه يعني هتكلم والي هيطلع هيتكتب من غير تفكير

صدقني انا اول مره في كلام ياثر فيا واحس منو اني مش زي ما كنت فاكر انا يمكن حصل بيني وبينك مشاكل بس انا مكنتش السبب فيها في ولا مره وانتي الي قلت ان ردودك كان وراها استفزاز

بس صدقني انا لو كنت زعلان منك او في قلبي حاجه وحشه من ناحيتك في يوم دلوقتي وبعد ما قريت الكلام الي مكنتش اتوقع ابدا انو كده فا صدقني هبدأ اتعامل معاك بوجهة نظر تانيه خالص بس يهمني اوي انك انت كمان تشوفني بوجه نظر تانيه ولو كان فيك حاجه مزعلاك مني قلهالي ونشوف كل واحد فكر فيها ازاي وايه الي كان سبب في كده

عمري ما شوفت الحياه هنا بشكل خيالي يمكن الي خلاني كده ان كل الناس انا عارفها ودخلت في وقت كنت علي طول موجود فا طبيعي اني محسش باي نوع من الخيال لان الشخصيه الي بتتكلم انت عارفها وعارف كتيير عنها ويمكن ده الي خلا عندي بعد فتره مش قصيره حاله ملل وخلاني ابعد عن المنتدي وخلاك تقول ان فيه مديرين كان اول اشوفهم .

يمكن طولت في الرغي ويمكن كلامي معجبكش لاني مش هقراه تاني ولا هنسقو حتي بس هعرف هو كان ايه من ردك عليا

زيزوووووووووووووووووووووو

من طرف زائر الجمعة نوفمبر 14, 2008 1:47 am

عارف أنتا كان لازم تراجع الكلام ده
أنا بقالي ساعه عايز أفهم
بص يا عم أنا واحد ميعرفش حد هنا خالص
وعايز أعرف كل الناس
ف كان لازم أشغل دماغي
وديه كانت اللعبه اللي أنا أقصدها
كنت عارف أنكوا مش شايفين الدنيا زيي
لأنكوا متعرفونيش وف نفس الوقت تعرفوا بعض
ف عادي يعني مين ده؟؟؟
ف تخيل بأه واحد كل اللي يعرفه شوية حاجات صغيره وممكن ميعرفش حاجه خالص عن كل شخصيه قدامه هيعمل أيه؟؟؟
خليت كل حاجه هنا حقيقه وأبتديت أتعرف عليكوا
وأنا مش زعلان منك والله
لو أنتا زعلان مني ف حاجه قولها
وأنا والله م هزعل
لأني عارف ممكن أكون كبرت الدنيا شويه

من طرف **MeRaMoRe** الجمعة نوفمبر 14, 2008 2:54 am

عمري ماتخيلت ولا جه في بالي ان شخصية البرنس اللي عرفتها طول الفتره اللي فاتت

شخصيه خياليه وانها مش انت

انت كنت شايف المنتدى بطريقه غير اللي احنا شايفنها ورسمت شخصيه عالأساس ده

بس انت خيالي جدا

ان شاء الله نقدر نرجع المنتدى احسن من الاول ومانتفرقش ابدا

من طرف زائر الجمعة نوفمبر 14, 2008 3:13 am

أنا مفيش حد فاهمني
حتي أنتي يا ميرا
أنا معرفش حد هنا
أنا فكرت
لو كنت عايز أكمل معاكوا
يبأه أعرفكوا
وعشان أعرفكوا لازم أهتم بكل حاجه قدامي حتي لو كانت حاجه صغيره
مش قولتلك لازم يكون فيه تصور لكل حاجه..حتي لو كان غلط..ونتعامل ع التصور ده..ساعتها لو كان غلط هيظهر وهنعرف الصح..ومن خلال كلامي معاه بأه هعرف كل حد معايا..ديه كانت فكرتي..وده مش خيال
ده أمر واقع لقيت نفسي فيه.....
ومتهيألي دلوقتي أني أعرفكوا كلكوا..
وأحنا أصحاب أوي كمان..
أنا شايف الدنيا كده دلوقتي..
فين الخيال يا جدعان...

