بصراحة أنا كرهت المنتدى ....

السلام عليكم ورحمة وبركاته

طبعا العنوان غريب ، ممكن ، بس الصراحة أهم حاجة ، ومعروف طبعا إن الصراحة بتزعل أحيانا .. لأني عارف أن الحقيقة هي الحاجة الوحيدة التي لا يصدقها الناس . أما المجاملات فأنا بكرها وبكره اللي بيجامل حتى لو أخويـا

وعشان كده أنا كرهت المنتدى .. وهاقولكم ليه بس عدو معايـا

1- من فترة كبيرة ومحدش بيدخل غيرى أنا والأخ حمدي وزي ما أنتم عارفين ..بس الحال تحسن شوي ( ركزوا في دي عشان هاحتاجها بعدين ) راجعوها مع بند ( Cool

2- لا يوجد تطوير بالمنتدى وده ملاحظ عليه جدا من قبل المديرين ولا المشرفين ( الإداريين يعني )

3- المفترض أن المنتدى له أكثر من مدير وبالتالي في غياب واحد لازم التاني يكون موجود ومتابع المواضيع أولا بأول عشان المواضيع المكررة وطلبات الأعضاء وكده يعني .. ولكن للأسف كل حين وفين لما مدير يدخل ويسأل عنه

4- المواضيع لا هدف لها كلها وحشتني ووحشتك ، وعاملة إيه وعامل إيه ،

5- المفترض أن منتدى علوم بنها .. المفترض يكون له نصيب من اسمه ، يعني مفيش أي حاجة عن كليتكم نهائيـاغير التعب والنكد بسببها ، أما تطويرها حل مشاكلها مش موجود ..

6- بالنسبة للمشرفين .. طبعا لحد الأن ماشوفتش غير المشرف العام ومهمته تكاد تكون معدومة ، يدخل يطل ويخرج دون إفادة ، وطبعا الدتوووووووووووووووووووووووووووت والخروج بيتعرف ... بمعني أصح ( الكورة في ملعب المشرفين )

7- عدم فهم كيفية التعامل الإداري للمنتدى من الجميع المديرين والمشرفين .. معروف طبعا عند وجود مشاركة سيئة يجب اتخاذ اللازم .. ايه هو اللازم في نظر المديرين والمشرفيين .. الحذف طبعا وده عمره ما بيحل .. ولكن الصحيح أن تبقى المشاركة كما هي ولكن تحذف الكلمات المسيئة فقط ويوضع مكانها علامة الهاش ( ###### ) مظللة باللون الأحمر ، لأن اللون الأحمر خاص بالمديرين والمشرفيين .. وإن حب المدير أو المشرف يكتب سبب التعديل مفيش أي مانع

8- ودليل كمان أمبارح في موضوع اتكتب أكثر من مرة ، رديت أنا على واحد منهم ( اللهم أنت حسبي ونعم الوكيل ) ودخل حمدي رد عليـابكل أدب ، ودخلت رديت عليه أيضا ، وطلبت من الإدارة تحذف المكرر منه .. العقل بيقول نحذف أي واحد .. نحذف اللي ما تردش عليه .. ولكن للمديرين والمشرفين وجهة نظر أخرى .. وطبعا مقدرش أتكلم .. حذفوا اللي اترد عليه وياريتهم حذفوا الباقي وسابوا واحد بس لأ ... سابو الباقي زي ما هو ... فهل ده للسلطة الخاصة بتاعتهم ، أم أن هناك من لديه مصلحة أن أكون أنا وحمدي في سباب ومشاكل على طول .. فمعجبوش أن حمدي يقول عني أخوه وحبيبه ، وأنا أرد عليه بنفس الأسلوب .. ؟؟! طبعا الجواب : الله أعلم

9- الأسلوب الاستفزازي المعهود ساعة وجود الأعضاء بكثرة ، بمعني أصح الكل بيحب يتفرد ويتني على حساب غيره .

10- ودي الأخيرة .. أنا بعتذر للشرفاء بس ..

يا مديرين ويـامشرفين

مستعد لأي حاجة وهاقبل أىىىىىىىىىىىىىى حاجة

تحياتي الدائمة

وشكرا

من طرف **MOoON Light** الإثنين أبريل 19, 2010 1:55 pm

انا هقووول لحضرتك ليه انت كرهت المنتدى ومش انت لوحدك

ويمكن حضرتك ذكرت السبب ف كلامك

المنتدى بجد جه فالفترة الاخيرة ومبقاش فيه غير خلافات ومشاكل وبس

وال يدخل يدخل عشان يعمل مشكلة

ف طبيعى لما حد يدخل ع المنتدى ويلاقى كمية المشاكل دى عليه هيقوول طب وانا ليه أوجع دماغى ب دا كله
ويخرج تانى من المنتدى

انا عن نفسى مكنتش بدخل غير عشان احذف شويه ردووود (بعكس كلام حضرتك)بس للاسف جه فترة ويأست ومكنتش عارفه احذف ايه ولا ايه!

فياااااااااااااااااااااااااااااااريت فعلاااااااااا علشان المنتدى ع الاقل يرجع زى ماكاان اى خلافات او مشاكل تتحل ودى وبلاش الكلام فالمواضيع

وأتمنى ان باذن الله تعالى نرجع اخوااااااات كلنا تانى ع المنتدى

من طرف BoRn.To *FlY الإثنين أبريل 19, 2010 2:12 pm

[]الحل بسيط خالص..جربوا تعملوا حاجة جديدة(أفتكاسة)يعني ..أتقابلوا وفكروا في تجديد

اللي شايف أن في حاجة مش عجبته..لازم هو اللي يغيرها..هى مش هتتغير لوحدها[/size]

أتمنى .................... والله

بس بصراحة حاجة تخنق أوي كل ما ألاقي عضو واحد داخل ب30 اسم
مش حاجة تخنق ولا ايه ؟
يعني هو منتدى اشتغالات ... ولا منتدى لنشر الفائدة
شكرا على مروركم الطيب

من طرف **MOoON Light** الإثنين أبريل 19, 2010 7:27 pm

هوو أكيد طبعااااااااااااا دا مش منتدى اشتغالات
وطبعا مش صح ان حد يدخل بأكتر من أكونت
بس لما تحصل حاجة زى دى مش نحاول نخليها حاجة تضايقنا او تعملنا مشاكل
انا متأكده ان صاحب اكتر من اسم عالمنتدى لو فضل كدا اكيد هوو نفسه هيزهق

جميل جدا

وإن شاء الله مفيش حاجة هاتعمل مشاكل تاني لأني خلاص
المشاكل أتحلت من فترة قريبة ، وما زلنا قائمين على حلها حتى تتنتهي
المهم .........
نبدأ بالمشاركات الفعالة والمفيدة والمضحكة والإخبارية وكل شيء
ومش لازم نبص للي هايدايقنا
...........................
تحياتي
أبو معاذ الأنصاري

بصراحة أنا كرهت المنتدى ....

بصراحة أنا كرهت المنتدى ....

رد: بصراحة أنا كرهت المنتدى ....

رد: بصراحة أنا كرهت المنتدى ....

رد: بصراحة أنا كرهت المنتدى ....

رد: بصراحة أنا كرهت المنتدى ....

رد: بصراحة أنا كرهت المنتدى ....