ربنا الودود

لا إله إلا الله وحده لا شريك له له الملك وله الحمد يحيي ويميت وهو علي كل شيئ قدير

عندما تقول
لا إله إلا الله

فأنت بتنفي عن نفسك الكفر بالله

وعندما تقول
وحده لا شريك له

فأنت بتنفي عن نفسك الشرك بالله

وعندما تقول
له الملك

فانت تقر بأن كل شيئ ملك لله

وعندما تقول
وله الحمد

فكل خير منه فله كل الحمد

وعندما تقول
يحيي ويميت

يحيي الجبار ويميته ويحيي الصالح ويميته
ويحيي أمور ويموتها ويحييها تاني
يحيي الارض بعد موتها

وعندما تقول
وهو علي كل شيئ قدير

لا يعجزه شيئ


معني وفوائد ذكر الله

عندما تكون مؤمن بالله أيمانا يقينيا وتعلم كويس أنه موجود يدير الكون ويدبر شئونه وأنه ليس لك من الأمر شيئ وأن الأمر كله لله مهما تعمل ومهما تحاول
فأنت ساعتها مدرك قوة الله سبحانه وتعالي مدرك أنها قوه كبيره جدا أكبر من أنك تدركها
وربنا بيقول في حديث قدسي
"يابن آدم سر في طاعتي يطعك كل شيئ"
وهو الحق
وهو الرحمن الرحيم
غافر الذنب وقابل التوب شديد العقاب
هو السميع القريب المجيب
هو الودود
فذكرك لله نوع من الود لله والتقرب لله
وصفات ربنا بتدل عليه
الكريم
أنت توده وتذكره وانت مؤمن بيه وتعلم قدرته التي لا يمكن أن تدرك مداها
فربنا أيضا بيودك ويحبك ويكرمك وييسرلك أمورك ويخلي الناس كلها تحبك
فنذكر ربنا كتير أوي
تخيل كلام تقوله وانت عارف معناه وانت ماشي وانت رايح ولا جاي تقوله
سبحان الله سبحان الله سبحان الله
يعني بأختصار متفرد في كل شيئ ليس كمثله شيئ في رحمته وكرمه وقوته وكل شيئ
الحمد لله الحمد لله الحمد لله
علي نعمته علي أديه ورجلي ولساني وعمله وأهلي وكل شيئ وإن تعدوا نعمه الله لا تحصوها
الله أكبر الله أكبر الله أكبر
الله أكبر من كل شيئ الله أكبر من كل الناس الله أكبر كل مشاكلي الله اكبر من كل شيئ

وربنا الودود

يذكرك أحسن مما تذكره ويكون معاك
يجعلك محتلف
يزيدلك نعمه عليك
يقهر أعدءك

قال تعالي في حديث قدسي
"من ذكرني في نفسه ذكرته في نفسي ، ومن ذكرني في ملأ ذكرته في ملأ خير منهم"

قال رسول الله صلي الله عليه وسلم
"وآمركم أن تذكروا الله فإن مثل ذلك مثل رجل خرج العدو في أثره سراعا حتى إذا أتى على حصن حصين فأحرز نفسه منهم كذلك العبد لا يحرز نفسه من الشيطان إلا بذكر الله "
صدق رسول الله صلي الله عليه وسلم

كلام تقوله بلسانك
ربنا يعملك حاجات كتير
ومين يقف قدامك
وأيه يضايقك

الدنيا أسهل مما تتصور
وربنا أعظم مما تتصور
وأكرم للما تتصور
وأرحم مما تتصور

وعشان كده لازم

"أحسب الناس أن يتركوا أن يقولوا آمنا وهم لا يفتنون"

لازم تتعرض لأمتحان كبير صعب
أنت شوفت قدرة ربنا عامله اذاي
عرفت أنه الحق
آمنت
طب أثبت بقي
الدنيا ديه عشان الأمتحانات ديه بس والله أعلم
مش عشان تبأه فيها مرفه
وسبحان الله بتغلط كتير أوي وبتسقط كتير أوي ربنا بيرحمك ويغفرلك ويثبتك وينجحك في الأمتحان
أهم حاجه تفضل تقول يارب
ربنا الكريم

ولا تمل ولا تيأس من رحمة الله
لأن أنت تعلم ومتأكد كويس أن كل شيئ بأيده هو له الملك
يرفع عنك الضر
يعطيك ما تتمني
أنت بتطلب الحاجه من صاحبها مش من اي حد تاني
دي من أساسيات البساطه وأقصر الطرق
وكل حاجه ربنا هو صاحبها
خالق كل شيئ من لا شيئ
والحمد لله علي رحمته وكرمه وفضله العظيم

سبحانك اللهم وبحمدك أشهد أن لا إله إلا أنت أستغفرك وأتوب أليك

والسلام عليكم ورحمة الله وبركاته

الحمد لله العفو الكبير

الحمد لله رب العالمين

إنا لله وإنا إليه راجعون

لا إله إلا الله وحده لا شريك له
له الملك وله الحمد
يحيي ويميت
وهو علي كل شيئ قدير

الحمد لله

إذاي يكون حالنا في الدنيا قبل الآخرة من دونه سبحانه وتعالي !!!

هنشوف من غير ما نبصر شيئ
وهنسمع من غير ما نعقل شيئ
وهتبأه الدنيا مش مفهومة وتكتر كلمة صدفه
وهي دنيا لا نعقل يديرها الله بحكمته
والله انزل كتب ورسل وله آيات واضحة في كل شيئ
في نفسنا وفي أعمالنا وحياتنا الشخصية والعامة وفي كل شيئ
لو محدش شاف كده فهو مش عايز يشوف
ولو محدش فهم كده يبأه هو اللي مش عايز يفهم
وربنا سبحانه وتعالي لم يقصر معنا في شيئ




"وافعلوا الخير لعلكم تفلحون"
"واذكروا الله كثيرا لعلكم تفلحون"
صدق الله العظيم

والحمد لله رب العالمين