رباعيات جاهين

من طرف زائر الإثنين نوفمبر 10, 2008 12:52 am

لا تجــــــبر الإنسان ولا تــــحيره
يكفيه ما فــيه من عقل بيحيره
اللى النهارده بيطلبه ويشتهيه
هوا اللى بكره حيشتهى يغيره
عجبى !!!!!

من طرف زائر الإثنين نوفمبر 10, 2008 12:57 am

حاسب من الاحزان و حاســـــــب لها
حاسب علي رقابيك من حبلـــــــــــها
راح تنتهي و لابد راح تنتهــــــــــي
مش انتهت أحزان من قبلهــــــــــا؟
عجبي !!!

يأسك و صبرك بين إيديك و انت حر
تيأس ما تيأس الحياه راح تــــــــمر
أنا دقت مندا ومندا عجبي لقيــــــت
الصبر مر و برضك اليـأس مـــــــر
عجبي !!

ولدي نصحتك لما صوتي اتنبــــــــــــح
ما تخفش من جني و لا من شبـــــــــح
و ان هب فيك عفريت قتيل إسألـــــــــه
ما دافعش ليه عن نفسه يوم ما اندبح
عجبي !!

ولدي إليك بدل البالون ميت بالــــــون
انفخ وطرقع فيه علي كل لـــــــــــون
عساك تشوف بعينك مصيرالرجــــــال
المنفوخين في السترة و البنطلـــــون
عجبي !!!

خوض معركتها زي جدك ما خــــاض
صالب و قالب شفتك بامتـــــــــــعاض
هي كده...ما تنولش منها الأمـــــــل
غير بعض صد ورد ووجاع مخاض
عجبي !!!!

كام اشتغلت يا نيل في نحت الصخور
مليون بئونه و الف مليون هاــــتور
يا نيل أنا ابن حلال و من خلفتــــــك
و ليه صعيبه علي بس الأمــــــــور
عجبي !!!

من طرف زائر الإثنين نوفمبر 10, 2008 12:59 am

وأنا فى الضلام ...من غير شعاع يهتكه
أقف مكانى بخــــوف ولا أتركه
ولما يجى النـــور وأشوف الدروب
أحتار زياده ..أيهم أسلكه؟؟؟
وعجبى

من طرف زائر الإثنين نوفمبر 10, 2008 1:04 am

عجبتنى كلمه من كلام الورق
النور شرق من بين حروفها وبرق
حبيت أشيلها فى قلبى .. قالت حرام
ده انا كل قلب دخلت فيه أتحرق
عجبى!!

الدنيا أوده كبيره للأنتظار.....
فيها أبن آدم زيه زي الحمار......
الهم واحد والملل مشترك............
ومفيش حمار بيحاول الأنتحار..........
عجبي!!

ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!

كان فيه زمان سحليه طول فرسخين
كهفين عيونها و خشمها بربخين
ماتت لكين الرعب لم عمره مات
مع إنه فات بدل التاريخ تاريخين
عجبي !!

أحب أعيش ولو أعيش في الغابات...
أصحى كما ولدتني أمي وأبات...........
طائر حوان حشرة بشر بس أعيش......
ما أحلا الحيات حتى في هيئة نبات...........
عجبي!!!!

من طرف زائر الإثنين نوفمبر 10, 2008 1:05 am

قالوا الشقيق بيمص دم الشقيق...
والناس ما هياش ناس بحق وحقيق........
قلبي رميته وجبت غيرو حجر......................
داب الحجر ورجعت قلبي رقيق..........................
عجبي!!!!

من طرف زائر الإثنين نوفمبر 10, 2008 1:08 am

الارض شوك أيوه لكين هايش
والحمرة مش يعنى الطريق حايش
دى دمنا السيال . وبشره خير
أن انتى عايشه .و ان انا عايش
وعجبي!!

غمست سنك في السواد يا قلم
علشان ما تكتب شعر يقطر ألم
مالك جرالك ايه يا مجنون..و ليه
رسمت وردة و بيت و قلم و علم
وعجبي!!

اوصيك ياابني .. باليل والزهور
اوصيك.. بليل القاهر المسحور
وانجيت في بالك
اشتري عقد فل .. لاي سمره
وقبري اوعاك تزور
وعجبي!!!

