حلم طوييييييييييييييل

يسير خلف حلمه الطويل
ما معناه ؟؟؟
تتعبه كثيرا علامات الأستفهام
وسؤال بلا إجابه


وبعد ايام يستيقظ من نومه علي تليفون من شخص ما وبعد أنتهاء المكالمه يدرك شيئا فيعاود الأتصال بالشخص المذكور ويوجه إليه أنتقاد كبير وهو من هو
ثم يضع حاجاته في شنطته ويخرج من بيته مسافرا وهو غاضب من فعل صاحبه

لكنه لم يسافر مباشرة فكان عليه أن يقوم بعمل ما

وفي طريقه ولازال يفكر فيما حدث له مع صاحبه يشعر انه حلمه السعيد يتحقق اليوم فهذه هي البداية..
ويزداد عزمه علي فعل ما اقدم عليه وهو يفكر فيما قد يحدث من أشياء سارة

ويصل إلي هناك
لكنه لم ير من جاء من أجله فينتظر قليلا ثم ينتظر كثيرا
لا يمكن لابد أنه موجود وسأراه
ثم يفقد الأمل ويقرر الرحيل
وفي أثناء خروجه يراه
كما رآه
نفس الطريقة ونفس المفاجأه

انه يوم الأحلام الجميله

يقترب لا يقترب
ثم يقترب

ولكنه يجد عكس ما يتوقعه
عكسه تماما
ماذا هناك
كل المؤشرات كنت تشير إلي شيئ آخر
وما رآه
ما معناه وما تفسيره
لابد وأن تفسيره شيئ سيئ جدا

ثم اكمل رحلته إلي بلاده البعيده وهو لا يعلم شيئا عن أي شيئ

وجلس وحيدا في شقته يفكر

وإذا به يدرك شيئ خطير

فما رآه لم يكن معناه شيئ حسن

لكن ما رآه كان يعني شيئ آخر

ثم تذكر صاحبه الأول الذي كان سببا في غضبه في البداية
ما اسمه
هذا الأسم ينطبق علي شخص اخر سفيه أيضا

وبعدما اعتقد يقينا انها النهاية عاد إليه الأمل من جديد

الصعوبات اللي واجهتني كانت كتير كتير بجد

ناس كدبوا كدبه وصدقوها وللأسف كل الناس صدقوها وعايزين يطنططوا فوق كتافي

وناس تانيين عايزين يعرفوا انا مخبي ايه في موضوع معين
من قدامي يضحكولي ومن ورايا يضحكوا عليه
وانا شايفهم ومش عاملهم وزن

واللي فيه بيني وبينه تار قديم وقدامه فرصه من دهب عشان ياخد حقه المزعوم
واللي كل الأحداث والنكبات خلته فنظر كل الناس مش مزعوك دا حقيقي

واللي كان حاططني ف دماغه من زمان اوي بس مش راضي يقول ولا أعرف عشان ايه مع انه بيقولي عشره


الخلاصه

الدنيا كانت متكهربه خالص

واللي ذود الامر تعقيد أني مش بعتمد علي حد
ومش بقرب من حد ولا عايز حد يقرب مني

اصل الناس فكروا ان هما ليهم فضل عليه في شيئ وان انا كنت مدينلهم بشيئ انا معرفوش واني طلعت مستاهلش

عشان كده كان لازم أفضل لواحدي علي طول لا أعتمد علي حد ولا يهمني حد
اللي عايزني يجيلي


فكان الموضوع صعب جدا جدا جدا لأقصي حد

إذاي هعرف أيه اللي بيدور حوليه
وأيه اللي بيتدبر
وأأدر أدافع عن نفسي أذاي

كل ده بعد حكايه طويله قضيتها هنا لعبت فيها بكل اللي حول يلعب معايا زي اللي بيلعب كوتشينه كده
وأيه انتوا كلكوا عليه ولا أيه ههههههههههه
وأدخل ده فده
وألمهم كلهم يقفوا قصادي وأفرقهم
واوزعهم
وأحيد ناس
وأعادي ناس

بس الحقيقه كان ليها شكل تاني ياصحابي
كانت صعبه اوي

كنت اقف فوق في مكان عالي أتفرج عالمسرح الكبير
كنت كل ماجي اقف اتفرج علي تمثليه شكل
وكل شيئ له معني

والغريبه اوي اوي اوي
رغم اني كنت لوحدي
قاطع كل العلاقات بجد


ومع كده
كنت بعرف دبة النمله

وف يوم بعد كام يوم وقبل محد يقول حاجه
عرفت أن السكينه اللي رمتها من علي بعد 300 كيلو متر مربع دبحت اتنين