من طرف **MeRaMoRe** الجمعة نوفمبر 14, 2008 3:22 am

انت عندك حق في انك تعرف كل واحد وشخصيته عامله ازاي

الخيال في انك ترسم شخصيه تانيه مختلفه عن شخصيتك وتتعامل على اساسها وانك تتخيل الموضوع زي الفيديو جيم

هو كويس عشان يبقى في جديد وتغيير في المنتدى بس كانت هتبقى جميله حتى بشخصيتك الحقيقيه

لأنك انت والبرنس واحد نفس الشخص الإتنين كويسين ومحبوبين بين اصحابهم

انت شخصيه بارزه اوي في المنتدى وبيعجبني تفكيرك وانا متأكده ان شخصيتك الجديده مش هتقل

عن البرنس ابدا

من طرف زائر الجمعة نوفمبر 14, 2008 3:31 am

عارفه
فكرة النضاره ديه جاتلي وأنا بكتب
مش عارف أنهي الكلام ده كله أذاي
ولقيت ديه قدامي
هيه بالظبط الفكره اللي أنا محتاجها
وفيها شيئ من الحقيقه
بس أنا ممكن أكون ساعات بفكر ف ردودي
وده مش غلط
ف الحقيقه كلنا بنتمني كده
بس أنا كان عندي فكره حقيقيه
غير أني أعمل شخصيه حلوه
كنت عايز أعمل هنا حاجه حلوه
لقيتها ف الأخر حياة الشخصيه اللي أنا عملتها
حبيت الأتنين يظهروا مع بعض
أنا والبرنس
البرنس كان بينفذ أفكاري
عارفه عامله زي أيه
زي المغني اللي بيقول كلمات الكاتب
صدقيني الكاتب بيكون فرحان أكتر من المغني بالأغنيه ديه
عشان هوه صاحب الفكره
أنما المغني
بيقول وخلاص

من طرف **MeRaMoRe** الجمعة نوفمبر 14, 2008 3:46 am

I don`t know what can i say

BUt

Rally u r Rock

من طرف زائر الجمعة نوفمبر 14, 2008 3:54 am

ماشي
ونستيني أنتي النهارده
ربنا يخليكي وميحرمناش منك أبداااااااااااااااااا

من طرف **A.S.Shiko0o0o** الجمعة نوفمبر 14, 2008 6:11 am

هههههههههههههههه

خلاص هعيط
وبهديكم
اغنيه ست الحنانه يا حنانه اتى للاخ اللمبى

ويعدين انا لما كنت بقرى القوانين
لقيت ان اللونالاحمر للادامنبس

انتى جايه تهرجى بقى ولا ايه

هههههههههههههههههههه

كنت فاكر انى بكتب بلون محدش غيرى ينفع يكتب بيه

ههههههههههههههه

بس جت فى ميرا

مينفعش افتح بقى

قال قوانين قال

قانونا هنا احنا اخوات

ههههههههههههههه

من طرف زائر الجمعة نوفمبر 14, 2008 5:13 pm

أنتا الكبير يا عم
خلاص بأه متمسكش ف خناقها عشان خاطري
هيه غلطت أنا عارف ولو أنتا عملت أي حاجه محدش هيقدر يغلطك
بس معلش المسامح كريم

من طرف **A.S.Shiko0o0o** الجمعة نوفمبر 14, 2008 8:18 pm

خلاص يا عم عشان خاطرك انت وهى يا عم

من طرف **A.S.Shiko0o0o** الجمعة فبراير 20, 2009 3:18 pm

الحقيقه

ده عنوان ردى انهارده

خلاص يا برنس كل شئ خلص

عارف ان التوبيك ده عندك مهم جدا

عارف انك عملت حاجات حلوه كتير

بس انت اللى عملت فى نفسك كده

اولا اللى كان حصلك حصلك من غير علمك وانت قليت ادبك من غير ما تحاول توصلى المعلومه صح

انا دخلت باوكنت واحد عضو عادى ولقيت الحياه زى الفل مش ذنبى بقى

انما الاداره شغاله وعارفه شغلها كويس جدا والديل على كده

ان ال7 اكونتات بتوعك حصلوك عشان احنا مش نايمين على ودننا

كنا بنفوت عشان القانون الخاص بتاعنا اننا اصحاب

بس اكتشفت ان مينفعش لان لاول غلطه من اى حد هنا محدش بيستحمله

وعلى فكره كريسبو اللى كنا شايل الخاصيه دى

ومعرفش حد انه عمل كده

مش ذنبى انى اتشتم عشان واحد يعمل حاجه على مزاجه وواحد مش عاجبه الحاجه دى

وانا طرطور فى النص يبقى محدش يلزمنى

واهم حاجه انى ليا احترامى هنا

سلام يا برنس ولا يا سندباد ولا يا اسلام ولا ياظاظا وكفايه عشان الناس متكرهش بقيت الشخصيات الجميله اللى عيشتها وسطنا