يا طير يا طاير في السما ..... طز فيك
ما تفتكرش إن ربنا ..... مصطفيك
أصلك من دود الأرض و ليه تعود
تمص فيه يا حلو و .....يمص فيك
و عجبي!!!!

من طرف زائر الإثنين نوفمبر 10, 2008 1:09 am

سهير ليالى وياما لفيت وطفت
وف ليله كنت راجع قمت شفت
الخوف كئنه كلب سد الطريق
كنت عايز اقتله بس خفت
وعجبي!!!!

من طرف زائر الإثنين نوفمبر 10, 2008 1:13 am

أنا شاب لكن عمري ولا ألف عام......
وحيد ولكن بين ضلوعي زحام...........
خايف ولكن خوفي مني أنا.................
أخرس ولكن قلبي مليان كلام................
عجبي!!!!!

أنا قلبى كوكب وانطلق فى المدار
حواليكى يامحبوبتى يانور ونار
يلف مهما يلف مابيكتفيش
وتملى نصه ليل ونصه نهار
عجبى !!!!

عجبى على العجب العجيب العجاب
لما الحقيقه تطل بعد احتجاب
وتروق وتحلا وفجأه تصبح مفيش
كمثل طراطيش بحر ياما خد وجاب
عجبى !!!!!!

يا نجم ...نورك ليه كده بيرتجف؟
هو انت قنديل زيت؟...أو تختلف؟
أنا نجم عالى ...بس عالى قوى
وكل ما انظر تحت اخاف انحدف
عجبى !!!!

من طرف زائر الإثنين نوفمبر 10, 2008 1:14 am

ليه ياحبيبتي ما بينا دايماً سفر....
ده البعد ذنب كبير لا يغتفر.............
ليه يا حبيبتي ما بينا ديماً بحور.......
أعدي بحر.... آلاقي غيره اتحفر..........
عجبي!!!!!

من طرف زائر الإثنين نوفمبر 10, 2008 1:18 am

ورا كل شباك آلف عين مفتوحين ..
وانا وانت ماشيين يا غرامي الحزين...
لو التصقنا نموت ....بضربة حجر..........
ولو افترقنا...نموت متحسرين...............
عجبي!!!!!!

ياللى انت بيتك قش مفروش بريش
تقوى عليه الريح .......يصبح مفيش
عجبى عليك حواليك مخالب كبار
وما لكش غير منقار وقادر تعيش
عجبى !!!!!!!ا

انا كنت شئ وصبحت شئ ثم شئ
شوف ربنا .... قادر على كل شئ
هز الشجر شواشيه ووشوشنى قال :
لابد ما يموت شئ عشان يحيا شئ
عجبى !!!!ا

ياااااحزين ياقمقم تحت بحر الضياع
حزين أنا زيك وإيه مستطاع
الحزن مابقالوش جلال ياجدع
الحزن زى البرد ....زى الصداع
عجبى !!!!!!!

أنا كل يوم أسمع فلان عذبوه...
أسرح في بغداد والجزاير وأتوه...
ما اعجبش من اللي يطيق بجسمه العذاب...
وأعجب من اللي يطيق يعذب أخوه...
عجبي!!!!!

من طرف زائر الإثنين نوفمبر 10, 2008 1:22 am

وقفــت بـين شــطين على قــنــطرة
الكــدب فين والصـــدق فـين يـاتـــرى
محتار ح اموت ... الحوت خرج لى وقال
هــوا الكـــلام يتـقــاس بــالمسـطره؟
عجبى !!!!

دخل الشتا وقــفـل البيبـان ع البـيوت
وجـعل شعاع الشـمس خيط عنكبوت
وحاجات كتير بـتمـوت فى ليل الشتا
لكن حاجات أكـتر بـترفـض تــمـوت
عجبى!!!!!!

أوصيك يا إبنى بالقمر والزهور
أوصيك بليل القاهره المسحور
وإن جيت فى باللك ... إشترى عقد فل
لأى سمرا ... وقبرى إوعك تزور
عحبى !!!!!

وقفت ساعه الصبح بغسل سنانى
قالت لى شايف قوتى ولمعانى؟؟؟
إيش تطلب اليوم منى ضحكه أسد ؟؟؟
ولا إبتسامه أعلان أمريكانى؟؟؟؟؟؟؟؟؟؟

عينى رأت مولود على كتف أمه
يصرخ تهنن فيه يصرخ تضمه
يصرخ تقول يابنى متنطق كلام
ده اللى ميتكلمش ياكتر همه
عجبى!!!!!!