قط وفاره

وأتأكدت لما شوفت الاشاره

عارف ان ديه كانت محاوله ناجحه اوي لأثبات الزعامه بين اتنين ورد علي ضربه قديمه وكمان التأكد من صدق كلامي اللي هو كله حوارات ههههه
ويمكن كانت محاوله للاعتذار برده مش مستبعد

بس كان الموضوع بالنسبالي انا حياه او موت
اللي انا فيه ده ايه
حق ولا الشيطان بيلعب بيه

وطلع حق
والحمد لله

وبعد مكنت زعلان اوي اوي
بقيت فرحان اوي اوي


أعصابي باظت بجد ف الموضوع ده

وقولت لنفسي
بس خلاص يا واد الدنيا هتحلو اهيه وخلاص باه هو فيه اكتر من كده

والغمه انزاحت
والحلم هيتحقق أهوه
بس هي تكه

لكن وزي مقولنا قبل كده
في كل خرابه لازم يطلع عفريت
بس فالخرابه ديه طلع عفاريت كتير

وده كان اول عفريت

والظاهر ان العفاريت ملهاش شغلانه غيري
أطلع من نقره ألاقي دحضيره

وف الأخر خالص بدور علي ايه ؟؟؟؟
حاجه غير اللي انا عايزها خالص
قدري كده هعمل ايه

ما كان لشيئ أصابك ان يخطئك
وما كان لشيئ أخطأك ان يصيبك

ولو عدناها الف مره

واهي حكايه
متهيألي اني عايش في سلسلة حكايات
بس دي أغرب واحده فيهم

دايما اخر واحده بتبأه أغرب واحده
لحد اللي بعدها متيجي
الحكايه


سطرين فضفضه
بحب الأستقرار وبتكلم عنه كتير عشان مش عايشه مفتقده
بس لما قليل اوي بلاقيه بزهق منه بسرعه وبسيبه وبعدين ارجع بسرعه احنله تاني بس بيبأه صعب الاقيه

بسم الله الرحمن الرحيم

"وَأَمَّا بِنِعْمَةِ رَبِّكَ فَحَدِّثْ"

صدق الله العظيم


في الوقت اللي كل شيئ فيه كان ممزق وكل العلاقات مقطوعه ومفيش اي أمل أن حد يعرفني ايه اللي بيدور حوليه ولا حد يساعدني

ملقتش غير ربنا سبحانه وتعالي وحده هو اللي بيساعدني

واللي معاه ربنا عمره ميخسر

مهما يحصل فالأخر بيكسب


الموضوع ده مبتداش من اليومين دول أبتدي من زمان أوي

بس مخدش بالي منه غير من فتره مش بعيده

محدش بيعرف الغيب غير ربنا سبحانه وتعالي

ومهما تشوف برده مش هتعرف إلا لما ربنا يهديك لحاجه

ورغم اني حققت حاجه كبيره جدا عن طريق حلم انا شوفته أو جزء منه أصله لسه طويل

مع كده

كنت بخرج من مطب أقع في مطب تاني

يعني معرفش حاجه برده

بس انا بطبعي متسرع

كل ده مفيش فيه مشكله
دا نعمه من ربنا

نعمه كبيره أوي
فالوقت اللي كله متخلي عنك ربنا بس وحده هو اللي معاك

والناس يتفقوا ويرسموا خطط ويمكروا مكر كبير ويفتكروا انهم فلحوا فيه وعرفوا يوصلوا للي خططوله
كل ده فثانيه بينقلب عليهم ويأتيهم العذاب من حيث لا يشعرون

في يوم من الأيام اتكلمت عن مصيبه حصلت وقولت يا جماعه ربنا هو اللي عمل كده

وكل اللي بقوله دلوقتي ولأول مره بيأكد كده

والحمد لله



المشكله في حاجه تانيه
ياصحابي

كل كلمه بقولها
بقولها بضحك بتهريج
بجد
بحكي
بتكلم
بألف

بتحصل

وده دخلني في طريق تاني
مليش علم بيه

أبتديت أشوف الدنيا بشكل تاني

الكون دا كل شيئ فيه أشارات وعلامات وأعلان عن حاجات بتحصل أو هتحصل لفرد أو لمجموعه أو لبلد كامله
وأبتديت أتعلم في الاشارات ديه
وأدخل في الطريق ده أوي
واتعلمه لوحدي
أصلا مين هيعلمني الكلام ده

وابتديت اصيب في حاجات وأغلط في حاجات

كنت أقعد مع الناس وأنا معرفهمش بس أعرفهم
أعرفهم ودي أوي مره أشوفهم فيها
وأعرف تفاصيل وأدق تفاصيل في حياتهم

