تجربه شخصيه

من طرف musa الثلاثاء سبتمبر 15, 2009 6:33 am

تجربه شخصيه

أحمد انسان بايظ فاسد وفيه عيوب كتير بس كان فيه جواه خير برده اصل كل الناس فيه جواهم خير بس بنسب مكنش بيصلي وكان بيعصي ربنا كتير ومكنش شايف غير نفسه بس
كان بيتعذب

وف يوم احمد قابل ولاء واتعرف عليه وبأوا اصحاب اوي وبعد كام شهر احمد قال لولاء صاحبه تعالي نروح اسكندريه ونعوم ف البحر ولاء قاله بس انا مش بعرف اعوم قاله متخافش هعلمك وعمري م هسيبك
وراحوا اسكندريه ونزلوا البحر ودخلوا جوه شويه احمد بيبص علي الشط لقي راجل لابس بدله فخمه وماسك ف أيده شنطه اول م احمد بصه الراجل لاحظ وبمنتهي الهدوء حط الشنطه جنب هدومهم اللي سايبينها علي الشط ومشي
وف لحظتها احمد دماغه سرحت .. اكيد الشنطه ديه مليانه فلوس كتير .. وقام طالع علي الشط وبيفتح الشنطه ملقاش فيها حاجه دي حاجه غريبه اوي وفجأه افتكر ولاء بيبص وراه ملقاش ولاء وبالليل كانوا بيطلعوا جثته من الميه

وبعد الحادثه ديه بكام شهر
أحمد وقع ف ورطه كبيره اوي وممكن يدخل السجن ومكنش فيه حل ينقذه من السجن ده غير فكره خياليه اوي حاجه هو هيعملها عمر م حد عمل زيها قبل كده وكان خايف الحاجه ديه تبوظ ساعتها هيدخل السجن ف قضيتين بدل قضيه واحده
ف الوقت ده دعا ربنا انه يساعده وقال يارب ساعدني وانا عمري م هتكلم ف الموضوع ده ولا هقول انا عملت
وفعلا اللي هو عايزه حصل وربنا سترها معاه
بس هو قال وحكي انا عملت كده ونسي ربنا عمله ايه ووعده هو كان ايه
وبعد كام يوم حلم حلم غريب
حلم ان فيه نحل بيقرب منه عايز يقرصه بس مبيقرصوش وهو عمال يشوح بأيده يمين وشمال
قام م النوم مش فاهم حاجه خالص
ف اليوم ده اتكشفت لعبته وربنا رفع ستره عنه ودخل السجن
وف السجن عاش اسوء أيـام حياته وفضل يفكر ليه اللي حصل ده حصل
ساعتها افتكر صاحبه ولاء اللي سابه يغرق وقال ده ذنبه
وبعد شويه أفتكر وعده مع ربنا اللي هو خلفه
ساعتها ابتدي يشوف كل حاجه كان بيعملها وحياته كلها من اولها لاخرها بتتعرض قدامه زي شريط فيديو وشاف حاجات كتير هو غلط فيها وأذاي ربنا كان ساتره
عرف يعني ايه ان ربنا اسمه الكبير واسمه الحليم واسمه الكريم ورجع لربنا وابتدي يصلي
كان بيصي علي طول وبعد شويه باه يفوت فروض بس كان بيرجع تاني
وف يوم أفتكر الحلم اللي كان حلمه
وجاب كتاب تفسير الأحلام ولقي فيه الحلم ده بالنص وتفسيره كان مفجأه ليه
التفسير بالنص كان كالتالي
فإن أجتمع عليه النحل فإنهم يتعاونون ويصيبه منهم أذي
ساعتها عنيه دمعت وعرف انه كان ماشي م الأول ف طريق غلط وكان لازم يتغير ابتدي يواظب علي الصلاه من تاني ويعمل خير علي أد م يقدر وبأه كل حاجه عايزها كان بيدعي ربنا انه يديهاله وكان ربنا بيستجيبله سبحان الله
كان عنده يقين من جواه ان ربنا هو ملك السموات والأرض والدنيـاديه كلها متساويش عنده حاجه كان متيقن من ديه من جواه وعارف ان ربنا كبير مش هيرده مهما هو كان عاصي وبيعمل ذنوب