من طرف زائر الإثنين نوفمبر 10, 2008 1:23 am

سمعت نقطه ميه جــوه المحيط
بتقول لنقطه ماتنزليش فى الغويط
أخاف عليكى م الغرق ..... قلت انا
ده اللى يخاف م الوعد يبقى عبيط
عجبى !!!!!!!!

من طرف زائر الإثنين نوفمبر 10, 2008 1:27 am

أيوب رماه البين بكل العلل..
سبع سنين مرضان وعنده شلل..
الصبر طيب.........صبر أيوب شفاه..
بس الأكيدة مات بفعل الملل..
عجبي!!!!!!!!!!!!

ياخالق الـــكون بــالحســاب والجــــبر
وخـــــالقنى ماشى بلختيار والجـبر
كل اللى حيلتى زمزميه أمل
وازاى تكفينى لباب القبر ؟
عجبى!!!!!!ا

ياللي بتبحث عن إله تعبده..
بحث الغريق عن أي شئ ينجده ..
الله جميل وعليم ورحمن ورحيم.......
احمل صفاته........وانت راح توجده.......
عجبي!!!!!!!

يـا مشرط ألجـــراح أمـــانه علـــيك
وانت ف حشـايا تبص من حواليك
فيه نقطه سوده فى قلبى بدأت تبان
شيلها كمان ... والفضل يرجع ليك
عجبى !!!!!

كيف شفت قلبي والنبي يا طبيب.....
همد و مات والا سامع له دبيب............
قاللي لقيته مختنق بالدموع ..................
وما لوش دوا غير لمسه من إيد حبيب...........
عجبي!!!!!!!!

إنسان أيا إنسان ما أجهلك..
ما أتفهك في الكون و ما أضألك...
شمس وقمر وسدوم وملايين نجوم...
وفاكرها يا موهوم مخلوقة لك.............
عجبي!!!!!!!!

من طرف زائر الإثنين نوفمبر 10, 2008 1:29 am

أخطفنى يـاللى تحبنى ع الحصـان
الدنيا قالت يوم فى ماضى الزمان
إخطفنى يـاللى تحبنى ع الفرس
الدنيا قالت ...قام خطفها الشيطان
عجبى !!!!

من طرف زائر الإثنين نوفمبر 10, 2008 1:34 am

أنا قلت كلمة وكان لها معنين
كما بطن واحده وتوأمين زين وشين
لو دنيا شر .... التوأم الخير يموت
ولو دنيا خير... الشر هيعيش منين ؟؟؟

نسمة ربيع لكن بتكوي الوشوش..
طيور جميلة بس من غير عشوش...
قلوب بتخفق.............إنما وحدها.....
هي الحياة كده...كلها في الفافوش.....
عجبي!!!!!!!

من بين شقوق الشيش وشقشقت لك
مع شهقه العصافير وزقزقت لك
نهار جديد انا.... قوم نشوف نعمليه
انا قلت يراح تقتلنى ...يراح اقتللك
عجبى !!!

مانتاش بتلعب ليه ياروح بابا؟
ولا عسكرى ولا لص فى عصابه ؟
إلعب أسد أو ديب رهيب أو غزاله
دى الدنيا فى نهايه المطاف غابه
عجبى !!!!

على بعد مليون ميل من أرضنا..
من الفراغ الكوني بصيت أنا .......
لا شفت فرق بين جبال وبحور.......
ولا شفت فرق ما بين عذاب أو هنا....
عجبي!!!!!

حقـــرا وفــوق كـوكب حقـير مـحتقــر
فى الـكون تكون دنيـاكـو إيـه يـا بقـر
رملايه من صحرا ؟... لكين إيش تقول
والكـون بـحالـه جـوه عقـل البــشـر
عجبى!!!

حدوتة عن جعران و عن خنفسة..
اتقابلوا حوا بعض ساعة مسا.........
ولا قال لهم حد اختشوا عيب حرام.....
ولا حد قال دي علاقة مدنسة...............
عجبي!!!!!!