الاشخاص صفات
المرابي له صفه وشكل وطريقه

والكداب والمنافق

والملك له علامه

الحكايه المرادي غريبه اوووووي
وتعبت أوي
وكان أقصي تعب لما أبقي عايز اعرف اللي انا فاهمه ووصلتله ده صح ولا غلط
وكنت بغلط وبأصيب

الكون كله علامات وخطوط
لكل البشر

يعني عدد سكان الأرض 6 مليار

اللي ليه في العلامات والخطوط ديه 1 ÷ 6 مليار

هعرف اللي يخصني واللي ليه وأقدر أفرقه عن اللي لناس تانيه منين

السكه التانيه ديه اسمها طريق الكهنه لما أجري وراها

مليش علم بيها

لازم أبعد

ولو أعتقدت في شيئ متكلمش لأن ببساطه أوي يطلع ولا حاجه رغم أن فيه حاجات كتير صدقت

لكن كذب المنجمون ولو صدقوا

الشيطان دخلي من طريق قريب أوي

شيطان باه

استغفر الله العظيم

وأعوذ بالله من الشيطان الرجيم



لكن فهمت شيئ عظيم اوي



ان ربنا سبحانه وتعالي له سنن
أحنا العميان مفكرين أن اللي بيحكمنا قانون البلد أو العرف أو أي قانون تاني وضعي أحنا فرضناه علي نفسنا وفرضنا أننا نتعامل بيه
لكن ياصحابي القانون الحقيقي اللي بيحكم في كل زمان ومكان هو قانون ربنا سبحانه وتعالي بس أحنا مش واخدين بالنا
ودا إن شاء الله اللي هحاول أتكلم فيه
وخلاصة التجربه
والصوره الصح لكل اللي احنا عايشينه ومشتركين فيه ومتسببين فيه
ووصلناله أذاي
وواجبنا ايه
وعايشين ليه



مبدأ عندي
ودا مبدأ بجد
اللي تفهمه لازم تنفذه طالما انت متأكد أن أنت صح
هتلاقي نفسك مشيت في طريق معين
شويه هتلاقي ان حاجات من اللي انت كنت فاهم انها صح طلعت غلط
صلح الغلط ومتكابرش
هتلاقيك دخلت فطريق تاني أصح باه
وهتفهم حاجات وتعرف انك كنت غلط في حاجات
صلح ومتكابرش وأستغفر ربنا
هتلاقي طريق تالت أصح

وهتوصل ف الأخر لأيه

هتوصل لاصل أشياء كتير
وتعرفوا أن اللي عايشينه دلوقتي ده والجو العام جو الجاهليه
وأننا علي ظلم عظيم
مبنظلمش غير نفسنا
ودا اللي وصلنا للحال اللي أحنا فيه ده في كل حاجه
الدنيا بايظه من أكبر واحد لأصغر وواحد
والضعف والجبن والفقر كل ده نتيجه طبيعيه
بس هتتعدل
لأن ده وعد ربنا سبحانه وتعالي
أحنا في نهاية العالم
اللي عايز يسد ودانه يسد واللي عايز يغمي عنيه يغمي بس هي ديه الحقيقه


حقيقه
ممكن موضوع صغير خالص
يوصلك لحقيقه كبيره أوي

زي مالذره اللي هي أصغر شيئ لها إلكترونات بتدور حوليها فمدارات
زي مالشمس اللي هي أكبر شيئ لها كواكب بتدور حوليها ف مدارات

عشان يفهم حاجه كان محتاج وقت كبير اوي
وأول م فهم أخيرا
كان المشهد خلص

وبنتكلم دلوقتي في المشهد التالت
واحد أعرفه شوفته مره واحده
أسمه مثلا أحمد محمد أو أبراهيم عادل
حاجه كده أعرفه بأسمين
وبيقولي انه هيشتري مني حاجه او هياخد حاجه

كنت فاكرها حاجه كويسه بس فحاجه تانيه

الأسم له شقين
أسمه وأسم أبوه

أسم أبوه
كان علي أسم واحد صاحبي
مهتمتش بالشبه البسيط ده اللي وارد جدا عادي يعني إلا لما كلمني صاحبي بعدها بفتره علي شغل
وقالي الظروف والحكايه وحاجه مؤقته بس مش عايز أقعد في البلد
وجه اشتغل معايا
حسيت انه خير ودا المعني
ودخلت معاه في مشاكله الكبيره
وبعد شهرين ساب الشغل لما المشكل هديت ولقي شغل بشهادته مع ان الشغل معايا كانت فلوسه اكتر ومريح وفيه مصالح كتير
بس كان لازم يبأه قريب من البلد عشان متحصلش مشاكل تاني

