هو ده مش حق

yu_suf كتب:

بسم الله الرحمن الرحيم

بلد التزوير والوساخه حكومة وشعبا
إلا من رحم ربي

قبل أيام توفي أحد الكوادر الهامه في الحزب والحكومه لفترات طويله والرأس المدبر السابق لأنتخابات مجالس الشعب علي مدي فتره من الزمن

ولكن أحد لم يفهم المعني

"قد خلت من قبلكم سنن فسيروا في الأرض فانظروا كيف كان عاقبة المكذبين"
صدق الله العظيم

ومارست الحكومه كل انواع التزوير والبلطجه والغش للفوز في الانتخابات في أسوء أنتخابات شهدتها مصر منذ فتره طويله


فلما الباطل يغلب الحق فهي فتنه
والباطل بيقول أنا باطل بزور وبكدب وبرتشي وببلطج وكل شيئ وسائل الباطل وأدواته كده
لمهاش تحليل تاني

فهي فتنه

"أحسب الناس أن يتركوا أن يقولوا آمننا وهم لا يفتنون"
صدق الله العظيم
"وليمحص الله الذين آمنوا ويمحق الكافرين"
صدق الله العظيم

وسيدنا محمد صلي الله عليه وسلم قال " من رأي منكم منكرا فليغيره ...." صدق رسول الله

ومفيش حاجه أقدر أعملها حاليا غير أني أقول حسبي الله ونعم الوكيل

وتحليل الموقف

اصلا كان واضح من الاول لما الحزب الوطني يعمل مزاد اللي عايز يكون مرشح الحزب لازم يدفع أكتر من أي منافصس ليه
والراجل دفع سبعه مليون جنيه
فالطبيعي أنها هتتزور عشان ينجح

كمان فيه حاجه الأنتخبات ديه تمهيد لأنتخابات الرئاسه
يعني ده كرت أرهاب للناس كلها
في انتخابات الرئاسه مش عايزين نسمع صوت حد
أحنا في فتره أنتقاليه

ونفضل طول عمرنا في الحال اللي أحنا فيه ده
ومفيش جديد

لكن رغم غرور الناس دول اللي ربنا بيقول في أمثالهم

"لايغرنك تقلب الذين كفروا في البلاد ، متاع قليل ثم مأواهم جهنم وبئس المهاد"
صدق الله العظيم

ورغم قوتهم ونفوذهم وكل شيئ إلا أنه ما يمنع ظهور الحق
هو أن ربنا لسه مأردش
"لله الأمر من قبل ومن بعد"
صدق الله العظيم

فهي فتنه وأمتحان للثبات وضلمه وهتعدي والدنيا مش سهله
والحق طريقه صعب عشان هو حق
عشان لما أقول أنا حفرت نفق في الجبل ده فأنا قبل مأقول عملت وتعبت
والباطل طريقه سهل الف وادور وازور الحقيقه واشهد زور وكلام فاضي
بقول أي حاجه وهي مش بتاعتي وانا معرفش أصلا اعملها

وربنا وعد أنه ينصر الحق
بسم الله الرحمن الرحيم
إِنَّا لَنَنصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الأَشْهَادُ
صدق الله العظيم

وأهل الباطل أكيد هينهزموا يقينا في الدنيا والآخره
بسم الله الرحمن الرحيم
"ذَلِكُم بِمَا كُنتُمْ تَفْرَحُونَ فِي الأَرْضِ بِغَيْرِ الْحَقِّ وَبِمَا كُنتُمْ تَمْرَحُونَ
ادْخُلُوا أَبْوَابَ جَهَنَّمَ خَالِدِينَ فِيهَا فَبِئْسَ مَثْوَى الْمُتَكَبِّرِينَ "
صدق الله العظيم


وكما قال رسول الله صلي الله عليه وسلم

"ليغشين أمتي من بعدي فتن كقطع الليل المظلم , يصبح الرجل فيها مؤمنا و يمسي كافرا و يمسي مؤمنا و يصبح كافرا، يبيع أقوام دينهم بعرض من الدنيا قليل"

صدق رسول الله صلي الله عليه وسلم
وربنا يرحمنا جميعا
آمين
وصلي اللهم علي سيدنا محمد النبي الآمي وعلي آله وصحبه وسلم تسليما كثيرا

وسلام عليكم ورحمة الله وبركاته