سلالالالالالالالالالالالالالالالالالالالالالالالالالالالالالالالام

من طرف hamedo الإثنين فبراير 23, 2009 8:12 pm

مين اللي قالك أني حزين
منا عشت بعدك ياما سنين
كنت بحلم كنت بفرح
كنت مليان شوق وحنين
والسنين دواره دواره
عيون حزينه قلوب محتاره
واللي فاتك النهارده
بكره يرجع يبكي سنين
يبكي علي أييام وليالي
أنه ضيع حبه الغالي
ضيع عمره ضيع حلمه
ضيع نفسه ف غمضة عين
مين اللي قالك أني هضيع
قلبي خلاص علمته يبيع
ينسي حبك ينسي قربك
ينسي كل دقيقه معاك
ينسي أسمك ينسي كلامك
ينسي صوتك حتي سلامك
هتجيني نادم وتقولي أسف
وتقولي أرجع بترجاك
أرجع أيه متسيبني ف حالي
م كفايه ضاع من عمري ليالي
جنب منك شوفت منك
العذاب والويل والأه
والسنين دواره دواره
عيون حزينه قلوب محتاره
واللي فاتك النهارده
بكره يرجع يبكي سنين
يبكي علي أييام وليالي
أنه ضيع حبه الغالي
ضيع عمره ضيع حلمه
ضيع نفسه ف غمضة عين
والسنين دواره دواره

من طرف **A.S.Shiko0o0o** الإثنين فبراير 23, 2009 11:14 pm

ههههههههه

الغنا مسموح بيه على فكر ه

من طرف hamedo الإثنين فبراير 23, 2009 11:15 pm

منا عارف علي فكره

من طرف hamedo الإثنين فبراير 23, 2009 11:16 pm

دي حاجات أنتا متعرف ايمتها لأنها مش بتاعتك

من طرف زائر الثلاثاء يونيو 02, 2009 2:15 am

مشكلتك انك جبان ونفسك متبأش كده يا صاحبي
هي دي الحقيقه
love

من طرف **A.S.Shiko0o0o** الثلاثاء يونيو 02, 2009 3:07 am

على فكره شكلك بتلغبط فيا انا حاسس كده

قارى كام موضوع كده

بس هقولك حاجه واحده

انا مش هحط فى دماغى

لانى اولا مش متواجد فى المنتدى فمش هينفع ارد ثانيا انا معملتش حاجه ومش فاضى عندى امتحانات

من طرف زائر الثلاثاء يونيو 02, 2009 3:19 am

يا عم انا مقصدكش
انا برفع مواضيعي

من طرف **A.S.Shiko0o0o** الثلاثاء يونيو 02, 2009 4:48 am

يا عم عالعموم لو قصدك انا ربنا يسامحك

انا عاوز اختم الكليه على خير

ده لو اتختمت

من طرف musa الثلاثاء أكتوبر 13, 2009 8:52 pm

للذكري
5-11-2008

الحقيقه احسن بكتير
بس مين اللي كان بيكلمني ده ؟؟ نضارة الفيديو جيم Icon_pirat

من طرف Waleed السبت يناير 16, 2010 7:06 pm

القصد من الموضوع مش حكايه

اللعبه كان لازم تتغير عشان فيه حاجه أساسيه أتغيرت

كان ممكن محدش خالص يعرفني غير اللي انا عايزه يعرفني بس

طب انا عملت كده ليه

ولو حد قرا الكلام ده كويس هيعرف انا جاي علي نفسي فيه أد أيه
وبقولكو اني كنت عايز أسيطر علي الناس كلها
وأني لعبت بيكوا
وكان بلعب أذاي

كان فيه حاجه أتغيرت وكان لازم الدماغ تتغير
وكان لازم اصفي دماغي من كل اللي فيها عشان الموضوع مش موضوع أسيطر علي حد

الموضوع اني عايز أعيش هنا
برغبتي

بس مكنش ينفع أتكلم كده وأقول الكلام ده
لناس عقلهم صغير
ناس أي حد ممكن يلعب ف دماغهم

وبينسوا انهم هما اللي كانوا بيلعبوا وكانوا بيتراهنوا مع بعض وكانوا مبسوطين
وانا مقولتش حاجه من الكلام ده
أتكلمت عن نفسي بس

عرفتوا بأه كان اي قصدي من القصه الحلوه ديه
بقفل صفحه وبفتح صفحه جديده
أنا مع نفسي كده

انما مسمعتش انا كلام عن لعبكو القديم
والجديد

أنا عارف ان كله قري القصه ديه ولا ميت مره عشا يتعلم إذاي يلعب

بس يـاخساره بعد م أنا بطلت لعب