من طرف زائر الإثنين نوفمبر 10, 2008 1:36 am

مانتاش بتلعب ليه ياروح بابا؟
ولا عسكرى ولا لص فى عصابه ؟
إلعب أسد أو ديب رهيب أو غزاله
دى الدنيا فى نهايه المطاف غابه
عجبى !!!!

من طرف زائر الإثنين نوفمبر 10, 2008 1:39 am

دي مذكرات وكتبتها من سنين..
في نوتة زرقا لون بحور الحنين....
عترت فيها..رميتها في المهملات...
وقلت صحيح أما صيح كلام مخبولين..
عجبي!!!!!

عـاد الربيع كـأنه طعم الحـب
والحب نار جوه العروق بتصب
اتمـتع ازاى بيه وانا مـ ت ـق ـط ع
من كتر خوفى لا فى الخطيئه يطب
عجبى !!!!ا

أنا اللي بالأمر المحال اغتوى..
شفت القمر نطيت لفوق بالهوا..
طلته ما طلتوش إيه انا يهمني....
وليه ...ما دام بالنشوة قلبي ارتوى.
عجبي!!!!!!

يأسك وصبرك بين إيديك وانت حر
تيــأس مــا تـيــأس الحيــاه راح تمــر
أنـا دقت منــدا ومنــدا عجبى لقـيـت
الصـبر مــر وبـرضــك اليـأس مــر
عجبى!!!!

يا باب أيا مقفول ..إمتى الدخول
صـبرت ياما واللى يصـبر ينـول
دقيت سـنين ... والرد يرجع لى :مين ؟
لو كنت عارف مين أنا ..كنت أقول
عجبى!!!!!!!

من طرف زائر الإثنين نوفمبر 10, 2008 1:41 am

علم اللوع اضخم كتاب في الأرض..
بس اللي يغلط فيه يجيبه الأرض.....
أما الصراحة فأمرها ساهل .............
لكن لا تجلب المال ولا تصون العرض...
عجبي!!!!!!!

من طرف زائر الإثنين نوفمبر 10, 2008 1:46 am

أنا كان لي أب وكان رئيس محكمة..
ستين سنة ..في قضية واحدة أترمى..
ستين سنة وطلع براءة وخرج...............
يشكي الحياة والموت لرب السما ..........
عجبي!!!!!!!

كروان جريح مضروب شعاع م القمر
سقط من السموات فؤاده أنكسر
جريت عليه قطه عشان تبلعه
أتاريه خيال شعراء ومالهوش أثر
عجبى !!!!!!

قالو السياسة مهلكة بشكل عام..
وبحورها يبني خشنة مش ريش نعام..
غوص فيها تلقى الغرقانين كلهم............
شايلين غنايم.... والخفيف اللي عام........
عجبي!!!!!!!!!

أنا قلت آه..سمعوني قلوا فسد..
ده كان جدع قلبو حديد واتحسد..
رديت على الايمين أنا وقلت ..آه...
لو تعرفوا مني زئير الاسد.............
عجبي!!!!!!!!

ياملونين البيض فى شم النسيم
لـون الحنين والشوق وخمـر النــديم
ما تـعـرفـوش سـايق علـيكو الــنبى
تــلونـو الأيـــام بـــلون الـــنـــعـــيم
عجبى !!!!

بين موت وموت ..بين النيران والنيران..
عالحبل ماشيين الشجاع والجبان.......
عجبي على دي حياة......وياللعجب........
إزي أنا.....ياتخين..... بقيت بهلوان..........
عجبي!!!!!!

العشب طاطا للناسايم ونخ
أخضر طرى مالهش فى الحسن أخ
عصفور عبيط أنا ... غاوى بهجه وغنا
ح انزل هنا ... وأنشا الله يهبرنى فخ
عجبى!!!!!!

من طرف زائر الإثنين نوفمبر 10, 2008 1:48 am

ولو اتضنيت وفنيت وعمري انفرط..
مش عاوز الجأ للحلول الوسط.......
وكمان شطط وجنون ما نيش عاوز...
يا مين يقول لي الصح فين والغلط.....
عجبي!!!!!!

من طرف زائر الإثنين نوفمبر 10, 2008 1:53 am

أنا إله الوجد رب الهيام.............
أضرب بسهم الوهم وهم الغرام....
وهم الغرام من كتر ما هو لذيذ.......
رشقت أنا ف صدري جميع السهام...
عجبي!!!!!!!!!!!!!

