انا وشادي

من طرف Waleed الأربعاء أبريل 21, 2010 12:11 am

من زماااااااااان..كان فيه صبي..كان..أسمه شااااااااااااادي......

وشادي بيحب يلعب..وكان عنده ألعاب كتير...

وف يوم شادي عرف أحمد..وبقوا أصحاب..وبيلعبوا مع بعض كتييييييييير......

ومره أحمد شاف لعبه مرميه ع الأرض بعييييييييييييييييييد أووووووووووي.....

سأل شادي..هي اللعبه ديه بتاعتك؟

ف شادي قاله..لأ..دا أنا لقيتها أتحدفت عليه من السما..لعبت بيها شويه...وبعدين زهقت..رميتها....

ف أحمد قاله..طب أنا عايزها..أنتا عايزها؟

شادي..لأ..

أحمد..هتزعل لو أنا خدتها؟؟

شادي..لأ....

ف راح أحمد عشان ياخدها...

ووصلها..ووقف قدامها...وبعدين بص وراه ونادي علي شادي وقاله بصوت عالي..أنا واقف قدامها دلوقتي يـاشادي..لو أنتا عايزها..أنا أسيبها وأمشي...

شادي سمعه ورد عليه..لأ يا أحمد..أنا معايـالعبه حلوه أوووووووي دلوقتي..

ف أحمد سمعه وبعدين مد أيده مسك اللعبه..وكان شكلها حزين أووووووووي...ف حاول يغير شكلها بشكل تاني...

بس وهو بيعمل كده..لقي طوبه أتحدفت عليه جت ف أيده..واللعبه وقعت ع الأرض وحاجه فيها أتكسرت...

ف رجع شالها..هيصلحها م الأول تاني...فيلاقي طوبه تانيه أتحدفت عليه..جت ف دماغه عورتها...

ساعتها أحمد حس أن ربنا مش عايزه ياخد اللعبه ديه...وقرر أنه يسيبها ويمشي..يمشي بعد م تعب معاها أوي...

بس قبل م يمشي فكر..فكر ف شادي قال لنفسه..ممكن ف يوم شادي لعبته توحشه فيرجع عشان يلعب بيها..فهيلاقي شكلها متغير..لأ أنا لازم أرجعها زي م كانت..عشان شادي صاحبي لو جه..يلاقي كل حاجه زي م هيه..متغيرتش...

وأبتدي يصلح فيها تاني..ويرجعها لشكلها الأولاني...بس اللعبه مرجعتش أوي زي الأول..أصلها لما وقعت من أحمد لما الطوبه جت ف أيده..أتكسر فيها حاجه...

بس أحمد عمل كل حاجه عشان يرجع شكلها زي م كان..ومشي وهو حاسس أنه بوظ حاجه لصاحبه..حاجه هو مش عايزها..وعمره م هيرجع يدور عليها..بس أحمد حس أنه مكنش كويس مع صاحبه..وحس برده أنه محافظش ع اللعبه اللي كانت ف أديه..

ومشي...مشي وهو حاسس أنه عمل حاجه وحشه أوي عمره م عمل زيها ف حياته...

وبعد م مشي شويه..أفتكر أنه نسي ساعته ع الأرض هناك...فيرجع يدور عليها...عشان يشوف شادي واقف...وماسك اللعبه ف أيده بيحضنها وبيضحك ويقول..قال ياخدها قال.......

ومن ساعتها...وأحمد ميعرفش شادي...

وتوته توته....فرغت الحدوته.....

حلوه ولا ملتوته؟

من طرف mousa السبت يوليو 17, 2010 5:39 pm

بص يا وليد أحمد كان جدع عشان قال لصاحبه وخاف عليه
ومحدش يقدر يلوم عليه

انما المشكله كملها ف شادي دلوقتي
نفسه يثبت لنفسه أنه أحسن من أحمد بأي طريقه خصوصا بعد مخد علي أفاه ف أخر جوله
زي م هو علي طول بياخد علي أفاه لما يحط راسه براس أحمد
عقده نفسيه شوفتها ف ناس كتيييييييييييييييييييييير ملهاش علاج

بس المرادي نهايته هتكون عبره لمن يعتبر ومن لا يعتبر إن شاء الله

عشان امه تفرح بيه

انا وشادي

انا وشادي

رد: انا وشادي