والأسم الأولاني بقي

كان علي أسم واحد عرفته في كفر الشيخ
وكان نفسي يجي يشتغل معايا حسيت انه بيفهم
بس هو كان بيلاوعني كتير

لحد مجالي لوحده وأتصل بيه وقالي انه جاهز
ساعتها قولتله انا لو كلمت الناس مش هينفع بعد كده ترجع فكلامك وتقولي أصل وفصل
قالي لأ أخر كلام
وفعلا كلمت الناس وراح قابلهم
وقدم الورق بتاعه وكل حاجه

كنت متفائل أوي
وقولت خير

بس أتفاجئ انه يوم ممالمفروض يجيلي يستلم الشغل أنه مجاش
أتصلت بيه خير
قالي هاجي بكره
وجه بكره بس هو مجاش

سكتت
وبعد يومين حصلت حاجه غريبه
لقيته بتتصل بيه ولما رديت لقيت واحده بتكلمني وتقولي أنها اخته وأن هو ممسوك تحري وعايز شهادة الجيش ضروري وأن هما مش هيسيبوه إلا لما يجيب الشهاده وإلا هتحصل حاجات كتير

طبعا حوار هو عايز يخلع بس مش قادر يكلمني
خايف من المكان الجديد يقع فيه خصوصا انه كدب كتير وقال انه معلم كبير وهو مش معلم لا حاجه

نفضت يومين
قولت أسيبه في الحبس يومين هههههه
كلمتني تاني
وقالتلي دا هو لسه في الحبس وساعدنا معلش
وتاني يوم كلمتهم يبعتوا الورق كله وحكتلهم اللي حصل وحقكوا عليه طلع صغير
قاموا بعتولو الورق


يعني ايه كل ده

وبعدين بعدين أفهم أني كان بيتلعب عليه لعب كبير أوي ومكر شيطان

مش بقولكوا العفاريت كتير المرادي

والسؤال اللي بسأله لنفسي دلوقتي

كل ده كان ليه
والله كل ده ربنا هو اللي هداني ليه وفهمهولي
وموصلتش برده للي أنا عايزه
للي كل الموضوع بيدور حوليه؟؟
حكمة ربنا فكل ده أيه؟؟
ممكن عشان أقوله دلوقتي عشان الناس تفهم أن ربنا مش فالأخره بس
دا ربنا هو اللي ممشيلنا حياتنا كلها
ممكن
مع اني المفروض متكلمش

ممكن برده تأكيد لكلامي القديم أوي اللي عدي عليه سنه دلوقتي
ممكن برده

انا بتكلم فحكاية 8 شهور
وممكن يكون لسه فيه تاني حاجات مفهمتهاش

التفاصيل صغيره أوي
تفهم منها لأسرار كتير
ناس معرفهمش ومقابلتهمش لسه
وحياتهم كلها قدامي كده كتاب مفتوح
وهما مفكرين نفسهم شاطرين

زي اللي مستخبي من واحد وبيبص عليه بطرف عنيه لحد ملقاه مشي ويبص يمين ويبص شمال وحس انه فأمان وفرح انه عرف يستخبي منه
كان التاني بأه ممشيش بس واقف فوق لا علي يمينه ولا علي شماله

بس السؤال برده ليه يستخبي وليه يحط نفسه ف موقف كده
وليه ربنا يحطني انا في سكتهم
وليه يعيني عليهم بالشكل ده
ممكن انا ظلمت حد وبيحصل معايا كده بس انا مكدبتش ومألفتش ومعملتش أفلام
معتقدش
بس ممكن تكون حاجه تخصهم هما وربنا بيخلصها منهم ولسه فيه تاني
والله أعلم
حكمة ربنا برده اللي لسه مفهمتهاش
دايما الميزان ده بيطلع مظبوط
بس لحد لوقتي معرفش الكفه هتنزل لصالح مين أو نزلت لصالح مين
او ممكن نقول الكفه لحد دلوقتي عليه انا
انا خسران
لأني مهما كسبت أو خسرت
طالما موصلتش للي أنا عايزه
مبحسبوش مكسب او خساره

بس ممكن بعدين يبأه مكسب لأنه مكنش ينفع
ينفع اذاي بعد كل ده
دا مينفعش خالص
والفكره ديه مش من النهارده ولا من امبارح ده من فتره طويله
بس انا بحب اللعب واللعبه مكنتش لسه خلصت

عارف اني خسران من زمان