حتة محارة وجدتها فى يـوم لقية
قالت لى شوف كيف الطبيعه شقيه؟
نظرت للكهف اللى فيها ولقيت
إن الطبيعه كمان ...لا أخلاقيه
عجبى !!!!!!!ا

آه لو أنا ومحبوبي جزنا الفضا..
في سفينة وحدينا والأشيا رضا..
ساعة صفا تعجبنا نرجع لها......
والهم قبل ما بيجي يبقى مضى..
عجبي!!!!!!

مزيكه هاديه الكون فيها انــغمــر
وصيف ولـــيل وعقــد فــل وســمر
ياهلترى الناس كلهم مبسوطين
ويا هلترى شايفين جمــال القـــمر
عجبى !!!!!!!

الـمـوج تلول تـــهــبط وتــطلع تــلول
يــابحر خـــدنى الشط صااحبـــك ملول
والا بــلاش الشط ح اعمــل بــه ايــه
ده ريحتـــه طحلب مهـــرى وام الخلول
عجبى !!!!!!ا

إيـــديا فـى جيــوبى وقلــبى طــرب
سارح فى غـربــه بس مـش مغترب
وحــدى لكين ونسان وماشى كـده
وبابتعد ...ماعـــرفش ...أوباقــتــرب
عجبى!!!!!ا

من طرف زائر الإثنين نوفمبر 10, 2008 1:55 am

جالك أوان ووقفت وقفت وجود..
يا تجود بده با قلبي يا بده تجود..
ما حد يقدر يبقى على كل شئ...
مع إن....عجبي....كل شئ موجود...
عجبي!!!!!

من طرف زائر الإثنين نوفمبر 10, 2008 2:00 am

يـاللى نصحت الـناس بشـرب النبيت
مع بنت حلوه ...وعود ,وضحك وحديت
مش كنت تنصحهم منين يكسبوا
تمن ده كله ؟؟..ولا يمكن نسيت
عجبى!!!!!

كل اللى فى الخماره صـابهم جنـون
صـبحوا الرجال يتبـادلو كاس المنـون
وبـدم ونبيـت انكتب ع الجـدار
(يا ميت ندامه ع اللى قلبـه حنون)
عجبى!!!!!!!

يا وردة قلبي معاكي في الريح لعب..
لا تعبتي م الريح و لا قلبي تعب.......
احنا كدة :نرتاح في صخب الجنون......
و في السكون بنخاف قوي و نترعب.....
عجبي!!!!!!!

يــاللى عـرفت الحـب يــوم وانــطوى
حســك تقــول مشتــاق لــنبع الهــوى
حســك تقــول مشتـــاق لنبـــع الغــرام
ده الحب......مين داق منه قطره ...ارتوى
عجبى!!!!!!

ورد في ورق سلوفان يا حلوة اهديلك؟

و الا انقله بالطين في الشتلة و اجيلك

الأولاني لو وحا بحنــــــــــــــــــــــــــاني

عجبي على التاني بإيـــه يوحيلـــــــك
عجبــــــــــــــــــــــــــــــــــــــــــــي!! !!!!!

سنوات وفــايته عليـا فوج بعد فوج
واحــدة خــدتنى إبن والتــانـية زوج
والتـالتة أب خـدتنى والــرابعة إيه
إيه يعمل إللى بيحدفه مـوج لمــوج؟؟؟
عجبى!!!!

رباعيات جاهين

رباعيات جاهين

رد: رباعيات جاهين

رد: رباعيات جاهين

رد: رباعيات جاهين

رد: رباعيات جاهين

رد: رباعيات جاهين

رد: رباعيات جاهين

رد: رباعيات جاهين

رد: رباعيات جاهين

رد: رباعيات جاهين

رد: رباعيات جاهين

رد: رباعيات جاهين

رد: رباعيات جاهين

رد: رباعيات جاهين

رد: رباعيات جاهين

رد: رباعيات جاهين

رد: رباعيات جاهين

رد: رباعيات جاهين

رد: رباعيات جاهين

رد: رباعيات جاهين

رد: رباعيات جاهين

رد: رباعيات جاهين

رد: رباعيات جاهين