والأيام مشيت كمان شويه
ورجع يفوت فروض وساعات لما كانت حاجه بتحصل كان بيقول انا اللي عملتها بس بعد شويه بيرجع لربنا تاني وهو ده حاله لحد اللحظه ديه

من طرف **Crespowbas** الثلاثاء سبتمبر 15, 2009 9:22 pm

يواد يـاجامد انت

القصه كويسة قوى وفيها موعظه ولازم احمد ياحفظ على الوعد اللى اخزة مع ربنا ومايحولشى ينقضة ولا يحاول يمشى فى طريق غير طريق ربنا اللى نجاه من حاجات كتير منها اللى حكتها ومنها اللى هو نفسة مايعرفوش

ارحمنا يارب واهدنا

كويس الموضوع دة قوى يـاموسى بارك الله فيك

من طرف Waleed السبت يناير 09, 2010 11:10 pm

فيه ناس مبترضاش الخير لنفسها ف مبتلاقيش غير حقيقتهم قدامهم

الحمد لله علي كل شيئ

من طرف brilliant star الأحد يناير 10, 2010 4:29 pm

موضوع رائع
وبيحمل افكار ومواعظ كتير لازم الانسان ياخد باله منها
جزاك الله كل خير

من طرف Waleed الخميس يناير 14, 2010 3:52 am

بس انا عايز اقول ده مش موضوع هياخد ردود
د كل حرف فيه حقيقه
مع القياس طبعا

من طرف yusuf الجمعة يناير 29, 2010 3:28 pm

يعني يـاموسي انت حصلك حاجات وحشه عشان انت خلفت وعدك مع ربنا
سبحان الله سبحان الله سبحان الله

يبأه لازم ناخد بالنا وإن كان فيه حد قطع علي نفسه وعد مع ربنا
لازم يتمه
وإلا ربنا هينتقم منه

استغفر الله العظيم استغفر الله العظيم استغفر الله العظيم

من طرف ipi الخميس أكتوبر 07, 2010 12:50 am

يارب انت عارف الضغوط كانت عليه أد ايه
ومقدرتش أسكت رغم اني قولت هسكت
يارب تسامحني وتغفرلي وتعفو عني وتساعدني فاللي في نفسي وميعرفوش غيرك انت يارب وتيسرهولي إن كان يرضيك يارب
آمين

من طرف yu_suf السبت أبريل 09, 2011 8:46 pm

آمين
أهم حاجه أصلاح النيه

بسم الله الرحمن الرحيم

" وأُحِيطَ بِثَمَرِهِ فَأَصْبَحَ يُقَلِّبُ كَفَّيْهِ عَلَى مَا أَنفَقَ فِيهَا وَهِيَ خَاوِيَةٌ عَلَى عُرُوشِهَا وَيَقُولُ يَا لَيْتَنِي لَمْ أُشْرِكْ بِرَبِّي أَحَدًا

وَلَمْ تَكُن لَّهُ فِئَةٌ يَنصُرُونَهُ مِن دُونِ اللَّهِ وَمَا كَانَ مُنتَصِرًا

هُنَالِكَ الْوَلايَةُ لِلَّهِ الْحَقِّ هُوَ خَيْرٌ ثَوَابًا وَخَيْرٌ عُقْبًا "

صدق الله العظيم

من طرف yu_suf الخميس مارس 14, 2013 3:34 am

مش غريبة عليه ان حكاية من حكاياتي تعجب الناس ومكانتش اول مرة

تجربه شخصيه

تجربه شخصيه

رد: تجربه شخصيه

رد: تجربه شخصيه

رد: تجربه شخصيه

رد: تجربه شخصيه

رد: تجربه شخصيه

رد: تجربه شخصيه

رد: تجربه شخصيه

رد: تجربه شخصيه

رد: تجربه شخصيه